View Full Version : ناوي اشتري وابغى الرأي
envoy
06-08-2002, 09:44 PM
السلام عليكم
يا جماعة الربع , ناوي اشتري سياترة الحين ومحتار بين التريل بليزر من الشيفروليه
او اللنكولن ال اس
او اللكزس اي اس 300
الفزعة يا جماعة الربع
760IL
07-08-2002, 12:39 AM
اللنكلن مافيه زود واللكزس منتشر وشكلها مب لهناك انصحك بالسيارة العمليه ترايل بليزر سياره قويه والطلب عليه بالهبل لدرجة انهم ماقدرو يلبونها من زود الطلب ....
ألأعرابي
07-08-2002, 01:11 AM
شوف اذا أنت ناعم مع السيارات روح حق اللينكولن
لكن اذا خشن أمش مع اللكسز و أنسى التريل بلايزر لأنه مافي منه فائده بيتكسر عليك
مافيه الا مكينته نفس الكابريس س س
مجنون بورش
07-08-2002, 01:16 AM
انا اقلك التريل بليزر وبس
وانا كنت اول ابغا اشتريه بس مالقيت منه
اتوكل على الله
أخذ التريل بليزر وانت مغمض واسأل مجرب
السائق المثالي
07-08-2002, 07:20 PM
خذ اللكزس ولا يردك أحد ،،
ترى اللكزس تتميز عنهم جميعا ،، برخص قطع غيااااااااااااااااااااااااااااارها
Martin
07-08-2002, 08:31 PM
التريل بليزر وبس
noor-alsabah
07-08-2002, 10:37 PM
السلام عليكم
ليش ما تاخذ الإنفوي على اسمك ، انا عندي وحدة ، و تراها قوية (ما شاء الله عليها ) ، ولكن مادري فيها عيب ما ادري اذا هو فيها و لا في الانفوي عامة عزمها يقل و تطلع صوت عالي كانه هوا من الماكينة لما تشغل المكيف (تراه عالي مو مثل ما انت متصور شي طبيعي )، المهم الظاهر انه في سارتي هذا العيب ، عموما طلعتك من الموضوع ، باختصار سيارة قوية و تتحمل و ممتازة ، و اذا عندك اي سؤال عنها اخوك جاهز
و شكرا،،،
أنا أشوف انه التريل بليزر حلوة ولكن انفوي تعتبر أفخم منها :)
Chevy 454
08-08-2002, 10:16 AM
انصحك بالتريل بليزر
روح الوصلة هذي
http://www.gmarabia.com/arabic/chevrolet_trucks/trailblazer/compare/index.asp
تقدر تقارنة بالسيارات اللي من نفس فئتة
ونصيحة التريل بليزر
تراة قوي وفخم واقتصادي وشكل حلو
envoy
08-08-2002, 10:51 AM
مشكوريييييييييييييين وما قصرتوا يا جماعة الربع
واضح ان في اغلبية على التريل بليزر
وهو والاينفوي واحد بس بعض التجهيزات الفخمة
وليه انا قلت اللكزس .... لانه لكزس ولانه سيارة من جد مرفهة في سياقتها بس مشكلتي اني احب الراحة والوسع
والنكولن ال اس مرة عاجبتني لانها لانها مصنعة كمنافس اوروبي من لنكولن وفخمة ورياضية والجير حقها فتنة
اما اللي رحت وكالته وجربته اللي هو الاينفوي ومن يومها خرب على كل السيارات اللي اعرفها
يا اخوان السيارة جامدة ومن تحت اصبعك الكبير على البنزين يفز وينقز, ومن ناحية الراحة فهو ما اشء الله زي الكنب على الطريق ووسيع وارتفاعه مضبوط ومقيوس بالمللي , والرؤية منه ممتازة مقارنة بالفوريل
والدخول والطلوع منه سهل حتى للعائلة
يعني باختصار سيارة مثالية شبابية وقوية و 4 × 4 ووسيعة ومريحة
بس
المشكلة ان الجي ام بشكل عام فقد الكثير من مصداقيته
من ناحية المتانة اللي ما كان احد ينافسه فيها
انظمة التعليق اللي مسوية طوابير على صيانة الورش
مسائل السلامة البدائية اللي حتى فورد بابسط التجهيزات تفوقت عليها
الباستيك الخفيف اللي صار يغطي كل شي من داخل
بس
بس ما زال الايفوي ممتاز بعد كل هذا
أخوي
تذكر إخوانك في فلسطين وقاطع المنتجات الأمريكية
لو تشتري دايو ماتيز أشرف من إنك تدفع فلوسك لمصنع أمريكي يدعم إسرائيل ويكره العرب