أدخل وشووف سبب عشقي للماركه الرائعه

[Ferrari^_^love]

ياجماعه منو فيكم مايحب الفيراري او على الاقل يحب موديل من موديلاتها .. أعرف شباب يكرهون الفيراري بس عندهم موديلات محببه لهم .. بس الصراحه هالسياره مع احترامي للكل .. أجمل واروع وأحلى سياره رياضيه .. وسعرها مع انه غالي بس يستاهل لو تدقق على التكنولوجيا والدقه اللي تحتويها كل سياره فيراري .. وخصوصا المحرك .. فالمحرك تحفه فنيه رائعه .. على سبيل المثال .. محرك المودينا من 3.6 لتر 8 سلندر من 400 حصان .. مع العلم انه أقرب منافسيها اللي اهما ال Z8 احتاجت على 5 لترات عشان أتكون مكينتها 400 .. والتيربو من بورش مع انها 3.6 لتر .. احتاجت الى شاحنين تيربو حتى توصل الى 420 حصان .. وعندك مثلاً اللي الصراحه انعجبت لمن عرفته انه أول سياره فيراري تصل الى سرعه 200 ميل بالساعه .. وهي ال F40 .. محركها من 2.9 لتر مع شاحنين قوه 478 حصان .. وعندك تقنيه علبه تروس ال F1 .. واذا جيت من ناحيه التصميم أتشوووف بنينفارينا وابداعاته .. وآخر ابداع هو فيراري انزو .. اللي راح أحط لكم صور جديده له .. وان شاء الله تعجبكم .. اعذروني ياجماعه على الإطاله .. بس حبيت أشرح لكم شنو معنى كلمه فيراري .. ولييش خبراء السيارات أيقولون انه فيراري أحسن مصنع يصنع سيارات رياضيه في العالم .. مع احترامي لكل السيارات السبورت الثانيه مع اني متحيز ومحب لسياره أخرى وهي الدودج فايبر .. ماأطول عليكم هذي الصور:

صوره لفيراري انزو وهو يستعرض ( يفحط ) :
http://mypage.ayna.com/viper_king/Enzo_dounts.jpg

صوره لفيراري انزو وهو في تجربه بالحلبه:
http://mypage.ayna.com/viper_king/enzo27.jpg

نفس الصوره ولكن من الخلف:
http://mypage.ayna.com/viper_king/enzo28.jpg

أجمل صوره شفتها للفيراري .. حتي أني سميت الصوره ( أساطير فيراري ) .. شوفوا أقوى سيارات فيراري من ال 288 GTO الى ال F40 الى F50 الى الانزو التحفه الرائعه :
http://mypage.ayna.com/viper_king/Ferrari_legends.jpg

آسف على الاطاله شباب مره ثانيه .. وتقبلوا تحياتي اخوك Ferrari^_^love


ملاحظه: اذا الصوره ماتطلع على طول .. مجرد Right Click على الصوره بعدين الى Properties وأنسخ عنوان الصوره ولصقه في ال Address

[MAXIMA 020]

بصراحه سياره اثبتت نفسها بس الصور مدري ليش ما طلعت عندي:D :D :D :D :D :D :D




وممكن اعرف السياره من 0_100 كلم خلال كم ثانيه

وشكرا

[Ferrari^_^love]

طبق اللي قلته في آخر الموضوع وان شاء الله راح تطلع الصور عندك


واذا تبي العنوان مال الصور تفضل :
http://mypage.ayna.com/viper_king

تحياتي

[MAXIMA 020]

طيب يا اخ فيراري ممكن تعلمني كيف اطلع الصور الي عندي في الجهاز على المنتدى:confused:

[760IL]

ماني عارف اقولك راي على الصور الخطييييييييرة هذي خصوصا اني اول مره اشوفها بلون اصفر........وفعلا الفراري لامنافس له وعيبه
$$$$$$$$$$$$$$$$$$$$$$$$$$$$$$$$$*2
ارخص سياره ب580000 ريال

[760IL]

محركها من 2.9 لتر مع
مع احترامي .... انت متاكد انه 2.9 بسسسسسسسسسسسسس

[Ferrari^_^love]

مشكور اخوي على الرد ... وبالنسبه لسعه محرك ال F40 .. أي نعم اخوي متأكد . ومكتوب في كل سايت تقرى فيه مواصفات ال F40 .. سواء مكتوب بالسي سي اللي رقمه 2936 .. او باللتر 2.9

وانا ناطر المزيد من الردود من الشباب :):)

[الجود2003]

والله السيارة رووووووعه بس اللمبرغيني تعجبني اكثر منها :o :o