أسباب وقف انتاج الكمارو والفايربيرد والإستعانة بالمونارو

[E55]

كاتب الموضوع هو إبراهيم عبدالله مدير تحرير مجلة أوتوتريدر بعنوان (أستراليا تبعث الحلم الأمريكي)

والموضوع طوييييييل جداً وأنا أكره المواضيع الطويلة لهالسبب بحاول أختصره لكم وأكتبه بطريقة حوارية عشان ما يكون الموضوع ممل :)

=======================================


- هل تعلم أن المصانع الأمريكية "تخسر" في كل سيارة ركاب تبيعها ؟

- لا ، لكن ليش ؟؟ :)

- لأن المصانع الأمريكية تجد في صعوبة في مجاراة المصانع اليابانية والأوروبية من حيث كفاءة الإنتاج والهندسة.

- طيب ، وليش الإستمرار في الخسارة ؟

- الإستمرار في البيع بخسارة هو أمر ضروري لتظل المصانع الأمريكية حاضرة في كل فئات السيارات ، فالمصانع الأمريكية تعوض خسائرها في قطاع السيارات من خلال أرباحها الكبيرة في قطاع الشاحنات وسيارات الميني فان والـ SUV .

- ومعقولة إن المصانع الأمريكية بتستسلم للواقع هذا ؟

- لأ، GM كانت بحاجة لتطوير أجيال جديدة من الكمارو والفايربيرد والبونتياك جران بري ومثل هالمشروع بيكلفها مئاااات الملايين ، لهالسبب اقترح عليهم (روبرت لتز) إلغاء مشروع تطوير الأجيال السابقة ومحاولة الحصول على سيارة جاهزة

- شو هي هذي السيارة الجاهزة ؟

- بعد البحث وجد أن مصنع هولدن الإسترالي عنده عدة طرازات ممكن تغطي وتوفر عليهم صرف مئات الملايين .



وللحديث بقية عشان لا تملون وأمل أنا

[NFS]

يعني جنرال موتورز كانت تخسر من أنتاج الكمارو والفايربيرد "F-body"

أوكي ، الأستعاضة بسيارة منارو هل هذا بيحل مشكلة "صعوبة في مجاراة المصانع اليابانية والأوروبية من حيث كفاءة الإنتاج والهندسة"؟؟


أنا أعتقد أن التكنولوجيا المعتمدة في المصانع الأسترالية مشابهة لحد كبير لما هو موجود في المصانع الأمريكية فلذلك أنا توقع أن لا شيء جديد سيحدث.....



زين في أحد عنده أرقام مبيعات الـF-body للسنوات الأخيرة؟؟

[Mr.Zr-1]

والله خبر محزن بصراحه اخوي E55 وانا مانا مصدق هذا الكلام معقوله يوقفون ثاني اشهر سياره في جنرال موتورز من بعد الكورفيت علشان الخسائر ولا بعدين يروحون الى استراليا ويأخدون منها سيارات هي مصنعه من عندهم تكفي بغرض تغطيت الديون او الخسائر :( :confused: :( :confused: :( :confused: بصراحه مشكله وانا في اعتقادي الشخصي انهم في طريق توصل الى حل جدري ومناسب وانشاء الله واتمنى انهم مايوقفون انتاج الكومارو لان العداء :mad: :mad: راح يشمتون فينا :( :( :( :( :( وفي النهايه تقبلوا تحياتي لكم اخوكم Mr.Zr-1

[Ferrari^_^love]

في أمريكا .. وعندنا بالكويت :):) .. ياأخي الكمارو والترانز أكثر سيارات جنرال موترز مبيعاً الصراحه .. حتى انه مره قريت استفتاء انه الشعب الامريكي يفضل هالسيارتين على الكورفيت .. لأنه حسب قولهم انه تكفي 4 ركاب .. وفيه مساحه بالخلف .. وانه فرق 25 حصان لصالح الكورفيت ( طبعاً لأنه طراز ال SS من الكمارو وال Ram Air من الترانز قوتهم 325 حصان) .. ماراح يفرق ... مجرد تلغيم خفيف وراح تقدر على الكورفيت

[E55]

NFS
الموضوع له تكملة :)
لكنه طويل وبحاجة لإختصار :(

Mr.ZR1 و عاشق الفيراري :)
لو نقارن مبيعات الكمارو والترانز مع مبيعات الكابريس الأمريكية (اللي تم إيقافها سنة 96)
تعتقد أي سيارة كانت تحقق مبيعات أكبر ؟؟
أعتقد إنك توافقني الرأي بأنها الكابريس طبعاً .... ومع هذا تم إيقاف إنتاجها

[lumina]

كلامكم يا جماعة الخير والله يحير....:(

هل سوف
يتم إيقاف الكمارو والترانز ..افااااااااااااا


والله الترانز والكمارو احلى سيارت GM .....

و الله اشوف الكمارو SS عجب بس خلاص على كلامكم بيوقفونه:( :( :(

[M5]

E55

تعجبني المواضيع اللي فيها نقاش ...... و " حـشّ " في الأمريكان ;)

موضوع رداءة الصناعه الأمريكيه في السيارات ما فيه خلاف أبد ..
وسبب نجاحها عندنا لأن أهل الخليج ..

1- ماعليهم من استهلاك البنزين ( رخيص نسبياً )
2- عدد أفراد العائله كبير .. لذلك يحبوا السياره الكبيره
3- أمتعة السفر كثيره ومبالغ فيها .. لذلك يحبوا السياره الكبيره
4- مفهوم قديم و ( مـتـخـلــف ) .. ان السياره كل ما كبرت كل ما صارت " كـشـخــه " .. لذلك يحبوا السياره الكبيره :)

طبعاً الكلام هذا ( اللي هو سبب نجاح السيارات الأمريكيه ) قديم ومن زمان .. يعني قبل لا يكون فيه سيارات فان متوسطه أو SUV ..

بلاش نخرج عن صلب الموضوع ..

مع ازدياد الأزمه الاقتصاديه في العالم .. وازدياد أعداد السكان .. وازدياد الازدحام في المدن .. وازدياد مصاريف المعيشه .. بدأ الأمريكان مؤخراً الاستيقاظ لمسألة السياره الاقتصادية والصغيره والسهلة الاستخدام ..

فكان هذا أحد أسباب ايقاف انتاج سيارة " كابريس " الضخمه ذات الاستهلاك الشره في الوقود .. وصعوبة الاستخدام في الزحام :)

نفس الشيء بالنسبة لقطاع السيارات الرياضيه .. أمريكا عشان تطلع سياره رياضيه وسريعه .. تحط محرك ضخم وكبير ومزعج واستهلاكي !!!
تريد تصنع سياره رياضيه ثابته .. تحط تعليق بدائي جداً وقاسي جداً !!!
بدون أي تكنلوجيا أو تقنيات أو ابتكارات جديده !!!

من هنا ومع استمرارية وعي الناس للصناعه والهندسه الجيده .. تبدأ الخساره في المبيعات ..

طيب وش يسووا الأمريكان المساكين ؟؟ :confused:

لأنهم ما يحبوا يتعبوا في التفكير والابتكار .. يبحثوا عن شركات جاهزه ( ملكهم ) ويا كثر ماتملك أمريكا ;)

عشان كذا شفنا " كابريس " جديده كلياً ===> ( جاهزه كلياً ) ;)
ولومينا خاصة بأهل الخليج فقط <===== والنعم والله :)
وراح نشوف ماليبو بتصميم جديد ( جديد = جاهز :p )
وكاديلاك باحجام متوسطه و ( جاهزه ) :rolleyes:




موضوعك رائع أخوي E55
وللحديث بقية ،،

سلام :)

[Ferrari^_^love]

جديده او جاهزه على قولتك يا M5 طالعه من مصانع هولدن الاستراليه .. ويمكن بالمستقبل كورفيت بعد من صنع هولدن :):)

[كلينت ايستوود]

كلام 100%
:cool: :cool:


وانشاءلله اخصص موضوع كامل للحش في (الأولدزموبيل):D بالذات

ههههههههه



وش رايكم:D

[E55]

تكملة الموضوع

http://www.swalif.net/sforum1/showthread.php?threadid=141789