View Full Version : وين تروحون وين تجون وش أحب الأماكن لكم؟؟؟؟؟
السلام عليكم ورحمة الله وبركاته
طبعا ترددت في الموضوع أكتبه ولا ما أكتبه ؟؟!!!!!!:confused:
وبعدين قلت خلني أشوف أكيد كثيرين بيستغربون :D
واللبيب بالإشارة يفهم:cool:
الموضوع هو إني من الناس الي يحب التمشيه وودي أعرف وين تتمشون أنتم ؟
وش الأماكن الي تقضون فيها أوقاتكم وتمشياتكم؟
عن نفسي :
أنا في الرياض أحب أتقهوي كل يوم في شارع التحليه .
شارع جميل ونظيف وهو الأشهر لدينا في الرياض
أيضا إذا رحت لجده أحب شارع التحليه (نفس الإسم ) وأحب أتمشي علي البحر في الحمراء
في الشرقيه (الخبر) أزين شي
مدينه صغيره وحلوه وكورنيشها جميل
أهم ما الموضوع القهوه فأنا شريب قهوه (مدمن يعني)
وأفضل( joffreys) أو starbucks
هاه قلولي أنتم تقضون أوقاتكم شلون .
الموضوع يمكن غريب شوي . بس لأني أقضي وقت كبير خارج المنزل .
حبيت أعرف هل هناك أحد يحب (الدشره كثري)
ولكم تحياتي
عبدالعزيز
أمير أبوظبي
28-03-2002, 11:56 AM
هلا .......
بصراحه ......انا عن نفسي ..ماعندي مكان لتمشيه ...
مكان التمشيه الوحيد عندي يوم يكون عندي شغل اقضيه..وخليه شغل بالمره .....يعني أضرب عصفورين بحجر
....بس اني اروح أتمشى بدون هدف...... بس لمجرد التمشيه ..... الصراحه ماجربت :) :) :)
صفق الهوى
28-03-2002, 03:15 PM
تبي الصراحه ... انا مثلك ..
افضل كوفي لي في المنطقه الشرقيه هو ستاربوكسstarbucks
واحسن فرع اللي في مجمع الراشد وانا بالعربي مجنون الراشد ..
ولا فيه يوم اروح للراشد الا امر starbucks اخذ كوفي او اي حاجه اشربها
وترا فيه ناس كثير مثلنا انا وانت بس مايعلمون
ومن احسن الاماكن اللي اروح لها الاسواق مع انها ابغض الاماكن لله ولكن ..............؟
الله يهديني ويستر علي :D :D :D :D :D
وشكرا انك سمحت لنا بالتعبير عن الشعور :p
شكرا جزيلا علي المشاركه
بس صدقني أخوي المسأله هي وساعة صدر (يعني هناك هدف)
طبعا بما يرضي الله .
تحياتي
عبدالعزيز
السلام عليكم ورحمة الله
أشكرك علي المشاركه
أثرنا في الهوي كوفي
ههههههه
:D :D :D
بس أخوي الراشد أنا ما أروحه إلا وقت الظهر عشان ما يكون زحمه
لأنه بصراحه في الليل مصخره .....
الله يعطيك العافيه وتشرفنا بك
تسلم والله أخوي علي الرد
وجعل أيامك كلها سعيده بطاعة الله
تحياتي
:p ;) :D
عبدالعزيز
عاشقة
30-03-2002, 10:59 AM
صباح التمشيات .. :D
شكلك داشر .. ونمبر ون في الدشرة كمان .. :D
أنا عن نفسي .. أتمشى بس في جدة .. جدة غير .. ماعمري لارحت الرياض ولا الخبر .. ولا أي منطقى بالمملكة .. طبعا غير مكة والمدينة .. :D :D
بس أكيد أموت بالأسواق .. وستار بكس بالتحلية هو نمبر ون .. :D
تحيااااااتي..
شعنونة سوالف
30-03-2002, 11:01 AM
انا عن نفسي كل يوم اقطع كندا من الشرق للغرب..وبعدين ارتح شوي وارجع اقطعها من الغرب للشرق
تحياتي :) :)
سموحة
30-03-2002, 11:32 AM
صباح الرياضة والرياضيين :)
انا عن نفسي لما اوصل ابني النادي بين يوم وترك
اكون فاضية ساعة ونصف فاروح اتمشي مشي رياضة على شارع المطار
القصد مب الرياضة :cool: بل تمضية الوقت ;)
أمير أبوظبي
30-03-2002, 11:48 AM
ZAZA
:):) :) :)
كلامك صحيح .....هيه السالفه كلها ساعه ....
بس أذا رحت وزرت وعملت الاشياء الحلوه ملايين المرات .....صدقني انك بتنسى شي أسمه تمشى ;) ;) ;)
السلام عليكم
عاشقه:mad: :mad: :mad: :mad:
داشر هاه طيييييب :)
صدقتي والله أما أنا داشر صدق ولا أحب أقعد بالبيت:D
والوالده الله يحفظها كل يوم تقولي أنت ما تقر بهالبيت :rolleyes:
وش أسوي أحب الطلعه خصوصا هالأيام وحنا نودع الشتاء .
:( يا حسافه الصيف والقرف جاي
علي فكره أنا شفت star bucks التحليه بجده رووووعه
بس الظاهر ما في فرع ثاني له بجده ليه؟؟؟؟
تحياتي :D
تقطعين كندا هاه
والله لو إنك F 15 عاد
أقول أقضبي أرضك بس :D
شكرا لكي
:p :p ;)
no one
31-03-2002, 05:48 AM
ياويلك طلعت داشر ههههههه:D :D خسارة كلكم تحبوا الطلعة عاد انا لو طلعت من كهفي كل ميه سنة يبقى يوم عيد في بيتنا ههههه:D ولو فكرت وعملتها احب اروح البحر اموووووت في شئ اسمه بحر والعشا لازم في الثمرات عندهم فوووووول انما ايه عجب انصحكم فيه:D :D
PT Cruiser
31-03-2002, 03:13 PM
هلا ZAZA
شخبارك عساك بخير
---
اليوم الي ما اطلع فيه وما ادور بشارع التحليه بالرياض احس اني انقتلت بصراحه
تحصلني دايم في توتي كافي ( احسن شي عندهم - موكاجاوا )
او بـ د.كيف الي بشارع الثلاثين
-----
:p :p
غير كذا تحصلني ادوج بالاسواق
الله يستر علينا :D
السلام عليكم ورحمة الله
ماشاء الله تبارك الله عندك ولد ؟؟ :p
الله يحفظه لكي ويجعله بار في والديه . ويجعله قرة عين لكما .
وتري أختي التمشيه علي القدمين مفيده جدا .
مهوب صحيا بس . حتي نفسيا :D وأنا مجرب لي ضاق صدري أتمشي نص ساعة أحيانا وسبحان الله علي طول ينشرح الخاطر:cool:
وشكرا جزيلا أختي سموحة ومساءك أحلي من الشهد
:p :p :p
عبدالعزيز
أهلين أخوي
شكرا علي ردك علي الرد الي رديت فيه علي ردك الي رديته لي يوم شفته قلت أرد علي ردك الله يجعلك سالم (:D )
شكلي بهبلبك :cool:
تسلم أخوي والله يعطيك العافيه
:p ;) :D
عبدالعزيز
وعندك واحد فوووووول وصلحه . أحلي فوووووول لأحلي ناس في أحلي منتدي .
يابتاع الفول إنته .
ما كانت الكمونيه أطعم يا زوله .:D
شنو أفطرتا النهار ده . :p
كدا كدا يالتيريلا . هههههههه:D :D
تسلمي والله أختي . بس ما عرفت الثمرات هذا !!!:rolleyes:
أنا أحب القرموشي :cool:
تحياتي لكي
:rolleyes: :cool: :D
om-maryoom
31-03-2002, 09:56 PM
الصراحة كان ودي اقول لك اماكن احب اروح لها
لكن احنا وين وانت وين اخوي الله يسامحك
اخواننا يتعذبون في فلسطين وعيالهم يبون حليب مو قادرين يحصلون عليه ورئيسهم محاصر والدنيا فوق حدر
يعني لو هذه الفلوس التي تصرفها على ستار بكس تتبرع فيها لهم كان ابرك
السموحة على الدم الثقيل لكن الواقع مؤلم جدا
ينسي الواحد حتى نفسه في هذه اللحظات
هو احنا نلاقي وقت نطلع فيه؟؟؟؟؟
من محاضرة....إلى لاب....إلى مذاكرة...إلى مكتبة...إلى تتوريال...
شفتوا كيف تمشيتي توسع الصدر؟؟؟:(
لووووووووول...:D
صراحة...اذا كان عندي وقت....
و كنت طفشانة...
أروح د.كيف....
و بسسسس...