View Full Version : مجددا تجربة جديدة من بعد فترة طويلة
زورو الامارات
26-02-2002, 12:38 AM
السلام عليكم ورحمة الله وبركاتة
الى كل الاحباء في المنتدى
تجربة جديدة انتاج اليوم :) :)
زورو الامارات وجراند في 8 يجربان سيارة جديدة
على هذا الرابط
والى المشتركين الجديد تنبية يوجد صور بالداخل
http://www.angelfire.com/dc/zorro/02/2002_crv.htm
تحياتنا للجميع
كابريس
26-02-2002, 01:35 AM
ماشاء الله عليكم دائما متميزين بس ليش منحازين للهوندا;)
ليش مانشوف تجارب لتويوتا مثلا :)
مشكووووورين وماقصرتوا :)
corvette 40th
26-02-2002, 08:47 AM
ما شاء الله
مثل ما عودتونا
تجربه مفصله و دقيقه
عندي سؤال لكم يا زورو الامارات وجراند في 8
هل تسمحولي اني اضيف وصلات صفحات تجاربكم الى موقعي
و لكم جزيل الشكر
كلينت ايستوود
26-02-2002, 12:43 PM
والله ما اقدر اقول إلا شكرا
للأخ زورو الإمارات وجراند في 8
على المجهود الجبار اللي قاموا به
وزي ماعودونا على تجربه احدث السيارات
تجربه كامله بالتفصيل الممل
بل (المميت)
مشكوووووورين مره ثانيه
بس ........انا اشوف انكم منحازين على الهوندا
صحيح انها سياره تستحق التجربه
لكن لو كانت التجارب منوعه
مره سياره هوندا ومره سياره نيسان ومره تويوتا
ومره (ميـــــتـســوبــيـشي) !!!!؟؟
يكون احسن ....... ومشكورين مره ثانيه
التوقيع: دع ولعــــــك يقــــــــودك
http://images.automotive.com/review_images/01galant.jpg
http://images.automotive.com/review_images/01galant-2.jpg
http://images.automotive.com/review_images/01galant-3.jpg
http://www.mitsubishimotors.com/imagesNewHome/wakeUp.gif
جرب طــــــــــريق ميتـسوبـيـشي
زورو الامارات
26-02-2002, 11:23 PM
السلام عليكم
مافي سر للانحياز للهوندا بس وكالة الهوندا عندها من كل موديل سيارة للتجارب وتوفرها لنا بسهولة
عكس نيسان الي ماعندهم سيكل للتجربة على شان كذا احنا ماجربنا المكسيما وهي سيارة بالتأكيد تستاهل التجربة مب على شان انزلها في المنتدى بس لا لاني بشوف قدراتها وتأديتها الي الكل يمدحها وبشوف وين السر في خفتها
والتويوتا جربنا من عندهم العام الكورولا والراف وحاليا نحن بنتظار الكامري الجديدة
اللاندكروزر ماطاعوا يعطونا نجربة وكذلك اللكزس قامو يلفون ويدورون ويتحججون بأن الوفد الياباني جاي ويمكن..... يبون السيارة
عاد افهمها ياشاطر :(
ومرة كنا على وشك تجربة ال أس 2000 - هوندا الي صار ان واحد انجليزي جربها واشتراها حتى اتذكر جراند مات من القهر قال لازم يشتريها على طووووووول خلنا نجربها وبعدين يشتريها على كيفه:):):)
ومرة رحنا للبي ام دبليو ما عبرونا ولا حتى قام لنا واحد يسألنا ويقول شسالفه
ومرسيدس فالحين في الكلام بس يوم شافونا مابنشتري ونبي تجربة وداشين عليهم بدون غترة وعقال قالوا اكيد هذيل يايين يلعبون وماعطونا اي سيارة
وشيفرولية لما جربنا منهم التاهو جابوا لنا واحد جديد ماشي 45 كيلو بذمتكم شو بسوي فيه ماينفع تخاف الموتر يتعور ويبلشونا بعدين
والكابرس نفس الشي واللومينا ماعندهم شي للتجربة
الكرايزلر والجيب وفروا لنا الشيروكي والرنجلر والسيبرينغ
يعني بصراحه ساعات نستحمل سخافات بعض الوكالات بس كله يهون في سبيل الشباب والمنتدى
الاخ corvette 40th لك الحق في عمل وصلات من صفحتك الى صفحتنا وياحبذا لو ذكرت اسامينا في الوصلة :) :) ونشكرك على هذة الخدمة لنا :):)
كابريس
27-02-2002, 12:53 AM
مشكورين على التجربة مجددا
لكن أحب أسأل جربتو لاندكروزر برادو؟؟
وايش تفضلو الهوندا هادي ولا البرادو؟:D
وكيف عزل الهواء والصوت وضجيج الإطارات؟:)
مشكروين يا أخ زورو الامارات على كل جهد تبذلوه في سبيل ان تعم الفئده أرجاء المنتدى :)
طيب عندي سؤال عن السياره ..
الحقيقه انا جربتها عند الوكيل ، لكن التجربه كانت داخل المدينه .. يعني ما جربتها في الرمال ..
فالسؤال هو كيف امكانيات السياره في الرمال وتسلق المرتفعات الرمليه ... لا سيما وان عزمها على دورات منخفضه نوعاً ما ؟؟
ومشكورين :)
ويا ريت لو تجربوا أي سياره من تويوتا حتى لو ايكو .. عشان كابريس لا يزعل :D
كابريس
27-02-2002, 01:18 AM
الشغلة ماهي شغلة زعل ولا حاجة :)
بس كنت اتمنى لو عملو تجربة لأكورد وكامري 4 سليندر وكلهم جير اوتو وعملوها مقارنة
وانت كنت متأكد إنه الهوندا ستتفوق في عدة نواحي اكثر مماتتفوق به الكامري :)
أنا بصراحة بعد الكامري
اعتقد من المستحيل اني اشتري سيارة دفع أمامي أو بالأصح سحب أمامي مرة ثانية :(
والله يخلي الكابريس ههههههههههههه:D
L.O CUSTOMS
27-02-2002, 02:12 AM
مشكورين يا شباب وما قصرتوا صراحه تجربه رائعه والصور اروع
:D :D ;) :)
العرين
27-02-2002, 02:45 AM
الله يعطيكم العافية
اما عن السيارة فحلوة
ومشكورين
cruiser2000
27-02-2002, 08:53 AM
Thank you Very Much
zoro UAE & grand v8
Friend
cruiser2000
grandv8
27-02-2002, 10:30 PM
السلام عليكم جميعا
يااخ كابريس
هوندا بالنسبه عازلية الهواء قليل تسمع صوت الهواء،بس صوت الاطارات
الي ينسمع بس، ام مقارنته مع برادو فرق وايد من حيث قوة المكينه واتساع المقصورة والعزم.
نحن ماجربنا برادو بس عند اخوي عنده برادو ،سيارة قويه واقتصاديه.
يااخ M5
سيارة خفيفة في الرمل مايحتاج عزم وايد،بادئ الامر دخلنا السيارة من دون تنسيم في الرمل، خفنا بتغرز نسمنا الاطار،اصبحت خفيفه،بس شي عيب واحد السيارة نازلة شويه تحت،الاكسل الخلفي يعلق في الرمل عند الصعدات.
نحن هالمرة قلنا خل نوع من السيارات، عندنا تجارب سيارات خلنا نحط هوندا سي ار في اول شي ونجوف شو ردود الشباب.
هناك تجارب وايده ان شاء الله لاتخافون بس هوندا ، شي سيارات غيرها
شكرا لكم شباب على الردود.:D
hisham
28-02-2002, 03:28 AM
زورو الامارات
grandv8
يعطيكم العافية
:) :) :) :) :)
من زمان ما قرينا مواضيع زي كذا:) :) :)
عندي كم ملاحظة :
(*)- ذكرتوا أن السيارة من فئة التويوتا برادو ، وأنا أرى أنها أقل من هذي الفئة ، يعني هي من فئة RAV 4 والفريلاندر.
(*)- في رأيكم أيش أفضل VTEC أو i-VTEC ؟؟؟
(*)- لو قارنتو الـCRV بتجربتكم لتويوتا RAV 4 ، ما هي الأشياء اللي تتفوق فيه كل سيارة ؟؟؟؟
(*)- على حد علمي فأن وكيل الهوندا في الإمارات "أو على الأقل في دبي" هو نفسه وكيل الفولفو ، لماذا لا نرى تجارب للفولفو؟؟؟
وشكراً على موضوعكم الجميل.
فتى الظهران
01-03-2002, 02:52 AM
والله تجربة جميلة يعطيكم الف الف الف عافية :)
زورو الامارات
01-03-2002, 03:37 AM
السلام عليكم
ماتقصرون ومشكورين كثير على المشاركة وابداء الرأي
شكرا شكرا كثير يا شباب يكفينا والله بس دخولكم للصفحة
""واسعة وتنافس سيارات من فئات اكبر مثل نيسان باثفايندر تويوتا برادو ""
الاخ NFS كان قصدي ان حجمها من الداخل ينافس سيارات في فئة اكبر مثل البرادو والباثفايندر فقط من ناحية الحجم الداخلي ==مقصورة الركاب==
والله شوف يا NFS الفرق بين المحركين قليل بس حسينا ان العزم اكبر وهدوء المحرك اكثر لكن اذا تبي الصراحه المحركين مايليقون على السيارة
لانها بحاجة الى محرك اكبر متوفر من هوندا سعة 2400 سي سي وقوة 170 حصان هني بتحس انها سيارة قوية خصوصا لما تكون السيارة محملة بالركاب ونازل فيها على الرمل.
بس مثل ما قال لنا منفذ المبيعات في هوندا ان هالمحرك 2400 ماراح ينزل لانهم بينزلون سيارة من هوندا "فورويل" اكبر محركها 3500 سي سي وحجمها كبير
من ناحية المقارنة مع الراف يا NFS الراف تتفوق من ناحية الحركه في الرمل لاتنسى خبرة تويوتا في الرمال مو شوية هوندا توها جديدة على هذي الفئة
لكن تتفوق الهوندا بالحجم الداخلي وشكل الطابلون والتفاصيل الداخلية احلى بكثير من الراف
والله صعب انك تقول هذي احسن او هذيك لما تقارنها بالراف بس تويوتا من ناحية قطع الغيار احسن من هوندا وارخص ومتوفره
وكيل هوندا هو نفسه وكيل تويوتا وفولفو وجيب ودوج وكرايزلر
بس تصدق ماجت على بالنا نجرب الفولفو مادري احنا نجرب الشي الي يحبونه الشباب اكثر يعني الفولفو سيارة ممتازة بس الشباب في المنتدى يتمنون نجرب الماكسيما واللومينا والكروزر
احب اشكر كل واحد شكرنا في المنتدى ودعواتكم لنا بالتوفيق ياشباب
تحياتنا للجميع
طيب أجل يا ليت لو تقدروا تجربوا جيب شيروكي الجديد ( ليبرتي ) ... طالما انه نفس الوكيل ..
وبدون أمر عليكم :)
Fares SS
01-03-2002, 04:09 AM
مشكوووووووووووووورين على التجربة ...
وعساكم على القـــــــــــــوة .. :) :)
grandv8
01-03-2002, 04:27 PM
السلام عليكم
حياكم الله جميعا
يااخNFS
المحركات الجديده للسيارة هوندا I VTEC خاصة هوندا استريم وسي ار في ،وهي نوع من انواع المحركات الذكيه للهوندا.
يااخ M5
نحن سوينا تجربة جيب شيروكي الجديده 2002 ونزلنا في المنتدى.
الوصله للشيروكي
http://www.angelfire.com/dc/grandv8/jeep.html
شكرا ااخ فارس على الرد.
:D ;) :p
مشكورين ما قصرتوا والى الامام :)
كابريس
01-03-2002, 10:59 PM
وكيل هوندا هو نفسه وكيل تويوتا وفولفو وجيب ودوج وكرايزلر !!
طيب ليش ماتجربو تويوتا؟
grandv8
02-03-2002, 10:40 PM
السلام عليكم
يااخ كابريس
الفطيم للسيارت هو وكيل تويوتا ولكزس وهوندا وجيب ودوج وكلزايزر
وفولفو.
المشاريع التجارية وكيل هوندا وجيب وكلزايزر ودوج وفولفو.
ام الفطيم للسيارات هو وكيل تويوتا ولكزس بس.
المشاريع التجارية موفرة كل السيارات للتجربة،عكس الفطيم للسيارت
ماوفرت الا السيارات الحديثة النازلة موديل السنة(مثل راف الشكل الجديد، لكزس ES300 ، RX300 ) .
مرة سرنا نبغي نجرب كامري قالو ماعدنا وكروزر قالو بعد ماعدنا.
سرنا نجرب لكزس LS 420 بعد خذنا موعد بس مندوب المبعيات جنا مايبغي يعطينا السيارة نجربها يالس يذلنا على السيارة. قلنا خلي على الله.
بس اخوي انا ان شاء الله اذا قدرت ان شاء الله مابقصر عليكم.
:D ;) :p :cool: