View Full Version : وأخيرا تقابلوا شباب سوالف
Dentist
08-02-2002, 05:24 AM
بسم الله الرحمن الرحيم
انه لمن دواعي سروري أن أعلن لحضراتكم وعلى الهواء مباشرة <<<<(طالعه مباراة ) أنه وفي يوم الخميس الموافق (والله الوهقه) وفي العاصمة الرياض ،، تم وعلى بركة الله اجتماع شلة سوالف الرياض وذلك في مواقف معرض ساماكو الممتد على شارع الضباب الساعة الثامنة مساء بتوقيت السعوديه عالإل بي سي الفضائيه اللبنانيييه :D :D
وقد حظر هذا اللقاء كل من :
AVALON2000XLS .. وكان نجم السهره :D :D
VIPER GTS-R .. واصطحب معه واحد من الربع
سوناتا .. الوحيد اللذي أوفى بوعده وجاب كيس الحب :D
maxima driver .. اللي هو أنا :D :D
Fares SS .. طلعت لوحة سيارة زي لوحة سيارتي باختلاف بسييييط:)
ولد وائل .. ضيف خفيف الظل بس ماطول معانا
هذا وقد أوفى الأخ سوناتا بما طلب منه وهو كيس حب أبو خمسه ريال أصلي من باجه .. وعلى ذلك نقدم له جزيل الشكر والامتنان .
وقد تغيب عن الحظور وبشكل لافت الأخ LH الكاتب المشهور وصاحب فكرة التجمع ، ونحن بصدد ذلك إذ نعلن أننا لن نسامحه الا بعد إبداء عذر شرعي يحتم عليه الغياب والا .. ماكدونالدز تنتظره يعشي كل الحاظرين كبدل انتظار (لأننا قعدنا ننتظره عالفاضي :( )
وأيضا غاب عن الحظور الأخlexus_ls400 واللذي وعدنا بالحظور من الخرج ولكن ان شاء الله يكون المانع خير ..
المهم تعبت من العربي الفصيح اخش لكم في السالفه << كل ذا وماخشيت !!
بصراحة الشباب تحفففف رهيبييييين وشكلهم بعد ماطلعوا كل اللي عندهم لسى يستحون ومخبين بلاوي منيــّله :D :D :D
أنا جيت متأخر شوي عن الموعد بربع ساعه لزوم البرستيج :) :)
لا لا لا تصدقون ... المهم جيت ولقيتهم ماشالله مجتمعين ماعدا ولد وائل اللي جا متأخر ومشى بدري بعد وونتظر منه في المرات الجايه يفضيلنا وقت اكبر ..
بعد حوالي ساعه أو أكثر من القرقره استأذنتهم أنا لاني كنت مرتبط شوي وقالوا أجل خلاص واحنا بعد بنروح (شفتوا كيف أنا مهم :D :D )
واتوكل كل واحد في طريقه مع انه كان ودي نكمل مع بعض السهره ونتعشى سوى بس انشالله المره الجايه .. وتكون الجمعه اكبر وبحظور الغايبين ..
واسفين انه ما حطينا الصور لانه الشباب نسيو الكاميرات ..
بس احمدو ربكم انكم ماشفتوا الصور :D :D :D :D :D
أشكر كل الشباب اللي حظروا وأتمنى تتكرر هالجمعه مرارا وتكرارا (يمديكم على هالكلمة :D :D )
تشاااااااو
L.O CUSTOMS
08-02-2002, 01:07 PM
والله ما ادري وين اودي وجهي يا شباب لغرفتي ولا احطه في جيبت ابوي
امس الخميس الصبح عمي طاح من فوق عمارته وإنكسر عليه الحوظ وراح وجهه في خرايطها
المهم انا قلت اطلع ازوره بدري على العصر على اساس يمديني الحقكم بعد العشى والله العظيم يا شباب
رحنا عنده وقعدنا لما جت حول الساعه 7:35 بالليل
انـــا خربتها وقلت للوالد عندي شغل ابي اخلصه واجي
ما امداني خلصت كلامي الا وعمي يقول لا لا إقعد الحين بيجون ضيوف تصب لهم الشاي والقهوه....
وما طلعت من عنده غير حول الساعه 10
وأنا والله قبل شوي جاي من عنده
لا كن أتمنى لو تخلونه الإربعاء الجاي إذا ماعندكم اي مشكله
وإذا كانت على مكدانلز فوالله قليله بحقكم
لكم الإختيارات التاليه:-
1-المطعم الي فوق في الفيصليه.(مطعم الدوار)(واحد مصلح مطخ طخ)
2-او كورس كامل في يامال الشام.(لمدة شهرين و12 يوم ونص)
3-او مطعم ابو صديق (في البطحى)
:p :p :p
إن شاء الله سامحتوني
والمره الجايه لو يموت مين ما مات او طاح او تفقع وجهه او إنفجرت سيارته والا صار في غزو علينا تراني جاي جاي إن شاء الله
وهذا اخر وعد ولو ما جيت ابي اقطع المنتدى إسبوعين عقاب لي ولعيونكم;)
هلا maxima driver
انا حضرت بس من بعيد لبعيد
انا ما دريت عن موعدكم الا المغرب امس فقلت ماله داعي اذب وجهي عليهم
بس يكفي اني شفتكم
:D ما انتبهتو للجالس عند بوابة المعرض حق الأودي هو انا
:rolleyes: طيب ما شفت كامري2001 شايل الطيس>:D شبهه:) لونها كشميري >>>>ترابي
قاعد يدوج حولكم وحارقها دعس
اما البورش الأصفر امس واااااااااااااااااااااااااااو
:p
تحيااااااااااااااااااااااااااااتي للجميع:D
PT Cruiser
08-02-2002, 04:25 PM
هلا maxima driver
احرجتني ( نجم السهره )
---
هلا LH
عذرانك المره هذه
وعمك ان شاء الله ما يشوف شر - طمني عليه -
على العموم فاتك نص عمرك امس ما جيت كان رحت وياي :p -
ووش بعد
اي الجايات اكثر من الرايحات
---
هلا X5
اي صح انتبهت للاكامري كنت تدور حول المعرض صح والا لا
---
يا شباب الي ما جم امس
فالتتكم بوررش
قوتها 650 حصان
وسعرها مليون ومئتين الف ريال سعودي
امس ادب شارع الضباب بالمقاومات
واحد معاه لومينا اس اس
مسوي يبي يقاومه
ههههههههههههه
لو تشوفون الفرق
مو عامود ولا اثنين ولا ثلاث
عوامين كثار
يالله نشوفكم على خير
:p
VIPER GTS-R
08-02-2002, 04:25 PM
maxima driver
مشكور على هذا التقرير وبالنسبة للى كان معاي هذا اخوي مو واحد من الربع . ومشكور مرة ثانية .
LH
ياخي حرام عليك ساعة كاملة نستناك في الشارع وسط البرد والسيارات الرايحة والجاية والدوريات والبورشات .....
صراحة مالك داعي وبالنسبة للعشى حنا ماجينا نتعشى حنا نبي نتعرف وبس بس خيرها في غيرها وتكبر وتنسى :D
اما بالنسبة للاربعاء القادم فانا من الان مرتبط نحن نستقبل في هذا اليوم الوفود القادمة من جميع ارجاء المملكة بمناسبة العيد السعيد .وكل عام وانتم بخير قبل االزحمة .....
x5
والله بصراحة ونت قاعد تمر وتدعس مااانتبهنا لك لان صوت البورش صاقع الدنيا وبعدها نشوف باقي السيارات كانها واقفه ؟؟؟
بس على فكرة اخوي يقول انه شاف واحد راعيي كامري نفس مواصفاتك وباين عليها جديدة و يقول ان اللي فيها واحد متلطم بشماغ ملكي ديلوكس :D :D :D
بس والله انك غلطان لو انك وقفت وعرفتنا عليك بس شكلك متعاون مع LH
على فكرة هذا ماسنجري
alamrinet@hotmail.com
ورقم الجوال
055665090
لاستقبال رسائلكم ومكالماتكم على مدار الساعة
ورقم البيجر
115506666
اخوكم
VIPER GTS-R
Fares SS
08-02-2002, 05:08 PM
مشكوووووووور اخوي maxima driver كفيت ووفييييييت والله ....
ما يشوووف شر عمك يا LH وانشا الله الجايااات اكثررر .. :) :)
وعلى فكرة البورش الي يتكلمون عنها الشباب هذي من تعديل (جمبالا )
وهي تعتبر اقوى بورش فالشرق الاوسط وفي العالم يمكن .... 650 حصان , تيربو , وتتسارع من 0 الى 100 فأقل من 2,8 ثوااااااااني ...
وسلالالالالالالالالالالالالالالالالالالالالالالالالالالالالامتكم ... :) :) :)
سوناتا
08-02-2002, 05:13 PM
maxima driver
سبقتنا وسويت الموضوع ;)
زي ماذكروا الشباب الدقائق كانت تمر بسرعة ، وقضينا مع بعض ساعة واحدة بس:mad: ، لكن يالله خيرها بغيرها ، وتكون هذه بداية إنشاء الله ، وماقصروا الشباب هذه المرة أوفوا بوعودهم ( بس ماكانت بفضل الله عندهم ظروف قهرية مثل LH ) .
اللقاء كان جميل بس لو ماكان فيه واحد شطفنا معاه كامري (لا وكشميري بعد;) ) ، وكان وقف وسلم مو أحسن!.. ( لايكون يا x5 أنت المقصود:D ) ..
قلنا من زمااان الدعوة عامة :cool:
عقبال مانجتمع كل شباب سوالف .. قولوا إنشاء الله
AVALON2000XLS
صحين مو واحد والأفالون موت والله ويعطيك خيرها يا غالي
VIPER GTS-R
كيفك حبيبي انا هو هوانا بس مو ملكي بسام
:D بس لكم حق والله البورش وين والكامري:rolleyes: وووووووووووووووووين
Fares SS
كيفك انت موقف السياره ورايح مالقيتك ياخي كيف جيت
:confused:
سوناتا
كيفك حبيبي
اقول ليه رااكن السوناتا بعيد الله يهديك اما على سالفة التشطيف مو انا
تشاااو حبايبي
اوه نسيت اقول الأربعاء الجاي اتوقع مو مناسب عشان مباراة الأخضر
Fares SS
08-02-2002, 10:12 PM
اخووووووووي X5 ...
صحيح انا كنت موقف السيارة من قبل المغرب بس تراااني كنت احتري الصلاة تخلص وكنت في المعرض ... ولمن شفت افالون جاه نزلت وسلمت علييييييييه ... :) :)
PT Cruiser
09-02-2002, 01:51 AM
هلا شباب
---
اذا تبون الخميس الجاي عااااادي ما عندي شي وش قلتو
:p
Dentist
09-02-2002, 02:38 AM
هلاااااا شباب ..
LH عذرك معاك ومايشوف شر عمك وماكان له داعي تنحاش منهم بالعكس هو أهم من جمعتنا .. جمعتنا بتكرر أكثر من مره انشالله ويالله انشالله اشوفك المره الجاية مع الشلة ..
X5 ... انت اللي بنركب عليك الحق مو LH :D :D :D والا المفروض تنزل وتقشم معنا الحب وتشرب شاهي فاتك حب أصلي الله يوفق سوناتا :D
على فكره .. مسألة يوم الربوع ترون قوية شوي .. الا في حالة وحده
اشرايكم ياشباب :D قولو تم ..
اذا تبغون تجتمعون يوم الأربعاء انا عندي اقتراح :D
نروح نشوف المباراة في الإستاد سوا .. وبكذا يكون في وقت أكبر نتعرف على بعض :D :D
هاااه اشرايكم في الإقتراح :cool: :cool:
يالله نشوفكم ومشكورين على التواصل (أخو التفاضل والتكامل:D :D )
ابو الشيماء
09-02-2002, 04:17 AM
مساكم الله بألف خير جميعا
ما شاء الله maxima driver سوى الهوايل !!!
والحقيقة انه ما قصر في التغطية الاعلامية المميزة :)
بس اقوووول يا maxima driver الله يعطيك الف عافية والحقيقة اني جدا مشتاق لك جددددددا
لكن ان شاء الله نلتقي في القريب العاجل ... هذا اذا ما حجيت :p
باااااااي
قواكم الله يا شباب ونبي نشوف لقاءات ثانية ، بس عجبتني فكرة اللي يتخلف عن الحضور يكون عليه العشا في القاء الثاني!
الخفاش
09-02-2002, 10:04 PM
على الخير انشالله دايمن
وعقبال عيال الدمام
SKYLINE GTR
09-02-2002, 10:13 PM
يعطيكم العافية يا شباب
والله ما دريت عن جمعتكم الا يوم الخميس الساعة 12 ليلا ولا ابركها ساعة شوفتكم
متى تلتقون مرة ثانية يا شباب ؟
سلام
انا يا حبايبي اقترك يكون زي ماهو يعني ان شاء الله الخميس شو رايكم لاوبعد اجيب الهوندا :D :cool: :)
PT Cruiser
10-02-2002, 01:56 AM
هلالالالالالالا شباب
والله شوفو تبون الحقيقه والواقع والبحر مليان قوقاع ( وشفيني انسجمت )
المهم ها وش قلتو الخمي الجاي 8 باليل نفس المكان
ها وش قلتو تم تم تم تم
انتظر ردودكم:p
VIPER GTS-R
10-02-2002, 02:02 AM
افــلقنــــــــــــــــــــي :D :D :D
PT Cruiser
10-02-2002, 04:04 PM
افلقك على ايش
وكيف ووين
VIPER GTS-R
10-02-2002, 04:18 PM
AVALON2000XLS
عاد شكلك ماصدقت تفلقني اخذتها فرصة :D :D :D
قصدي مااعتقد اني اقدر اجي لاني مشغول جدا جدا جدا .... :(
وبالنسبه للمباراة انصحكم لا تروحون ترى بعدين بجيكم فلقات ماعمركم جربتوها .....
لاني حضرت المباراة السابقة وكنا في المدرج السفلي وشوي الا علب الموية والببسي والنعالات كلها فوق روسنا تقول انا اسرائليين واخرها قزازة كوكاكولا ظرب بالارض ورجعت الشظايا علينا بس الله ستر علينا وجت في وجيييه العسكر المساكين :D
lexus_ls400
10-02-2002, 05:06 PM
أسف شباب والله مالقيت احد يخاويني :(:(
بس والله لكم وعد علي انه يوم الاربعاء القادم ان شاء الله اجيكم في الرياض
وانا والله ماقدر احضر لسبب اللي قلت لكم عنه
وتقبلو أسفي :) :) :)
ولد وائل
10-02-2002, 05:28 PM
السلام عليكم ورحمة الله وبركاته ....
شكراً لك يا ( مكسيما درايف ) على هذا التقديم الاكثر من رائع
( أحرجتني بخفة الظل الله ياخذ شيطانك ) ;)
LH مايشوف عمك شر . والله كنا مشتاقين لك لكن الاسباب حالت بيننا وبين رؤيتك . انشاء الله نشوفك في المرات القادمه
X5 والله مالك حق المفروض توقف وتسلم وتعرفنا عليك اكثر لاتصير مستحي منا واحنا ما ندري :D
لكن لازم نشوفك المره الجايه
في النهايه اشكر جميع الحظور الكرام ونرجو انها تكون بداية
معرفة خير والله لايحرمنا شوفتكم .
والسلام عليكم
أخوكم : ولد وايل
Dentist
10-02-2002, 07:41 PM
هلااااااااااااااا ابو الشيماء ...
نورت المنتدى والله ..
وييييييييينك ووين اييامك .
ياشباب ه>ا ابو الشيماء احد رواد المنتدى واول شخص اتعرف عليه من هالمنتدى وجاني من خميس مشيط عشان يشوفني (يمديكم:D :D )
أقول ابو الشيماء تعال يوم الخميس ترا الشباب مايتفوتون ..
والطيران على الشباب قطة اشرايك:D :D :D
PT Cruiser
11-02-2002, 02:17 AM
VIPER GTS-R
ما عاش من يفلقك اخوي
بالنسبه للمبارة مصدق انت اروح للمبارة بايع عمري
اذكر اخر مبارة حظرتها طلعت حصلت ظهري كله فصفص
--------------------------------------------------------------------
x5
تعال الخميس الجاي
نفس اتقاوم مع هوندا
يا رب الي معاك تكون اكورد
اقول تدري ان كل الشباب ايل اعرفهم ومعاهم هوندا
يدلعونا بايش
انزل شوي وانت تعرف
كمان شوي
يدلعونها ( هنادي )
-----------------------------------------------------------------------------
ولد وائل
لازم اقعد معاك
-----------------------------------------------------------------------------
LH
لازم اشوفك يوم الخميس
-----------------------------------------------------------------------------
:p اي صح يقولون يوم الخميس عيد الحب تلبسون احمر والا لا
Fares SS
11-02-2002, 02:48 AM
افالووووووون حبيبي تطلعععع على الاكورد بالراااااااااااااااااااااااااااااااااااااااااااحة .......
انا بضلل احمر :D :D :D :D ......
PT Cruiser
11-02-2002, 04:05 PM
هلا فارس حبي
ههه يعني اتقاوم وانا متطمن
ما اخاف
بتظلل احمر اخاف يمسكوك الهيئة
فاتك امس بالتحليه ماسكين واحد ومعاه احم احم
ياهم صفقوه تصفيق رحمته من جد ورحمت الي معاه مسكين ما يستاهل
---
احد قال هيئة
انا ما قلت
يمممممممممممه لا تذكروني انا خايف :( :( :( :( :confused: :confused:
Fares SS
11-02-2002, 05:37 PM
ايه اكييييييييد وانت مطمن ....
واذا طرحك دق علي انا اجييييييه بال ss بيييييييييب بييييييييييييييييييب ...
اجل هونت مني مضلل :D :D .....
يالله شباااااااااااااااااااب انشوفكم على خيييييييييييييييييييييير .. :) :)
AVALON2000XLS
هلا حبيبي تطمن هي اكورد بس انا متأكد انك بتقوم تدري
الخميس اقولك
عموما الخميس موووووووووووووووووووعدنااااااااااااااااااااااااااااا:D :D :D
PT Cruiser
11-02-2002, 08:24 PM
على خير ان شاء الله
lexus_ls400
11-02-2002, 09:08 PM
للأسف يمكن ما أدر اشوفكم
لأني بروح الرياض يوم الاربعاء وبعود للخرج يوم الخميس الصبح
على العموم انا حبيت اعلمكم
وشكراً ..:)
L.O CUSTOMS
12-02-2002, 05:05 PM
هلا والله الحمد لله ما توقعت ردودكم كذا فعلا تشجعون الواحد يرجع يكمل ويرد على ردودكم الحلوه
على العموم الي بغيت اقوله إني فكرت بعقاب لي غير طبيعي:( :-
عشان الي واعدتهم إني اجي وما جيت انا بكره ابي اجي بنفس المكان
من بعد صلاة العشاء لما تخلص المباره:D (إذا قدرت اتحمل:D :D )
والخميس نفس الشي إن شاء الله
على العموم يا AVALON2000XLS :-
تلقاني مسنتر في نفس المكان
ولو بغيت نطلع للــ..................ـي في باللي وبالك ;)
وأنتظر منكم الردود
وعلى العموم كل الي بيجي الدعوه فري وكل واحد يلبس الي يبي:)
PT Cruiser
13-02-2002, 12:34 AM
هلا LH
وش دعوه لا تعاقب نفسك ولا شي
بس اذا تبي تجي الاربعا انا ابجي
بس الاساعه كم
والا اقولك نتقابل في برجر كنج ايل على طريق الملك فهد هناك الشباب يجتمعون
---
فررررررررري
---
والوعد الخميس
ولد وائل
13-02-2002, 03:37 PM
ياشباب انا اعتذر الحضور يوم الخميس .
وذلك لأسباب قهريه خارجه عن ارادتي .
وانت يا افلون شاكرين لك تقديرك ونتمنى نجلس اكثر ونتعرف عليك عن كثب .
للمراسله ماسنجر : tnkio@hotmail.com
والسلام خير ختام
ولد وايل
L.O CUSTOMS
13-02-2002, 04:13 PM
حـــــــــــــــــــــــــــــــــــــــــــــــــاضــــــــــــــــــــــــــــرين
الخميس يا شباب لأحد يعتذر بكره عيد الحب
ابي افك الغطى وأشيل التكتيمه
ويا ولـــــــــــــــــــــــد رانجلر احمر وورده حمرى يا سلام كملت:D :D :D ;)
VIPER GTS-R
13-02-2002, 08:29 PM
الاحتفال باعياد اليهود والنصارى حرام
اكيد انتم فاهمين ومايبغالكم توجيه كلكم بالجامعة
لان الاعياد في الاسلام عيدان عيد الفطر وعيد الاضحى وغيرها باطل باجماع السلف . لان الاحتفال بهذه الاعياد يظهر المودة للذين كفروا ...........
واحد زاعط بجامعة الامام
:D :D
بس ترى الكلام من جد
PT Cruiser
13-02-2002, 08:52 PM
هلا LH
عني ما رح تجي اليوم برجر كنج :(
اناعلى العموم راح اكون هناك
يالله تشاو تشاو
ولد وائل
13-02-2002, 10:18 PM
انا اوافق الاخ (VIPER GTS-R)
وجزاك الله خير الجزاء
واكرر واقول
الاحتفال باعياد اليهود والنصارى حرام
والسلام عليكم
ولد وايل
PT Cruiser
14-02-2002, 01:18 AM
هلا ولد وايل
تراني اضفتك بالماسنجر
Dentist
14-02-2002, 04:20 AM
سلااااااام
شباب تروني من زمااااااان عكم اشتقت لكم والله اليوم انشالله سهره الين الفجر على هالمنتدى وأشيك كل المواضيع اللي ماشفتها من اسبوع ..
المهم ياشباب انا انشالله ابحاول اكون متواجد هناك على الوعد الساعه8 وانشالله نلقاكم كلكم ونتشرف بمعرفة كل صديق جديد ..
تحياتي
L.O CUSTOMS
14-02-2002, 03:11 PM
كفون يا شباب لا أحد يتفيب اليوم عن الموعد
افلون وينك امس ما شفتك انا كنت بلكسز ولد عمي ما شفناك بينت :confused:
على العموم أنــــا يمكن ما اجي بسيارتي لاكن.....
الوعد عند سماكو التحليه الساعه 8:00 SHARP إن شاء الله السبلنق صح:p
لا احد يعتذر تراني كنسلت اكثر من 4 علشانكم:( ;) لا احد يتأخر
سوناتا
14-02-2002, 05:16 PM
LH , وجميع الشباب اللي يبي يحضرون...
إنشاء الله نشوفكم اليوم ,, الساعة 8 الخميس ..:)
Fares SS
14-02-2002, 06:13 PM
والله شباب انا ما ظنيتها اكووووون موجود .. حضرت مرتين خلاص اكيد مليتوا مني :D :D ...
خلوها على الظروووووووووووووووووف ..
بااااااااااااااااااااااااااااااااااااي ..
PT Cruiser
15-02-2002, 01:50 AM
تقابلنا للمره الثالثه
ههههه
تحسونا طولناها بس والله حلوه
---
انا عن نفسي وصلت 8.15
حصلت LH و سوناتا
جلسنا شوي
بعدين جا مكسيما درايفر
بعدين جا فايبر
سولفنا شوي
بعدين اقترحت ان نغير مكانا عنشا الي يشتغلو بشركة سماكاو تضايقو مننا
اقترحنا انننا نتقابل في محطة العربه
سوناتا ما كان يدل الطريق
فكان يمشي وراي
كيف ضاع ما ادري
زحمة اشارت وقلق المهم رحت ل محطة العربه
جاني LH واعتذر ان عنده موعد وانه بيروح ويرجع واذخ رقمي
بس ما دق الين الحين
الساعه الحين 11.50
وينك يا هوووووو
سوناتا
15-02-2002, 03:07 AM
AVALON2000XLS
:mad: :mad: :mad:
طيب أنتظروا 15 دقيقة بس بعدين جيت ، أدوركم :confused: ، لاأحد !
أنا كنت أحسب العربة قبل الإشارة الأولى على اليمين ، صارت لاء بعد الإشارة ، ومع الزحمة أستغرقت ربع ساعة علشان أوصل ..:rolleyes:
يالله أعذرونا والجايات نقول أكثر بس بعيد عن ساماكو !
وزي ماتفضلت لقاء جميل ، وفيه واحد كان عليه العشاء بس ....:D
الله يهديــــه ;)
Dentist
15-02-2002, 04:52 AM
ههههههههههههههههههههه
ضيعتوا ههههههههههههههههههههههههههههههههه
افااااااااا والله فشلتونا :D :D :D
لووووووووووووووووووول
بس من حقكم تتضايعون الرياض اليوم مهي طبيعيه وخاصه العليا والله العالم كلها طالعه من بيوتها سبحان الله ماكأن فيه الا يوم حب واحد :D :D
بس فاتكم ياشباب سوالف الشباب اللي جو واحد مهبول جاي لابس كاب احمر:D والثاني لابس بدله حمرا (يازينك لووووووول ) ...
على العموم انا أعتذر اني ماطولت معاكم لكن والله منحرج من الشباب اللي معي لطعتهم في السياره وانا لسا متعرف عليهم ماصار لي شهر :D :D
لكن انشالله الجايات اكثر وأوعدكم لو حصل وتقابلنا مره ثانيه اخلي السهره كلها لعيونكم :p
ويسبر لــLH : تشرفت والله بالتعرف عليك واسف اني ماطولت معاك لكن المره الجاية انشالله نقعد مع بعض اكثر ونتعرف اكثر وتحياتي لك وللجميع
تشاااااااااااو
VIPER GTS-R
15-02-2002, 10:33 AM
السلام عليكم ياشباب
انا حضرت الساعة 8.00 تمام وشفت سوناتا ابيض ماعرفتها قلت خلني اروح وارجع بعد نص ساعة ويوم رجعت لقيت الشباب مجتمعين وراعي السوناتا طلع سوناتا :confused:
على العموم بعد ما مشيت وانا على طريق التحلية على ما اضن جو الربع داعسين ذكروني بالعاب البلاي ستيشن مساقطات وزحة ورجة شوي مسكتهم الاشارة وبعد مافتحت راح LH يمين و AVALON2000XLS ديور في نفس الخط وسوناتا مع LH ورحت للاشارة الثانية وشفت سوناتا راجع في السيد الثاني وقاعد يكلم بالجوال ..... ما ادري وش صار بعدها .
على العموم فرصة سعيدة وانشالة نكررها في اقرب وقت ولا نسون العيد جاي فالله الله بالضبايح والعلوم السفرة واللى يعرف واحد عندة عزيمة ولا شي يدلنا ...
على فكرة يا سوناتا يوجد فايبر ار تي 1998 اسود في معرض العربة اللى على التحلية لالالالالالا تفوتك .
:D
L.O CUSTOMS
15-02-2002, 01:57 PM
سلام شباب
والله امس فله غير طبيعيه
صراحه انا تشرفت بمعرفتكم ولو إنكم كلكم اكبر مني لاكن
كلنا في الهوى سوى
بس في إثنين بغو ياكلونها امس
الأول:- لابس كاب احمر.
والثاني:- لابس بدله حمرا.
كملت ما بقى الا بنطلون احمر
:D :D
افلون:-
وش رجعك بدري فاتتك مطارحه
بين فياقرا حمرى ولكسز 430 حمرى
طارو ولا عاد شفت من الي ولا من جاب خط
وسويت موكب مع رانجلرين وانا ثالثهم:D
انا كشف وواحد نفس الشي وواحد اسود مغطى بس عليه جنط(رنق) غير طبيعي
بعد ما كلمتك على طول
وكل هذا الكلام بالتخصصي:eek:
PT Cruiser
15-02-2002, 02:16 PM
هلا LH
انت والله الي فاتك علوووووووم من جد بالتحليه
:) يالله خيرها في غيرها
:p
ابو الشيماء
15-02-2002, 03:42 PM
مساء الخيرات
maxima driver هلا بك والله
والمعذرة اني ما قدرت احضر .... انت عارف ضروف الشغل :confused:
عموما ان شاء الله اجيك في القريب العاجل باذن الله .;)
مع الســــــــــــــــــــلامه
Dentist
16-02-2002, 05:38 AM
ابو الشيماء : الله يحييك ..
LH & AVALON2000XLS : وينكم انا بعد امس دوران في شارع التخصصي والتحليه والعليا ماشفتكم :( :( .... بس والله امس الدنيا انقلبت فوق تحت .. هااه رحتو مع بعض يا أفالون والا بطلتوا ؟؟
PT Cruiser
16-02-2002, 07:02 PM
هلا ابو الشيماء
عاد انا امس من الساعه 8 الييييييييييييييين 12.30 وانا بالتحليه وحول الفيصليه انواع الدوران
طفشت ورجعت البيت
يا شيخ التحليه امس ما فيها غير ذاك الجمس الي مكتم نفس لللون الي بالي بالك فيه
المهم ما علينا
حتى امس تقاومت مع راعي فكتوريا سودا
يا خي احسن انه عبيط اوقف له عشان نجي جمب بعض ونبدء من الصفر ما يفهم يجي جمبي وانا واقف ويدعس ويروح
ادعس انا واجيبه يويم اجي جبمه يهدي
يالله ما علينا
:p
Dentist
17-02-2002, 05:20 AM
AVALON2000XLS : راعي الفكتوريا لابس ثوب وماعليه شي على راسه (كشف:) ) ومعاه واحد صح ؟؟
اذا كان هذا تراني يوم الجمعه لقيته يدور في شارع الضباب الساعه 2 الفجر وتقاومت انا واياه 3 مرات :rolleyes:
المسكين مصدق نفسه راكب بورش اقولله يابن الحلال خلاص قمت عليك حرقت سيارتي خلاص .. يقول لا لا خلنا نعيد تكفى .. اقولله يلله وتولع الاشاره وما أدري وين يختفي وراي :D :D :D
بس شكلها مكروفه مره الفكتوريا حقته لانه من جد قمت عليه بفرق كبيييييييييييييير مع ان سيارتي قير اوتو وانتو عارفين القير الاوتو مو حق المقاومات ..
المهم لا شفته مره ماعليك فيه ترا زلابه مو حق مقاومات بتضيع وقتك معاه :p :p :p
PT Cruiser
17-02-2002, 06:59 PM
صادق والله ليه احرق سيارتي عليه
L.O CUSTOMS
17-02-2002, 07:39 PM
شكله مصدق نفسه
اقول شكلي ابي اقاومه بالريوس
عشان يتحطم مظبوط:D :D (اخاف يصير العكس:p )
ولا احسن حل اخليه يتقاوم مع ونيتنا الديزل
كذا يصير فيه منافسه شريفه:D :D
Dentist
18-02-2002, 04:59 AM
شباب شفتو الحادث اللي في شارع التخصصي الليله ..
يوووووه مسكين راعي كراون فكتوريا سودا اعتقد موديلها 2001 أو 2002 راحت الوجهيــه خرااااااب والسياره بشكل عام انعدمت ..
السيارة كان فيها اثنين ونجو بأعجوبه .. الحادث صار تحت النفق حق اليورومارشيه .. كان طاير متجه شمال والظاهر انها حاست عليه مع النزله اللي في بداية النفق وانا كنت فوق ابديور لليورومارشيه وسبحان الله جت عيني على الحادث مباشره وشفت يوم يصك في السياج الأيمن بسرعه جنونيه وبعدين السيارة حاست عليه بس قدر يتحكم فيها وخبطت عليه مره ثانيه بعد الصدمة الأولى بحوالي 100 متر !! (الولد كان طاير بالسيارة ) ..
المهم الشباب طلعو من السيارة مو مصدقين انفسهم وانا والله ماصدقت يوم شفتهم طالعين لاني شفت الحادث بعيني قوي مره مره مره والصوت فضيييييييييع .. بس السياره والله انعدمت وجهيتها بالمره ..
الله يعوضه خير انشالله ويكفينا واياكم شر الحوادث يارب ..