View Full Version : ارجو من الجميع المساعده بخصوص زيت المحرك
L.O CUSTOMS
12-01-2002, 07:12 PM
يا شباب انا اغير الزيت في الوكاله
وهم ما يغيروه لي الا كل 5000 كيلو انا سامع ان الزيت اذا تغير كل 5000 ضار او شيء من هاذا القبيل للسياره؟؟
ايش الحل يا شباب تكفون فيدوني:confused: :confused: :(
MegaTroniC
12-01-2002, 09:06 PM
السلام عليكم
بالفعل بعض الوكالات تغير كل 5000
انا عندي لومينا اس اس من الجميح مكتوب في الكتالوج ان تغيير الزيت يكون كل 5000 كيلو مع الفلتر
لكن المهندسين في الوكاله يقولون لي تعال كل 3000 كيلو ويحطون لي ستيكر على القزازه اللي قدام فيها موعد الفحص (كل 3000 كيلو) ويغيرون الفتلر بعد..
انا يوم مشت السياره معي 25 ألف كيلو صرت اغير الزيت برا الوكاله
زي ما قلت لك كل 3000 كيلو زين..
لان 5000 كيلو كثيره نوعاً ما..حتى انت شف بنفسك لون الزيت بعد ما يمشي 5000 تلقاه مسوّد..
وفيه ناس يغيرونه كل 2500 كيلو
لكن السؤال المطروح:
هل اقوم بتغيير الفتلر كل 3000 كيلو أيضاً؟؟؟
وما الافضل شل سوبر بلس...ام فوكس سوبر جي تي...ام كاسترول؟
انا اتوقع ان وكالات السيات هم ادرى بها
ولكن مع ذلك يكون الشخص حريص على سيارته ويغير الزيت في حدود3000كلم الى 5000 كلم
وتغييرتين زيت او ثلاث وغير الفلتر
واللي يبدو لي ان زيت فوكس سوبر جي تي هو افضل الموجود
VIPER GTS-R
13-01-2002, 12:56 AM
بخصوص تغيير الزيت طبعا يختلف من سيارة الى اخرى مثل سيارات الشرطة والتكسي لازم تغيير الزيت بعد كل فترة وفترة مو زي سيارة استخدامها عادي وانا اتوقع ان 5000 كلم في المدينة معقولة جدا ويمكن تقليلها الى 3000 في حال السفريات وخلافها . اما فلتر الزيت فانا سمعت انه يتغير مع ثاني تغيرة وانا شخصيا اغيرة في كل مرة لاني اشتريه بالجملة يطلع علي الفلتر ب 13 ريال ( موبار اصلي ) .
بعض الناس يعتقد ان الزيت اذا سود معناه انه يبغاله تبديل وهذا خطا لان سبب انقلاب الزيت الى الاسود يكون بعدة عوامل منها اتساخ فلتر الهواء وغيره بس انصحكم انه بعد 20000 كيلو تعملوا للمكينة غسيل بالزيت المخصص لذلك بعدها يطلع الزيت زي العسل .
لكن لمعرفة اذا كان الزيت لازم يتغير او لا شوف مدى لزوجته اذا سار لزج بحسث تحسه بين اصابعك ثقيل فهذا يعني ان الزيت معاد ينفع ويبيله تغيير اما اذا كان خفيف يعني انه سليم.
الاخ LH
بغيت اسئلك كم يكلف غيار الزيت بالوكالة لاني مرة غيرته الزيت عندهم وماغيرته الا بعد تقريبا 7000 كيلو وباقي زي الذهب اتوقع انهم يستخدمون زيت كاسترول ؟؟
روح الامارات
13-01-2002, 02:54 AM
عزيزي LH انا دوم اودي سيارتي الوكالة كل 5000 كم وهذا الشي ما يضر بالسيارة بالعكس هذا يحافظ على سلامة المحرك اولا والقير ثانيا :) :)
غريب السيف
13-01-2002, 03:18 AM
بالنسبه لتغيير الزيت ترى يختلف حسب قيادة السياره
مثلا عند القياده دائما على سرعات عاليه فوق 120
هني لازم تبدل كل 3000 كم لانه يستهلك بسرعه-حسب ما قريته في احدى المجلات-اما الاستعمال العادي يكون5000 كم
وفيه زيت تمشيك 10000 كم بس محد نصحني فيها لانها تصير لزجه وايد بعد فتره.......
تصدقون ان سيارات الفولكس واجون يتم تغيير زيتها كل 15000 كم
والوكيل قالي ها الشي ....قبل اسبوع :confused:
كرمبع
13-01-2002, 03:51 AM
سلام علييكم..
حديث شيق بخصوص الزيوت
وكل زيت له سعر حسب الجودة وحسب كم كيلومتر يقدر ايمشيك..
وبخصوص الوكالة كلامهم صحيح وهم اضمن من يثق بهم لان الضمان عالسيارة من قبلهم يكون ...
ومانقدر نحكم على الزيت اذا عدى 5000 انه يكون لزج واسود اذا كان فعلا مخصص للسير مسافة 5000 كم...
وعن نفسي انا اقول ان الوكالة اتبدل لي الزيت كل 10000 كم مع كل خدمة اسويها عندهم وهي وكالة المرسيدس بالامارات واعتقد هالنوعية من الزيوت هي فعلا قابلة للسير 10000 كم من غير اي ضرر وحسب ضمان الوكالة وثقتها بهذي الزيوت اللي هيه من نوع موبيل..
وتقبلوا تحياتي
L.O CUSTOMS
13-01-2002, 01:37 PM
اول شـــــــــــــــــــــــــــي احب اشكر الجميع على هاذه المبادره الطيبه للمشاركه في الموضوع لإنه تقريباً الزيت يمثل اساس من اساسات السياره بدونه المكينه تخبط
بالنسبه لوكالة المتحده للسيارات وكيل (دودج , كرايسلر , جيب) بالسعوديه
وإعتقد ان جميع الوكلاء لهاذه السيارات يستخدمون نفس الزيت وهو
كــاسترول
- لاكن يـــا شباب الفلتر لازم يكون نفس نوع السياره؟؟
- ايش انواع الفلاتر الموجوده وأفضلها على الإطلاق ؟؟:confused:
:D :D :D
كرمبع
13-01-2002, 01:43 PM
سلام LH
بخصوص االسيارات الامريكية غالباً مايكون AC DELCO
بس السيارات الاخرى ماعندي علم...
وحسب اعتقادي ان نوعية الفلاتر ممكن انها اتكون من عدة شركات مصنعة بحيث اتكون قابلة للاستخدام مع عدة انواع من السيارات كالزيوت..
L.O CUSTOMS
13-01-2002, 01:55 PM
ماش إنت مشكله!!
اخاف اقول تسلملي يا احلى قرمبع او كرمبع وتزعل:D :D
لاكن ما أقول غير تسلملي يا بعد كرمبعي(عيوني)بلغة المكربعين :D
بالنسبه للفلاتر في فلاتر افضل من فلاتر؟؟:confused:
كرمبع
13-01-2002, 02:14 PM
كفاية دلع في التكرمبيع:)
وكلمة كرمع ماخوذه من تكرمبع.. وتكرمبع في اللغة تعني تخشل اي تسكرب:)...
هذي حصة لغة :)
وصحيح الفلاتر تفرق عن بعض بس ان اللي اشوفه الاكثر شيوعا بالعالم واستخداماً وافضليه حسب السعر الـ AC DELCO وهو ماشي مع معظم السيارات الامريكية واليابانية .. اما الالماني ماعرف بصراحة للحين شو الوكالة اتحطي لي...
المهم ارجو اني فدتك بالموضوع..:)
وتقبل تحياتي
L.O CUSTOMS
13-01-2002, 02:44 PM
يسلمو
تكرمبيعاتك:D :D