View Full Version : طريقة مبتكرة لتخفيض حرارة المحرك ....
السلام عليكم ورحمة الله وبركاته
وبعد التحية الطيبة والخالصة للجميع ....
الحقيقة أنا سمّيت هذي الطريقة " مبتكرة " لأني فعلاً لم أسمع بها من قبل ، ولم أكن أتوقع أنها تؤدي إلى تخفيض حرارة المحرك ولو بشكل بسيط.. وأنا سميتها " مبتكرة " لأني أكتشفتها بنفسي عن طريق الصدفة :rolleyes: :rolleyes:
قبل ما ابدأ أشرح الطريقة ،، وعشان لا يكون في لبس في فهم الطريقة عند بعض الشباب ..... ودي أعرّف فكرة تبريد المحرك بشكل مختصر .
بشكل عام .. وبشكل منطقي .. المطلوب هو خفض حرارة المحرك لتجنب المشاكل ، واللي يقوم بهذي المهمة هو " سائل التبريد " وليكن ( الماء ) على سبيل المثال . واللي نقدر عليه احنا هو تبريد الماء .. عشان يبرد المحرك :) .. ( عن طريق الراديتر ( المشع ) ومراوح التبريد ... الخ ) .
انتبهوا للنقطة هذي ...
تـبـريــد الـمــاء = سحب الحراره منه
يعني اذا بردنا أي شيء ،، معناها أخذنا منه كمية من الحرارة ...
طيب .. اليكم الطريقة . . .
" تحويل مكيف السيارة إلى الوضع الساخن ( HOT ) على أحر درجة ، وتشغيل مروحة المكيف على أعلى سرعة !!!!! "
وش الكلام ذا ؟؟؟ وش تقول يا M5 ... ؟؟ :confused: :confused:
قولوا ليــــــــــــــــــــــش ؟!
سؤال : الهواء الحار اللي يدخل على الركاب ... كيف صار حار ؟؟
جواب : لأن هذا الهواء قبل لا يدخل المقصورة يمر على مواسير التبريد الخارجة من المحرك ( حرارتها مرتفعة ) .. ويجينا حار :)
وبالتالي نكون قد سحبنا كمية من الحرارة من مواسير التبريد الخارجة من المحرك ..
يعني برّدنا المياه اللي خارجة من المحرك .. وبالتالي تروح للراديتر ( المشع ) وحرارتها منخفضة نوعاً ما .. وفي اراديتر تنخفض حرارة المياه بشكل كبير ...
ان شاء الله تكون الطريقة مفهومة لـــــــــلـــــــــجــــــــمـــــــيـــــــــــع ؟
وأتمنى انكم تجربوها في سيارتكم ... وخصوصاً وقت الظهيرة والمحرك ساخن ...
ملحوظة : لما تكون السيارة ماشية في الخط .. تلاحظوا انخفاض الحرارة بشكل أوضح
وأي سؤال أنا حاضر :rolleyes:
تحياتي لكم ،،
WRANGLER
30-12-2001, 02:06 PM
ابتكار حلو ياM5 لازم نجربها:)
هلا M5
مشكور على هذا الموضوع الحلو لكن في مشكلة في هذي الطريقة!
في الصيف هذي الطريقة بتقلل من أداء جهاز التكييف لأن الهواء في البداية بيسخن وبعدين بيبرد والناتج هواء أكثر سخونة من الجو الخارجي!!
في فصل الشتاء تنفع هذي الحركة ولكن!!
أنا شفت ناس تغطي مقدمة السيارة علشان تضل ساخنة وما تبرد بسرعة .
wwf Manager
30-12-2001, 03:42 PM
فكره حلوه :)
بس في ناااس تسير حرارة الموتر عاااليمة من المكينة
تكوون مكسوور الهد على ما أظن :)
يله بنجربها لين إرتفعت الحراره :)
أتوقعت انكم حتفهمومها وهي طايره ...
يعني اذا كان الواحد يمشي بسيارته وهو حاط المكيف على الحار .. عشان يخفض الحرارة ..... ما راح يقدر يعيش :)
الطريقة هذي أخوي جاسم ..
من المفترض استخدامها عند الضرورة وحالات الطواريء فقط التي قد ترفع فيها درجة حرارة المحرك بشكل مفاجئ .. مثل انقطاع سير مروحة التبريد ، أوتعطل المروحة نفسها ( كهربائية ) .. أو انسداد مواسير مياه التبريد .. أو أي مسبب لإرتفاع درجة الحرارة ،،
في هذي الحالة قد تساعدك هذي الطريقة للمشي بالسيارة فترة بسيطه إلى أقرب مركز صيانة ...
وعلى فكرة ..
ما يحتاج انك تشغل الكمبروسور حق المكيف ( A/C ) ..
WRANGLER + wwf Manager
بانتظار نتائجكم :)
fist302
30-12-2001, 04:34 PM
حبيبي انا جربت طريقتك كثير.....
بالاضافة لاستعمالها في الحالات الطارئة فانا استخدمها دائما في المطارحات لأنه من المهم انك تسابق ومحركك في درجة حرارة معتدلة.....الطريقة 100% وانا في الشتاء اطبقها على طول...دفء وتسارع رهيب للمحرك.
تحياتي للجميع
شباب .. في طريقة ثانية .. وأكثر فاعلية .. لتخفيض حرارة المحرك في حالة ارتفاعها بشكل زائد..
وهذي الحركة تضبط على سيارات القير العادي .. وعلى بعض سيارات القير الأوتو ..
الطريقة باختصار شديد ..
تدوير المحرك بدون حدوث احتراق داخلي ( اشعال ) ..
كيـــــــــــف ؟
وانت ماشي بالسيارة .. والله لا يقدر حصل وانه ارتفعت حرارة المحرك عن الحد الطبيعي .. كل اللي عليك تسويه .. تخلّي القير معشق ( في وضع التعشيق ) وتطفئ المحرك .. وتسيب السياره تمشي بقصورها الذاتي ...
ومن المستحسن وضع القير في نسبة يكون فيها الـ RBM ما بين الـ 2000 إلى 3500 د . د ... وكل ما تقل سرعة المحرك عن هذا الحد .. انقل التعشيق للنمرة اللي تحت على طول ...
من الخامس مثلاً على سرعة 120 كلم / س .. تدريجياً الى الثاني على سرعة 30 كلم / س مثلاً ...
بعد كذا افتح السويتش ( بدون تشغيل ) ، يشتغل المحرك تلقائياً ... ولاحظ عداد الحرارة .. وتذكر M5 :rolleyes:
اللي يحصل يا شباب .. انه لما تطفئ المحرك .. تقطع عنه دائرة الإشعال .. وبالتالي ما في احتراق .. ومافي توليد للحرارة ..
لكــن .. في نفس الوقت يظل المحرك يدور بفعل اندفاع السياره .. ودورة التبريد تعمل بصورة طبيعية .. ومضخة المياه ( طرمبة المويه ) تدور بواسطة السيور .. وهذا معناه ان المياه تكمل دورة كاملة من وإلى المحرك .. دون أن يكون هناك أي انتاج حراري من قبل المحرك ..
وتحياتي لكم :)
وان شاء الله تكون الطريقة مفهومة :)
المنارات
30-12-2001, 11:37 PM
هذي الطريقة الي ذكرتها ليست مبتكرة ولا جديدة بل ارجع الى اي كتيب الصيانة للسيارة غالبا فتجد هذه المعلومة وهي فقط عند ارتفاع درجة الحرارة الى الحد الأعلى لاتطفئ السيارة بل توقف عن السير الى جانب الطريق مثلا واترك السيارة تشتغل والمكيف على وضع hot والمروحة على أعى درجة فستنخفض درجة الحرارة ثم أطفئ المحرك وابحث بعد ذلك عن سبب ارتفاع درجة الحرارة
رد مقتبس من M5
الحقيقة أنا سمّيت هذي الطريقة " مبتكرة " لأني فعلاً لم أسمع بها من قبل ، ولم أكن أتوقع أنها تؤدي إلى تخفيض حرارة المحرك ولو بشكل بسيط.. وأنا سميتها " مبتكرة " لأني أكتشفتها بنفسي عن طريق الصدفة
ومشكور على المعلومة الجديدة .. :)
Z28*POWER*
31-12-2001, 08:54 PM
أخ fist302
لا لا لا ، مين قالك أن الطريقة ذي تنفع في المطارحات
أذا شغلت المكيف ونت تسابق خصمك بيقوم عليك بالراحه ;) أصلا المكيف ياخذ من كهربة السياره
أنت لين بتسابق لازم تغلق المكيف و الأنوار الرئيسية بس أتشغل أنوار الضباب الصغير
وطّفي المسجل
يعني بالمختصر المفيد أي شي يستهلك كهرباء في السياره أطفيه;) علشان الكهرباء تتركز في المحرك
:) :) :)
Eclipse
31-12-2001, 09:17 PM
وااو والله حاجات جديدة وغريبة :)
دكتور / مجنون
31-12-2001, 09:23 PM
هذي الطريقه معروفه .. لكن لا تشغل المكيف بس المروحه و ان شاء الله الحراره تخف و خاصه و انت داعس على الخط :D
*SS* POWER
31-12-2001, 09:29 PM
من قدك يا دكتور السيارات :D
ان شاء الله راح اطبق هالطريقه واخبرك بالنتيجه :)
بس اذا ذبت من الحراره لا تلوم الا نفسك :D :D :D :D
كابريس
31-12-2001, 11:14 PM
والله عندي المكيف أهم شيء
ومايهمني حرارة المحرك ولاغيره:D
بس الطريقة حلوة ويبغالنا نجربها :D
وما زلنا بانتظار المجربين :rolleyes:
ألأعرابي
01-01-2002, 04:32 AM
يا هلا بور س س
اذا جربت الحركه على الكابريس س س
قولي اذل تنفع في السباق
او اذا اغلق الدفايه و المكيف أحسن
IMPALA SS '96
01-01-2002, 06:00 AM
بعد التحية الطويلة و السلام الحار لحبيب الغالي M5
هذا لو كان يفتكرنا......
طريقتي هي.........
روح لأقرب صيدلية و اشتري حبوب بنادول إكسترا و تحاميل تالينول 500ملجم......
الحبوب تسقطها في التانكي حق البنزين و التحاميل مع الشكمان....
وان شاالله بتنخفض الحرارة و حتصحصح معاك السيارة
و قدامها العافية و ما تشوف شر
:D :D :D :D :D :D :D
دمي خفيف........ولاّ؟؟
معليش أعذروني جا موعد دواء الهلوسة :D :D
تحياتي....
tornado
01-01-2002, 06:59 AM
ولله هالطريقه
شي شي
:D :D :D
fist302
01-01-2002, 08:19 AM
Z28*POWER*
حبيبي مين قال انه لازم تشغل المكيف عشان تسوي طريقة m5 !!
لا انا ولا m5 قلنا كده......الطريقة ببساطة هي::
(1)- انك تحول مؤشر الحرارة الى اقصى حرارة
(2)- ثم ......... هناك زر للأختيار بين الهواء الموجود بالمقصورة وبين الهواء من الخارج ...خليه من الخارج عشان يأتيك الهواء الحار من المحرك وبالتالي يبرد ......
(3)- ثم زود المروحة الى رقم 4 لاحظ ممكن تفضل ماشي على هذا الوضع ...لكن عند السباق اطفىء المروحة سيظل الهواء الحار يتسرب من المحرك للمقصورة لأنك اخترت هذه الوضعية كما في رقم (2).
(4)- لاحظ الى الأن ماجبنا سيرة الa/c ولابنجيبه.. بمعنى الكمبروسر غير شغال......... مع العلم انه في جهاز كان يباع في الأسواق يوصل الهواء البارد القادم من المكيف (اذا كان في وضع التبريد) الىانبوبة سحب الهواء بعد الفلتر وقبل الماس اير ...هذه الطريقة تزود 7 احصنة
وفي السيارات السوبر تشارجر تزود الى 16 حصان .
تحياتي للجميع
L.O CUSTOMS
01-01-2002, 11:00 PM
شباب ارجو المساعده
الحين طريقة ام 5 :كذا
1)شغل السياره.
2)اشغل المكيف على الحار وأفجر المكيف على اخر شي:D يعني اخليه يدفع الهواء بأعلى شي.
3)اخلي الهواء ما يسوي ريسايكل يعني ما يجيب الهواء من الداخل يجيبه من خارج السياره..
4) المفروض تنزل الحراره وانا الحراره ما نزلت معي ممكن اعرف السبب:confused: :confused: :eek:
روح الامارات
01-01-2002, 11:15 PM
انا عندي اجابة سؤالك يا LH لأن الجيب رانجلر لو تحطيله احسن انواع السوائل التبريد ,بتم الحرارة على النص وما عرفت السبب ,مع اني حطيت له سائل COOLENT اللى يبرد بس ما شي فايده:) :)
L.O CUSTOMS
01-01-2002, 11:56 PM
شكراً يا روح الإمارات على التعاون الي بيننا
لاكن:
تعتقد الحراره لو ضلت كذا احسن من ان الحراره تنزل مثلاً للربع وياليت:(
L.O CUSTOMS
02-01-2002, 12:00 AM
مشكورررررررررررر يا روح الإمارات على هذا التعاون
لاكن فيه شيء محيرني:
تعتقد الحراره لو كانت كذا طبيعي!! او افضل للسياره!!
او اذا كانت الحراره مثلاً على الربع :confused: ؟؟
محد قالك انك...................داهية
=======
الطريقة حلوة بتريح السيارة وتبهذل الركاب
fist302
الطريقه الي تزود 7احصنة
هي الطريقه الي ذكرتها ولا الجهاز؟؟