فتى الامارات
08-12-2001, 02:17 PM
مقارنه بين الزوجه في السنه الاولى والسنه العاشره
تشير الساعه الى 6:30 صباحا :
تودع زوجها وهو ساير للدوام وتقول له: (بالسلامه يا حبيبي) وترشه بمصه
الساعه 11 صباحا:
تتصل فيه في الدوام وتقول له:(حبيت اسمع صوتك بس يا عمري)
الساعه 3 العصر :
تستقبله وهي متزقرته ومتعدله وترشه بوسه وهو داخل للبيت وتقول له:(الغدا جاهز يا حياتي ..تحب احطه لك الحين ؟)
الساعه 5 العصر:
توعيه من النوم ببوسه وتقول له:(اسوي لك شاي يا غناتي؟)
الساعه 6 المغرب:
بكل خجل تقول يا ريت يا حبيبي .. يعني لوما عليك كلافه .. يعني اذا تقدر توديني شوي لبيت اهلي برايك ،... اذا كنت تقدر يا عمري؟؟؟ وقبل ما ينطق بكلمه ( اذا ما تقدر خلاص مب لازم ) وطبعا يضيع هو في سحر عيونها ويوديها لاهلها ولو انهم ساكنين في آخر الدنيا بيوديها ولو حتى ساكنين وين ما ابليس مضيع اهله بيوديها ).
الساعه 8 بالليل:
تتصل على الموبايل وتقول ( اشتقت لك يا عمري .. يا ريت تمرعلي ونسير للبيت ) وطبعا هو عارف شو بييه في البيت فيتخربط ويستانس (من حقه معرس يديد ومب شايف خير ) ويقول للشباب آسف والله يا شباب راسي يعورني وباجر دوام ولازم اروح
الساعه 10 بالليل:
تيلس في حضنه وتقول ( الله يا غناتي تتذكر ؟ تتذكر ايام الملجه لما كنت تسوي المستحيل عشان تشوفني ..وانا ياما جذبت على ابوي وقلت له اني طالعه ويا امييي وانا اصلا متفقه مع امي عشان اطلع معاك ) ويطلعون ويانا مناقر صغار اخويه ولا اختيه وانته توديهم الالعاب وتعطيهم بيزات ونسير بروحنا على الممزر وبعدها بوس لمده ما تقل عن ساعه فديت ها الايام ياليت ترد والله.
الساعه 11 بالليل :
يسيرون غرفة النوم موسيقى هاديه وبراد وشمع في كل مكان والفراش معطر ومدخن ويدخلون الغرفه ويسكرون الباب؟؟؟؟؟؟؟؟؟؟؟
بس خلاص شو تبون تعرفون بعد عيب كملو القصه
بعد مرور عشر سنوات
الساعه 6:30 صباحا:
هي في سابع نومه
الساعه 11 صباحا:
هي بعدها في سابع نومه
الساعه 3 العصر:
تستقبله وهي نافخه كشتها ومكششه وتقول ( شوف لي حل ويا ولدك علوه هذا ..لين اللحين ما كتب الواجب .. وحمدوه الله ياخذها انشاء الله طاره مريولها في المدرسه …عطني بيزات لازم اسير الصنادق اشتري لها واحد غيره … وصلوح يبغي علبة هندسه توة يقول لي ان الامتحان باجر… وترى مريوم اتكرفست على الدري وهي كانت في المشايه … واظن انها تعورت …كله من هاي البشكاره الله يا خذها ….اسمع يا انا يا هاي البشكاره في هالبيت ….ابغيك اليوم تسفرها ما ابغي اشوفها وابغيك بسرعه تقدم على وحده ثانيه ….وما ابغيها تكون حلوه هات سيلانيه…..يا ويلك لو كانت حلوه …..وبعدين بشكارتي ابغيك تشرط عليها اذا سفرتها ما تشتغل عند حد غير ….عشان ما تقول اسرار بيتنا للناس الي تشتغل عندهم ( ما تدري ان اسرار بيتنه كلها عند اليران من لسانها هاللي اشطوله )
و …و …..و
الساعة 5 العصر:
هي تفج ضرابة بين حمدوه واخوها وينش هو على صوتها وهي تنازع وتدعي عليهم ( وعزراييل خذكم , يعلكم انشالله بطاعون … يعلكم بصخونة ... يعلكم ماتربحون لادنيا ولا اخره… يعلكم بيهد…الله يغربلكم وغربل ابوكم وياكم ، ياعيال الكلب)
الساعه 6 المغرب :
هو يالس يشرب الشاي وهي تقول ( نبغي نسيرلاميه بتييهم بنت خالة يد ولد عم ابويه ..وبعدين نبغي نسير نشتري للبنت مريول ..وبعدين بنت عمي مربيه ولازم اروح اشتري لها هديه من (تويز آر اص) هاذيج المره خذيتلها من عند محمدي وضحكو علي و ابغي امر على الخياط..وبعدين نزلنا عند اختي من زمان ما شفناهم...
وفي هاللحظه فكر هو انه يشتغل دريول احسن له
الساعه 8 بالليل:
تتصل على الموبايل ( وينك الحين؟ وبعدين وين بتروح ؟ ومنو الي وياك هذا ؟ شو تسوون ؟ ومتى بتيي ؟ اكيد انته على البحيره؟ اسمع صوت بنات؟ احلف انهم مب وياك؟ في سيارة منو ؟ طعنت ولا بعدك؟) اقولك تعال تعال اللحين ودني بسير اشرب عصير على بحر الحيره
الساعه 10 بالليل:
يالسين هي وياه عند التلفزيون ..اخيرا هدوء ..والصغاريه نايمين ..والجو جميل ..وفجأه تطالعه وهي ماده بوزها وتقول ( الحين امك شو بلاها اليوم منتفخه ما ترد يوم سلمت عليها ؟ هاه ؟ ) ( والله ما ادري شو بلاها) ( واختك شو هالحركات والله ماعندها سالفة…ليش عازمه اليران وكل حريم اخوانك الا انا ؟؟؟ لكن ماعليه والله لاسوي عزيمه وما اقولها…اصلان هي ما زارتني في المستشفى يوم ربيت وانا فاهمه قصدها ..لكن ماعليه ..والله لو تصك السما ما اسيرلها اذا ربت……وبعدين بنات عمك شو عندهن نافخين عمارهن ؟؟ على شو ابغي افهم ….على جمالهم الزايد خسهم الله البقر) تسكت شوي بعدين تقول ( وبعدين اختك شيخوه قرنبع يوم انها تقول ان عليوي ولدي يشبهني ما يشبه ابوه شو قصدها هاه )
ملاحظه : علي هو اخسف اخوانه
انا فاهمه قصدها وتراها اذا ما ودرت هالحركات والنغزات تراني بقول فيها قول ، وبسمعها كلام واخليها تحترم نفسها …..لا هاذاك اليوم تقول اخوي خلادي( الي هو الزوج ) حلو وايد و3 من حريم اليران خطبوه لبناتهم ….من زينك بس ما ادري شو لاقين فيك يالدوبه ) . يسكت وما يرد عليها , تسكت وعقب تقول ( وبعدين اخوك سعودوه شاري لزوجته ساعه شوبارد قيمتها خمسين الف درهم) يرد ( انزين شو المشكله ؟ ) ( وانا ليش ما تشتري لي ..والا انا ما استاهل يمكن بعد ما استاهل لا قول بعد ما استاهل هي ادريبك انته يالس تقول في خاطرك اني ما استاهل عيونك تقول اني ما استاهل قول قول بعد قول اني ما استاهل ..ولا هي يعني احسن مني … انته شفت شيفتها وانته بكرامه.. الله يغربله من ويه اخ لاه ..مب حلوة وخسفه ودبه الله يغربلها ماتروم تتحرك وريحتها وهف وماتعرف تتمكيج شوعرفهن بعد هاذيل الهنود امها طول ماهي يالسه تلوج البان مال الهنود وحتى طبخ ما تعرف تطبخ ) ( خلاص بشتري لج ساعه ) تحرج وتقول ( ايه تسكتني بهالكلام ….والله مابتشتريلي ولا شي ) (شو تبغيني اقول يا بنت الحلال ؟ ) تقوم وهي وتبغم وتصيح (خلاص ما ابغي منك شي)
الساعه 11 بالليل هي زعلانه ونايمه مع اليهال
وهو يلعن اليوم الي تزوج فيه
اللحين شو رايكم في حريمنا يسون جيه ولا ؟؟؟؟؟؟؟؟؟
تشير الساعه الى 6:30 صباحا :
تودع زوجها وهو ساير للدوام وتقول له: (بالسلامه يا حبيبي) وترشه بمصه
الساعه 11 صباحا:
تتصل فيه في الدوام وتقول له:(حبيت اسمع صوتك بس يا عمري)
الساعه 3 العصر :
تستقبله وهي متزقرته ومتعدله وترشه بوسه وهو داخل للبيت وتقول له:(الغدا جاهز يا حياتي ..تحب احطه لك الحين ؟)
الساعه 5 العصر:
توعيه من النوم ببوسه وتقول له:(اسوي لك شاي يا غناتي؟)
الساعه 6 المغرب:
بكل خجل تقول يا ريت يا حبيبي .. يعني لوما عليك كلافه .. يعني اذا تقدر توديني شوي لبيت اهلي برايك ،... اذا كنت تقدر يا عمري؟؟؟ وقبل ما ينطق بكلمه ( اذا ما تقدر خلاص مب لازم ) وطبعا يضيع هو في سحر عيونها ويوديها لاهلها ولو انهم ساكنين في آخر الدنيا بيوديها ولو حتى ساكنين وين ما ابليس مضيع اهله بيوديها ).
الساعه 8 بالليل:
تتصل على الموبايل وتقول ( اشتقت لك يا عمري .. يا ريت تمرعلي ونسير للبيت ) وطبعا هو عارف شو بييه في البيت فيتخربط ويستانس (من حقه معرس يديد ومب شايف خير ) ويقول للشباب آسف والله يا شباب راسي يعورني وباجر دوام ولازم اروح
الساعه 10 بالليل:
تيلس في حضنه وتقول ( الله يا غناتي تتذكر ؟ تتذكر ايام الملجه لما كنت تسوي المستحيل عشان تشوفني ..وانا ياما جذبت على ابوي وقلت له اني طالعه ويا امييي وانا اصلا متفقه مع امي عشان اطلع معاك ) ويطلعون ويانا مناقر صغار اخويه ولا اختيه وانته توديهم الالعاب وتعطيهم بيزات ونسير بروحنا على الممزر وبعدها بوس لمده ما تقل عن ساعه فديت ها الايام ياليت ترد والله.
الساعه 11 بالليل :
يسيرون غرفة النوم موسيقى هاديه وبراد وشمع في كل مكان والفراش معطر ومدخن ويدخلون الغرفه ويسكرون الباب؟؟؟؟؟؟؟؟؟؟؟
بس خلاص شو تبون تعرفون بعد عيب كملو القصه
بعد مرور عشر سنوات
الساعه 6:30 صباحا:
هي في سابع نومه
الساعه 11 صباحا:
هي بعدها في سابع نومه
الساعه 3 العصر:
تستقبله وهي نافخه كشتها ومكششه وتقول ( شوف لي حل ويا ولدك علوه هذا ..لين اللحين ما كتب الواجب .. وحمدوه الله ياخذها انشاء الله طاره مريولها في المدرسه …عطني بيزات لازم اسير الصنادق اشتري لها واحد غيره … وصلوح يبغي علبة هندسه توة يقول لي ان الامتحان باجر… وترى مريوم اتكرفست على الدري وهي كانت في المشايه … واظن انها تعورت …كله من هاي البشكاره الله يا خذها ….اسمع يا انا يا هاي البشكاره في هالبيت ….ابغيك اليوم تسفرها ما ابغي اشوفها وابغيك بسرعه تقدم على وحده ثانيه ….وما ابغيها تكون حلوه هات سيلانيه…..يا ويلك لو كانت حلوه …..وبعدين بشكارتي ابغيك تشرط عليها اذا سفرتها ما تشتغل عند حد غير ….عشان ما تقول اسرار بيتنا للناس الي تشتغل عندهم ( ما تدري ان اسرار بيتنه كلها عند اليران من لسانها هاللي اشطوله )
و …و …..و
الساعة 5 العصر:
هي تفج ضرابة بين حمدوه واخوها وينش هو على صوتها وهي تنازع وتدعي عليهم ( وعزراييل خذكم , يعلكم انشالله بطاعون … يعلكم بصخونة ... يعلكم ماتربحون لادنيا ولا اخره… يعلكم بيهد…الله يغربلكم وغربل ابوكم وياكم ، ياعيال الكلب)
الساعه 6 المغرب :
هو يالس يشرب الشاي وهي تقول ( نبغي نسيرلاميه بتييهم بنت خالة يد ولد عم ابويه ..وبعدين نبغي نسير نشتري للبنت مريول ..وبعدين بنت عمي مربيه ولازم اروح اشتري لها هديه من (تويز آر اص) هاذيج المره خذيتلها من عند محمدي وضحكو علي و ابغي امر على الخياط..وبعدين نزلنا عند اختي من زمان ما شفناهم...
وفي هاللحظه فكر هو انه يشتغل دريول احسن له
الساعه 8 بالليل:
تتصل على الموبايل ( وينك الحين؟ وبعدين وين بتروح ؟ ومنو الي وياك هذا ؟ شو تسوون ؟ ومتى بتيي ؟ اكيد انته على البحيره؟ اسمع صوت بنات؟ احلف انهم مب وياك؟ في سيارة منو ؟ طعنت ولا بعدك؟) اقولك تعال تعال اللحين ودني بسير اشرب عصير على بحر الحيره
الساعه 10 بالليل:
يالسين هي وياه عند التلفزيون ..اخيرا هدوء ..والصغاريه نايمين ..والجو جميل ..وفجأه تطالعه وهي ماده بوزها وتقول ( الحين امك شو بلاها اليوم منتفخه ما ترد يوم سلمت عليها ؟ هاه ؟ ) ( والله ما ادري شو بلاها) ( واختك شو هالحركات والله ماعندها سالفة…ليش عازمه اليران وكل حريم اخوانك الا انا ؟؟؟ لكن ماعليه والله لاسوي عزيمه وما اقولها…اصلان هي ما زارتني في المستشفى يوم ربيت وانا فاهمه قصدها ..لكن ماعليه ..والله لو تصك السما ما اسيرلها اذا ربت……وبعدين بنات عمك شو عندهن نافخين عمارهن ؟؟ على شو ابغي افهم ….على جمالهم الزايد خسهم الله البقر) تسكت شوي بعدين تقول ( وبعدين اختك شيخوه قرنبع يوم انها تقول ان عليوي ولدي يشبهني ما يشبه ابوه شو قصدها هاه )
ملاحظه : علي هو اخسف اخوانه
انا فاهمه قصدها وتراها اذا ما ودرت هالحركات والنغزات تراني بقول فيها قول ، وبسمعها كلام واخليها تحترم نفسها …..لا هاذاك اليوم تقول اخوي خلادي( الي هو الزوج ) حلو وايد و3 من حريم اليران خطبوه لبناتهم ….من زينك بس ما ادري شو لاقين فيك يالدوبه ) . يسكت وما يرد عليها , تسكت وعقب تقول ( وبعدين اخوك سعودوه شاري لزوجته ساعه شوبارد قيمتها خمسين الف درهم) يرد ( انزين شو المشكله ؟ ) ( وانا ليش ما تشتري لي ..والا انا ما استاهل يمكن بعد ما استاهل لا قول بعد ما استاهل هي ادريبك انته يالس تقول في خاطرك اني ما استاهل عيونك تقول اني ما استاهل قول قول بعد قول اني ما استاهل ..ولا هي يعني احسن مني … انته شفت شيفتها وانته بكرامه.. الله يغربله من ويه اخ لاه ..مب حلوة وخسفه ودبه الله يغربلها ماتروم تتحرك وريحتها وهف وماتعرف تتمكيج شوعرفهن بعد هاذيل الهنود امها طول ماهي يالسه تلوج البان مال الهنود وحتى طبخ ما تعرف تطبخ ) ( خلاص بشتري لج ساعه ) تحرج وتقول ( ايه تسكتني بهالكلام ….والله مابتشتريلي ولا شي ) (شو تبغيني اقول يا بنت الحلال ؟ ) تقوم وهي وتبغم وتصيح (خلاص ما ابغي منك شي)
الساعه 11 بالليل هي زعلانه ونايمه مع اليهال
وهو يلعن اليوم الي تزوج فيه
اللحين شو رايكم في حريمنا يسون جيه ولا ؟؟؟؟؟؟؟؟؟