ما عندي فلوس ... أنا فقيرة

[سموحة]

في كثير من الناس من تقول انا فقير ........ أو خلصت فلوسي

وكل ما تراهم يقولون هالجملة مع انهم

يلبسون أحسن لبس ........ متلففين بالذهب من شعر راسهم لاخمص اقدامهم

يطلعون ويسهرون ويروحون ... لا والمصيبة اللي تبط الجبد يشترن الهداية الغالية لاصحابهم

وفوق ذي امفالسين ما عندنا فلوس ........ يا اخوان احمدو الله وشكروه ... انتو احسن من غيركم بمليون مرة

في مرة واحد ( الله يستر عليه ) كان يطلب من عندنا عشرين دينار ومحد عطاه وجه بصراحة ( لانه اكثير يستلف وما يرجع اللي استلفة )

ويوم جاف محد عطاه وجه ما سمعناه إلا يقول باروح اودي اعيالي جسميز ( مطعم وجبات سريعة )

اشدعوه انت من شوي ما عندك فلوس وتبي تستلف عشرين دينار الحين صار عندك فلوس حق المطعم ......... والله عجيبة http://www.swalif.net/sforum1/images/smilies/confused.gif

وكثير من المواقف اللي تبط الجبد من هالناس اللي ما تحمده وتشكره وناسيين قوله تعالي وان شكرتموني لازيدكم

فايش رايكم بالهناس هل هم يخافون من الحسد أم يخافون احد يستلف منهم أم الطمع

[بنت العين]

سمـاح

هلا و الله ..موضوع حلو..

تدرين الواحد احسن له يشكر الله على النعمه..و ما فيه داعي
يظهر شي هب فيه...ناس اغنياء..و يقولون انهم محتايين..يخافون
من العين..و ناس بالعكس..يعني من برع الله الله .. و من داخل يعل الله

الله يهدي الجميع...:)

[توتة]

حتى في الحرم يا سماح .....

ضروسهم ذهب و يهدون في النيطان ....
و يسوون عمارهم معوقين .... و يشحتون
و بعدها يقومون سليمين مافيهم شي ؟؟؟

اساسا الفقير هو اللي يعف نفسه عن الطلبة و السلفة ؟
أما اللي يتسلفون ... وايد منهم ويهّم قوي ... و عندهم فلوس
بس زطاطة ....

و اللي مخليهم يتسلفون ... أن المجتمع يساعد
و لو سار يتسلف من فقير بيعطيه لأن نفسه عفيفة
و ما يرضى حد يجيه و يتسلف منه و ما يعطيه

و هذيلا كل ما اييهم يزيدون ؟

وين التعفّف ... ووين مراعاة ظروف الناس ؟

تحياتي ,,,,,

توووووووووووتة :)

[حسينكو]

مساء الخير

كيفك اختي سماح

انا دخلت الموضوع كان بودي اسلفج ... افتكرتج عن جد ما عندج فلوس
:):)

المظاهر تسوي اكثر من جذي يا سماح ...

انا اقول لا تخلي عندك فلوس اصرفها على طول وسافر ... لأنك اذا ما صرفتها ... بيتسلفها منك واحد وبيصرفها وبيسافربها هو؟؟

:D :D

[SKY]

احـنا عـايشين. الان عـصر النفاق.والنصب على خلق الله وش تتوقعوا.طيب.

[شعنونة سوالف]

روحي لبنان...

كنت دائما اسمعهم ان لبنان غاليه واسعارها نار هذه بالاضافه الى الرواتب القليله....

بس اتحداك انك تروحي قهوه او مطعم و تلاقي مكان فاضي...

او يمر من جانبك احد الا ومعاه هاتف خليوي....

حتى ابن ال15 سنه عنده تلفون....وبعدين يقولون الدنيا غاليه:confused:

[سموحة]

بنت العين

هلا فيج عزيزتي ...
فعلاً الدنيا مقلوبة الشخص الغني تجوفينه كلا يتطلب والفقير عاف نفسه عن السؤال ...... والله عجيبة




توتة

والله صاجة لا والمشكلة أنهم ما يتركونج إلا اول ما تعطينهم
يعني وراج وراج وين ما رحتى والمصيبة الاعظم أنج إذا عطيتي واحد راح خبر ربعة وصارو لج طابور



حسينكو

لا تحاتي أول ما ابي استلف من أحد ركض طوالي عليك ... ما انت كريم يا خويا
بعدين خلاص يعني كلا نسافر عشان فلوسنا تخلص وما نسلف احد والله فكرة ... بس تيزيني 100 دينار اروح فيها امريكا http://www.swalif.net/sforum1/images/smilies/cool.gif




SKY

فعلاً عصر النفاق والمقصة يعني الواحد الله ماعطة يقعد يقص على خلق الله كيفة بس يخدع رب العالمين ........ منتهي الغباء



لينا

شتقولين ابن 15 عنده نقال وايد زين ...... انا اخوى عمرة 10 وعنده نقال ... محد شايره له ابروحه جمع فلوسة وشراه .... والله العظيم نكته حتى الاطفال يحبون المظاهر

[Bent Eldeen]

;)
كلام في العضم .... :D هههههههههههههه

طمع بعيد عنج ;)

[شعنونة سوالف]

اسفه ولكن الغلط من الاهل...

يعني انت تقولين انه هو جمع فلوسه واشتراه..

هم يعتقدون انه لو اشتوا من فلوسهم ما احد يقدر يمنعهم وكان الاهل يرفضون علشان الثمن...

ليس اهلك فقط انا كمان اهلي احيانا يفعلون نفس الشئ...

تناقض:mad:

[الأمير]

فلنحمد الله دائما وأبدا ..

ونرجوا الله أن لاتزول نعمته علينا ...

وأن يحمينا من شرور أنفسنا ..

والله المستعان