سؤال لمن جرب كراون فكتوريا ؟

[FUN_PLANET]

السلام عليكم

سؤالي لمن استخدم كراون فكتوريا , هل هي عملية واقتصادية ؟

هل اعطالها كثيره ؟؟؟؟ وهل ينصح بها ؟


وشكرا جزيلا

[كابريس]

نحنا جربنا القراند ماركيز 2001 حق الوالد
الصيانة أكثر من زفت وألعن صيانة شفتها في حياتي

صار موقف للوالد لمن وداها صيانة 15000 كلم حيث انه سلمها اياهم يوم الخميس الساعة 8 صباحا وقالوا له عندما ننتهي منها نتصل عليك على الجوال وحتى العصر مااتصلوا !!! المهم راح الشركة حصل الصيانة مقفلة سأل الحارس قال يوم الخميس يقفلوا الساعة الواحدة ظهرا المهم راح الحارس وجاب رقم رئيس الصيانة وكلمه الوالد قال ماتقدر تستلمها اليوم مع انها انتهت لأنه غير مسموح بفتح قسم الصيانة في غير أوقات الدوام ‍‍‍‍!!!
المهم اضطر الوالد بعد ما صرخ في وجهه انه يروح يوم السبت ويستلمها وكان يبغى يقدم شكوى للحاج حسين علي رضا بعد ماعرف عنوانه عن طريق أحد معارفه وقال لهم في الشركة
قام جا السوداني المسؤول عن الإتصال على الوالد عند انتهاء السيارة وجاء يقول " لو رفعت شكوى إما يفصلوني أو يخصموا من راتبي تكفى لاتقدم شكوى الغلط علي وووو " والرجال شوية ويبكي
المهم الوالد في النهاية استلم السيارة وقال مرة ثانية ماهو رايح لهم بالمرة ويغير الزيت في البنشر أحسن له ولا يعطلوه يومين وثلاثة والزيت نوعه موجود في البناشر
:mad: :mad: :mad:

[ايطالي]

والله غريب كلامك اخ كابرس

بس يمكن مستوى الخدمات يختلف من فرع لفرع ثاني

يعني انا في الشرقيه وعندنا كراون فكتوريا

وانا وديتها اكثر من مره بنفسي عشان اغير الزيت ما تقعد اكثر من يوم

او تخلص بنفس اليوم

*********
اخ FUN_PLANET

السياره هذي ممتازه , وانا استخدمتها السنه الماضيه استخدام يومي

ما تعطلت فيني ولا مره والحين هي سياره الاهل , وما فيها اي

مشاكل الحمد لله , بس على سؤالك اذا كانت اقتصادية ولا لا

ما اظن ان الكراون فكتوريا تعتبر اقتصاديه لانها تستهلك بنزين كثير

بس اذا ما يفرق معاك البنزين انصحك فيها لانها سياره ممتازه

واحنا اشتريناها تقريبا من ثلاث سنوات والحمد لله ما في اي اعطال

[ألأعرابي]

والله أنا عندي قراند ماركيز موديل 1992
و كانت له اعطال كثيره بس أن تفكر انه موتر موب الى ذاك المستوى بس الفقير يحق له يخترب من سنة 1994 و هو كل يوم يوديني و يجيبني من المدرسه الى يومك هذا
غير أنه الموتر الوحيد اللي بيتنا يستخدمونه للطلعه و هو ماشي لحد الأن ما يقارب ال 99 الف علما أن لم يقط مسافة سفر
بس داخل البحرين
موتر عائلي الصراحه أكير عيب أنه يصرف بترول

[s3ood]

اخ FUN_PLANET

احنا ماعندنا هذي السيارة بس عند بيت عمي، والله ماقط سمعناهم اشتكوا من شيء و بصراحه هي سيارة حلوة و تستاهل وهي سيارة اكثر من عملية قليلة الأعطال .. بس مع البنزين اقتصادية بس على فئتها

و اما عن كلام الأخ كابريس ..
ف لاتنسى ان وكيل الميركري غير عن وكيل الفورد في السعودية