View Full Version : زعيم الثوار...عالكرسي الدوار
بنت العين
23-10-2001, 11:22 AM
دار كرسي الاعتراف ..و اخيرا حط الرحال عند
ثائر بيك...يالله يا جماعه لا تقصرون فالاسئله
عندكم اياه ..:)
بس شوي شوي عليه :)
تحياتي له :)
بنت العين
23-10-2001, 11:28 AM
انا حابه اسألك نفس الاسئله اللي انته سالتهن البحاري..:)
صبـــــــــــــــــــــاح الهنا على قلبك ثائر ..
1- ثائر ...هل تعرف ثروة معارف .؟؟ وما طبيعةعلاقتك بها ؟؟
(مع اني ما فهمته) :)
2- قصيده قرأتها وانحفرت في ذاكرتك ( احلى وحده ) ؟
3- برأيك ايهما اجمل ..ان تحب ..ام ان تحب ( تكون محبوب) ؟
4- ماهو الشئ اللي تفكر فيه لما تستلقي على فراشك وبتنام ؟
5- ما فكرت في يوم ان ممكن تكون هناك بنت تحبك ..؟؟؟
ولو في بنت تحبك وش ردة فعلك ؟؟؟
6- امثولة تحب دائما ترددها ..
7- متى احببت لأول مره حبا صادقا .. ؟
9- من اول واحد دخلت مسنجر معاه؟؟ومن اكثر واحد تستمتع معاه عل المسنجر .. ؟؟
10- من اول واحد ربطت بينك وبينه صداقةمتينه في سوالف ؟
11- منو من الاعضاء اللي ما شفتهم تتمنى تشوفه و تقابله بشده ؟
- كم مقاس ثوبك ؟؟<<= ملطوشه:)
كيك آوت للسؤال اللي ما يعجبك ..:):):)
بياع القلوب
23-10-2001, 11:28 AM
هلا
اقول ثائر؟
انت ليش مسمي نفسك زعيم الثوار؟
هههههههه
سويتيها ...؟؟؟؟؟؟؟
اوكي ..وانا حاضر ..
تحياتي ..
ثائر
بنت العين
23-10-2001, 11:39 AM
الورد اللي كان فتوقيعك (القبلي) كله احمر
ما عدا وحده صفرا..لمنو تهدي الحمر..و لمن الصفره؟
شو فيها بنت العين؟؟اثرت فضولي ..
لازم تجاوب...:)..و الحين..
عاشقة
23-10-2001, 11:59 AM
هههههههههههههههههههه
حلوة منك بنت العين
يالله جاوب على الأسئلة ثائر .. وأستنى مني:)
بس خليني أفكر :)
بنت العين
23-10-2001, 01:48 PM
و ينكم...ابى اجوف اسئلتكم :)
ترى ثائر يستاهل..:)
ســامــر
23-10-2001, 02:02 PM
اهلين بنت العين.........مساء الخير للكل
والله ثائر يستـــــــــــــــــاهل......
واختيار موفق وجميل......
لكني حظي اني قريت الموضوع وبروح الحين للجامعة...
لكن انتظرني يالليله يابكرة..اجهز لك من معمل علم النفس بعض النقشات المبلورة لك باذواق سامرية خالصة.......
خليك جاهز :):)
تحياتي للكل
يا ليتني يا بحاري سالتك وش اسمك وعمرك وعنوانك ...:):):)
هههههههههه
الصراحه وايد صعب ..:( اني اجاوب ....احس بصير بايخ :(:)
يللا بسم الله نبدا ....
- ثائر ...هل تعرف ثروة معارف .؟؟ وما طبيعةعلاقتك بها ؟؟
(مع اني ما فهمته) <<= دام انج مو فاهمته عيل ليش اللقافه:)
ثروة معارف هذي من بنات افكار السيد يحيى بحاري ..تعرفت عليها في احدى الجلسات الاستشعاريه مع قرون يحيى ..ههههههه
والله انا اقول تسألين يحيى احسن
2- قصيده قرأتها وانحفرت في ذاكرتك ( احلى وحده ) ؟
نعم هي قصيدة ...لماذا يفيض النيل يا أمي ..
3- برأيك ايهما اجمل ..ان تحب ..ام ان تحب ( تكون محبوب) ؟
ممممم طبعا من الجميل ان يحمل قلبي مشاعر الحب والود ولكن الاجمل ان اشعر بفيض الحب يغمرني ...
4- ماهو الشئ اللي تفكر فيه لما تستلقي على فراشك وبتنام ؟
....أفكر باحزاني , وشريط الاحداث يستعرض نفسه قدامي ..
وافكر بايامي اللي ضيعتها بدون ما استفيد منها ..
وباحلامي اللي بخرتها مرارة الايام ..
و تفرض نجمة ليلي نفسها ... و تنسيني
وتاخذني معاها ... وانام
5- ما فكرت في يوم ان ممكن تكون هناك بنت تحبك ..؟؟؟
ولو في بنت تحبك وش ردة فعلك ؟؟؟
بصراحه ..انا وانا اساله لبحاري كنت ادور اساله تعجززززززز
هههههههوالله ما فكرت الا الحين .. ولو في اتمنى اني اعرفها
الله يقطع سوالفي على هالسؤال ههههههه
6- امثولة تحب دائما ترددها ..
((( ليس كل ما يلمع ذهبا )))
7- متى احببت لأول مره حبا صادقا .. ؟
حب بمعنى حب ... ........
بسنتي الثانيه في الجامعه ...
9- من اول واحد دخلت مسنجر معاه؟؟ومن اكثر واحد تستمتع معاه عل المسنجر .. ؟؟
لؤي سالم اقنيبر .... والثاني مرابط ..
وهم الوحيدين ترى ....:):)
و الحقيقة كل واحد يقول الزود عندي :):) الله يخليهم
10- من اول واحد ربطت بينك وبينه صداقةمتينه في سوالف ؟
مممممم اقدر احط لؤي وسعود ومرابط وبحاري ..كلهم في مرتبه وحده ...هم اول ناس ربطتني بهم صداقة متينه
وسامر وريان وبياع ,,,,اصدقائي روحا و روحا
11- منو من الاعضاء اللي ما شفتهم تتمنى تشوفه و تقابله بشده ؟
لؤي طرش لي صورته :) بالمسنجر ههههه وجني قابلته
اتمنى اشوف ..سعود ويحيى و مرابط وريان وبياع القلوب و اسير الليل وهاني و لوبيز اللي ذبحني بمواعيده :) وطبعا سامر نفسي اشوفه باللثام :):) هههههههه
- كم مقاس ثوبك ؟؟<<= ملطوشه
احم احم ...كيك آوت ..انا افصل ..يعني ما كو مقاسات
قولي يعني مقاس اي مواطن سعودي رشيق عريض المنكبين برونزي البشرة <<= وش دخل البشرة فالسالفه ..؟؟:):)
هههههه
وااااااااو ما بغينا ....احس جني بامتحان ..انشالله شفيتي غليلج الحين ...هذا انتقام ههههههههه
اللي بعدو ..
ثائر
بنت العين
23-10-2001, 03:35 PM
شو تبى بعد علامه كامله
جاوب اللي بعد ,,بس ما في
شي يشفي غليلي منك :):)
تحياتي :)
مساء الخير ...عامر:)
بصراحه بصراحه ...اول ما جيت اسجل ..احترت ..
و تذكرت اسم انا شايفه في احد المنتديات ..
ههههههه
منتدى براطم ...:):) واحد مسمي نفسه زعيييييم البراطم
ههههههههااااااااااااي
وجذي نطت ف راسي فكرة زعيم الثوار
انا اشوف ان له رنه وهيبه ..
ويدل على ما يعتمل في روحي من ثورة ..
وتسلم ... <<= ما توقعت هالسؤال ..:):):) رهييييييب
ثائر
التوقيع السابق ..كان اهداء من اخوي لؤي ..<<= اخترب وانا اضيف الجديد :(
وطبعا اهدي الورد الاحمر كله ::
لاخواني وخواتي اعضاء منتدى سوالف ..كللللللهم
و الصفره ..اهديها لــ بنت العين :)
عشان هالكرسي الخطير اللي ورطتني فيه
ههههه
تحياتي
ثائر
بنت العين
23-10-2001, 03:55 PM
السؤال اللي بعده اهم
ليش ما جاوبت عليه ..
شو فيها بنت العين ..
اقول ممكن سؤال
الورده من خاطرك ؟؟
داخله لقافه يعني :):):)
هههههه
يللا نستنى ....استلموني هل البنات :(
الله يعين
ثائر
وانا بالانتظار ..
موفق انشالله ..
تحياتي
ثائر
والورده طبعا من خاطري
و الا شو رايج يعني ؟؟
بنت العين ...
عضوة لفتت نظري باول موضوع قرأته لها ..
طلبت نقد على قصيده كتبتها ..
وحسيت اني اقدر اساهم في صقل موهبتها ..مجرد احساس
وبعدها فاجأتني بانها تطلب مني اتابع معاها كتاباتها
وصحيح انها شويه تكسر قوافي ..و تلطع كلام ساعات موهوب في مكانه
لكنها شاعرة بما يجول في وجدانها ..
وتقدر تترجمه ..بخواطر
مرحه وشيطانه ..
ادب ولباقه بس مع شوية جرأة وشجاعه ..
و حارقه قلبي على اليوناني :)
تشاطرني الكثير من الهوايات
و الميول ..سبحان الله
والباقي تعرفه ..
:):):)<<==== انبسطتي ؟؟
تحياتي
ثائر
بنت العين
23-10-2001, 04:35 PM
ثائر...انته
شخص مثالي ينور المنتدى بنوره
احس انك بالخصال مصور صوره
دين و اخلاق و حسن تبنى له قصوره
قصور الحب و الوفا ترفع له جسوره
اخ عزيز...بك انا فخوره
المنتدى مظلم ..الين تشرق بدوره
احس بالطيبه في كلامه.. و في سطوره
يكتب وينشر على كلامه احلى عطوره
لو وصفتك حارت اوصافي
بكلامك الزين المريض ينعافي
لا تكثر كلامك يكفي و كافي
زاد اعجابي بك..وزاد شعوري الصافي
يا ثائر يا ولد الناس الاشرافي
لك سلام من العين ......خطافي
عيزت و انا ادور فالرشيف...:)
ما عرفت شو ارد عليك...قلت خلنا
نجوف الارشيف..:)
هيه الحين مبسوطه :):):)
مساء الخير ...
مبسوط لانبساطج ...
بنت العين شاعرة
مرحة وف هل المجال ماهرة
مني ومناك اشوفها زاهرة
ونجمتها في سمانا باهرة
ودايم انتظر جديدها وقصايدها الثائره
وان ماشفت لها موضوع اقلق علبها وتبقى عيني ساهره
يا ترى قريحتها خلصت والا ننتظر عاصفة مشاعر طاهره ..
ياليت الكلام يوصل يا اختي كل المعاني التايهه الحائره ..
اشكرج من قلبي على اهتمامج وسؤالج ...
ولو الكلام خلص قصيدتي ما بتخلص ...
هههههههه بالموت حصلتها ,....
ليتج مسويه فيني خير وطلعتي الموضوع ,,,,:):):)
ثائر<<===== مشكووووووووووووووور واااااااايد
بنت العين
23-10-2001, 05:06 PM
شيك على الايميل :(
ما باليد حيله ..
المبتسم
23-10-2001, 09:23 PM
اهلين ثائر..
عندي لك شويه اسئله..
1-ماهي فلسفتك في الحياه......
2-هل انت اكبر اخوانك او فيه اكبر منك؟؟؟وكم عمرك..
3-تحب تاكل ام علي بارده ولا ساخنه؟؟؟
4-لونك المفضل..
5-نظامك اليومي..(الجدول اليومي)...
6-ايش احلي نكته سمعتها في حياتك؟؟..
7-ماذا يعني لك كل من
البحاري-غريب نجد-لوبيز-لؤي-بنت العين-توته..
8-من هو اعز اصدقائك...(10 AS AMXIMUM)
واحب اشكر بنت العين علي هذا اللقاء
الحلو وانها اعطتني الفرصه علشان اقطع في ثائر..
وتحياتي لك..
لوبييز..
ههههههههه
قال يقطع فيني قال ...
أهلين لوبيز ..
1-ماهي فلسفتك في الحياه......
فلسفتي ..المرء خصيم نفسه ..
2-هل انت اكبر اخوانك او فيه اكبر منك؟؟؟وكم عمرك..
لا انا اللي قبل الاخير
وفي الاكبر مني خير ...
وعمري : 19\7\1977 م<<== برد قلبكم الحين :)
3-تحب تاكل ام علي بارده ولا ساخنه؟؟؟
احبها في كلا الحالتين <<= شمعنى أم علي ؟؟
4-لونك المفضل..
الاساسي ===>> الاحمر الغامق
وبعده البرتقالي
واللون السمائي
5-نظامك اليومي..(الجدول اليومي)...
حالياًبس مو دايما في شواذ احيانا..لكن المتوسط العام ..
انام بعد شروق الشمس .. واصحى عند صلاة الظهر .. بعد الغدا اجلس بروحي فغرفتي ..ان كان بقرأ والا بشوف التلفزيون وساعات اشقر على سوالف .. العصر رسمي انترنت ..الين ما يشاء الله واذا طرا طارئ اقوم واقضي اشغال و ارجع ...وتعرف اذا احيانا بزور الربع و الا هم يجون :) ..ما في روتين محدد..
الين استلم الشغل باذن الله .. وبعدها راح تتحسرون على ايام ثائر :)
6-ايش احلي نكته سمعتها في حياتك؟؟..
والله هذي شوي صعب احددها لكن اقدر اقول ان نكتة الفاكس الدموي ..هي اللي حاضرتني ..:)الان
7-ماذا يعني لك كل من
البحاري-غريب نجد-لوبيز-لؤي-بنت العين-توته..
ممممممم
البحاري : اخ وصديق عزيز جدا شدني له طيبته و حب الناس كلهم له ..جذبني فيه شاعريته واحساسه المتدفق .. وعدله مع الكل
و كنت لفترة اتمنى اني احظى بمقدار ضئيل من اهتمامه والحمدلله مغرقني اهتمام ويغار مني :):) هههههههه امزح لورد يحيى .:):)
غريب نجد : <<= احس انه سؤال مغرض :)
اخو عزيز فاجأني بشي حلو ...ما راح انساه ابد
راعي طلات مفاجأة ..في نظري ..:)
لوبيز : كنت لفترة اضنه ما يطيقني .. لكن مادري وش اوهمني انه بدا يتسنع معاي .. شخص فرض وجوده بكتاباته الحلوة ..
و يلفت نظري اسلوبه في الرد .. مميز وعليه جرأه ..يحسد عليها
بس طيب الصراحه :)
لؤي : اخ وصديق وصاحب مواقف ما تنسي .. وقف معاي في محنه وانا اشكره واحس انه غامض بالرغم انه تكلمنا في اشياء كثيرة ورقيق لدرجه تفوق التصور ..ويحب يفاجأني ويتعبني احيانا لاني ما افهمه :(..ووووووو ....الخ
بنت العين : مجننتني و مطلعتني من طوري :)...بالغازها اللي ما تنتهي بس مرحه وشيطانه وتقدر تدير دفة الحديث <<= حلوة هههه
باسلوب مضحك ... وتاعبتني شويتين وطايحه فيني نصايح :(:)
لا تســـــــــــــهررررررررر:)
توته : لفتت نظري بكلمه فارسيه ( خدا هافز )
و من يومها وانا احب اكتب لها مقاطع فارسيه :)
8-من هو اعز اصدقائك...(10 AS AMXIMUM)
و الله اذا كنت تقصد من خارج سوالف .. فهو نصف ثائر الاخر :)
انشالله بيهل عليكم ..قريب حسب همة صاحبنا ..:)
اما من المنتدى ..
اللي احس انهم يعزوني حيييل ..الترتيب ليس له اهميه ..:)
سعود مرابط بحاري لؤي ريان توفيق سامر صوت العقل بنت العين عاشقة طلال سعوديه بياع اسير الليل جاسم سحابه ام الحنان ..زادو عن 10 معليش ..ههههههوز الله هم واجد واسف للي ما ذكرت اسماؤهم ترى لوبيز ساعات احس انه يعزني .. وساعات :( مادري عاد انتا اساله
لكن عشان اكون دقيق ..اكثر شي مرابط وسعود ولؤي وبحاري وبنت العين وريـــان وصوت العقل اكثررررر شي هم ذولي
سؤال قاتل ..قاتلك الله هههههههههههههه:)
تسلم لوبيزيتوووووو
تحياتي ثائر
لؤي سالم اقنيبر
23-10-2001, 10:36 PM
ثاااااائر اجلس على كرسي الصراحة و أجب :
س1 : ماذا تعني لك الكلمات التالية :
الحياة
الأمل
الحلم
الوعد
البعد
ــــــــــــــــــــــــــــــــــــــ
س2 : لماذا كنت ستغادرنا ؟؟؟؟ وهل لؤي السبب ؟؟
ــــــــــــــــــــــــــــــــــــــ
س3 : أوصف لنا نفسيتك في عشر كلمات واضحة المعالم ؟
ـــــــــــــــــــــــــــــــــــــــــــ
س4 : ثائر الأمس ثائر اليوم ثائر غداً ما الفرق ؟
ـــــــــــــــــــــــــــــــــــــــ
س5 : أعطي كل واحد من الآتي أسماءهم درجة من العشرة والتقييم يعود اليك وبدون محاباة :
البحاري
مرابط
أم الحنان
بنت العين
مدردش متقاعد
لوبيز
دكتور ريان
سعودية
مس لبنان
لؤي
سعود
زهرة الكركديه
وبدون تفصيل التقييم
أخوك لؤي
المبتسم
23-10-2001, 10:43 PM
هلا والله اخوي ثائر..
ياخي مدري انتا ليش شايل في قلبك مني:(:(:(
ههههههه
ياخي قلتلك والله انا ماني زعلان منك
وليش ازعل؟؟؟؟؟؟؟؟
كل اللي صار انه تقصير مني وبس واني مارديت علي
مواضيعك..
بس الحين اللي اقدر عليه برد عليه بسرعه..
عموما بعض اجاباتك فاجئتني وما كنت اتوقعها...
اولا عمرك...
كنت احسبك في حدود 18-20 سنه طلعت فوووووووق
ههههه
اما عن ام علي ههههه:):)
اللي صار اني بعد المغرب رحت مطعم الجامعه..
ولقيت علي البوفيه حق الحلي ام علي
الصراحه اشتهيتها لاني من زمان ما اكلتها:(:(
بس الله لا يوريك..
انا منت احسبها ام علي :(طلعت ام العفس:(:(
ووووووع ولا كملتها..
مافي احلي من طبخ الوالده:(:(
اما عن اعكز اصدقائك..
صراحه كلهم ناس طيبين ولا استغرب ابدا انك
تحبهم...
واما لوبيز صدقني انه يحبك ويعزك
وانا مدري ايش اللي جاب تالخرابيط هذ ي في التنكه حقتك(مخك:))
اما غريب نجد..
ههههههه
انا كاتب السؤال دا علشان اوديك في دهيه
هههههههههههههههه
انا بنت العين تحب تضايقك..؟؟؟؟؟
هههههه
طيب انا ولؤي من الصبح قاعدين نحش فيك وانت منت داري
هههه
بس والله من المعزه(اقصد المحبه وليش زوجه التيس)..
ولو ما كنا نحبك ما كنا راح نمزح معك...
سؤال اخير:لو كنت مشرفا...(لا سمح الله)
ماهو اول قرار تتخذه...
ومن تضع بجانبك في الاشراف ليساعدك..======>(ايش يبغا دا بالظبط؟؟)
ههه:)
وتحياتي لك اخي العزيز...
واختم كلامي بحكمه..
رب اخ لك لم تلده امك..
لوبييز..
ول ول ول ....ليش كذا ؟؟ انتقام هو ؟؟؟:)
يالله نبدا ..
س1 : ماذا تعني لك الكلمات التالية :
الحياة => ان اعيش مع من احب
الأمل => بعيد وصعب
الحلم => سفري
الوعد => جلادي
البعد => الموت كمدا
ــــــــــــــــــــــــــــــــــــــ
س2 : لماذا كنت ستغادرنا ؟؟؟؟ وهل لؤي السبب ؟؟
ما كنت مغادر ابدا ..بس فترة راحه ... ارتب فيها اوراقي و اعيد صياغة فلسفتي ...
ولؤي ما كان السبب اطمن :)
ــــــــــــــــــــــــــــــــــــــ
س3 : أوصف لنا نفسيتك في عشر كلمات واضحة المعالم ؟
حالم مغامر ثائر مستبد عاطفيا رقيق طيب زيادة عن اللزوم
ـــــــــــــــــــــــــــــــــــــــــــ
س4 : ثائر الأمس ثائر اليوم ثائر غداً ما الفرق ؟
ثائر الامس : كان في حاله لا منه ولا عليه
ثائر اليوم : عاصفة ثائرة .. ارعده الحطام
ثائر الغد : الله اعلم
ـــــــــــــــــــــــــــــــــــــــ
س5 : أعطي كل واحد من الآتي أسماءهم درجة من العشرة والتقييم يعود اليك وبدون محاباة :
البحاري9,5
مرابط 10
أم الحنان 7
بنت العين 8
مدردش متقاعد 9
لوبيز8.9
دكتور ريان 10
سعودية 9,5
مس لبنان 9
لؤي 9
سعود 9
زهرة الكركديه 7
والله قصيتني قص يا لؤي باسئلتك لدرجة اني احترت ...توقف عقلي
لؤي سالم اقنيبر
23-10-2001, 11:17 PM
100% ثائر أحسنت
لؤي
بحر الحنان
24-10-2001, 12:38 AM
ثائر على الكرسي وانا مادريت مو معئوووووووووووووووول
والله ماانتبهت انك زعيم الثوار
وانا اقول الزعيم الزعيم زعيم المسابقه
اثاريك زعيم وزعيم وزعيم وكمان زعيم :)
انزيييييين !!!!!!!
بمخمخ الاسئله وبنزلها بعديييييييين!!!
هذا ثائر مو حياالله
رجل والرجال قليل :)
ولا يهنون رجال سوالف :)
بنت العين
24-10-2001, 09:05 AM
لا تكون بس حاقد علي لاني حطيتك
عالكرسي...:):)
انا مطلعتنك من طورك=====> و الله شرف لي :)
حلو اني اكون من اعز اصدقائك ;)
بس ليش عاطني 8 من 10 و لوبيز اكثر مني 8.9
ما لي خص راجع حساباتك :)
عاشقة
24-10-2001, 10:02 AM
ثائر أفندي
أنا داخلة لقافة..:) عندك مانع؟؟؟:)
وأترك الفرصة هذه؟؟ أبدااااااااااااااا:)
ثائر على كرسي الاعتراف..
وااااااااااااااااااااااااو
شاطرة بنت العين:)
Any how
أولا:
ايش رأيك بسوالف الأصدقاء؟؟؟؟ بدون مجاملة:)
وايش رأيك بالعضوات وليس الأعضاء؟؟ خل بالك:)
والباقي في الطريق:)
بنت العين
24-10-2001, 10:18 AM
انتي اللي مدهشه..ثانكس..:)
عشوقه...انتي الي اشطر..راوينااسئلتك الشاطره :)
تحياتي لج...و ل ام الحنان :)
بالعكسسسسسسسسسسسسسس لوبي
و الله انا مو شايل عليك ابدا ..
واعزك بالززززززززززبط زي اخوي اللي معاكم بيدرس :)
خلاص طاح الحطب زي ما بيقولوا :)
ههههههههههه صدمتك الاجوبه ؟؟؟هههههههههه
خرجك تستاهل :):)
لو صرت بقدرة قادر :( مشرف :)؟؟؟
مممممممم و الله صعبه شوي ..
بطلعك انته ولؤي من القسم :)
انا ..... يا اللوتي ؟؟؟
و بطرشني مغلف وعلي ورد ومعطر وحالتي حاله ..
هههههههههههههههههه
وراح افرض حضر استعمال مسنجر هتميل
لان حقي ما يشتغل :)
ههههه
لالا بجد السؤال محير ..برايي المتواضع الاشراف مسؤليه كبيرة
وانا عضو بسيط ..و احب كوني عضو عادي بينكم ..
وهذي الحقيقه ..
و جنبي في الاشراف مين راح يكون .....؟؟
طبعا ما راح يكون غيرك ..=========>> تقيه من شرك :):)ههههههه
تسلم والمعزة اللي في قلبك لي راح ازوجها للتيس حقنا :):)
هههههههههه
تحياتي للمشرف العائم للشله :):):)
هههههههههههااااااااااااااي
ثائر
اكيد 100%
و الا اذبحك :)
لكن لي تعقيب ..
احب اعيد اجابة السؤال تبع ثائر في الامس واليوم والغد..
ممكن ؟؟
طبعا ممكن انا صاحب الكلمة الاولى والاخيرة هنا :)
ثائر في الامس :
============= أعتقد انه كان عضو بسيط سهل الابحار في أعماقه
<<===== وين سامعها في انا هذي ؟؟:)
ثائر اليوم :
============ معلق ..لا ارض ولا سما بحاجة لموازنه و فورمات من كلو .. ويخطط لثورة اعصاريه هادرة ... وهو بالضبط الان ..
السكون الذي يسبق العاصفة :)
ثائر في الغد :
============== بصراحه هذي صعب احكم فيها :(
لاني من النوع الذي لا يرسي على بر .. ومتغير و في حالة طيران وسفر مستمرين ..وجدانيا طبعا :)
لذا ترقبوا ..وسترون بانفسكم :)
تحياتي ::::
ثائر
لؤي سالم اقنيبر
24-10-2001, 04:03 PM
ثائر الطيار تخصص وجداني هههه
أيوه كده يا عم
خوذ الريشة يا فنان وارسم نفسك في الوجدان :)
أخوك المعجب بشخصكم الكريم :)
لوبيز مين جاب سيرة ثائر ؟؟؟؟ :( ههههههههه
لؤي
اشانتي مسيو لؤي :)
ميغسي بكو ..
ثائر ميغيركال ...==>>> ميغدو لؤي ؛)
كونيو لؤي ....كونيو :)
فين
مسيو دي ثائغ
قصدي يا ام الحنان ..ههههههههههههههههههههههههه
اوكي وانا انتظر الاسئله الرهيييييييييبه ..
:)
ثائر
لؤي سالم اقنيبر
24-10-2001, 04:20 PM
هههههههههههههه
حلوة والله عربي ما فهمنا يابال بالفرنسوآراب ثائريتتووووو كيف يصير هههههههه
حلوة ثائر
لؤي
البحاري
24-10-2001, 04:23 PM
مساء الورد .. ثائر
معليش يمكن يكون سؤالي ..مكرر :):)
البطاقة الشخصية :):)
وراجع بس الان مستعجل :)
لا منو الحاقد ؟؟؟؟
أنااااااا ابدن ...
ههههههه بس موهقتني ويا خلق الرحمن :):)
اذا على الشرف ...
تشرفي باشيا وايده انتي مسويتها ..هههههههههه
ههه
تحياتي
ثائر
هههه ههههههههه
اوكي ..
بصراحه
سوالف الاصدقاء ..اشعر انه بيتي الثاني ...
ما اقدر يمر يوم من غير ما ادخل سوالف والله الشاهد
حتى لو كنت تعبان .. والا مو نايم ..
ادخل يعني ادخل :)
فيه عرفت اعز اصدقائي من بناتن وشباب <<= اغنية عدنان ولينا:)
هههههه
وشوفي توقيعي ...و الله هذا اللي احسه بالضبط ..
:::::::::
اش رايي في العضوات ؟؟؟
ممممممممم
يعني يا ارد حلو والا اتكفخ ؟؟؟:):):)
بس انتي ما حدتتي ...
حددي عشان اعرف شو اقول ..اوكي ؟؟
انا انتظر
تحياتي
ثائر
هههههههه ميغسيييييي فيان <<== ههههه شكرا فيري ماتش :)
اشانتي مسيو لؤي <<== لطف منك مستر لؤي :)
ميغسي بكو .. <<== شوووووووووووكرنن :)
ثائر ميغيركال ...==>>> ميغدو لؤي ؛)
<<= ثائر خطير معجزة مجرم:) ...==>>> بي كيرفل لؤي ؛)
كونيو لؤي ....كونيو <<== تابع لؤي .... كونتينيو :)
فين <<=== انتهى .. فينيش :):)
هههههههاااااااااااااااي
وات دو يو ثينك ..<<= بروفيسور لغات ..
لانغويستيك :):):) ثائر
مساء الاسئلة المباشرة في الصميم ...:)
بطاقتي الشخصيه ...
الاســــــــــــم :السيد ثائر علي باقر
اللقـــــــــــب : زعيــــــم الثوار
الكنيــــــــــة : أبو حسين
تاريخ الميــــلاد : 19 -7 - 1977 م
المؤهـــــــــلات : بكالوريوس كيمياء
الوظيـــــــــفه : عاطل عن العمل حاليا عشان الدراسات العليا
الجنسيـــــــــه : سعــــودي
مسقـــــــط رأسي : الاحســـــاء( المنطقه الشرقيه )
السكن الحـــالي : خارج السعوديه ( ماني قايل لاسباب شخصيه ):)
الحالة الاجتماعيه : أعزب زاحف :)
فصيلة الــــــدم : (+ O)
الطـــــــــــول : 188 سم
الـــــــــــوزن : فيل رشيـــق توه صغير ( رشيق جدا) عضلي
اللون المفــــضل : الاحمر الغامق
الهوايــــــــات : ممارسة الرياضه (سباحه, الجري , المشي )
------------------ ورفع الاثقال احيانا .. لعب كرة القدم قليلا
اي استفسار اخر؟؟؟؟؟
:):):)
تحياتي <<===== يحيى بحاري
البحاري
24-10-2001, 06:13 PM
مساء الأنوار .. ثائر
شكرا :):)
بس على كذا ما أقدر أكلمك :):) .. طلعت أصغر مني بسنتين :):)
وأنا ما أمشي مع واحد أكبر أو أصغر مني :):) .. روح عدل تاريخ ميلادك ههههههه :):)
وبالتوفيق لك في دراستك .. وإقامة طيبة خارج حدود الوطن :)
وليش ما تعدل تاريخك انت ....
على اساس انت تخصص تاريخ ...
:):):) ههههههههههههه
تسلم عزيزي .....
من طيبك ,,
تحياتي لك .............جنك متغير يحيى ؟؟؟
ثائر
البحاري
24-10-2001, 06:47 PM
مساء الورد والفل المصري :)
شوف أنا صعب أغير ممن يسمى تزيف للتاريخ :):)
لكن أنت سهل عليك .. أعتبر العمر معادلة غير موزونه .. وزود ونقص في الوزن الذري :) حتى تتعادل المسألة :):)
بوبهارية الثائر :)
مساء الورد والجوري و الروز <<<====كلهم مثل مثل :)
هههه اوكي شو رايك في هذا ؟؟
احم احم
تاريخ ميلادي .. 19 - 7 1975 م
حلو كذا ..
عمري 26 وبعد تسعت اشهر اكمل 25 سنه :):):)
ويش رايك ؟؟؟
أينن ؟؟ هههههههه
تحياتي لابوبهاريه الثائرة الثائر هههههههه
ثائر أبو عنتر:)
بنت العين
25-10-2001, 11:56 AM
كلي فضول ان اعرف
انته وين الحين؟؟
و ين دارس..احيد مره قلت
انه الكلاس عندكم مختلط!!
:):)
صج اسمحي
ما راح اقول ...
لاسباب شخصيه بحته ..:)
تحياتي ..
عاشقة
26-10-2001, 12:01 AM
ههههههههههههههههههههههه
ثائر...
أقول .. جاااااااااااوب
ايش رايك في العضوات عموما.. مايحتاج تحديد.. ولا بتتهرب ثائر أفندي:)
ياللللللللللللللله
ورااااااااااااااك
عاشقة طلال خاتون
عموماً
عندنا بصراحة عضوات ...رووووووووووعه
يعني مرح و دهاء و ذكاء ... وتلقائيه
ومتسامحات ... فيهم بنات صحيح يكدرون الخاطر :(
بس الغالبيه العظمى ....أمورات ..
مثلا ..
عاشقة طلال خاتون... بنت العين .... ام الحنان ...زهووووور
بنت الغربي ...مزعجووووه.....توته .. سعوديه .. هديل الله يرجعها لنا :( بنات ولا اطيب ..
و لاامرح ... و لا اسمح ... و لا اطول لسان :):):)
وبصراحه محركين المنتدى ساقا على قدم :)
هذولي اللي عرفتهم بصدق ...واعتز باخوتي لهم :):)
وهم وراي وراي و الزمن طويييييل :(
هههههههه
هذا اللي احسه بكل صراحه :)
تحياتي
عاشقة
26-10-2001, 12:21 AM
ميرسي :) ثائر
والله احنا اللي نعتز بأخوتك.. ثائر أفندي
((همسة))
المسابقة صعبة:( تعطينا الأسئلة الصعبة والمخضرمين السهلة:(
متى آخر موعد
فترة أطول :( بليييييييييييييييييز
ليش يا عشوقه زعلانه ؟؟
و الله ما قصدت الاسئله انا احط وبس ...والله
ما اختار ..
عاد تصدقيني ؟؟ والا تفكيريني اقول كدا و بس ؟؟؟:(
المهم بعطيكم مهله الين السبت ..الظهر اوكي ؟؟؟
ماشي ؟؟
لا تزعلين عاد ...
ليش يا عشوقه زعلانه ؟؟
و الله ما قصدت الاسئله انا احط وبس ...والله
ما اختار ..
عاد تصدقيني ؟؟ والا تفكيريني اقول كدا و بس ؟؟؟:(
المهم بعطيكم مهله الين السبت ..الظهر اوكي ؟؟؟
ماشي ؟؟
لا تزعلين عاد ...
ليش يا عشوقه زعلانه ؟؟
و الله ما قصدت الاسئله انا احط وبس ...والله
ما اختار ..
عاد تصدقيني ؟؟ والا تفكيريني اقول كدا و بس ؟؟؟:(
المهم بعطيكم مهله الين السبت ..الظهر اوكي ؟؟؟
ماشي ؟؟
لا تزعلين عاد ...
عاشقة
26-10-2001, 01:37 AM
أوكي ثائر
السبت الظهر بس مو قبل الساعة 3 بتوقيت السعودية:(
مصدقتك ثائر أفندي:(
وراح أحاول
بس فين باقي المشاكسات؟؟؟؟؟؟؟
اوكي ..مو قبل 3 بتوقيت لسعوديه ...:):)
المشاكسات في موضوع زهووووووور
:):)
موفقه عاشقة طلال خاتون
عاشقة
26-10-2001, 02:06 AM
ثائر..
مسابقتك كانت جدا رائعة.. زادت من معلوماتنا شوي
تسلم
بس أنا أنسحب ..
ليس فشلا.. بس الوضع مو عاجبني:(
زهرررررررررة تصارخ كثير:(
في شي اسمه وقت..
أنت معاي ولا لأ؟؟
ياريت اسمع رأيك..
تحياتي لك
:(
انا معاك انه من حقك تنسحبي اذا مو عاجبك الوضع
لكن الفريق موش كله زهرة ....صح والا لا ؟؟
انا الى الان ما شفت ردودها ..لكن
اقدر اقول لك لا زم تتقبلين الاعضاء حسب ما هم عليه
و ممكن تكون شويه عصبيه
لكن التمسي لها العذر عزيزتي
انتي مو خسرانه حاجه صدقيني ..
لو كان على كذا كان شفتيني منسحب من سوالف كلها من زماااااان
ارجوك اسمعي نصيحتي و لا تخلي هذا الشي يرفع الابتسامه من وجهك
هي اختنا واذا احنا ما تفهمناها و تفهمتنا ..
مين اذن اللي يعمل .؟؟؟ اعضاء القمه ؟؟:)
خلاص ...ارجعي للواقع ..وخلي الامور تمشي سهله ..
وراح تعدي سلامات ..اوكي
ارتحتي و الا اكمل ؟؟؟:)
يللا يا ريت اسمع ردك ..قصدي اشوفه ..؟)
الدره المكنونة
26-10-2001, 03:09 AM
اهلين ثائيرووووووووووووووو
متشكرة اوىىىىىىىىىىى اختى بنت العين
وجا اليوم اللى اشوف فيه ثائيرو على الدوااااار
:) :) :)
على العموم السؤال هو ليه انى دايما احب واستمتع اقرى المواضيع بتاعت الكراسي ؟؟؟؟؟؟؟
اقصد بصراحه انا مستمتعه بالمرة من قرات الموضوع
وما عندى اى سؤال ؟؟؟؟؟؟؟؟
بس انشاء الله الجماعه مايقصرو معاك
:) :) :)
اتمنى لك التوفيق والصمود
دعواتج ..تراهم قصوني قص بهالاسئله ..:)
و بعدين تعالي هني ..
من متى انضميتي للشله ؟؟؟
ما قالوالي ....!!!!!!!!!!!!!
ههههههه
عاشقة
26-10-2001, 01:38 PM
هاي ثائر
أنا كنت مررررررررررة معصبة من زهرة
لكن بأحاول عشانك..
وبأشوف
وانشاء الله خير:)
إيوه كدا ..ابتسمي ..
وخلي عنك العصبيه تراها تسبب الشيخوخه المبكرة ..:):)
وانشالله بتنسون وبترجعوا زي الاول و احسن كمان
تحياتي للبطلة المشاكسة نمبرون.....عـــــــــاشقة طلال خاتون