مخـــــــدوع

[مهموم]

آسف على هذي الغيبة الطويلة....واتمنى ان تقبلوا عودتي.


ايــه انا المسـكين كم كنت مخدوع
كنت اظــن اللي يبينـي مــا كــذب
كنت اقول امكن تبي تضـوي الشموع
والـبخـت صــوبي تلـهـف او رغـب
والهـنا باكـر بيخـضـعلي خـضـوع
والــفـرح لـي تحـقـق وانـكـتـب
والـعيون اللي تخـاوت والـدمـوع
ودهــا تـفـرح وبـيـجـف الـهـدب
والشـفاة اللي لها البسـمة قطوع
حـنـت البـسـمة وعـادت تـقـتـرب
والحـزن لي في الحشا وسط الضلوع
قـام يــودعـني وغـادر وانسـحـب
لـلأســف خـابت ظـنوني والـرجـوع
للـشـقا والـهـم يا قـلبي وجــب




مهموم..