View Full Version : هل من احد راضي عن اسمه الاصلي ؟
حسب علمي ان الاغلبية الغالبة فينا ..نكون غير راضين عن أسماءنا الاصلية ...
لانها ليست من اختيارنا بل وضعنا فيها وارغمنا عليها ... دون ذنب ...فقط من اختيار الوالدين ..
البعض اصبح من نصيبه الاسم الحديث والبعض القديم ...و و و
والان لو خيروك ايها القاريء ان تغير اسمك الاصلي ...
ماذا تختار لنفسك ...؟؟؟؟؟؟؟؟؟؟؟؟؟
فانا عن نفسي... اسمي نفسي ..( غيداء )
Huda76
30-08-2001, 10:18 AM
أختي الكريمة ظفـرة
هلا بك والله :) :)
بالنسبة لي أنا .. راااااااااااضية كل الرضا عن اسمي .. وأصلا وبصراحة أحب اسمي وااااااايد :)
لو خيروني أغير اسمي .. بعد راح أختار اسم " هـدى " :) :)
اختي هدي ..
ماشاء الله عليك طبعا امسك من الاسماء الجميلة
وان اختلفت الاذواق...
عليج بالعافية
سعودية
30-08-2001, 10:21 AM
بالنسبة لي إسمي احبه واموت فيه ..
يعني ما اقدر اتخيل نفسي بغير اسمي :)
حلو ويعجبني بكل المقاييس :)
ما يمكن في يوم اني اغيره ... الله يطرح في اهلي البركة اللي نقوا لي هذا الإسم :)
تحياتي لك:)
مشكورة وايد علي مشاركتك معي في سؤالي
ومبروك عليك اسمك
وانشاءالله يكون من الاسماء الرنانة
سنفور غبي
30-08-2001, 11:28 AM
أهلين أختي ظفرة :)
اسمي عاجبني.. وما أحب أغيره..
واسم "غيداء" اسم بنت خالي.. شو رايج تتسلفينه عنها؟
لكن كم بتدفعين.. ;)
تحياتي لج..
Toldo's Fan
30-08-2001, 11:44 AM
أحب اسمي لأنه اسم أجنبي و عربي في نفس الوقت لكن أريد تغييره الى:
Diana or Fiona (might be quite strange for arab but i like these names )
اشدعوة ياسنفور
ماتعطيني اياه هدية
انا توني جاية من السفر ومفلسة
يعني يا تعطيني اياه ملكي يا خلاص ما ابيه
أنا والحمد لله عاجبني إسمي ، حتى لو ما كان حلو .. بس معناه حلو مرة ( يا رب يجعل لي نصيب من اسمي ) ..
على فكرة في ناس أسماءهم حلوة بس ما هي عاجبتهم ..
صراحة إذا ما كان الاسم مضحك أو معناه سيء ما في داعي الواحد يغيروا ..
ياجماعة الخير
مو بالضرورة يكون اسمي قبيح ..
يعني اهيه مسألة أذواق مثلا واحدة اسمها نورة تقول ياليت اسمي ساره لان ساره احلي
وواحد اسمه يوسف يقول لوكان اسمي عبدالرحمن مثلا ..
وهكذا
فرفوشة
30-08-2001, 06:51 PM
انا بصراحة راضية عن
اسمي ومابغى اغيره
:):):)
الغيث
30-08-2001, 07:46 PM
بصراحه قبل كنت دوم أتذمر و أقول ما أحب أسمي .......... لكن الحين اقتنعت فيه و أحبه واااااااااايد و أحس إنه باب خير لي :) .............
و مستحيل أغيره
إختج الغيث
بو الهنوف
30-08-2001, 08:16 PM
أقول الحمد لله أسمي من الأسماء الحميدة وليس من الأسماء المقبحة التي يقع ضحيتها المسمى فيما بعد.
فلو كان اسمي كذلك لغيرته دون تردد مسبق حتى لو صار اللي يصير
لكن تمنيت أن يكون اسمي (مشاري)
حسينكو
30-08-2001, 10:13 PM
احب اسمي
في احلى من حسين
شكلك انتي تبغي تغيري اسمك
أمزح
جؤجؤجؤجؤجؤجؤ
حســـــين
لؤي سالم اقنيبر
30-08-2001, 10:51 PM
اسمي لؤي و هذا اسم عربي قح اسمتني جدتي رحمها الله الاغلى على نفسي واقترن اسمي باسم والدي فندعوا الله السلامة دائما و ما احلى الانسان المقتنع باسمه (( مغرور صح )) :)
الصراحة هو مجرد نقاش عن موضوع الاسماء ...
وانا الحمدلله اسمي معقول جدا جدا
وان خيروني ليش لا اغيره مثل ماذكرت وانا من معجبات باسم غيداء
اشتقول يابوعلي !!!!!
حسينكو
31-08-2001, 05:24 AM
اقول
غيداء
اسم جميل جدا ... اخذيه من عند سنفورة قبل لا احد ياخذه قبلك
بس لازم تعرفي معناه ... قولي لي تعرفي معناه
شفتي .. وهقتك .... ولا يهمك اذا ما تعرفي بكرة اعلمك معناه
شعنونة سوالف
31-08-2001, 06:38 AM
تعرفي نا راضيه عن اسمي من ناحيه المعنى...
معناه يجنن وبعقد (اسم على مسمى :) :) )
ولكن الذي اكره هو ان حرفه الاول ثقيل....
ولكن الحمد الله هذا الاسم لا استعلمه الا في المدرسه وفي المعاملات اللاسميه اما بين الاصدقاء والاهل فعندي اسم ثاني ينادوني به :)
صباح الخير
ظفرة موضوع حلو الأسماء والشئ الغريب أنوا الأسماء شئ خاص فينا ونحمله طووول العمر ومانختاره أما عن أسمي الحمد الله أنا عجبني مررررررررررره :)
و يستحق التصفيق
وانا راضي عن اسمي رضا تاااااااااااااام :(
من قال غير جذي ؟؟؟:(
aziz2000
31-08-2001, 09:33 AM
ماني متخيل نفسي بغير ( عبدالعزيز ) :)
عمروبن كلثوم
31-08-2001, 10:01 AM
^1
الصراحه ماحب أسمي ماطيقه بعيشة الله!
أعوذ بالله!
أنا أسمي الحقيقي جعفر!
ويدلعوني حموديhttp://www.swalif.net/sforum1/images/icons/icon10.gifهع
لاوالله ترى امزح!
مابقى الا يسموني جعفر هذا اللي ناقص!
ليش ياربي انا وش سويت بدنياي حتى يسموني جعفر!http://www.swalif.net/sforum1/images/icons/icon10.gifهع
بس أسمي الحقيقي أكرهه كره!
مادانيه بعيشة الله!
شلون طاحوا اهلي على هالأسم مدري!:(
ترى أسمي مهو شين بس أنا ماحبه!
كذا من الله!
حتى أسمي المستعار بايخ في احد
يلقب نفسه عمرو بن كلثوم:(
أه كم تمنيت لو ملقب نفسي (الشنينه!)
أما لو حبيت أسمي نفسي بأسم
الصراحه مافي أسم عاجبني أبدا أبدا:(
لأنه بحياتي ماعجبني شي!
طبعي كذا!
وبعدين انتي بعد أسم ظفره مو أسم رجال!
ومالقيتي ألا ظفره .. وبعدين وش معناه!
الظاهر انتي مثلي بالظبط!
لاأسمك الحقيقي عاجبك!
وماظن أسمك بيعجب أحد!
ظفره .... مادري شلون طافني هالأسم يوم سجلتhttp://www.swalif.net/sforum1/images/icons/icon10.gifهع
هع الهعيهع ألك:)هع
saif_m
31-08-2001, 10:19 AM
ظفرة
شكرا على الموضوع الحلو .. بالنسبه لأسمي فهو رهيب ورهيب ابشكل بعد ..
اذا فكرت اغيره ما ببتعد كثير عن الاسم القبلي .. يعني اذا مب سيف فبكون فيصل ..
اشقاء صح؟ .. وعلى فكره اسم ظفره يعني الكثير لأبوظبي .. دار زايد .. يلى تحياتي لك وباي
الصراحة من ناحية المعني بالضبط ما اقدر اقول عن اسم ( غيداء )
اخاف يطلع خطأ
بس عندي كتاب يحمل جميع المعاني للاسماء
واعتقد حتي بالانترنت اقدر اطلع الاسم ومعناة بس مالي مزاج حاليا
قبل كل شيء الحمد لله علي سلامتك
وانشاءالله كانت اجازة ممتعة
بصراحة انا تشوقت لاعرف معني اسمك الحقيقي
اذا ممكن
المبتسم
31-08-2001, 05:29 PM
عجيب امرك؟
الحين اسمك غيداء وزعلانه؟
بدل ما تقولي الحمد لله
والله في بنات اسمائها..
تقرف صحيح مالهم ذنب بس انتي علي
الاقل وضعك افضل منهم
طيب انا ايش اسوي
اهلي سموني فيصل
ودا الاسم معقدني
ماهو عاجبني
بس اقول الحمدلله
لوبييز
لووووووووو بكيييفي سميت نفسي
أورانس
وليه مااااااادري
المبتسم
31-08-2001, 06:27 PM
حلو اسم اورانوس
ايش توقعك اليوم للمباراه؟
غريب_الدار
31-08-2001, 06:46 PM
السلالالالالالالالالالالالالالالالالالالالالالالالالالالالالالالالالالالالالالالالالام
انا اسمي المستعار في كل مكان "غريب الدار "
و أسمي الحقيقي طــــلال اسم حلو صح والحمد لله انا راضي عن اسمي الحقيقي و اسمي المستعار :)
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
اسف للإطالة و تحياتي للجميع ;)
!!! فلاش غريب الدار وفلاش طلال !!!
هزيمه العراااااااق
إن شااااء الله
لا يالوبيز ...
اسمي الاصلي مو بغيداء..
ولكني من معجبات باسم غيداء
اسمي حلو وعاجبني مرررررررة..احلى من اسم اختي..احم احم لكن لو كان بيدي اختار اسمي اختار دعد..
انشاء الله السعودية تغلب ( النظام العراقي وازلامه )
بالاربعة وبالضربة القاضية
لووووووووووووووووووووول
المبتسم
31-08-2001, 07:46 PM
اها صح افتكرت
انتي كويتيه
بس انا الصراحه انسان محايد
واتمني يفوز الافضل...
اكيد الاخضر افضل;)
والله يفك اسراكم
غيداء قولي امين
فيصل.
اخ لوبيز
هذي الايام السعودي الاخضر بصراحة مش ولا بد ...
ولكن دعوات اهل الكويت ... كلها معكم
يعني نقدر نقول مليون ....امممممم
مليون كويتي ...كلهم راح يدعون للاخضر السعودي...
ولا تزعلني منك ...
افتكر مافي سعودي او كويتي في المحن لاننا الاصل واحد والدين
واحد وفي خندق واحد
وسلامتك
المبتسم
31-08-2001, 08:30 PM
مشكوره والله
ياغيداؤ;)
ودعةاتكم معانا
وانا اقول الاخضر عائد بقوه
وراح يعملها..
ومشكوره علي كلامك الحلو
وهدا انا دل فانما
يدل علي طيبك وطيب اصلك
ومشكوره ماتقصري
لوبييز
معني لكلمة ظفرة هو
لو جعلنا الكلمة مذكر ستصبح " ظفر "
اي نال من الشيء
ونحن بالكويتية العامية الظفرة ( حسب ما اسمعها من والدي )
البنت التي تغلب الرجال وتنافسهم.. ولا ينخاف عليها ...
واذا ارادت الشيء .. تجيبه .. تجيبه ...
المبتسم
31-08-2001, 08:38 PM
يامامي.....
تغلب الرجال؟....(الشرسه قصدك؟)
عاد الله يعينه اللي
امه داعيه عليه;)
تحياتي
ابو خلود
انا ما راح ارد عليك فقط اقرأ هذي القصيدة
وهي
ليش تزعل وانت ماتعرف ظروفي
ليش ما تسمع كلامي للنهاية
اقتنع بالعذر ترضيكم حلوفي
والله ان اللي حصل ماهو برضاية
من وعدني بلتزم بالوعد يوفي
ليش تلعب بي وتلعب في هواية
وكان خنت العهد فالحكم معروفي
الخيانة بالعهود أكبر جناية
كان قلبك يرحم الحال ويروفي
والله إنا ما لنا بالغير غاية
لا تحسب اني بطير مع الدفوفي
ما اشتري السلعة على سبة دعاية
لا طرت لي كلمتك يزيد خوفي
واتعذب من خلاية في خلاية
احسب ان الحب وياك مخلوفي
يوم انا اخصك بحبي مع غلاية
ما هقيتك تجرح القلب العطوفي
لا يا بو وجهين ما هذا جزاية
المبتسم
31-08-2001, 08:51 PM
علي رئي الشاعر الكبير
هذال بن خلف
مراكب اهل الهوي سايره
وانا مركبي عطلانه؟؟؟؟؟؟؟؟؟؟؟؟؟؟
متخلف
31-08-2001, 09:10 PM
هلا ظفرة
مشكورة على الموضوع الحلو
بس انا عاجبني إسمي (( خالد ))
اظنه حلو ، صح ولا لا
فاصلة ،،
أسامي كلام شو خص الكلام
عينينا هن أسامينا
فيروز
يابو الوليد ...
افضل من هيك اسم ... مافي
المبتسم
31-08-2001, 09:23 PM
مشكوره علي العشا
قالولي حقين مكدونالدز ظفره
تسلم عليك وتقلك
هدا عشاك;)
مشكوره
ظفرة تصلح المراكب بعد ...
احنا حاظرين
:) :) :)
المبتسم
31-08-2001, 09:27 PM
ههههههههههه
تسلمي والله
بس ما فهمت سالفه المراكب;)
انت رديت علي وقلت :
علي رئي الشاعر الكبير
هذال بن خلف
مراكب اهل الهوي سايره
وانا مركبي عطلانه؟؟؟؟؟؟؟؟؟؟؟؟؟؟
وانا ارد عليك بأمزح واقول
ان ظفرة بعد تصلح الراكب
المبتسم
31-08-2001, 09:46 PM
والله فاهم انا ماني حمار الله يسلمك
بس قصدي ايش تقصدي
انا اعرف اصلح مراكب (علي ضوء الابيات)
لانها تنفهم بوجهين;)
ههههههه
لوبييز
لا يا اخوي انا مجرد اتغشمر علي البيت الشعر ...
وكنت اتكلم معك بالسابق عن معني الاسم( ظفرة ) وانه يعني عن البنت التي تغلب الرجال
وعلي ضوء البيت رديت عليك اقول اصلح المراكب بعد
المبتسم
31-08-2001, 09:59 PM
ايوه قلتيلي
طيب صلحي مركبي..;)
HaDeeL
31-08-2001, 10:00 PM
انا اموت في اسمي واااااايد وااااااايد
اصلا ما كنت احبه بس بعد ما عرفت معناه صرت اتفاخر بيه (( مو اتكبر اعوذ بالله )) و كل ما حد يقول لي انا اسمي احلا من اسمن اقول شكرا لانه اسمي معناه اسمك
شو اسمي ؟؟؟؟؟
هذا لغز لو تموتون ما راح اقوله لكم :)
اعوذ بالله من الكبر و من غضب الله
امزح معاكم هههههههههههههههههههههههه
المبتسم
31-08-2001, 10:02 PM
هلا هديل
ايش لونك(احمر ولا اخضر:))
كيفك مع الدراسه؟
هههههههه
HaDeeL
31-08-2001, 10:13 PM
لا بنفسجي هههههههههه
باكر اول يوم مدرسة ييييييييييييييييييييععععععععععععععععععع
:(:(:(:(:(:(:(
الله يكون في عوني
KEMOS
31-08-2001, 10:33 PM
أنـــــــــا ما كنت أحب إسمي بالأول لأن وايــــــدج غريب .................لكن بعدين حبيتة أكثر من قبل لأن نــــــــــادر و ما في منة اثنين :)
BRABUS
31-08-2001, 11:05 PM
والحمدلله كان اختيار الأهل لاسمي اختيارا موفقا
فاسمي وبكل فخر على اسم سيد الخلق والمرسلين
سيدنا محمد - صلى الله عليه وسلم-
أبعد هذا الشرف أفكر في تغييره ؟
:)
اعتقد ان اسمك الاصلي هو
" أسماء "
صح ولا ...لا ؟
شعنونة سوالف
01-09-2001, 07:06 AM
اوكي سوف اخبرك به
بس اتمنى ان ما احد يناديني به يعني ارجو ان تبقوا على اسم مس لبنان او لينا...
اسمي الحقيقي هو غاده ومعناه الشابه الجميله :) :) لاتقولين مغروره عاد :) :)
ولهذا فان حرف الغين ما احبه اشعر انه ثقيل :(
اما اسمي الذي احب ان ينادوني به هو مريم...يمكن غاده يكون احلى بس انا بصراحه تعودت على مريم وبطريقه غير شعريه عندما اتعرف على ناس جدد اقدم نفسي باني مريم...
تحياتي :)
المبتسم
01-09-2001, 10:14 AM
WHAT A NICE NAME
MISSLEBNON?
شعنونة سوالف
01-09-2001, 05:34 PM
شكرا لك لوبيز... :)
ولكن عن اي اسم تقصد بينهم؟؟
المبتسم
01-09-2001, 05:37 PM
وهل يخفي القمر؟
الحقيقي
دوختينا
:)
ماشاءالله كم اسم عنك
:)
خليك علي مس لبنان احسن تعودانا عليه
شعنونة سوالف
01-09-2001, 06:19 PM
شكرا لوبيز
المبتسم
01-09-2001, 06:21 PM
اي خدمه
شعنونة سوالف
01-09-2001, 10:25 PM
اش اسوي يا ظفره...
اشتكي لاهلي هم من سموني :) :)
على كل حال انا بعد افضل مس لبنان ولينا
انا اعتقد ان الانسان هو اللي يحلي ويجمل الاسم الذي يحمله
المبتسم
03-09-2001, 04:05 PM
مممممممممممم
علي كدا انا اسمي
غير جميل...
HaDeeL
03-09-2001, 04:09 PM
ظفرة لا تفظحينا عيب عيب
ههههههههههههههههههههههه
هذا اسمي في الحلم بس في الحقيقة انا نسيته
في حد يذكرني :):)
خلينا علي هديل .......!!!!!!!!!
البحاري
03-09-2001, 08:56 PM
مساء الخير .. ظفرة
أكيد يعجبني اسمي .. وهل هناك أجمل من اسم (( يحيى )) :):)
تحياتي :)
انا عن نفسي راضيه أسمي المهم يكون الاسم له معنى حلو ...................... هذا رأي
الطارق
04-09-2001, 01:16 AM
أهلا ظفرة ،،
أنا راضي عن أسمي وفخور به ..
:)
SKYLINE GTR
04-09-2001, 03:29 AM
والله اعتقد ان اسمي جميل والحمد لله و لا احتاج لتغييره
صح و لا ؟
سموحة
04-09-2001, 02:39 PM
بصراحة انا اكره اسمي
سماح
ما احب احد يناديني فيه والكل في البيت عارف علشان جذي دايماً ينادوني سموح
والحين في صديقة جديدة دايما تناديني سموحة ........ بصراحة عجبني
مع تحيات
سموحة
حسينكو
04-09-2001, 06:45 PM
مرحبا شلة
أعترف والا ما اعترف
يمكن اعترف ... وأقول اسمي الحقيقي
ترى حسين هو صحيح اسمي الجديد.. بس انا لي اكثر من اسم
المهم
جهزوا كرسي الاعتراف .. وأنا برجع بعد اشوي ... بعد ما اشرب قلاص ماي
ويمكن اعترف تحت الضغط
حســـــــــين
شعنونة سوالف
05-09-2001, 12:35 AM
مممممممم اش القصه يا حسين؟؟
شايفه ان اسمك ليس حسين...
او هذا مافهمته...
تتذكر لما عرفت ان لينا ليس اسمي الحقيقي اش سويت؟؟؟
:)
حسينكو
05-09-2001, 10:04 AM
yes lina
i will confess....
you will not blame me ... i am sure
hussain
سموحة
05-09-2001, 12:19 PM
حسيييييييييييين وينك
انا انتظر ابي اعرف اسمك الصجي
ياللله قول إلا اذا خايف اتقول لانه ممكن ايكون مو حلو
وإلا وايد حلو وخايف من الحسد
وحده فضولية بس معالية استحمالني
رفيع الشان
05-09-2001, 12:34 PM
هلا والله أختي ظفرة
موضوع في غاية الروعة
وأشكرك عليه
من ناحيتي انا اسمي عبدالله
صحيح انه سم حلو جداً وابوي سماني على جدي :)
لكن انا حب اسم فهد وصعب اغير من عبدالله لفهد
لكن انا ابو فهد :)
حسينكو
06-09-2001, 01:06 AM
مرحبا
انا شربت كاس ماي ... ونسيت ونمت البارحة
الحين كرسي الاعتراف صار جاهز
أكيد بيصير جاهز .... المس اللبنانية مجهزتنه من امس !! :)
لينا .. اعدلي الكرسي خليني اقعد
ايوة ...
شوفوا الله يسلمكم أنا اسمي حســـــين وكفى
حلوة وكفى
المهم
أنا لما جيت على الدنيا في لحظاتي الاولى... طبعا كنت ابكي زي باقي الاطفال ... البكاء :( هو عبارة عن غسيل للنفس ومتنفس لها
وش دخل هذا في الموضوع ؟! أقول لكم ... البكاء له دخل في اسمي
المهم
نرجع للموضوع
سمتني امي العودة (حســــــــين)
اكيد لينا ما تعرف وشو يعني امي العودة
امي العودة = يدتي = جدتي = ستي
وكانوا فرحانين بالكتكوت حسوني الصغير .... بس خايفين انه يموت لأنه كان ضعيف وجسمه نحيل (يمكن كنت احب ومغرم بوحدة وأنا في بطني الوالدة :) )
الوالد ما كان يعتقد اني بعيش ... فما سجل اسمي في التابعية ولا عمل لي اوراق <== ما يبغى يتعب حاله :(
مرت الايام ... وبعد ثلاث سنوات ... حسوني كبر وبدى يمشي ويزينها عيونه .... مشيت وعمري ثلاث سنوات .. حد يصدق :) لا وما حبيت ... على طول جلوس ثم مشي :) :)
راح الوالد بيطلع الاوراق ويسجلني في تابعيته (حفيظة النفوس) فغير اسمي :( يقول اني طلعت قوي .. ولازم يختار لي اسم قوي
فسماني : ( ........... ) سووووووووووري الاسم اشوي رومنسي وما ابي اتعبكم
المهم .. جدتي ما عجبها ... لا تنسو هي سمتي (حســــــين) من الاول... فنذرت ذا رجع اسمي حسين بتشتري لي اساور ذهب ... وتعمل حفلة صغيرة (الاطفال الصغار يلبسوهم اساور ذهب ... عادات قديمة ... الحين انتهت
أنا كبرت وهم متلخبطين ناس يسموني كذا:) وناس كذا :( .... لكن راح علي الاسم اللي عطاني ياه الوالد :( لأني استخدمه في المدرسة رسميا ...
لما كبرت ... عمتي خبرتي بالنذر اللي نذرته امي العودة (جدتي)
عاد يرضيكم ان رغبة يدتي تنزل الارض ... ما يرضيكم صح
فرحت ... السنة الماضية وعدلت الاسم .... صار اسمي حســــــــين ولد ام حســـــــين ... من قبل فترة بسيطة بس تعدل
لكن الفترة الجاية بتعذب .. تخيلوا المشاكل والاشياء اللي لازم اغيرها
لازم اغير رخصة القيادة
لازم اطلع جواز جديد بالاسم الجديد
لازم اطلع بطاقة عمل جديدة من الشركة
والبنك ...
حتى وثيقة التخرج ... لازم ارفق معها ورقة رسمية تبين ان اسمي تغير
أشوة اني عازب والا كان زادت لمشاكل
يالله اشوي اشوي وبخلص
أنا اشوف نفسي في الاسمين .. لأنهم عن جد يعكسوا شخصيتي
طبعا افضل حســـــــين
وهو اسمي حاليا .... والاسم القديم .... ما راح يموت ويندفن:( ... راح يظل في ذاكرتي
خلصت الاعترافات ..... لاحد يطالبني بتفاصيل ... انتهى
لينا .... أنا ما قلت اسم مش اسمي .... حســـــين هو اسمي
اشوف ما عجبكم ...؟ ما حد بارك لي
وشكرا
حســــــــين
تحياتي
حســـــــــ:)ـــــــــين
شعنونة سوالف
06-09-2001, 03:12 AM
من صدقك هذه قصه حقيقيه؟؟؟
بس عن جد ماشاء الله ماشاء الله ما شاء الله يعني الله له في خلقه شؤن..
وين الناس الذي يعترضون على الحب قبل الزواج؟؟؟؟
وينهم؟ خليهم يقراو موضوعك وشوفون كيف الحب هو الاساس...
كان حضرته يحب وهو في بطن امه ولما كبر تزوج :) :)
يا سبحان الله شايف كيف قصتي وقصتك متشابه؟
طبعا انا ماقلت قصتي انا فقط قلت اسمائي الاثنين....
ولكن انا اعرف ان القصتين متشابهين....يعني فيها اختلاف بين شخصين..
بس لم تصل لدرجه الموت :)
حسينكو
06-09-2001, 03:22 AM
مس لبنان
ايه والله هذا اللي صار
شفتي كيف؟ ... أنا كنت مرهف الاحساس من يوم كنت في بطن ام حســـــين
لا وكانت عيوني قوية ... كنت اشوف اللي برا ... وقدرت احب وانا جنجن (يعني تدليع لجنين) ولما كبرت .. ماقدرت احب!!!
ليش؟ يمكن نظري صار ضعيف :)
المهم
لينا
كيفك
وكيف صحتك
يا امورة ...
وحبوبة ...
ممكن طلب <=== (انسي الكلام اللي فوق ..من هنا يبدأ الموضوع)
طلب بسيط
قولي لي قصتك
اذا ما تحبي تقوليها هنا ... مو مشكلة .. بس المهم انك تخبريني بها
وش رايك
صحيح كنا جيران .. بس ما مداني اعرف قصتك <== هذي تزوير
............
حســـــين
مزاجية2000
06-09-2001, 04:42 AM
و الله يا حسين قصتك قصة انت و هالأسامي :)
بس و الله زين الي ما خيبت ظن يديتك...
يا حظك يا شيخ على الأقل قدرت تغيره مع انك بتحوس شوي مع الأوراق و إجراءات التعديل
<--- الحين عرفت ليش كاتب هالحكي في توقيعك... :)
----------------------------------------------------
أنا يا ظفرة أكره اسمي مررررررررررررره :(
و الله عن جد ما أطيقه....
و الكل يقول لي ان الي يزين الأسم صاحبة
بس أحس هالحكي مجاملة...
فيه اسماء كثيرة تعجبني ....مثل ليلى ..الله يا ليت اسمي ليلى
lawyer
06-09-2001, 05:19 AM
في اسامي اعتقد انها بايخه مثل:
شقحه ... مناحي ... نوير ... سليمة ... حلا ... عاصي.. محماس ... صدام ... ياسر ...عدي ... قصي ... حسين... كاظم .... وطبعا ما اقدر اعدهم ماشاءلله وايد .......
بس عن نفسي الحمدالله مرتاح وايد من اسمي واسم والدي وجدي وجد ابوي الي لقب العائلة ... لانها اسماء عربية اصيلة:).....
بس المشكلة ان في ناس اسمائهم ما تركب علي شكلهم مثل وحده اسمها جميلة وهي قبيحة الشكل.. واخر اسمه عزة واهو ذليل .. واخر اسمة جمال بينما هو اكبر الجياكر ...ووحده اسمها فايزة او اسمها نجاح وطول عمرها ساقطة بالدارسة............لا والمشكلة كل هذيل يقولون انهم مقتنعين اب اسمائهم هاهاهاهاها ......
علي العموم حبيت اشارك معاكم .........
...............
حسينكو
06-09-2001, 11:29 PM
مرحبا اختي مزاجية
شكرا لك اختي
___________________
أخوي lawyer
مرحبا ... بس حبيت احكي لك... ان الاسماء اللي ذكرتها مو بايخة
خاصة اسم حســــين و قصي وكاظم و نوير وياسر
يا اخي ... في ناس كثير يحملوا هالاسماء
الحسين هو اخو الحسن وهما احفاد الرسول الاكرم ^3
قصي هو أحد اجداد الرسول ^3
وياسر هو ابو الصحابي الجليل عمار بن ياسر رضي الله عنهم ... الذين قال فيهم الرسول ^3 صبرا آل ياسر فإن موعدكم الجنة
رجاءا هذب الفاظك .... ونحن نحترم وجهة نظرك
أخوك
حســــــين
الهبلة
07-09-2001, 12:01 AM
انا كنت ما احب اسمي بس في يوم من الايام حبيت اسمي حب جم لدرجة اني ما اتخيل ان يغيرون اسمي
وهاي القصة اللي خلتني احب اسمي واتعلق فيه
هذا الله يسلمكم كنت في يوم من الايام يوم كنت صف ثاني اعدادي كنت يالسة في الصف وكان علينا دين (تربية اسلامية ) دخلت الابلة الصف وسلمت وطبعا الابتسامة ما تفارج ويهها وهذا اللي خلاني احبها المهم ونحن كنا متعودين ان قبل الحصة لازم ندردش حول موضوع الدرس وكان الدرس عن (ابو هريرة رضي الله عنه ) وقالتلنا ان كان اسمه في الجاهلية هو عبد شمس اون الرسول غير اسمه انزين وجان تسألنا منو تبا تغير اسمها( وعلى فكرة الابلة ترى اسمها مثل اسمي ) وانا لاني ما كنت احب اسمي جان اقولها ابا اغيره واسمي عمري حنان استغربت ليش اني ابا اغير اسمي ...
قالتلي انتي تعرفين شو معناة اسمج ؟؟ قلتلها لا ما اعرف بس اللي اعرفه اني ما احب اسمس وابا اغيره ...... قالتلي ليش ؟؟ اسمج معناة السمو والرقي واسمج حلو وقامت تحسسني ان اسمي له معنى في الحياه وعقب طول الحصة قعدت افكر في اسمي حسيت صدق انه حلو عسب جي لو شو استوى ما بغير اسمي لو شو كان
تحياتي
ايطالي
07-09-2001, 12:40 AM
اهلييين اختي
والله انا تقريبا راضي على اسمي
لانه كل ما اسمع اسامي تقرف لوووول اقول الحمد لله على اسمي
بس لو كنت اقدر اغير بسمي نفسي
طــــــــــــــــــــــــــــــــلال
ومشكووووره على الموووضوع
شعنونة سوالف
08-09-2001, 02:04 AM
هههههههه
كبعا سوف تدافع عن الاسماء يا حسين....
الحمد الله ان اسم حسناء لم يكن بينهم :)
كنت قومت الدنيا وماقعدتها :)
lawyer
09-09-2001, 02:12 PM
لا شك ان فيه اسماء غير جميلة ......
الحمدالله علي نعمة الاسم ..................
..............
شعنونة سوالف
10-09-2001, 05:07 PM
انا طبعا لما ولدت ماما وبابا طار عقلهم فيني (من صغري بجنن :) )
المهم اش يسموني؟؟؟؟
مافي اسم بنت في العالم الا وفكروا فيه...
بالاخير بقى اسم ساره وزينه...ماما قالت للبابا سجلها واحد من هون الاسمين انا ماتفرق معي...
راح بابا علشان يسجلني و وقف حيران مايعرف اي اسم يكتب...
الفتاه التي كانت تشتغل وقتها لما سالته عن السبب قالها...المهم هذه البنت كان اسمها غاده...
وبابا لم لخطر بباله هذا الاسم (لانه نادر تقريبا)
المهم سجلني به...
بعد حوالي الشهرين.. غدغوده كبرت طبعا وصارت عروس.. ما شاء الله حولي :)
بابا حلم بوالده الله يرحمه الي كان متوفي وقتها وقال له في الحلم ليش سميتها غاده؟؟؟
وبعد كم يوم حلم بامراءه متحجبه تخيلها مريم والده المسيح..
المهم لما بدا يسال عن تفسير الحلم الكل طلب منه تغير اسمي الى مريم بس انت تعرف (عندك خبره :) ) كيف تغير الاسم صعب...
فبقى اسمي غاده في الاوراق ومريم بين الاهل....
وطبعا تخيل اول سنه دراسيه , المعلمه تناديني غاده وانا مش هون..
يعني اكلتها كثير بسبب لخبطه الاسم..
لما اخذت الجنسيه الكنديه كان بدي احول الاسم الى مريم بس قلت خلاص لانه وقتها لن يعود اسم غاده له وجود ولن يستعمله احد وسوف يصير عندي اسم واحد مثل كل الناس...
وانا مابدي كون مثل كل الناس :)
توته توته خلصت الحتوته :)
حسينكو
10-09-2001, 06:17 PM
مرحبا لينا (غدغودة ) .. وش رايك غدغد احس من غدغودة
نفس قصة اخوي حسن
طبعا هو اسمه مش حسن
هو اخر العنقود .. وبعده صغير في الابتدائي
المهم في البيت وفي كل محل يسموه حسن ... وفي المدرسة اسمه احسان
مرة رحت المدرسة ابغى اخذه .. فرحت صفهم .. ودقيت الباب .. طلع المدرس .. قلت له ممكن اخذ اخوي حسن
فقال لي ... حسن؟؟ يمكن انت غلطان في الفصل؟؟ في فصل ثاني للصف الثالث الابتدائي يمكن يكون هناك فقلت له المدير هو اللي قال لي انه هنا في هذا الفصل
ويمين ويسار .. بعدين سألني اش اسم العائلة فقلت له .. فقال عندنا واحد اسمه احسان
فضحكت انا (جؤجؤجؤجؤ) ... لأني نسيت انه اسمه احسان :)
الاستاذ ما صدق اني اخوه .. كيف اخوه وانت ما تعرف اسمه :)
فهمته بعدين :) :)
والى غاية اليوم ما احد يسمه احسان ... ماعدا المدرسين :)
حســــــــين
الموضوع حلو بس بصراحه اسمي احلى
ما ودي اغيره
ـــــــــــــــــــــــــــــــــــــ
هنا الكل للفرد والفرد للكل
فعلا اسمك حديث وجميل
مبروك عليك
شكرا
اهلا
عزيزتي انا عن نفسي
راضيه عن اسمي :)
المبتسم
19-09-2001, 09:11 PM
انا عن نفسي...
عاجبني اسمي...
وابغي اغيره(نذاله)...
لمعة الماسه
20-09-2001, 02:16 AM
بصراحه مب راضيه كل الرضا يعني بنسبه 70بالميه ولكن ....
الكل يقول جميل الا انا للاسف الشديد ....
موضوع جميل وشيق تسلمين عليه ......
وشكرا لك اختي ظفره ....
طيبة القلب
20-09-2001, 02:48 AM
واللله انا راضيه مرررررررررررره
عن اسمي...
بس مدري لوبيه ليش ليش مو عاجبه اسمه.؟..
اكيد يستهبل
هههههههه
للرفع ولمزيد من المشاركة
تحياتي