View Full Version : سؤال ضروووووري جدا عن ال BMW M5
ايطالي
30-08-2001, 12:30 AM
السلام عليكم
بما ان منتدى السيارات اللي في سوالف يعتبر في نظري ارقى
وافود منتدى سيارات في كل المنتديات العربيه بسبب وجود كتاب
رائعين واتوقع انهم عندهم خبره اكثر مني بالسيارات .
فودي انكم تفيدوني بمعلومات عن ال m5
وطبعا انااعرف انها غاليه واسرع سياره سيدان بالعالم
بس انا ودي اعرف اذا تعتبر سياره عمليه يعني ممكن اروح فيها
مشوار كل يوم وبدون اي مشاكل , وكمان ودي استفسر عن قطع
الغيار وهل هي متوفره
وياليت اي واحد عنده معلومه عنها يكتبها للضرووووره والله
و شكرا لكم على تعاونكم
اخوكم الايطالي
^1
هلا اخوي إيطالي حياك الله عندنا في المنتدى
ما شاء الله حزب ال m5 كثروا زين
أذا أنت بتطلع وتروح فيها عادي ما فيها أي مشاكل و عملية كثييييييييييييييييير
أما قطع الغيار مب متأكد إذا هي متوفرة ولا لأ
بس آخر شي ما فهمتك؟؟؟؟
أعتقد ماحد يقدر يجوابك إلا شخص مجرب السيارة ، فلذلك أنا أسألك أخوي BMW ، أنت جربت السيارة؟؟
هلا أخوي NFS
جربتها عددت مرات لأن الوالد عنده BMW M5 ودائما آخذها
lumina
30-08-2001, 01:35 AM
أخوي إيطالي أنا أقولك بما أن الشركة هي BMW فممكن قطع الغيار
غاليه نسبيا ولكن خدمة الزكيل ما في مثلها وممتازه
و المشاوير مافي مثلها وخبر الأخ BMW عنها لأنه يسوقها .
ألأعرابي
30-08-2001, 04:31 AM
أنا أعرف وايد ناس عندهم م5
السياره سياره الفئه 5 العاديه
يمنعي عمليه و تسلح حق بيت بعد
بس قير عادي
و شكلها أحلى و طبعا ما تحس أبدا بالسرعه
لا يغرك أنك تسمع أنهاأسرع سياره سيدان في العالم فتعتقد أنها تحتاج الى عنايه خاصه نفس الفراري و البورش
هي سياره عاديه جدا
بس سريعه
و اذا تبغي م3 حلو بعد و أرخص
لا يقولك بعد ممكن أنه يطوف م5 الى 100كلم\س
بس بابين و لا أدري أن كان في مقاعد في الخلف
ترى هالنوع من السيارات نادر ما تلاقي فيه عيب
يعني من أحسن الأنواع
بي أم دبليو
م5 الوالد موديل كم؟
^1
هلا أخوي ألأعرابي
موديل سيارة الوالد 2001 توه شاريه من كم شهر
BMW 320i
30-08-2001, 02:07 PM
اخي البي ام ام 5 احسن سيارة في العالم انا جربتها و الله و ناوي اشتري وحدة جديدة عندي الحين 320 شنايزر البينا مواصفات خاصة جدا بس و لا تسوي شئ مع الـ ام 5 بالنسبة لقطع غيارها عندنا بالامارات متوفرة و سعرها معقول جدا جدا .
ألأعرابي
30-08-2001, 02:37 PM
نعم ممكن القول أن الم5 من أحسن السيارات على الأطلاق
أخ بي أم
شداقه على الوالد يشتري م5؟ يحب السرعه؟
هلا أخوي ألأعرابي
أبوي بعض الأحيان يحب السرعة
بس لوالد الله يطول بعمره (آمين) يبي سيارة صغيرة
فأنا قلت له عن البي إم م5 واشتراها
ألأعرابي
30-08-2001, 04:43 PM
ترى الموتر حلو أستانس فيه و طلع قيمته :)
أنا ما أحب الأم5 لسبب بسيط أنه موجود بكثره في مدرستنا بس
أعرف تقريبا 4 عندهم م5
البعير
30-08-2001, 10:54 PM
لأنه هناك المرسيدس E-CLASS BRABUS...
وغيرها من السيارات السيدان:)
ايطالي
31-08-2001, 12:39 AM
السلام عليكم
اخوي البعير : هذي معلومه متأكد منها وتقدر تدخل لموقع شركة
البي ام وتلاقي مكتوب اقوى سياره سيدان في العالم
ايطالي
31-08-2001, 12:48 AM
اخوي BMW: والله اني ارتحتلك من اول ما شفت نكك
وانا صراحه من اول ما عرفت سيارات ما حبيت غير البي ام
ولما اخترت ال M5 خفت انها ما تكون عمليه يعني كل اسبوعين يخرب
عليي شي , فكلامك هذا طمني , وما تقصر والله ومشكوووووور
على المعلوومات
البعير
31-08-2001, 01:12 AM
وما معنى أنه الـE-Class BRABUS تصل لسرعة 330كلم في فيديو أعتقد أنه متوفر في مواقع كثيرة في الإنترنت...ما معنى هذا؟
أي أنه كان زمان الـM5 هو أسرع سيدان في العالم:)
وإذا انت مب مصدقني ترا قوة الإنطلاقة في هذي السيارة تصل 4,4 ثواني من 0-100كلم!!!...هل الـBM أسرع منها في الإنطلاقة...وقوة الأحصنة 582حصـــان...والسرعة القصوى 330كلم!!!
وأعتقد أنه هذا الموقع الرسمي أكبر دليل على المعلومات:)
http://www.supercars.net/SDBQ?y=1996&m=Mercedes-Benz%20Brabus&o=E%20V12
ايطالي
31-08-2001, 01:13 AM
اخوي الاعرابي و BMW 320:
كلاامكم حلووو بس ودي اعرف اذا انتم تعرفون ناس عندهم الام 5
من مده طويله ( يعني سنتين او ثلاث ) وما فيها اي مشكله
لانه هذا اللي يهمني انه اعطالها تكون قليله
وشكراااا لكم
اخوكم الايطالي
ايطالي
31-08-2001, 01:21 AM
والله اني ما ادري اخوي البعير
بس انا شايف في واحد من المواقع يحطونلك انواع من السيارات
وانت تختار اللي تبيه واذا اخترت يكتبون تحت صورتها كل المعلومات
عنها , فأنا اخترت ال ام 5 وكانت موديل 2002 ومكتوب السعر
وكل شي وكانو كاتبين بالمعلومات انها اقوى سياره 4 بيبان في العالم
ولو كان عندي الموقع اخوي كان حطيتلك اياه
ألأعرابي
31-08-2001, 08:27 AM
هههه لا تزعل
أعتقد المقصود بأسرع سيدان يعني نازل من الشركه غير ملغ
و شكره برابوس شركة تلغيم و ما تعطيك ضمان (على ما أعتقد)
يعني في سيارات وايد اربع بيبان ملغمه تطوف الأم5 في العالم
بس المقصود أنها نازله ستوك من الشركه
وين هذا الفيديو اللي في المرسيدس يمشي 330 لأني غاوي مرسيدس
أيطالي
كان تبي الصدق أي
أعرف ثنين عنده م5 من سنه أو سنتين أحين و (2000)
و أعرف ثنين عندهم موديل (2001)
و ألي أعرفه أن أخترب عليهم كم مره عاد ليش؟
بقولك,
واحد ملغم موتره حاط فيه تشيب يزيد 100 حصان مادري كم
و نيتروس و قير شورت شفت
و الثاني لعن شكل الموتر من التقحص (تفحيط)ط
قاعد يسوي بريك بترول (يحرق الكفرات) مستخدم الكلتش و حرق الكلتش, و خمس فيه و أذبحه يعني
و الثالث حرق الكلتش لأستخدامه الخاطىء(تصدق عاد, واحد في أول ثانوي أبوه يشتري له م5)
أعتقد كان يفحط و داس الكلتش و رجله كانت على البترول أو بدل القير بسرعه شيء هالون
بس صلحوه على الضمان
و الرابع يستخدمه أستخدام عادي ساعات يقحص على خفيف و يسرع عادي
ما سمعت أنه أخترب عليه
بس أظن أن السياره عليها ضمان 3 سنين
يعني لو الشركه تدري أن السياره كثيرة الخراب ماحطت ضما ن أصلا لأنها بتخسر من كثر التصليحات!
و أنا أقولك توكل على الله و أشتر لك أن5 و لا م3 (م3 رياضي أكثر يبنما م5 أكثر عائلي و يشيل 5 أوادم, م5 أسرع أيضا)
أنا مره ركبت في م5 و كان السائق يمشي 200كلم\س سألني كم أتوقع السرعه؟ قلته له 100 كلم, يوم شفت القايج ماصدقت عيني
أقولك 200كلم\س في قايج الأم5 في محل 120كلم\س في السيارات العاديه
يعني النص!
و للحين موب مصدق لأن الشارع ماكان طويل و للحين كنا في ربعه أو قريب من نصفه!
أشتر لك و ستانس فيه (عاد لاتنساني اذا شريته ;) )
ايطالي
01-09-2001, 01:07 AM
والله انك طمنتني يا الاعرابي
واكييييييد مو ناسيك باخذ فيك لفه كل يوم اوووكي :):):)
وثنكيوو لكل اللي كتبوو رايهم بالسياره
ايطالي
01-09-2001, 01:33 AM
اهليين اخوي الاعرابي
والله انك طمنتني بكلااامك
واكيييد مو ناسيك باخذك لفه كل يوم :):):):):)
البعير
01-09-2001, 02:30 AM
ترا والله أعرف أنا هذا الكلام..وما أبي أحد يقولي:)
بس لما نتكلم عن الـM5 اللي أنا شخصياً أعتبرها سيارة ما تستاهل قيمتها(مجرد وجهة نظر)...لازم نتذكر أنه هناك قسم دخيل على شركة BMW اسمه M POWER..هو اللي لعب في السيارة ولغمها لشركة بي إم..وحولها من فئة خامسة عادية...إلى هذه القوة...فأعتقد أنك لو تراجع معلوماتك عدل يكون أحسن لك;)
ـــــــــــــــــ
أخوك الـhttp://www.angelfire.com/ar/zamel1/images/cmil.gif
اخوي البعير
انا معاك ان الم 5 ماهي اسرع من المرسيدس واللي يقول انها اسرع هذا كان اول ايام E44 لكن من عام 98 نزلت الE55 وهي اسرع سيدان في العالم
والله اعلم
ألأعرابي
01-09-2001, 10:00 AM
لا لا ترى لا تفهمون غلط
أنا عاشق اي55
و ناوي أطلق واحد في المستقبل أن شاءالله
بس م بور متعاونه مع بي أم
نفس ما أي أم أجي متعاونه مع مرسيدس
يعني تقدر تقول اللي طالع من م بور هذا هو من بي أم
و اذا كنتوا تقولون أن برابوس أحسن
فهناك م5 معدل من شركة هامن
والله يعلم كم يجيب