View Full Version : بعت ناسي عشانك.......
عاشقة الاخضر
28-08-2001, 12:20 PM
جرحتني والقلب منك تعذب
واليوم قربه عندي صار عقوبه
عشمتني بالحب ..وظنيتك تحب
واهديتك زهوري .. تزين مكانك
اوهمتني ان لي الشخص الاقرب
وحسستني اني وحيدة زمانك
لكن خساره بان في عيونك الكذب
خنت العهود اللي نطقها لسانك
ماجيتك اتقرب ولا جيتك اطلب
منك الوفا ياللي مضيع امانك
خيانتك ماكانت الشي الاصعب
الاصعب اني بعت ناسي عشانك
.............................................
مع حبي وتقديري
اختكم/عاشقه الاخضر
اتمنى من الجماهير السعوديه مساندة منتخبنا.
ولكم جزيل الشكر.
المنحوس
28-08-2001, 12:27 PM
ويلك من الله ليه عذبتي حالي
و انتي بحبي كنتي تدري و تعلم
عشمتيني بالوصل ! وينه وصالي ?
وين الهوى و الحب ؟ وينه تكلم !
وين الغرام اللي ذكرتيه ليالي
و الشوق وينه؟ ليه راح و تحطم
كم قلتي لي اهواك تسكن خيالي
و كم قلتي لي قلبك بحبي ترنم
علمتيني حبك و صرت انا غالي
و اليوم تتركيني لحالي مع الهم
القلب من فراقك زاد اشتعالي
ضاقت علي دنياي يا ظالم ارحم
كلما بغيت انساكي فوق احتمالي
غصبن علي قلبي غدا فيكي مغرم
عايش في حبك من اول و تالي
و انتي بداية عمري اللي تقدم
لو لمت قلبي قال ذكره طرى لي
مدري من الحسرات و لا تندم
خايف يكون العمر ضايع و خالي
و تكون من حبيت ما عندها دم
ردي عليكي
عذوبة
28-08-2001, 01:02 PM
فعلا أصعب شيء نتذكره بعد المحبه و الوفاء.....
أننا بعنا كل غالي و نفيس لأجلهم.......
الله يصبر الجميع..... و يصبرج أختي العزيزه......
و هذه تحيه مني لمنتخب السعوديه........ و أنا أيضا أقول قفوا مع الأبيض..... منتخب الأمارات الوطني.......
يوم الجمعه الساعه 7و نص قطر و الأمارات و بالتوفيق....
تحياتي:
عذوبه....
أدري إني قلبت الموضوع رياضي... بس اسمحيلي أختي.....
حكيم_العرب
28-08-2001, 01:22 PM
انك ....
حبيتي .....
واحد...
منحوس.....
.....
مع كل امنياتي...
للاخضر....
العوده......
بكل ....
الكؤوس....
ولا...
يصيبه...
نحس....
منحوس.....:)
المنحوس
28-08-2001, 03:23 PM
و الله ما ضربتها عين يا حكيم العرب ,,,
و الا شو رأيك :( انا زعلان واع واع واع و اصارخ كمان
هههههههههههههه
بس حلوة سيرتي على كل لسان و الكل يعرفني عدل