أكبر كذبة

[البحاري]

مساء الخير .. للجميع

معليش الموضوع شويه مش ولابد .. بس بصراحة حبيت .. أسمع ايش أكبر كذبة سمعتوها :):)

في أيام دراستي في الجامعة .. أخبرني أحد الزملاء :):) .. أن العلماء .. أستطاعوا أن ينقلوا الحجر من مكان إلى أخر بواسطة الفاكس :):) .. وكان جادا .. وزعل من ضحكي الشديد .. وأعتبر هذا تكذيبا له :):):)

مـــاذا عنكم؟؟‍‍‍:):)

تحياتي :)

[فلاش99]

:) لاش لاش

اكبر كذبة وصدقناها جميعنا
؟
؟
؟
؟
؟
؟
؟
؟
؟
؟
؟
؟
؟
؟
؟

ان امريكا صديقة للعرب :)

!!! فلاش ......... !!!

[نوف الامارات]

يسعد لي مساك ..نبض المنتدى.

بصراحه اكبر كذبه سمعتها ..كانت ايامي الاولي في شغلي..وحده من الموظفات قالت لي تعالي اوصلك تراني ما اروح الا بلموزين..وقلت لها لا روحي ومشكوره..وبعدين خلص الدوام وانا طالعه واشوف ابوها جالها وهي ...ببيكاب..وانيت..ههههههههههه..يومها كان اضحك وحتى زعلت مني.


السموحه على الاطاله..


تحياتي..
نوف الامــــــارات..
ـــــــــــــــــــــــ
nofa40@hotmail.com

[البحاري]

مساء الخير .. فلاش

نعم صحيح ما قلت .. لكن .. الجميع يعلم أنها ليست كذبة .. أنما خداع لأنفسنا فقط . نقول امريكا صديقة للعرب .. أمريكا صديقة المصلحة فقط :)

شكرا للمشاركة :)

[البحاري]

مساء الخير .. نوف الأمارات

ههههههه .. حلوة .. يعني أكيد زميلتك .. ما عاد ترجع للعمل :):):) وأنت موجوده :)

شكرا للمشاركة :)

[فلاش99]

البحاري :)

الكذبة الي انشروهافي الثمانينات ان هناك شخص في اي طريق مظلم من الخطوط الطويله يطلب التوصيل وخلال المسافة ننتبه على رجله فاذا بها كرمك الله رجل حمار وصار الناس يخافون الوقوف لاي شخص بالليل على الخطوط الطويله :)
طيب واذا رجل حصان ايش الفرق :)


!!! فلاش ............. !!!

[البحاري]

مساء الخير .. فلاش

فعلا هذه كذبة أنتشرت :):).. ولاقت صدى كبيرا في المجتمع :):)

تحياتي لك :)

[غريب نجد]

1^


تصدق اخوي كل شيء بالزمن هذا جايز ..:(:(

لكن من جد هذي قوية حبتين

تحياتي للجميع

[البحاري]

مساء الخير .. غريب نجد

ياهلا والله :):) .. طولت الغيبة

فعلا هي أقوى شئ سمعته لأنها لاتصدق على الأقل الآن :):) ممكن في زمن غير زماننا :):):)

شكرا للمشاركة :)

[دعد]

مافي بعد النمنم..سمعتوا فيه اتذكره وانا صغيره..


ولا تذكرون ان صدام بيقوم الحرب علينا لدرجه اننا قفلنا الابواب..وكل البيت وجلسنا بالصاله..

[البحاري]

مساء الخير .. دعد

أنا سمعت عن النمنم .. بس لو تذكيرنا نسيت والله :):)

شكرا للمشاركة :)

[الفرزدق]

يسعد مساءك بكل خير وعافية ،،،

صراحة ضحكة من سالفة زميلك ،،،:)

بس عاد بكل صراحة صار الكذب أداة منتشرة في كل مكان ،،، الله يهدي الجميع ،،،

ومشكور أخي الكريم ،،، فليس لدي ما أتذكره ،،:)

[البحاري]

صباح الخير.. الفرزدق

شكرا للمشاركة :)

فعلا موضوع مثير للضحك .. ومسألة الكذب ؟؟؟؟‍‍‍

تحياتي :)

[دعد]

هذا النمنم ...له عين وحده ورجل وحده ..وانا كنت اتخيل ان لونه ابيض ..هذا يأكل الناس..

وبس

[متخلف]

اكبر كذبة واحد زمان كان يخوفني :) :)


كان يقول لي لا تمر من ذاك المكان ترى فيه ثور بدون رقبة وعيونه طالعة لبرا

بس طبعا كذبة واضحة كيف بدون رقبة ومعاه عيون :) :)

اما حكاية الفاكس ههههههههههههه

لا تنسى إنه قالها في غرفتي :) :)

[أبو غازي]

هلا فيك اخوي البحاري .. كيفك عمو ان شاء الله طيب ..

والله يا عزيزي زميلك هذا كذبته قوية جدا جدا جدا ..


وذكرتني بسالفه اذا ما عليك امر راح اذكرها هنا ..

ايام المتوسطه كان عندي زميل الله يذكره بالخير .. كان معروف بالكذب .. وطبعا كل كذبه غير واقعية ابدا .. ومره .. قال لي لما كنا مسافرين يا بو غازي خرب سير السياره حقتنا .. وقال لي حزر يا بو غازي وش سويت ..؟؟ ,.. قلت له وش سويت يا قمر ؟؟ .. قال .. شلت العقال الي فوق راسي ابوي .. وحطيته مكان السير . وطبعا انا نشرت القصه يمكن في الحي كله .. اذا ما كانت في المدينه كلها ..


آسف على الاطاله .. وفي قصص كثيره مره .. لكني نسيتها :(:(


بو غازي :)

[Huda76]

صباااااااااااااااح الخيــــــــر والورد للجميع :)

بصراحة ضحكت على سالفة الفاكس والثور اللي له عيون وبدون رقبة وسالفة العقال هههههههههههههه

تحياتي للبحاري ومتخلف وأبو غازي والجميع :)

[سموحة]

هلا البحاري

ذكرتني بأيام المدرسة يوم كنت بالثانوية بس اي صف مو ذكرة يوم كنت جالسة بالفصحة جاتني زميلتين لي ومعاهم رسالة لي ويوم قريتها كانت رسالة غزل من شاب لي بالاسم طبعاً فقلت لهم من عطاكم اياهه قالو لقيناها في الصالة طبعاً انا ما كذبت خبر رحت البيت وقلت حق امي ثاني يوم جات امي المدرسة وقالت للمديرة ويوم نادت عالي وعلى زميلتيني اللي عطوني الرسالة طلعت هذي كذبت ابريل اهم امسوينها

بس والله حرام المديرة عاقبتهم على مزحة ثقيلة

[الهيكل]

صباح الخير حبيب قلبي البحاري


طبعاُ بالنسبة لاكبر كذبه كثيرررررررر

كان عندنا مدرس معروف بكذبه اسمه احمد ولي

يقولك في يوم من الايام كان ماشئ في طريق الطائف وبعدين غلق عليه البنزين ايش تسوي يا احمد شاف طياره قام رماها بحجر قام نزل البنزين من الطيارة على السياره وبعد ما ملا التانكي بنزين من الطياره اخذ لبانه ورماها عشان يسد مكان الفجوة الى في الطيارة



ههههههههههههههههههههه
وعنده اكاذيب كثيررررررررررررررررررة

ترى هذا المدرس مشهور في جدة

[البحاري]

صباح الخير .. دعد

شكرا للتوضيح :):)

بس كم يد معاه :):).. عشان أذا عرفنا نتجهز يمكن يطلع لنا في الخط .. نكون جاهزين :):)

تحياتي :)

[ابو سعود]

هلا اخوي البحاري اكبر كذبه

لحظه شوي (ههههههههههههههههههه) هذي على الحجر ابو فاكس الله ياخذ ابليسك

بصراحه كان عندنا ايام الابتدائي واحد كذاب مووووووت وكان عند ابوه سيارة نيسان لوريل اللي تتكلم اذا شغلت السيارة او تركت الانوار مفتوحه وطلعت من السيره
المهم احنا من جهلنا من يوم نرجع من المدرسه واحنا ماسكين خفاره على هذي السياره ونشوف كيف تتكلم
عاد ولد صاحب السياره راق له الوضع فقال لنا مره
ياشباب تصدقون ان اليوم ابوي يوم نزل يصلي المغرب على الخط واعجبه الجو نزل الفرشه وقعد وقال للسياره "بالله واحد شاهي منعنش" ويحلف الولد ان السيارة صكت بذاك البراد اللي يعدل الكيف
والمصيبه ان السياره تسأله :اقول يبو ناصر السكر وسط والا زياده"

طبعا من كثر ما قعد يحلف الولد والله استحيت اقول له كذاب(لا فيك الخير يابوسعود)
لكن من بعدها صرنا ما ننادي ناصر الا ابو براد :)

[البحاري]

مساء الخير .. متخلف

شكرا للمشاركة :)

ههههه لا مانسيت ؟؟ كيف أنسى جلسة الشاي الجميلة .. :):)

بالنسبة لثور .. أنا سمعت عن قصته :):) .. قريب منا مكانه :)

تحياتي :)

[مدردش متقاعد]

و الي يرحم والديك يا البحاري.. قوله شوي شوي.. ترى السيرفر ما يتحمل.. و إذا صار به شي. إنت وياه المسؤولين:):)


حجر عن طريق الفاكس!؟؟ طيب قول رمل... يمكن أخف شوي هههههه

تحياتي لك

[البحاري]

مساء الخير .. أبو غازي

شكرا للمشاركة :):)

وشكرا لتقيمك الكذبه :):) .. وهي تستحق الأولى حتى الآن :)

بالنسبة لصاحبك .. مدري العقال مش الحال والا .. :):):)

[HaDeeL]

ممممممممممممممممم اكبر كذبة شو ؟؟؟؟؟؟؟؟
بصراحة كلهم XXXL شو اختار ............
اصغر اكبر كذبة انه يوم كنا صغار في ليلة العيد كانوا الاهل يقولون لنا نحن الصغار انه اللي ما ينام من وقت
في جنية اسمها (((( سودة خصف )))) بتخطفه و تاكله
و نحن عاد من الخوف ننام من الساعة 7 و من الخوف نربط عمرنا في السرير و اللي يسويها في عمره من الخوف محد يضحك عليه
و الله ما نلومه مسكين :):):):):):)
الحين انا اهدد اخواني الصغار بيها :):):) هههههههههههههه
الانتقام .... الله يكون في عونهم :):):) ههههههههههههه

[البحاري]

مساء الخير .. Huda76

شكرا للمشاركة :):)

بس لازم تشاركين .. كذا ما ينفع .. تضحكين بدون مقابل :)

تحياتي :)

[البحاري]

مساء الخير .. sajsm

شكرا للمشاركة :):)

الظاهر أنك ما تحبين المزح :):) .. عارف راح تقولين هو ذا مزح :):)

تحياتي :)

[البحاري]

مساء الخير .. الهيكل

شكرا للمشاركة :):)

هذه أنا أعطيها المرتبة الثانية :):) .. بس جهز نفسك وتوديني عند المدرس هذا .. اذا جيت عندكم جده :):)

تحياتي :)

[البحاري]

مساء الخير .. وحش سوالف

شكرا للمشاركة :):) بوسعود الصامت

أقول لو السيارة تتكلم حتى اليوم .. انا ابغى أشتريها .. تكتب عني في سوالف :):) .. وسلم لي على أبو براد :)

تحياتي :)

[ثائر]

مساك الله بالخير بحاري

صراحة الموضوع عجبني وايد ومن اول ما طلع و دي اشارك بس
ما تذكرت و لا كذبة >>> و الا نحاسة حظ <<<
المهم و انا اعصر مني و مني
و اذا بي اتذكر


















كذبة كذبوها علي ربعي <<<<---- ما يستحون و الله








كنا قاعدين بالكافتيريا بالجامعة و مستانسين

وشوي و الا كلهو مطلعين دفاتر المحاضرات
وقعدوا يذاكرون و يسألون بعضهم البعض
وانا اندهشت
اشصاير
ليش تذاكرون تونا في بداية العام
قالوا ::

طالع هذااااااا !!!!!!
انشالله ما دريت؟؟؟؟؟!!!
يا جماعة ادري عن شنهو ؟؟؟؟-->>>الولد خايف
اليوم امتحان مادة تطور الفكر التربوي عبر العصور

>> عاد انت اطلق العنان لمخيلتك امتحان مفاجئ و مادة فلسفية<<

و انا من خبصتي قمت من محلي وتكرمون الا ويحوشني ذاك الاسهال

واعسكر بدورة المياه

و النحيسين ما كسرت خاطرهم ابد!!!

المهم بعد نص ساعة رحت للدكتور ابعتذر عن الامتحان >> عذر مرضي

وجان تصير ذيك الفشيلة

و تصور انت عاد

والدكتو يطالعني مبوه -->> فاغر فاهه

ايه يا بني انته سخنان يا حبيبي

امتحان ايه و بلاوي و اسهال ايه ؟؟؟

مش لما انخلص الباب الاول من الكتاب

اجري اجري وبلاش عبط
و جيتهم و جان اشوفهم داقين بالخمسة و ياكلون الحساد

ايه اسف على الاطالة

[الغيث]

أما عن الجذبه اللي أذكرها إن مره قالي أخوي سالفه سامعنها من ربيعه ....... السالفه تقول إن ربيع أخوي كان رايح البر مع شله شباب و ياهم جني و وقف جدام السياره و قال (بووو) فالسياره داست بنزين و شردت ههههههههههههههههههههههههههههههههههههههههههههه

و خلتهم روحهم .....


هاي جذبه من خاطر ...............ههههه

إختكم الغيث

[البحاري]

شكرا للمشاكرة :):)

ليش ترمي المسؤوليه علي :):) .. أنا مالي دخل .. بس معاه حق :):) .. يأخي اختراع عجيب جدا .. فاكس ينقل حجر :):)

تحياتي :)

[البحاري]

أن سمعت أن الى يخاف من الجن تطلعه .. :):) .. وسمعت أن سودة تسأل عنك :):) ..

وبعدين حرام تخوفين الصغار :):) .. يكبرون وعقدة (( سودة خصف )) معاهم :):)

شكرا للمشاركة :):)

[البحاري]

صباح الخير .. ثائر

هههههه .. أجل أكلت المقلب .. تعيش وتأخذ مقلب أحسن .. بس صدقني .. كان المفروض .. ما تهتم :):) لأن المنهج كان قليل يعني متذكر على الأقل المواضيع :)

شكرا للمشاركة :):)

[البحاري]

هلا أختي الغيث .. أن شاءالله دائما سعيدة

مشاركتك أحتلت المركز الثاني .. بعد مشاركتي :):):):)

بس السيارة معها حق .. ياروح ما بعدك روح :):)

شكرا للمشاركة :):)