صور هوندا سيفيك بزوائد من الوكيل

[زورو الامارات]

السلام عليكم ورحمة الله وبركاته

لفت انتباهنا في وكالة هوندا في دبي وجود زوائد جميلة وجذابه على الهوندا سيفيك

فتم تصويرها للشباب في المنتدى وخصوصا محبي هوندا

ادخل من خلال هذة الوصلة

http://www.geocities.com/uae_zorro/cars/new-civic/new-civic.htm


تحياتي للجميع

[كابريس]

شكراً :):):)
والله انت من الأعضاء المتميزين في المنتدى :)

[Ferrari^_^love]

ولا ننسى تميز الاخ grandv8 :):):)

[زورو الامارات]

السلام عليكم ورحمة الله وبركاته

مشكورين ياشباب انتو تستاهلون :):)

ونأسف على ان تجربة هذا الاسبوع بتتأخر شوي لظروف التطوير

ولا كان المفروض تنزل الاربعاء في الليل كما هو معتاد اسبوعيا

انتظروا وان شاء الله تجدون مايعجبكم



تحياتنا انا وجراند للجميع

[Ferrari^_^love]

اذا قدرت تجربه السوبارو ايمبريزا WRX :):):) ???

[*SS* POWER]

شكرا اخوي زورو الامارات على الموضوع المتميز واحنا بانتظار المزيد منكم :)

[زورو الامارات]

السلام عليكم ورحمة الله وبركاته

مشكورين ياشباب على الردود

اما الاخ العزيز Ferrari^_^love بخصوص طلبك عن تجربة السوبارو امبريزا لو هي متوفره للتجربه في وكالتها صدقني ماراح نضيع فرصه ذهبية مثلها :) :) لكن وكيل سوبارو تعبان شوي وهو مع السوزوكي مع ان عندهم سيارات لا يستهان بها ابدا

كذلك قبل فتره طلب منا الاخ كابرس تجربة الكابرس والوكيل في دبي مايعطيك سيارة تجربة لا يعطيك سيارة جديده يقول لك جرب سياقتها بس يعني تخاف تدوس فيها بريك فغضينا النظر عن وكالة الشفر

مره رحنا وكالة مرسيدس وطلبنا منهم نجرب السي كلاس الهاتشباك
شفت البائع متردد يعني خاف يعطينا السيارة فراح للمدير وقاله كذا كذا فالمدير قال له مافي سيارة تجارب

كذلك دخلنا وكالة البي ام دبليو ضلينا ربع ساعه او اكثر نلف ونطالع وندقق في السيارات ولا واحد تكرم وجا يسألنا ويشوف طلباتنا فطلعنا وتركناهم على فكره ماكانت عندهم سيارات تسوى غير البي ام 330 والالبينا اما باقي سياراتهم فصدقوني ياشباب من الداخل مافيها شي عاديه جدا بما فيها إكس 5 تصاميم داخلية بدائيه ان صح التعبير

لكن محركات وثبات لا يعلى عليهم

ومره بعد حاولنا نجرب المكسيما خصوصا انها سيارة ناجحه في الخليج كلمناهم في التلفون قالوا تفضلوا عندنا سيارة تجربة
قالي جراند خلنا نجرب الانفينيتي الفورويل قلت له مب مشكله اي سيارة من نيسان تمشي الحال خصوصا ان الشباب في المنتدى يحبون التجارب خصوصا المكسيما تصوروا عاد يا شباب ماحصلنا حتى صني مستعمله مادري كيف سياسة بعض الوكلاء في سيارات التجارب
الوضع تغير حاليا الواحد مايشتري سيارة الا اذا جربها

ونقطة ثانية بعد مره حجزنا تجربة هوندا أس 2000 وكل شي ماشي تمام قالوا لنا روحوا وكالة شارع الشيخ زايد بتحصلون السيارة هناك قلنا تماااام جهزت الكاميرا والضحكه هالشكل :) والموعد العصر شوي ويتصل فيني جراند يقولي راحت علينا قلت له ليشششششششش من القهر هالطول :):) قالي واحد انجليزي جرب السيارة وعجبته واشتراها :(:( انا غنيت كبدي عليها كبدي عليها جت رجليها جت رجليها حيييييييّّ ( حشا مو صاحي ) ماعلينا

ما اطول عليكم :) :)

تحياتي للجميع

[كابريس]

بالنسبة للكابريس
كيف يعني يعطيك سيارة جديدة؟؟؟ مافي سيارة مخصصة للتجارب؟

[البعير]

واللي أقدر أسميهم"الثنائي"
زورو الإمارات...و grandv8

لأنه الصراحة..من يوم دخلوا المنتدى وهم يتحفونا بهذي المواضيع المشتركة ما بينهم...من حيث المجهود...وأتمنى...وإذا ما راح أكلف عليهم...أن يذهبوا إلى الوكالة الموجودة في دبي...وهي الحبتور للسيارات...ويصوروا لنا الإيفوليوشن;)
(((رجاء خاص)))
أتمنى أنكم تاخذون هذا الطلب بجدية...




ـــــــــــــ
أخوكم الـhttp://www.angelfire.com/ar/zamel1/images/cmil.gif

[grandv8]

السلام عليكم
شكرا ياشباب على المساهمه الطيبه.
ماشاء الله زورو الامارات ماخلنا لنا كلام بس ماقصر.

يااخ كابريس السياره التي نقوم بتجربتها في وكالة شفرلية هي سيارة تجربه بس على العداد على 0 لانستطيع ان نضغط عليها.
ان شاء الله سوف نجربها.

يااخ البعير انا سرت وكالة الحبتور ماعندهم ايفيولوشن لا القديم ولا الشكل الجديد بس قال بيوصل في اوخر شهر 9.

انشاء الله ان نكون على حسن ظن الجميع :):):)

[كابريس]

فهمت :):):)
مشكورين بس عشان تجرب السيارة هل تدفع شيء؟؟

[S2000]

وعلى الـLXi بعد :)

خل وكيل "الغفلة" حقنا يشوف!!

[مكلارين F1]

مواضيعكم والله كلها رائعه يا جراند في 8 وزورو الامارات ... :)

مافي تجربه شيروكي او جراند شيروكي قريب ؟؟؟؟؟

[NFS]

ما شاء الله عليكم ما بقى خبر عند وكيل الهوندا وإلا وخبرتونا أيه ، بموضيعكم هذي أنتوا ما خليتوني :) إلا خليتوني :cool:





أقول مايصير تفتح شركة المشروعات التجارية فرع في الخبر؟؟


بس نبغى نشوف المزيد من التجارب وخاصةً من الشركات الأخرى علشان نتعرف على جديد أنتاجهم.


الله يعطيكم ألف عافية.

[grandv8]

السلام عليكم جميعا.

ان شاء الله تعالى بتسمعون تجارب واخبار جديده عن تجاربنا.

خاصة سيارات وموديلات لاتوجد بكثره في اي مكان.

يااخ NFS ان شاء الله بتكون هناك تجارب لوكالات اخرى عن قريب.

يااخ مكلارين افا عليك مايطوفك الجيب (لا جيب الا جيب ) عن قريب
سوف نفوم بتجربتها.

s2000 بس طاف عنا تجربة هوندا s2000 ،هي تعديلات نزلتها مشروعات التجاريه فرع هوندا على سيارات هوندا سيفيك ،ولها اقبال كثير لشراء هذا الموديل بسبب عرض الصيف الصاله لاتخلو من الناس لشراء السياره.

ترقبو تجارب جديده وشيقه.
شكرا؟؟؟

[مرسيدسCLK55AMG]

إذا ما عليكم أمر تجربوا الكرايسلر سيبرنج أو M300

[مخاوي ساب]

حلو ياخوي زورو الامارات

[corvette 40th]

الله يعطيكم العافيه و ما قصرتوا
ما زين هالمواضيع الطيبه انا اشوف انها احسن المواضيع