سوالف للجميع - تعالوا شوفو لوبييييييييييييييييييز (2)

المسلمي

25-12-2001, 12:50 AM

هذا لوبيز يحكي :):) ،،

السالفة ياجماعة الربع إني مره يوم طلع الجوال طبعاً 053 عاد ليته 055

قلت أبي أطق لي جوال بعدين فكرت قلت يا ولد وش جوال خلك متميز

بكره مثلهم ويمكن يتخلبط جواك بجوال واحد من اللي معهم جوالات

أحسن شيء اطق لي بيجر ورحت يا الله ما اتخيل الفرحه كيف راح

اكون متميز <-- متميز وببيجر رحت الإتصالات قلت ابي بيجر وفاق

خشتي ومبسوط ضحكوا علي قالوا وش تبي فيه قلت مهوب لي

للشغالة <-- يصرف قالوا اشوى وانت ما تبي جوال قلت لا ياخوي بيجر

ويخب المهم اخذت الشريحه <-- ايه هين شريحه ولبيجر قصدي عطوني

رقم رقم الله لا يوريكم تقولون رقم لوحة ددسن قديمه ومغبرة اللوحة يوم

أشتغل البيجر شوي وأنطل نفسي من سطح البيت <-- تكفى يا

الفيصلية قلت اروح السوق اكشخ شوي <-- عاد ببيجر رحت للسوق

ماشاء الله شفت بنات ووقتها حاط البيجر بالمخبأ اللي قدام ومطلعه

قدام الناس ومشغل اللمبات <-- وين سيارة قلت ابي أكشخ عندهن

وأشبكهن وشفت واحد حاط جواله عند اذنه وياليته يكلم <-- وش عرفك

قلت ابي اسوي مثله حطيت البيجر عند إذني على بالي أكلم شوي

ويدق البيجر <-- اخس ياالجوال يدق ويطالعن البنات فيني قلت

يووووووه نسيت أفصل خدمة الإنتظار وعاد وحده تبي تسوي نفسها

فاهمه بالجوال قالت يا غبي هذي رسالة كخخخخخخخخخخ شكلها

تبي تكحلها عمتها المهم هذي سالفتي والصراحه انكفشت والحمد لله

الله ستر علي ولا كان جت فضيحه بالسوق الله يعلم وش راح تكون