View Full Version : خبر عاجل
نعناعة
20-06-2001, 10:59 AM
عشان الحقوق الأدبية ... لاحد يجي يقول ماهي بلك ؟!؟!؟
مجلة الصدى
السنة الثالثة
العدد 116
الأحد 17يونيو2001
صفحة رقم 123
عنوان الصفحة : حشّ وطشّ ورش ّ !!!!
إعداد : علي السبعان
عنوان القصيدة : خبرعاجل
((ترا للحين ماكتبت اللي أبيه !!!))
البارحــة شفت امسيتكم ببيـــــروت.......... على الهوا منقولـة عبر الاعلام
كنتم على صدر المنصة والبشــوت.......... لاقت عليكم والمسابح والاقــلام
و(جويل بحلق) بينكم وانتو سكـوت .......... وتقول هي ( يامرحبا الساع ) باحشام
وعدّت على الجمهور م( الونة) بيوت ....... وقالت ( هيدي كلمات الديوف لكرام)
ولحظة بداية الأمسية زدت في الصوت ...... وشفت (الحريري) بأول الصف قدّام
مادري وش اللي صار فزّيت مبهوت !!........ أثره مجرد حلم ، ياكذب الآحلام !!
عجبتني :D
أوه صحّت أصابعي
الفلفل
20-06-2001, 11:12 AM
نعنع شاعرة ؟؟؟؟؟؟
!
!
!
!
!
!
!
!
!
!
لحقي علينا يالبدوية
وينك يا ديماااااا طلعت صديقتك شاعرة وانتي ما تدرين
الله يالزمن
!
!
!
!
!
!
!
!
!
على فكرة
تسلم أصابيعك وأصابيع من قال :)
!! الفلفل لا تلعب بالنار تحرأ صابيعك :) !!
نعناعة
20-06-2001, 11:33 AM
مو أنا مو أناااااا؟؟ اللي قلته !!....... انا نقلته بس ....... أبرّي قلمي !! أقصد ذمّتي
والله قعدة البيت وناسة !! ليه مايخلونا نداوم 3 أيام بالأسبوع !! ويم نوم ويوم دوام !!!
وينك يالبدوية .. :D ؟ أما ديما !! إييييييييييييييييه الله يحفظها ويوفقها يااااارب
أستنى أستنى ... فيه وحدة ثانية
( ملاحظة من نفس المرجع )
بس الصفحة رقم 122 !!!
على الهوا والنقل ميت ماهو حي ... شفت المذيعة(..)يامال القطيعة
لو شافها حاتم وهو حاتم الطي... يبخل عليها ماتوظف مذيعة
مااخذت منأوصاف المذيعة ولا شي ... خسفة ثقيلة دم.. هبلا فظيعة
ماكنّها إلا زي .. مالها زي ! ... هي تعتبر من معجزات الطبيعة
لولا إنها تظهر فضائي وأرضي ... قطعت سلك الدش وانويت ابيعه
لا(أبوظبي) طلعت عليها ولا (دبي) ... ولا (الشارقة) يااهل الصدور الوسيعة
لاهي( نجاح) ولا (خديجة) ولا (في) ... ولا شابهت (طيف البياتي) طبيعة
قلب المشاهد(نار) وبرودها(مي) ... واللي عرفها ! لايعلم ربيعه !!
مالي شغل
الكابوتشينو ياوللللللد !
بنت الأحزان
20-06-2001, 11:39 AM
نعنع.. لتكونين شغالة مع الصدى؟!!
إحم.. تسلمي على الموضوعين..
أقول.. شو عندهم ع الغلاف؟!
ممكن تحللين لي مواضيع المجلة؟!!
( صدق تراني ما اتغشمر!! )
الصورة لمنو؟ والمواضيع تتكلم عن شو؟!!
>> حال كثير من المجلات والجرايد و... !!
( شكلي بقلب الموضوع )
تحياتي لج عزيزتي.. :)
نعناعة
20-06-2001, 11:54 AM
وش بيكون على الغلاف يعني !!! صورة حرمة !!
كنّها ملكة جمال مصر !!.... والمواضيع يعني وش الجديد فيها علشان أتكلم عنها !!
أنتي سألتي وجاوبتي >> حال كثير من المجلات والجرايد و .. !!
ترا والله مجلة ماجد كويسة!!
بنت الأحزان
20-06-2001, 12:11 PM
.. طيب..
يعني ما بغيت أتعبج
فـ رديت على السؤال بنفسي!! :)
>> هي بالأسواق اليوم ..
كأني أسمع إعلانها الحين!!!!!
يالله يا موزة معانا .. .. .. ..
ماجد مجلة كل الأولاد وكل البنات .. ( والكبار أيضا )
احصل على نسختك فورا.. http://www.swalif.net/sforum1/images/icons/icon10.gif
تحياتي لج عزيزتي :)
نعناعة
20-06-2001, 12:14 PM
ترا ماقصدي شي والله !! .. أنا ماقرأت المجلة كلها علشان أحكم عليها ..
شدتني صفحة الهش ورش وطش ذي ... ولأني مسافرة فعادة أخلي القراءة للطيارة :D
فجاوبت إجابة عامة :D
نعناعة
20-06-2001, 12:16 PM
مع السلامة سي يو على خير جميعا
شزفي الفلفل تراه راح يحوس وبنبّش عن خوذة جديدة :D
انا شفت اسمك قلت اسلم عليك
شلونك نعناعة وشخبارك
لنا زمان ما شفناك
بلاك ما تزورينا بالطرائف
ترانا نتظر زيارتك
واتمنى ان تكوني بصحة وعافية
نعناعة
23-06-2001, 04:12 AM
هلا والله بجاااااسم.... كيف الحال؟... فيك الخير يالطيب :D ميرسيييي كتير
من قال لك مأاروح الطرائف ؟ أرووح !! أقرأ وأطلع :D