View Full Version : شباب وبنات تعالو عندي سؤال لكل منكم ....
سموحة
18-06-2001, 01:58 PM
عندي سؤال للشباب والبنات عن
ماذا يفضلوا أن يلبسوا
للشباب : هل يفضل لبس الدشداشة أو الثوب مع الغترة والعقال أم يفضل لبس الفانيلة والجينز ؟ ولماذا
للبنات : هل تفضل لبس الجلابية أم البدلة أم البنطلون ؟ ولماذا
ليالي
18-06-2001, 02:01 PM
اهلين
انا بالنسبه لي على حسب كل مكان واللي يناسبه ..
يعني اللبس يكون على حسب المكان والناس اللي انت بتشوفهم :)
يعني ما في شيء مفضل على الثاني ..
mouza
18-06-2001, 02:04 PM
تعرفين الغاليه انا وايد احب البس الجلابيه المخورة احب التراث وايد
مااعرف احس حلو واريح بكثير
بس ساعات في المناسبات البس بدله
لكن قميص وبنطلون هههههههه مستحييييييييييييييييييل
سموحة
18-06-2001, 02:12 PM
هلا ليالي
أنا بعد مثلك ما عندي لبس معين بس أحب وافضل ألبس البنطلون لانه أريح خاصة بالشتاء حق الهواء والمطر والنقع اتخبرين أستر واريح
هلا موزة
أنا عندي جلابيات بس والله حرام ما البسهم إلا وين ووين يعني وقت الطربة ، بس تدرين في آخر معرض صار عندنا بالبحرين جفت جلابيات روعة ( صناعة سورية ) بس حرام اخسر عليهم وانا ما البسهم
بياع القلوب
18-06-2001, 02:14 PM
هلا
انا عنفسي احب الدشداشه بالصيف
والبنطلون بالشتاء :)
:)
mouza
18-06-2001, 02:19 PM
لا مااحب الصاعات اللي برع
احب جلابيات مخورة اماراتيه
مب اي جلابيه
سموحة
18-06-2001, 02:29 PM
بياع القلوب
كنت فيما مضي احب على الشاب البنطلون بس يوم تزوجت صرت احب الدشداشة أحس فيها اخشك وأحلي علي الشاب وبعدين هذي اللبس الخليجي الاصيل
هلا موزة
والله انتي اللي بتحيين التراث من جديد هاها لا تزعلي كنت امزح
بس سؤال الجلابيات اللي اتلبسينها مو ثقيلة شوي وحارة
بنت الليل
18-06-2001, 02:39 PM
انا ممكن البس ايش شي
mouza
18-06-2001, 02:59 PM
نحن اصلا في الامارات متعودين على جلابيات مخورة يمكن انتو ما تتخيلون هاالشيء
بس عادي معظم الحريم يلبسن جلابيات مخورة لانه نحن نشتري القطعه ونوديها الخياط يخورها يعني مش جاهزة
غريب نجد
18-06-2001, 09:03 PM
في الحقيقة افضل البس الخليجي الرسمي في الحفلات والمناسبات ((الثوب مع الغترة والعقال )) مو علشان شيء ولكن علشان اني خليجي :):)
حسب المكان اللي بسير له ... :)
و عموما احنا نلبس عباه و غشوة و عفسه.... يعني اللي لابسينه
محد يشوفه ... هههههههههههههه
تحياتي ,,, :)
الدكتور ريان
19-06-2001, 12:49 AM
مساء الورد ....sajsm
موضوع حلو ..ناقشتة الفضائية الكويتية ..قبل خمسة شهور ..وكانت اراء الناس حلوة فيه ...
وهو يعتمد على المكان ...الي بتروح له بعد اللبس ..
مثلا في البيت الانسان يلبس البدل العادية والملابس الخفيفة فانيلات -تي شيترات- كت -جنز -شورت ...هو حرحتى لو لبس بيجامة نوم:) لاانه في بيته ..
وعندما يطلع لمناسبة مثلا طلعة بحر -شاليهات- تمشية مسائية ...يحتاج لملابس مريحة وتساعده على التحرك بسرعة(مالها داعي نطلع طلعة للبحر والسباحة بثوب :):):)) ..مش شرط جينز او اي ملابس على الموضة ..يختار ملابس مريحة له ومريحة لعيون الناس ..ملابس تقليدية ...
وبعض الاماكن تستوجب الانسان يكون بزيه الوطني التقليدي ..الشماغ والعقال والغترة ...(الدشداشة)مثل عند العزائم وعند زيارات ناس وضيوف لبيتك وعند الخروج لعزائم رسمية ..وعند عزائم الاعراس ..وعند زياراة الاهل والاقارب ..وعند الذهاب للمسجد (لابد ان تكون في كامل اناقتك وفي اجمل لبس ) وعند استقبال الناس من السفر ..
هذا رأي الخاص بالموضوع ..واشكرك sajsm
تحياتي
لمعة الماسه
19-06-2001, 12:53 AM
السلام عليكم
افضل لبس البدله اكثر الاوقات ......
اكره الجلابيات ......
فقط للمنزل....
ولا نرتدي ما يسمى بالبنطال ابدا .......ممنوع منعا باتا..:) :)
شعنونة سوالف
19-06-2001, 01:10 AM
انا دائماااااااااااا البنطلون...
في المنزل, في السوق, في المدرسه او عند الاصدقاء.
الفستان او التنوره يكون في السهره او الاعراس
مس لبنان
سموحة
19-06-2001, 09:07 AM
بنت الليل - أنتي عملية وما اتعورين قلبك
موزة - بس اتصدقين أنا ما اعرف شكل الجلابية المخورة خاطري اجوفها أكيد حلوة مادام انتي اتحبينها
غريب نجد - وفي غير الحفلات والمناسبات أش تلبس
هلا توتة - أنا بعد البس البنطلون وفوقة البس العباية يعني الحال من بعضة
توتة فرحت يوم قلتي اسمي شكراً
دكتور ريان - مساء النور ( مع أن الحين الصبح ) والله أنا أقراء ردك واتخيل ريال راكب الجي سكي ( سكوتر ) ولابس ثوب وغترة هاها يمكن أيسونها السنة في طاش ما طاش
لمعة الماسة - ليش ممنوع لبس البنطال إذا كنتي بتلبسين فوقة العباية
مس لبنان - غريبة ان مدرستكم تسمح بلبس البنطلون أحنا عندنا ممنوع يا بختكم
شعنونة سوالف
19-06-2001, 09:10 AM
ممكن سؤال؟
انت ولد ام بنت؟
الاسم يدل على انه ولد ولكن لما قلت ان غريب المدرسه تسمح لنا بلبس البنطلونات ويا بختنا فهمت انك بنت..
على كل حال انا المدرسه تسمح لي لاني انا ادرس بكندا وليس ببلاد العرب..
مس لبنان
الدكتور ريان
19-06-2001, 09:16 AM
هههههههههه منظر غريييييب جدا حايكون :):):):):):):)
فعلا لكل مكان لبس ..ولا يوجد لبس لكل مكان :)
سموحة
19-06-2001, 09:23 AM
مس لبنان - الحين وضحت الروية
وتفسيرج في محلة أنا بنت
دكتور ريان - فعلاً لكل مكان لبس
عطرالندى
19-06-2001, 01:18 PM
والله انا أحب ألبس البطلونات
والبلوزات وما أحب ألبس
التنانير إلا طبعا للمدرسه
وبس:)
تحياتي:)
سموحة
19-06-2001, 02:29 PM
هلا عطر الندى
وشكراً لمشاركتك
*****
بس حبيت أقول لكم رايي http://www.swalif.net/sforum1/images/icons/icon12.gif اللي يحب يلبس بنطلون واللي يحب يلبس جلابية هذى حرية شخصية بس لازم الواحد ايحاسب حق جسمة بعد مثلاً ما ايكون متين وايد ويلبس بنطلون اتلاحظون بيصير شكلة كلش مو حلو خاصة إذا كانت الفانيلة قصيرة .. أنتو طبعاً اكيد فاهمين قصدي أنا قصدي معالية يلبس بنطالون بس اتكون الفانيلة طويلة اشوي استر واحسن علشان ايخش شوي من الفضايح وللي تلبس جلابية ما اتكون واسعة كلش جنها طير بيطير هذى رايي حق البنات
وللشباب املاحظة انهم ايلبسون الشورتات حتى في المجمعات يا جماعة انتو مو رايحين كشتة بعدين عيب عليكم اهناك فيه عوائل معالية لبسو تركسوت أو جينس وفانيلة أو ثوب احسن واكشخ بس مو شورت على الاقل احترمو الناس اللي اهناك
بس هذي ملاحظتين حبيب ابينهم للي قاعدة اجوفة واللي قاعد ايصير
وشكراً لمشاركة الجميع http://www.swalif.net/sforum1/images/icons/icon14.gif
فوتون
19-06-2001, 03:25 PM
رغماانني من الخليج الا ان لبس الثوب يضايقني جدا ويكبل حركتي , لهذا احب في البيت ان البس ( البيجاما ) وخارج البيت البس ( قميص او فانيلة مع بنطلون ) اما في المناسبات فالبس بدلة كاملة ( قميص , بنطلون , جاكيت , كرفته او ما شابه ) .
فهذة هي الملابس التي تروق لي ( والناس اذواق ) .
mouza
19-06-2001, 03:37 PM
الجلابيه المخورز حلوة وايد مافي بنت في الامارات الا وتلبسها
الغرضون
19-06-2001, 06:59 PM
والـله الجماعة هنا انطلقوا في عالم الخيال
وهكذا بدأ التمرد على اللبس الشرعي
والأخوات اللي نفسهم ومنى عينهم يطلعوا بنطلونات
في رأيي لبس بنطلونات تحت ما يسمى (العباءة) مفيش اعتراض الاعتراض على الراغبين في الخروج ببنطلونات.
الـله الـله يا سوالف :( .. اتقوا الـله
والبقية تأتي :(
وعشان ما تزعلوش :) وتقولوا الغرضون ماله مقفل فهذا رأيي:
أنا دوما وغالبا بالقميص والبنطلون (إجباري في المدرسة) .. لكن في الأعياد والمناسبات اللي على كبير أفضل لبس الجلاليب.
؛؛؛
لمعة الماسه
20-06-2001, 02:48 AM
السلام عليكم اختي الغاليه
تراه والله ما اكذب عليج انه اهلنا مايسمحون لنابلبس البنطال
حتى ما عودونا على هذا النوع من اللبس ..... وانا ما اقول
عيب لكن هكذا تعودنا .....نحن لناعاداتنا وتقاليدنا.....وانتوا
لكم عاداتكم ونحن من عاداتنا انه البنت عيب تلبس بنطلون حتى
لو تحت العباه ......
والحين بصراحه بدت تتفشى عند بعض البنات من نفس جنسيتنا لبس
البنطلون ولا ادري ما السبب ولكن كل شئ تتحكم فيه امور ....
مع كل احترامي وشكري :) :)
ومع تقديري ان لكل شعب له لبسه الخاص به وعاداته الخاصه به ..
التي يعتز بها ........:)
صمت الكلام
20-06-2001, 04:00 AM
اولا بشكر توته لانها انقذتني وذكرت اسمك
لاني متوهقه بشو اناديكي وقعدت اقلب بالاسم
ماكو فايده ما يطلع مرتب :)
بالنسبه لي يا اختي يا سماح (بس لا تسمعني موزه :) )
بصراحه انا من وانا صغيره ما احب الجلابيه الاماراتيه
خاصه المخوره ... يمكن لاني تعودت اني ما البسها
مدري والله
بس عن جد ما ارتاح فيها وعندي جلابيه وحده فقط فصلتها
بعد هواش وضغط من قبل خواتي الكبار والماما :)
بالبيت جلابيات النوم العاديه مب المخوره او البجاما
واذا طلعت لمناسبه
(وهذا نادرا لاني ما احب الطلعات والعزايم)
ما في غير التنانير وطبعا عبايه بس
اذا حبيت اروح مثلا مكان قريب مثل بيت
اخوي او بيت اختي يعني من السياره للبيت
على طول فعادي شو ما
البس تحت العبايه بيجاما
او بنطلون مب مشكله بس طلعت السوق او
المناسبات لا ما فيها بناطلين
بس ابي اقول ان الجلابيه الاماراتيه ترى جدا حلوه
يعني انا اغار لمن اشوفها تليق علي خواتي ورفيجاتي
بس والله مدري ليش مااحبها :(
سموحة
20-06-2001, 10:34 AM
فوتون - أخوى مثلك ولين لبس الثوب ما يعرف ايتصرف مع أنه متزوج وعنده أطفال
موزة - والله خاطري أجوف الجلابية المخورة من كلامج عنها
الغرضون - لا بالعكس في ناس وايد محتفظة بلباسها الخليجي
بصراحة أنا ظنيتك كبير من كلامك الكبير ما ظنيت انك بالمدرسة أحيك على فصاحتك
لمعة الماسة - ممكن اتقنعين أهلك أن ايكون البنطلون تحت العباءة
صمت الكلام - أنا بعد ما احب البس جلابيات
وشكراً لمشاركتكم
زهر الليالي
20-06-2001, 11:48 AM
بدله رسميه (شيرت ,, بنطلون,, ربطة عنق) في العمل
ثوب(دشداشه) وغتره وعقال في المناسبات في غير العمل
وما عدا ذلك ,,,,, كاجوال,,,, كل ما يتخيله الأنسان :)
سموحة
20-06-2001, 12:32 PM
عجبتني ما زعلت احد أمسوي حق روحك مكس كوكتيل http://www.swalif.net/swalifsoft/ubb/biggrin.gif