مدردش متقاعد
24-03-2001, 05:25 PM
حكيت لكم في الأجزاء السابقة يومياتي في رحلتي التجريبية القصيرة في السفينة الأولى (الحمرا):)
..و الحمدلله مرت على خير مع صاحبنا درويش الي ما قصر صراحة.. و رجعت الإمارات و قضيت إجازة قصيرة.. سافرت بعدها إلى بريطانيا لأبدا أول فصل لي في كليتنا العتيقة.. و كان مدة الفصل 6 شهور من شهر 9/97 إلى شهر 3/98 عبارة عن Introductions و كلام فاضي تقريا كله كنا ماخذينه في الثانوية العامة..
النظام هو أن يقضي المتدرب فصل في الكلية و بعدها يروح البحر و يقضي فترة 4 شهور كتدريب عملي.. فعلى طول أول ما خلص الكورس رجعت للإمارات..بداية شهر مارس تقريبا
و ما خذيت غير 11 يوم إجازة بعد 6 شهور في بريطانيا لأنه نظام الدراسةكان مضغوط جدا… فأول ما رجعت لاقيت الشركة رتبت لي أمور الالتحاق بسفينة من سفن الأسطول الجديدة نسبيا اسمها (غشة) هو صحصح اسم غريب.. بس بعدين اكتشفت إنه اسم لإحدى الجزر المرجانية التي تبعد عن أبوظبي حوالي 70 كيلو متر!
http://www.geocities.com/eng_cadet/dream_ship.jpg
الخبر الحلو في السالفة إنه مسؤول الطلبة في الشركة قال لي بتلتحق بالسفينة من سنغافورة مش من دبي نفس المرة الأولى!!
هييييييييييييييييه.. أنا ما صدقت.. مدردش يسافر سنغافورة؟ يا سلام ما صدقت صراحة خصوصا إني أعرف إنه سنغافورة دولة سياحية بالدرجة الأولى!!
كان عندي طبعا خلال هالـ 11 يوم الي قعدتها في البلاد استفار عام.. قاعد أجمع و أشتري ما خف وزنه و غلا سمنه.. (و زاد دسمه)..هههه المرة هذي أرعة شهور مو لعبة ما أريد أموت من الجوع:(
فبدال علبة (الباونت)ي لازم أشتري 4.. و بدال كيلو الفستف لازم 4 هه يعني كل شي أشتريه لازم يكون 4 اضعاف المرة الأولى الي ماكملت فيها 5 أسابيع.. على اساس إنه كل علبة بقعد آكلها بالتقسيط المريح مدة شهر كامل لين ما تخلص الأربعة شهور:)
المهم قبل ما أسافر شريت لي بلاوي زرقا لين في الأخير ما تجمع لي حوالي 45 كيلو معاي هه (مش شايف خير) بس لأنه عندي جواز بحري و أي بحار مسموح له بـ 40 كيلو و دفعوني في المطار حق 5 كيلوا (مجرمين)http://www.swalif.net/sforum/images/icons/icon8.gif
سافرت إلى سنغافورة.. و كانت رحلة حلوة وحالتي النفسية هالمرة كانت أحسن من المرة الأولى بكثير لأني عارف شو هي السفينة و كيف الحياة فيها.. و في الكلية علمونا شوية شغلات عن النظام البحري و المعدات الرئيسبة .. إلخ
فنسبيا.. وضعي كان أحسن بكثير.. بس في نقطة وحدة بس كانت تخوفني. ألا و هي إنه طاقم هالسفينة إنجليز ماهم نرويجان و لا أسبان نفس السفينة الأولى و الشباب الي قبلي حذروني منهم.. بالرغم من إني أعرفهم زين لأني أدرس في بلادهم.. قالولي الانجليز ما يتفاهمون يكرفون الواحد كرف محترم.. ولد المدير و لا ولد الوزي.. ما يعطونه سالفة (تذكرون سالفة ولد المدير في الجزء الماضي؟):p:p
المهم وصلت سنغافورة الساعة 7 الصبح و أنا هلكان.. استقبلني أو ما طبيت المطار بعد ما نزلت من الطيارة واحد حامل لوحة مكتوب عليها اسمي (إحم إحم صاير شخصية مهمة)!!;)
.. أنا عاد انتفخت مو مصدق حد يستقبلني .. أخذ شنطة من السنط الي على ظهري (شال الدنيا على ظهري ههه)..و أخذ جوازي و خلص معاملتي بدون ما أوقف في الطابور (ناس و ناس:))
و بعدين سلمني لواحد ثاني (صاير بضاعة!!).. ألو.. ألو.. وين رايح؟ تونا كنا حبايب و ما لحقنا نتعرف على بعض!!:(
الحمدلله.. الي استلمني طلع ممثل الوكالة البحرية المسؤول عن استقبال البحارة الجدد و الأولاني ما هو إلا شخص يشتغل في المطار يستأجرونه علشان يستقبل الناس (المطلوبين للعدالة) علشان ما يضيعون:)
المهم هو بعد ما قصر ..شل شنطي و كراتيني (ما خبرتكم؟ شال معاي تلفزيون:)) و أخذني ووداني للفندق.. و قالي خليك جاهز.. بكرة الساعة 5 الصبج بجيك و باخذك و بوديك للسفينة الي بتعبر بكرة مضيق ملقا.. أنا ما صدقت.. 20 ساعة في سنغافورة؟ واو.. بتمشى فيها على كيفي:p
سكنوني في (ORCHARD HOTEL) بصراحة فندق رهيب في نص المدينة مرة و عند الأسواق.. لكني من التعب ما قدرت أطلع مكان.. على طول حطيت أغراضي و خذيت لي دش و رحت في سابع نومة لين العصر.. و لولا الجوع كنت كملت لليوم الثاني:)
أول ما صحيت من النوم صليت و رحت أتمشى في المدينة.. و ما أخبي عليكم استانست في سنغافورة وايد.. مدينة حلوة و نظيفة جدا..من نظافتها يمكن بعضكم ما يعرف إنه ممنوع أكل اللبان فيها و الي يمسكونه (يتعلك) يغرمونه مبلغ أعتقد 100 دولا سنغافوري.. عاد أنا شاري لي كم كرتون لبان علشان السفينة و ناسي كم قطعة في جبيبي… فكنت ماشي و أال خايف ههههه ما في على المشاكل:p
المهم تمشيت لين ما تعبت و الله قدر إني ألاقي محل يبيع شاورما (حتى لسنغافورة وصلت!!) و أحلى شي إنه مكتوب على لوحة كبيرة جنبها (حــــلال) يعني الواحد ياكل و هو مرتاح.. أنا من الجوع شريت لي سندويشتين (بالعادة واحد علشان أحافظ على الرشاقة:))
و رحت جري للفندق من الجوع هههه..
وصلت للفندق مقر سكني المؤقت و كليت و شبعت و طلعت مرة ثانية أتمشى (أقولكم مو شايف خير) و رجعت في الليل…
عاد أريد أنام مثل الأوادم… مافي نوم.. يا مدردش نام بكرة لازم تقوم الساعة 5 الصبح.. !!
.. تقلبت يمين.. يسار.. فوق .. تحت.. شغلت التلفزيون… مافي فايدة.. فتميت طول الليل مثل البومة الي تدور على الفيران:)
… ماجاني نوم.. اللهم على آخر شي جاني النوم.. و أول ما غمضت .. و قبل ما أبدى سنفونية الشخير المعتادة.. هئ هئ هئ رن جرس التلفون …. من هذا الوقح و الي ما عنده سالفة الي انصل بي الساعة 5 الفجر؟؟
هذا ما سنعرفه في الحلقة القادمة من الدردشات البحرية المطورة:)
تحياتي
..و الحمدلله مرت على خير مع صاحبنا درويش الي ما قصر صراحة.. و رجعت الإمارات و قضيت إجازة قصيرة.. سافرت بعدها إلى بريطانيا لأبدا أول فصل لي في كليتنا العتيقة.. و كان مدة الفصل 6 شهور من شهر 9/97 إلى شهر 3/98 عبارة عن Introductions و كلام فاضي تقريا كله كنا ماخذينه في الثانوية العامة..
النظام هو أن يقضي المتدرب فصل في الكلية و بعدها يروح البحر و يقضي فترة 4 شهور كتدريب عملي.. فعلى طول أول ما خلص الكورس رجعت للإمارات..بداية شهر مارس تقريبا
و ما خذيت غير 11 يوم إجازة بعد 6 شهور في بريطانيا لأنه نظام الدراسةكان مضغوط جدا… فأول ما رجعت لاقيت الشركة رتبت لي أمور الالتحاق بسفينة من سفن الأسطول الجديدة نسبيا اسمها (غشة) هو صحصح اسم غريب.. بس بعدين اكتشفت إنه اسم لإحدى الجزر المرجانية التي تبعد عن أبوظبي حوالي 70 كيلو متر!
http://www.geocities.com/eng_cadet/dream_ship.jpg
الخبر الحلو في السالفة إنه مسؤول الطلبة في الشركة قال لي بتلتحق بالسفينة من سنغافورة مش من دبي نفس المرة الأولى!!
هييييييييييييييييه.. أنا ما صدقت.. مدردش يسافر سنغافورة؟ يا سلام ما صدقت صراحة خصوصا إني أعرف إنه سنغافورة دولة سياحية بالدرجة الأولى!!
كان عندي طبعا خلال هالـ 11 يوم الي قعدتها في البلاد استفار عام.. قاعد أجمع و أشتري ما خف وزنه و غلا سمنه.. (و زاد دسمه)..هههه المرة هذي أرعة شهور مو لعبة ما أريد أموت من الجوع:(
فبدال علبة (الباونت)ي لازم أشتري 4.. و بدال كيلو الفستف لازم 4 هه يعني كل شي أشتريه لازم يكون 4 اضعاف المرة الأولى الي ماكملت فيها 5 أسابيع.. على اساس إنه كل علبة بقعد آكلها بالتقسيط المريح مدة شهر كامل لين ما تخلص الأربعة شهور:)
المهم قبل ما أسافر شريت لي بلاوي زرقا لين في الأخير ما تجمع لي حوالي 45 كيلو معاي هه (مش شايف خير) بس لأنه عندي جواز بحري و أي بحار مسموح له بـ 40 كيلو و دفعوني في المطار حق 5 كيلوا (مجرمين)http://www.swalif.net/sforum/images/icons/icon8.gif
سافرت إلى سنغافورة.. و كانت رحلة حلوة وحالتي النفسية هالمرة كانت أحسن من المرة الأولى بكثير لأني عارف شو هي السفينة و كيف الحياة فيها.. و في الكلية علمونا شوية شغلات عن النظام البحري و المعدات الرئيسبة .. إلخ
فنسبيا.. وضعي كان أحسن بكثير.. بس في نقطة وحدة بس كانت تخوفني. ألا و هي إنه طاقم هالسفينة إنجليز ماهم نرويجان و لا أسبان نفس السفينة الأولى و الشباب الي قبلي حذروني منهم.. بالرغم من إني أعرفهم زين لأني أدرس في بلادهم.. قالولي الانجليز ما يتفاهمون يكرفون الواحد كرف محترم.. ولد المدير و لا ولد الوزي.. ما يعطونه سالفة (تذكرون سالفة ولد المدير في الجزء الماضي؟):p:p
المهم وصلت سنغافورة الساعة 7 الصبح و أنا هلكان.. استقبلني أو ما طبيت المطار بعد ما نزلت من الطيارة واحد حامل لوحة مكتوب عليها اسمي (إحم إحم صاير شخصية مهمة)!!;)
.. أنا عاد انتفخت مو مصدق حد يستقبلني .. أخذ شنطة من السنط الي على ظهري (شال الدنيا على ظهري ههه)..و أخذ جوازي و خلص معاملتي بدون ما أوقف في الطابور (ناس و ناس:))
و بعدين سلمني لواحد ثاني (صاير بضاعة!!).. ألو.. ألو.. وين رايح؟ تونا كنا حبايب و ما لحقنا نتعرف على بعض!!:(
الحمدلله.. الي استلمني طلع ممثل الوكالة البحرية المسؤول عن استقبال البحارة الجدد و الأولاني ما هو إلا شخص يشتغل في المطار يستأجرونه علشان يستقبل الناس (المطلوبين للعدالة) علشان ما يضيعون:)
المهم هو بعد ما قصر ..شل شنطي و كراتيني (ما خبرتكم؟ شال معاي تلفزيون:)) و أخذني ووداني للفندق.. و قالي خليك جاهز.. بكرة الساعة 5 الصبج بجيك و باخذك و بوديك للسفينة الي بتعبر بكرة مضيق ملقا.. أنا ما صدقت.. 20 ساعة في سنغافورة؟ واو.. بتمشى فيها على كيفي:p
سكنوني في (ORCHARD HOTEL) بصراحة فندق رهيب في نص المدينة مرة و عند الأسواق.. لكني من التعب ما قدرت أطلع مكان.. على طول حطيت أغراضي و خذيت لي دش و رحت في سابع نومة لين العصر.. و لولا الجوع كنت كملت لليوم الثاني:)
أول ما صحيت من النوم صليت و رحت أتمشى في المدينة.. و ما أخبي عليكم استانست في سنغافورة وايد.. مدينة حلوة و نظيفة جدا..من نظافتها يمكن بعضكم ما يعرف إنه ممنوع أكل اللبان فيها و الي يمسكونه (يتعلك) يغرمونه مبلغ أعتقد 100 دولا سنغافوري.. عاد أنا شاري لي كم كرتون لبان علشان السفينة و ناسي كم قطعة في جبيبي… فكنت ماشي و أال خايف ههههه ما في على المشاكل:p
المهم تمشيت لين ما تعبت و الله قدر إني ألاقي محل يبيع شاورما (حتى لسنغافورة وصلت!!) و أحلى شي إنه مكتوب على لوحة كبيرة جنبها (حــــلال) يعني الواحد ياكل و هو مرتاح.. أنا من الجوع شريت لي سندويشتين (بالعادة واحد علشان أحافظ على الرشاقة:))
و رحت جري للفندق من الجوع هههه..
وصلت للفندق مقر سكني المؤقت و كليت و شبعت و طلعت مرة ثانية أتمشى (أقولكم مو شايف خير) و رجعت في الليل…
عاد أريد أنام مثل الأوادم… مافي نوم.. يا مدردش نام بكرة لازم تقوم الساعة 5 الصبح.. !!
.. تقلبت يمين.. يسار.. فوق .. تحت.. شغلت التلفزيون… مافي فايدة.. فتميت طول الليل مثل البومة الي تدور على الفيران:)
… ماجاني نوم.. اللهم على آخر شي جاني النوم.. و أول ما غمضت .. و قبل ما أبدى سنفونية الشخير المعتادة.. هئ هئ هئ رن جرس التلفون …. من هذا الوقح و الي ما عنده سالفة الي انصل بي الساعة 5 الفجر؟؟
هذا ما سنعرفه في الحلقة القادمة من الدردشات البحرية المطورة:)
تحياتي