المملكه البحرينيه !!! ؟؟؟

[بياع القلوب]

سمعت هذا الخبر بس ما صدقت
طيب وش تفرق بين الاماره والمملكه ؟
ولماذا هذا التحول ؟

[unique]

تفرق البرستيج الملكي
الملك مقدم على السلطان في احترامه دوليا ومحليا
والسلطان مقدم على الامير
يعني الملك اكثرهم احتراما
هذا من ناحية البرستيج
يمكن في سبب ثاني يجهلني :(

[بياع القلوب]

هلا يونيك
يمكن تكون هذي الاسباب الظاهريه
لكن الجوهرية ؟ ماذا عنها ؟ وهل سيتغير ايضا؟
بس ما اعتقد ، هم ناويين يغيرون الدستور بأكمله عشان يتماشى مع مصالح البلد .... مدري اذا بينجحوا في هذا الشيء والا بس تغيير الكراسي؟...

[unique]

طبعا الدستور بيتغير
اجل تحويل اسمي فقط
بيصير مجلس شورى وديوان ملكي
بس بالنسبه للجوهر احتمال في نقطه مهمه مع اني اشك
لان البحرين دوله صغيره
ومسالة الملكيه فيها شيء احتماله المفروض يكون بسيط
والله اعلم
عموما اميرهم يليق له يصير ملك مملوح شكله لطيف

[بياع القلوب]

يونيك
لو على الشكل كان حطوا توم كروز ملك امريكا بدل بوش الابن :)
بس انتي ذكرتي نقطه مهمة
حجم الدوله وحجم العائلة الحاكمة هل تحتمل هيكلة النظام ؟
صدقيني ان بعض الامور لن تتغير ، يمكن اهل البحرين ادرى بمشاكلهم اكثر منا. ولا تنسي البنية الاساسية لكل حكم تتحكم به القوة الاقتصاديه للبلد نفسها ، يعين الى اقتصادها قوي تتحكم بمستقبلها
فماذا سيضيف نظام الملكيه للاقتصاد الوطني للبحرين ؟؟؟

[unique]

هع
توم كروز ما يعجبني شكله كثير
كنه بنت وع
قل لو يحطون مثلا روبرت دينيروا :)
شكله يصلح رئيس للولايات
ويسبه البنات والنساء
ويصير البيت الابيض يالله يلحق على المعجبات
فتنه سبحان الله :)
بالنسبه لسؤالك ما ادري والله
اقتصاد البحرين اعتقد انه مو تمام
وبعدين وش دخل الاقتصاد في الملكيه
في مملكات كثير فقيره ماله دخل
وحجم العائله ماله دخل
بالعكس كذى افضل برستيجهم يكون احسن اذا قل عددهم
مهوب كل ما ترفع حصى تلقاهم هع
بس حجم الدوله ما ياهل
صراحه صغيره مره
وبس هاذي معلوماتي
يا حبك للاسئله وعلامات السؤال ما تبطل
يا ليتك تقدر تجاوب زي ما تقدر تسال
هع

[بياع القلوب]

روبرت دينيروا رهيب ويستاهل :)
عليه ضحكه رهيبه
بس هو ما يرمز للحلم الامريكي مثل باقي الممثلين الشباب

المهم
انا اسأل لأني ادور احد يجاورني وانا اجاوب اللي اقدر عليه :)

طيب كيف تكون ممكله بدون اقتصاد متين ؟
يعني ملك شنو؟؟ كرسي ؟ مو كفايه ..
الناس تبي مادة تبي اقتصاد قوي ما تبي كراسي وبرستيج (شبعنا)
قد يكون عددهم قليل الآن لكن بعد 20 سنه ؟ وش بيصير؟
خلينا نعتبر من حولنا ونشوف شلون ميزانيات بعض الدول تروح بدون رقيب ولا حسيب
برضه ارجع واقول نحن ننتظر ماذا سيقدم هذا التحول ماهو مفيد للبلد وشعبه أولا وليس للحكام وبرستيجه ..

[unique]

هلحين انت وراك قعدت للرجال
ليتك تفكر بكل الامور من كل جوانبها مثل ما تفكر بامير البحرين
الشعب البحريني غالي علينا
صراحه شعب واعي ودرجة الثقافه عاليه عنده
واعتقد انه مو مرتاح كثير مجرد توقعات
والاقتصاد مو اقتصاد قوي عندهم
وبس هذا الي اعرفه
وخلي الباقيين يجاوبون او البحرينين لانهم اكيد ادرى
اتخيلك فوق راسك علامات سؤال هع
اما بالنسبه لدينروا
فعلا ضحكته رهيبه
وليش ما يكون الحلم في امريكا
قدها وقدود هع
واحلى من مليون شاب عندهم

[بياع القلوب]

يونيك
طيب هذا انا طرحت الموضوع عشان اهل البحرين يقولون لنا انطباعاتهم للموضوع ,,,
والسبب اني مركز على الامير هو انه مدري ايش اللي يبغاه من تغيير نظام الدستور لأن هذا الشيء تراه يحدث لأول مره في التاريخ الحديث
وبعدين مهو فيه كثير من الدول تتجه الى تبني مبدأ الديموقراطيه في سياساتهم ؟
طيب كيف؟ أول درس رسب فيه الامير في تطبيق الديموقراطيه هو انه غير النظام الى ملكية ...
وبرضه شعب البحرين والنعم فيه شعب واعي ومتفهم واتمنى لهم كل التوفيق بس اتمنى انهم يشاركونا النقاش في هذا الموضوع :)

وبعدين خلي دينيرو بحاله لو سمحتي ماصار هذا الشايب :)
عاد قولي كمان ما نحط نيكولاس كيج ولي عهد امريكا كمان؟ :)

[نجمة المساء]

اول مره اعرف المعلومات هذى

[دمعه]

أنا سمعت بها من أهل البحرين نفسهم !!
حتى أنهم قاموا يقولوا وع وع وع وع !!
الأسم يخرع .. وخاصة أنهم بسمونها المملكة الخليفية !!
وطبعاً كل شي راح يتغير .. قصدي المسميات .. فتصير الجنسية
مثلاً من .. بحريني إلى خليفي !!
ومن بحرينية إلى خليفية !!
وطبعاً الجوازات والبطايق كلها راح تتغير .. والناس اللي
أعرفهم من أهل البحرين .. مايبون يتغير شي ..

[بياع القلوب]

هلا نجمة
انا بصراحه سمعت طراطيش كلام من يومين
بس امس سمعت خبر بالاخبار أكد لي هذا الشي
الله يعينهم والله




هلا دمعة
المملكة الخليفية ؟؟؟؟؟؟؟
يحريني صار خليفي ؟؟؟؟؟؟؟
شلون كذا
ياأهل البحرين شنو هذا اللي قاعد يصير فيكم ؟؟ :(
حقيقي مسمى مو تمام بالمره

[E55]

مرحبا يا شباب :)

هو الموضوع عن السياسة ولا عن آخر فلم ؟؟

لأني مب فاهم شي ... الحمد لله :):)

يونيك ... شيكت الإيميل ؟

[aziz2000]

هذا هو الإسم المنتظر لدولة البحرين ..
والنظام الأميري سيتحول إلى نظام ملكي ..
والديوان الأميري بيصير ديوان ملكي ..
والحرس الأميري بيصير حرس ملكي ..
ومسمى صاحب السمو الأمير ....... أمير البلاد المفدى سيتحول إلى مسمى صاحب الجلالة الملك ....... ملك المملكة العربية البحرينية

ويمكن السبب اللي قالته يونيك سبب وجيه وهذا أول شئ فكرت فيه أنا وهو البرستيج .. يعني اسم ملك أكثر هيبة من اسم أمير ..

أما من ناحية تأثيره على الإقتصاد .. فأهل مكة أدرى بشعابها ..

وأتمنى التوفيق لأهل البحرين الطيبين ..:)

تحياتي بياع ..:)

[بياع القلوب]

هلا اخوي اي 55
البريد مسكر اليوم للعيد :)






هلا اخي عزيز
وشكرا للتوضيح :)
بس اهل مكه ( قصدي أهل البحرين ) ماشاركوا معنا عشان يقولون لنا عن شعابها ؟ :(
ليش طيب ؟ مستغرب منهم يردون على مواضيع كثيره احين ولا يشاركونا برايهم بمستقبل بلادهم ؟!
يمكن هذا سر ؟؟؟

اله يوفقهم ويعينهم ...

[دمعه]

هذاني أهنيه !!:(
أنا بحرينية !!:(
ورديت عليك !!!:(
متعترف فيني !!:(

[بياع القلوب]

هلا بك دمعه
طيب انا وش دراني انك بحرينيه ؟ والنعم والله :)
لا تزعلي مني عاد
بس يمكن ردة فعلك للموضوع ما بينت انك بحرينيه :)
مع ذلك اتمنى انك توضحي لنا وجهة نظركم في هذا الخصوص :)
تحياتي

[شمعة]

شوف يا اخوي يا بياع القلوب ..

اذا احنا قعدنا نتناقش من الحين الى باكر .. ما راح يتغير شي .. يعني نقاشنا ما راح يزيد او ينقص من القرار شي..
بمعنى اذا بغوها المملكة العربيه البحرينيه صارت.. واذا بغوها المملكة البحرينية صارت.. واذا بغوها المملكة الخليفية صارت ..
وانا موسلبيه.. بس هذا ا هو الواقع ..
يعني بالمصري ( كلامنا لا حايودي ولا حايجيب)
ممكن في قسم السياسة تجد من يتجاوب معك في هذا الموضوع..

و..لك تحياتي ..

[بياع القلوب]

هلا اختي شمعه
صوتي وصوتك وصوت الباقي يغير
لأن الشعب هو عماد الدولة
واذا سكت الشعب بياكل على راسه
مو شرط احط موضوعي في القسم السياسي لأن اي شأن يهم الشعب بيكون في كل مكان صح ؟
والحمد لله البركه في الموجودين ما قصروا
انا ماابحث عن اجابه
ومثل ماقلتي موضوعي ماراح يقدم ولا يأخر بس على الاقل نناقش شيء حيوي ومتوامن مع الوقت
وبعدين انتي ذكرتي ان ( هم ) بيخلون الحكم ملكي ؟ مين اللي ( هم )؟
لك تحياتي وشكرا للمشاركة :)

[شمعة]

اقصد بــ ""هم " العائلة الحاكمة..
والشيئ الثاني .. كل دولة ولها سياستها الداخليه .. وعلى ما اعتقد ا ن القرار هذا ما يه من فراغ .. بالتأكيد قرار مبني على دراسة تامة ووافيه سياسيا واقتصاديا ..
هذاك أول يا اخوي بياع .. أيام جمال عبدالناصر وغيره وغيره..
اما الان في عصرنا هذا.. فصوت الشعب يسبب الفوضى وضياع عائلات عديدة .. وعدم السلام .. والرجوع بالدولة لعصور التخلف ..
وانا ما كنت أقصد ان موضوعك مو مهم بالعكس ..
بس انا قلت رايي في" قرار المملكة "
ويمكن انا ما افهم في السياسة كثير والنظرة العاطفيه عندي غالبةعلى السياسية ..

وعموما اتمنى التقدم والتطور والسلام للبحرين الحبيبة.. والله يحفظها من كل شر..

و.. لك تحياتـــــــــــي ..

[دمعه]

مو قلت لك أخوي ماحد عايبة الأسم ..
بعدين السالفة فيها تغير جنسيات وجوازات و و و و و ...
يعني الفقير قول عليه العوض .. من وين أيب الدنانير حق
يدفع فلوس تغير الجوازات و .. و .. و.. و..
الله يكون في العون .. بس مثل ماقلت لك .. ماحد عايبة هاي
الشي !!؟

[شاهيناز]

****

تم حذف الرد

الرجاء كتابة الرد بإسلوب لائق والتقيد بقوانين الموقع

مراقب 555

[E55]

شاهيناز

الله يخليج ... شوية إحترام بس لأهل البحرين الطيبين لو سمحتي

وتذكري ( كل له عيوبه )

---------------------------

العتب على ....... اللي ما يطلعون إلا حسب المزاج

[بياع القلوب]

اختي شمعه
لايزال صوت الشعب هو المحرك لكل دوله مهما تغيرت الكراسي السياسيه
ولك تحياتي :)



اختي دمعه
الله يعين :)



اختي شاهيناز
معليش اخت يالفاضلة
شعب البحرين يعتبر شعب واعي ومحترم جدا وله عندي كل تقدير شعبا وحكومة .
يمكن انا طرحت الموضوع لأني انا اود ان نتشارك بالاراء واعرف وجهة نظر اهل البحرين في هذا ليش إلا..
فليس معناه ان اهاجم او انقص من شأن الشعب او الحكومة
فشعب البحرين معروف بكرمه واخلاقه وسمعته الطيبه في الخليج والعالم
وصدقيني كل اللي ذكرتيه هذا غلط
ولاتنسي اخيت الفاضله انه تجد مملكات صغيرة الحجم لكنها كبيره في قيمتها السياسيه والاجتماعية والاقتصاديه
وياما فيه مملكات هزنا بحجمها لكنها ما تسوى شي..
ليس بالحجم والمساحه نحكم على أحد ..
واذا هم يبون يكونوا مملكه فهذا شأنهم ..
ومثل ماقال اخي اي 55 لشعب البحرين كل تقدير واحترام
واعتذر لهم من كل قلبي على ما بدر من غلط في حقهم سواء مني او من اي احد في موضوعي
والموضوع يتقفل الآن لأنه للاسف وصل الى نقطه ماكان ودي انها توصله وهو الغلط على اهل البحرين احبابي ..
تحياتي


اخي اي 55
جزيت خيرا ويسلم لسانك

[شمعة]

أعتقد ان الاخت دمعه فهمتني خطأ..
انا قصدت بالعائلة الحاكمة.. السلطة العليا التي تحكم اي بلد كان.. ويكون لهم مطلق الحرية في اتخاذ القرارات المناسبة طبعا بعد دراستها والتشاور فيها..
اجببت ان اخبركم بما منحت الدولة لمواطنيها خلال شهر ديسمبر وبمناسبة العيد الوطني:
- تخفيض رسوم الكهرباء الى النصف
-راتب اضافي + راتب أساسي
-تخفيض الجمارك حيث وصلت النسبة الى 15%
- تخفيض أقساط الوحدات السكنية بنسبة كبيرة

وأردت أن أوضح البحرين بحريننا .. دولة كانت ام مملكة .. فلها خالص حبي وتقديري .. وباقة ورد من اغلى واعطر ورود العالم الى اغلى دولة او مملكة .. حبيبتي .. البحرين ..

http://www.alshamsi.net/cards/zhr_cards/sam_zhr4.jpg


http://www.16dec.com/images/n2k-main-eng-right.jpg


و.. لكـــــــم تحياتـــــــــــي

[شمعة]

والى الاخت,, شاهيناز

بدون تعليق