سوالف شعبيه

[بردان]

القائمين علي هذا الموقع لهم مني جزيل الشكر بس كان عندي استفسار بسيط مادري يمكن سببه هو عدم ملاحظتي ولا شو ؟؟؟
الا وهو ارمس عن عمري طبعا كنت ابا باب خاص لالامثال الشعبيه و الحكم و بعظ الرمسات مال اول يعني ... نحنا صحيح في الالفيه الثالثه وفي عصر الانترزفت اقصد الانترنت بس ما يضر لو شويه رمسنا عن البحر و السمج و احوالهم و اخبار البدو وسمراتهم و نطري بعد الاشياء الي تفيد مثل شقا كانو يعرفون حالات الطقس و عن الشتاء و القيظ و عن الغوص و الحل و الترحال ... الله يرحم الاوليين فيهم البركه و الله و الله يرحم لي الوالد قفي من هالدنيا قبل لا ننهل من سوالفه و مواعضه ...بس اضني انه في ذالك حكمه بعد
تعالو بعد نسيت نبي نسولف عن طباخ اول وشو العادات و السلوكيات ال كانت تصدر من العال و كيفية معالجتها من قبل الاهل و نبي نرمس عن المخاوير و التلي و غيره وغيره .. وسلمتو

[نجمة المساء]

زمان اول ولي

[aziz2000]

كل شئ عندك حطه في سوالف الأصدقاء ..:)
كل المواضيع تصلح ياعزيزي ..:)
وأووه يامااال ..:)

[بردان]

عزيز مشكور علي المعلومه ...

وانتي يا نجمة المساء الله يهديج قالوها تري جديم الصوف ولا يديد البريسم و نحنا مالنا غناه عن ماضيني ولو عساني شو و مهمما ارتقينا لابد انه نحن لماضينا و هذي سبحان الله بالفطره مب مخيرين فيها و قالوها بعد حلاوة الثوب رقعته منه و فيه

[الطارق]

والله أقترح جدا جميل وأتمنا أنه يحدث

هذا بالفعل .

وأن كان منتدى السوالف كما يقول عزيز بإمكانك أن تضع فيه

كل شيء .

تحياتي :)

[mouza]

يا اخ بردان تلحف اقتراح جميل
ترا صدق الا ماله اول ماله تالي
والمفروض ما ننسى بارحه عشان نتعلم حق باجر

[بردان]

اشكرج يا استاذه موزه علي مساندتي و موازتي في مواضيعي
و طبعا لا ننسي انه لولا وجود العيايز امثالج لما استطعنا ان نغرف من بحر علومهم القيمه و عن ماضي الاوليين و دمتي لوول

[mouza]

مادرس شو يقول الشاعر يعايرني بالشيب ----- بعدين مادري شو
لوووووووووووووووووووووول

ويا راسك ها صدق انك بردان تلحف :)

[بردان]

هلا و الله بالاستاذه موزه سعيد و الله انج موجوده هنيه في نفس التوقيت الي انا موجود فيه احس اني مسنود الحين مع العلم اني وياج في نفس الرتبه :)

[mouza]

والله نحن اسعد يا اخ بردان تلحف

[بردان]

لا تقولين بردان تلحف

[mouza]

اهااهاهاهاهاهاهاهاه
كشخه بردان زعلان

بردان اخبرك






















تلحف :)

[بردان]

اليوم درجة الحراره 22 وين تبيني اتلحف بعد انا متجمد الحين من البرد

[مدردش متقاعد]

يالله ابدا بالرمسة إنت و نحن بنعلق

أنا تخصصي دردشات بحرية عالمية.. إنت الدردشات البحرية المحلية:)

و الله ضحكتني يوم قعدت تشرح لي عن أنواع البوصلات.. جزاك الله خير.. معلومات حلوة بصراحة... بس شو رايك تشتريلي جهاز ماجلان:)


تحياتي

[mouza]

كم اقوله تلحف ما يسمع الرمسه :)

والله السوالف الشعبيه حلوة بس لازم يكون من واحد خبير وكبير في السن ويانا في سوالف
بالنسبالي انا وايد احب الجامي اكله شعبيه لذيذه
مادري انتو في دول الخليج شو تسمونها ؟

[mouza]

انا اليوم ميته من البرد ومن كثر ما انا بردانه كله احس اني اريد انام والله اخاف ادخل بيات شتوي --هاهاهاهاهااه

[بردان]

هلا اخوي مدردش ما عليك من الاستاذه موزه ما تدري اني بردان الحران و ما حب اللحاف
وعن السالفه البحريه والله ما كنت ادري لا وعاصرلك مخي عشان اعطيك معلومات صحيحه و طلعت بحار خطوط سريعه لوووول
تعرف علي سالفه الماجلان بختصرلك السالفه :
انا انحدر من عائله صوب الوالد حضر يعني اهل بحر و غوص و اهل الوالده بدو ....
المهم ذاك اليوم ولد عمي وهو طيار و علي قولته خبير في امور الماجلان و الاجهزه و الرادارات .. عاد حظرته خذنا في طراده اليديد للبحر و قالنا تعالو بوديكم موقع بحري لصيد الاسماك بس رهيب ... الله سلمنا انا كنا ماخذين اكل و بترول كفايه ولا ما كنا رجعنا ... المهم ذاك اليوم الدنيا كانت مغيمه ومثلك عارف ان الماجلان متصل بالاقمار الصناعيه دايركت ... قول انته الجهاز خرف و قام يقط خيط و خيط كنا طالعين الصبح الساعه سبع و الي الساعه اثنعش الظهر ماوصلنا الموقع و نقوله يا خلفان يا ولد العم يهديك يرظيك خلنا نرجع طوفنا المياه الاقليميه المعروفه .. وهو يقل لا لايمكن ما يصير انا خبير المهم ضيعنا الطريق و كانت سالفه عوده بس الحمدلله اخر النهار حصلونا علي بعد عشر اميال بحريه ومن يومها وانا ما اوثق في الاجهزه و احب الطرق البدائيه اسلم وائمن
وسلمت

[بردان]

هلا و الله اخت موزة سعيد بشوفتج اقصد بقراءة مواضيعج واسعد انج موجوده الحين اون لاين
بخبرج بعدين عن الجامي

[mouza]

والمصبيه ناس اقول لهم تلحفو ما يتلحفون :)


واله لذيذ الجامي يا بردان والله اشتهيته :)
جامي وسح يا سلاااااااااااااااااااااااااااااااااااام


بس بعد اقول بردان تلحف

[مدردش متقاعد]

يعني في رايك ما نثق في هالأجهزة.؟ بس ياخي في سفنا كلها تعتمد على الأجهزة هذي:)

خلاص.. عيل يبيلي بوصلة من الي داخلها ماي مثل ما تقول
تحصل لك أجر كل ما أصلي.. :)

[بردان]

لا يا اخ مدردش الاجهزه ممتازه نسبيا بس كنت اقولك عن الي حصل لنا ذاك اليوم و العقده الي خلفها لي الجهاز