>>>>>>... إللي وده يرد عالموضوع.. يتفضل يرد بموضوعية تامة ..

[بنت الأحزان]

السلام عليكم ورحمة الله وبركاته..

كيف حالكم؟؟ أتمنى بأنكم بأتم صحة وعافية بإذن الله :)

من زمان لاحظت هالتصرف.. لكن الفترة الماضية لاحظت
ان هالتصرف زاد.. (يمكن أتكلم عن تجربة صارت قدامي قبل اسبوع!!)


سؤالي لكم..!!
الطفل الصغير.. لما يتمسك بشيء ويحس بارحته وحريته مع هالشيء..
يمكن البعض يشوف إن هالشيء يضره.. فيزجرة ويوبخه يمكن يخاف ويتركه..!!
والبعض يلجأ لأسلوب المقارنة مع أقرانه..
أو الأسوء من ذلك.. قرأت في إحدى المجلات..
بأنهم يلجئوا لأسلوب التشهير.. لربما يخجل هذا الطفل ويكف عن تصرفاته أو ما شابه!!
كأن يتحدثوا عما لا يعجبهم من سلوك الطفل لضيوفهم
ويتبادلوا النظرات بينهم موجهينها تجاه ذك الطفل؟؟
أتظنوا بأن هذا الأسلوب الصحيح لتعامل مع هالنوعية من البشر؟؟
أم المفروض يكون ي نوع من الحوار .. التفاهم.. الإقناع.. واحترام الرأي..
خاصة وإن كان هذا الطفل بسن يسمح له إبداء رأيه؟!
أم أنهم يساهموا في تكوين شخصية عنيدة للطفل.. ليتمسك أكثر بما هو ممنوع
فيكون الممنوع مرغوب.. والممنوح مرفوض من قِبله؟؟
**سؤال .. أسأله لنفسي.. لكن ما أدري إن كنت راح أتبعه في يوم ولا لاء؟؟
ممكن أجد أي حل وسط عندكم؟؟



** إذا ما عندكم رد.. لا تنسوا تردوا السلاااااام **

وتقبلوا تحياتي.. المخلصة للأبد.. :)

[غاية النفس]

:) وعليـكم السـلام ورحمـة الله وبـركاته :)

حبيت ارد السـلام ..

لانـي ماقدرت استـوعب كلامـك على الصـبح .. :)


يسـعد صبـاح الجمـيع .. :):)

..

[نعمة]

صراحة موضوع مهم تشكري على طرحه،لأنه كثير من المناورات التي نتبعها مع أطفالنا تغرس فيهم أخلاق و طباع غير سوية وهذه الأسليب أو المناورات تتنوع بين التسلط وبين ترك الإستجابة لحين الإقتناع وندع الرأي للمربي الأستاذ محمد قطب:(و لا بأس بشرح حكمة الأمر للطفل حتى يقتنع به وهو ينفذه. فذلك أيسر للتنفيذ القلبي و أرجى للثمرة. ولكن لابد من الإ لزام حينتعجز مدارك الأطفال عن تبين الحكمة....)
أما أسلوبي المقارنة والتشهير فإنهما لن يولدا سوى شخصية تفتقد التوافق مع المحيط ،مهزوزة ،عنيدة
ان شاء الله أكون أعطيتك جواب شافي
ولك جزيل الشكر

[بروكسي]

هلا بنوتا

الطفل مفروض يعامل بحترام عشان يآخذ ثقه بنفسه

ويكون له عين يتحجي على راحته

اما اذا قال شيء غلط

اخليه يعرف الغلط بدون ما اوبخه او ازفه

ويانعمة اي مناورة ؟؟؟ انتي شكلج داشه الجيش تو متأثرة

ترى ابوي ضابط تبين واسطه ؟؟ هع

[غرام]

أول شيء السلام عليكم
وصباح التفاح لأحلى برتقاله
وصباح العشرة إلي نصها سبعة

حزونه...اشفيه الطفل العنيد:)...اجنن صح ;)

ثاني شيء التعامل مع الأطفال حزونه واااايد صعب
وبيدنا احنا الكبار شيء من الأثنين يا نتفهم الطفل ونربيه
تربيه سليمة ويا انا ما نفهمه ويضيع وحليله في الرجلين

بس يمكن عشان انربي الطفل تربية سليمة لازم نفهم تصرفاته قبل
ونتذكر انا احنا في يوم من الأيام كنا أطفال ويمكن اتصرفنا بنفس الطريقة...ولازم نسمح له انه يبدي رايه بحريه بس
بعد مو في كل شيء لأن في أشياء أو بنسبة لي على الأقل ان في
أشياء ما يفهمها الطفل...ولازم اتحسسينه دوم ومهما كان إلي
قاله أو سواه تافه ان سوى شيء كبير ومو كل انسان يقدر اسويه
أما عن العقاب فأعتقد ان في أشياء الطفل لازم يتعاقب عليها
وفي مرات يتعاقب الطفل ويكون مظلوم نتيجة سوء الفهم لتصرفه
بس هذا ما يضر ويحصل في كل بيت بس بمعدل محدود...يعني مو دوم
يعاقب ظلم..وهذا ما يأثر واايد عل شخصية الطفل..يعني كم مرة
اتعاقبنا بالغلط ويمكن لأشياء غيرنا سواها بس يوم كبرنا تفهمنا
والحمدلله ان الله عطى الطفل خاصية حلوه وهي القلب الطيب وإلي ما يعرف يحقد
أما عن احراج الطفل فأنا ماأيد هاذي الطريقة إلا في حالات ما اتأثر على شخصية الطفل وممكن تتسبب في ان الطفل يصير انطوائي
ويتجنب الناس...أما إذا كنت أنا بطبق هذا الكلام فأتمنى هذا الشيء
بس لحد ألحين ما أدري ؟؟؟؟؟:)
قاعده أجرب في عيال أخواني :) الله يعينهم صح ;)

[نعمة]

كتب مختارة في تربية الأولاد(صراحة أنل قرأتها واستفدت منها وللله الحمد)يا ستي عندك كتاب
-(تربية الأطفال في رحاب الإسلام في البيت والروضة) لمؤلفيه:محمد ناصر الحامد...خولة عبد القادر درويش..مكتبة السوادي للتوزيع.
-( مسؤولية الأب المسلم في تربية الولد في مرحلة الطفولة)ل..عدنان حسن باحارث وهو عبارة بحث علمي لنيل درجة الماجستير وهو من أروع ما قرأت في التربية لأنه يعطيك خطوات عملية لتجاوز بعض العقبات في تربية الأولاد.
-( فقه تربية الأبناء وطائفة من نصائح الأطباء )ل..مصطفى العدوي
- ( المشكلات السلوكية عند الأطفال )ل..د.نبيه الغبرا
وأعتقد أنها متوفرة في المكتبات
وجزيت خيرا

[بنت الأحزان]

غاية النفس.. المهم انك دخلتي ورديتي السلام..
يمكن ترجعي مرة برد للموضوع؟؟ يمكن!! وانا بالانتظار :)


نعمة.. مشكورة على المعلومة والمراجع القيمة..
وجزاك الله كل خير.. :)



بروكسي.. يعني ما رديت السلام!!! :(
لكن نظريتك صحيحة 100% :) مشكور..


وعليكم السلام ورحمة الله وبركاته ..غرام.. (مع انك ما رديتي السلام)
يا الأم الحنون >> كناية عن مشاعرك الطيبة يالغالية :)
الله يسلمج .. الطفل العنيد مافيه شي!! وانا أعرف أعند 2 -ع الأقل-!! :)
ولله الحمد ماخذين من العيلة كل العند :)
المهم.. كلامك كبييييييييييير !! :)
وفيه أشياء كثيرة..
وكلامك صحيح لكن .. كم النسبة اللي تطبقيه على
(المحكوم عليهم) أقصد المتبرعين بالتجربة عليهم..
أظنه أكثر من ال 99.9% الله يكون ف عونهم:)

بس تدري.. من ناحية انه يطلع انطوائي فهذا أنا معاج مليون بل100:(:)



تحياتي للجميع :)

[غرام]

حزونه :( أنا كاتبه السلام عليكم

!!!!!!!!!!!!!!!!!!!!!!!!!!!!!!!

[بنت الأحزان]

معليش.. عبالي تسلمي!!
بس الأفضل تقولي وعليكم السلام :)

يالله لا تخربي الموضوع وخليني أشوف من اللي بيتبرع بالرد!! :)

تحياتي من جديد
مع السلامة الحين .. بسير لمحاضرة التسويقّ!.. :(
وارجع بعد ساعة ونص أشوف مين اللي رد السلام!! :)

[دموع حائرة]

مرحبا ..
اعتقد انه كل موقف له طريقة تعامل واقناع ... وعلى فكرة اسلوب التشهير في رايي سيء جدا ...

تحياتي ..

[الحفار]

مالي خاطر اسلم ابي ارد بدون سلام ؟؟ممكن:(:(

:)
لا امزح ولا يهمك

السلام عليكم وعليكم السلام

تبين الصراحه
اولا الهدايه من الله

ثانيا

الاطفال لا يمكن يكونون مثل بعض وهذا يعني انك الاسلوب اللي تستخدمه مع احدهم قد لا ينجح مع الاخر

واعطيك مثال

الساهر اللي هو اخوي

وهو صغير كان شيطان صغير ما يخللي شيء ما يخربه واذي ولا ينفع فيه تعامل الا الظرب

بعكس اخوه اللي اكبر منه كان مؤدب واااايد وهو صغير وبس يمشي مع امه وين ماراحت , حتى اذكر ان جدتي كانت تسميه ((كراع امه)) يعني رجل امه وهي تعني انه لا يفارقها,,

ولما كبروا تغير الحيال

الساهر صار وش حليله مطيع ما يطلع من غرفته ولا يحب يشوفه احد ومعتكف على النت على طول,,

والثاني

الله وكيلك يا هو تغير صار اذي ماغير مطارد ورى خلق الله في كل شارع

:):)

والحين نتكلم جد رغم ان اللي قلته كله جد

واقول

اي طفل لازم تعلمه لغت الحوار والاقناع ابتداء من سنتين ونصف او ثلاث سنوات

يجب ان يتعلم الصح والخطأ ويجب ان شعر انك راضي او غير راضي عن اسلوبه :)

ويجب ان تعنفه اذا تكرر الخطأ منه واذا كررها للمره الثانيه المفروض ينظرب ظرب خفيف للتحسيس فقط بمدى خطأه

,,,,,,,,,,,,والكلام والله كثير بس عجزان اكتب لاني جيعاااااااان ,,,,, ما افطرت بعدني

وشوفي غرام اذا ماعندها محاظره ابعثي لي معاها فطور






وتحياتي

:):)

[بنت الأحزان]

دموع حائرة .. مرحبا بك .. ورايك أنا معاك فيه :)
تحياتي لك




الحفار.. >>> يادي الفضايح اللي طلعتها على ساهر!! :)
الله يخليكم لبعض :) ( آمين )

على فكرة .. ردك عجبني ودخل المزاج..

(مع اني أعرفه من زمان!! :(:))
لكنك جبته بطريقة ثانية..

**********
إذا جبت لك الفطور .. راح تكمل ردك؟؟ :)
**********
ع العموم.. أشكرك على النموذج اللي طرحته..
وياما ناس.. كلوا علأآت بدون سبب!! :)

تحياتي للجميع :)