View Full Version : ليالي وردية - 1 -
زهرة الليلك
17-10-2000, 08:14 PM
أولاً .. مساء الخير لكل الموجودين من أعضاء سوالف ولكل من زار الموقع وتفضل بقراءة الموضوع ..
ثانياً .. الحمد لله على سلامة أعضائنا واخواننا .. حفار .. ساهر .. عسل وبياع .. وكل الحلوين الغايبين اللي ان شاء الله راح يرجعون قريب ..
وأتمنى اللي صار مايتكرر ونبقى مثل ما احنا أخوان :)
يمكن انتوا مستغربين من العنوان شوي بس حبيت أقول لكم ان هذا العنوان راح يطل عليكم كل ليلة في سوالف ان أمكن .. وهذي هي الليلة الأولى لهذا الموضوع ..
---------
يقولون ان أجمل لغة هي لغة العيون .. وان اجمل احساس هو الاحساس الصادق النابع من القلب الصافي ..
وان الحب هو أسمى لغات التخاطب في العالم .. واننا بدون حب لاشيء
---------
مقتطفات مختلفة هي عباراتي .. همسات مبحره هي كلماتي .. تبحر في شواطئ أحلامنا وأحزاننا وآهاتنا .. علها تجد مرساها بيننا ..
---------
اهداء للجميع ..
مين زعلك في عيونك السود نظرة
..........................لي شفتها حسيت بالحزن والياس
مين زعلك طاحت من الليل قمرة
......................... خلا الطريق من المواعيد والناس
حبيبتي أرجوك في القلب حسرة
.......................... كافي زعل أشغلـتي الفكر هوجاس
والله لو تدرين هالحب جمرة
......................... بين الضلوع تشب من حر الأنفاس
غديت طفل ضايع فيه عبرة
..........................ومحد سأل وش فيه ماقـال لاباس
هذا الهوى الله يكفيني شره
.......................... بعيش باحــساس وبموت باحساس
-----------
أتمنى الليلة الاولى كانت خفيفه على قلوبكم مع اني عارفه ان الوقت لسه بدري توها الساعة 7 وخمس بس هذا عشان الناس اللي تبي تنام بدري :)
وبكل هدوء وبكل محبه أنسحب الآن وانهي ليلتي الأولى معكم ..
وتحياتي للجميع :) ...
*** ملاحظة/
ترى كل ليلة بتكون شكل مش تستغربون من الاسلوب .. عادي :)
ساهر الليل
17-10-2000, 08:40 PM
هلا بزهره الليلك ......
وهلا بالليالي الورديه .....
فكره جميله جداً ..... واسم جميل ايضاً ...
جميل ان نرى زهره في كل يوم بشئ جديد ....
ليله جميله وبدايه طيبه يا زهره ...
شكرا على الاهداء الجميل ....
اتمنى ان تستمر هذه الليالي الورديه ونرى فيها ابداعات زهره
وخواطرها الجميله التي تعودناها ....
اتمنى ان تضفي عليها مسحةً من الحزن ... فالحزن شئ جميل ...
... ودي اكون مترجم للغة العيون :)
تحياتي يا زهرة وبانتظارك كل ليله :)
مساء الليالي الوردية الجميله علي زهرة سوالف...:)
حياك الله أختي زهرة
أختيار موفق , وفكرة جميلة , سوف تطفئ علي سوالف ليالي حلوة ودافئه
وسوف تصبح ليالي سوالف رائعه لان صاحبة الفكرة والطرح هي زهرة سوالف ولاعجب في ذلك
اتمني لك كل التوفيق في لياليك الوردية ونحن في انتضار ابداع وتالق زهرة الدائمين...:)
شكرا علي اهدائك الجميل , اما لغة العيون فهذا في حد ذاتة موضوع يطول الكلام فيه , لغة العيون هي القلوب المحبة
لغة العيون ابلغ واعمق واصدق لغة , حديث شوق ولهفة وحنين من روح الي روح ,
حوار مجنون حائر وصارخ , جموح الأحبة , ونفاذ الصبر , ومشاغبة الأشواق ,
تناسم الأرواح العاشقة بعبارات حالمة ناطقة صامتة
تحياتي لك اختي العزيزة زهرة....:)
نـاظـج
شجون المحبه
17-10-2000, 10:03 PM
هـلا اختي وحياك الله ...........:):)
جميل جدا ما قررت ان تجعليه مسلسل يومي ...:)
والفكره جدا راقيه ومتنوعه وهذا الممتع فيها ,.,,
والعنوان بصراحه لا كلام عليه شيء جذاب ورومانسي جدا ..
اذا فنحن نتطرك كل ليله ورديه ....
بورده من ورودك الجميله الملونه ...
كل الاحترام و التقدير لــــــكِ عزيزتي ,...:):) (http://ksa.6arab.com/songs/5aleeji/abdulmajeed/3abdelmajeed..men-za33alak.ram
)
زهرة الليلك
18-10-2000, 12:58 AM
شكرا لك اخي وشكرا لمن ساهم في المساعده في اختيار الاسم _ ماني قايله مين _ :) كيفي :)
والليالي هذي راح تستمر ان شاء الله بجهودكم معاي ودعمكم لليالي واللي سبق وقلت انها راح تكون متنوعة في مضمونها ..
يعني كل يوم راح تشوفون زهورة بشكل جديد :)
wildorchid
18-10-2000, 01:27 AM
أهلين زهرة سوالف :)
يسلموا هالديّات :):)
وشكرا على لياليك الورديه :):)
وإذا أعوز اللسان بيان
******************** فعلى العين بسط تلك المعاني
فتراها تجول بين الجفون
******************** تتمنى لو أنهـــــا شــــــــفتان
ورغم جمال لغة العيون ..
وشفافيتها كسطح الماء الصافي ...
إلا أن كلماتك أنسابت بروعة قلمك
لتصور الليالي الوردية بأحلى دررها ..
أهداء لصاحبة الليالي الوردية زهرة:) (http://mypage.ayna.com/hosam101/do.htm)
الحفار
18-10-2000, 01:41 AM
يا سلام على المواضيع اللي تفتح النفس
خصوصا ان الواحد يصحى المغرب طفشان
بس الان على الاقل راح يلاقي شيء اكيد يفتح نفسه بعد نومت العصر :)
وموضوع الليله حلو جدا وما فيه احلى من كلام الحب ..
لكن شوفي
لازم تقدرين فعلا انك تجددين بالموضوع ,,وتحافظين على الموعد
وتمنى لك التوفيق
مجروح
18-10-2000, 01:57 AM
هلا بالزهرة .
ليالي وردية
او ليالي زهريه
المهم أن تكوني انت صانعتها لكي نتمسك كل يوم بأشعة الشمس طالبين جذوات من دفئ وحنين من حُب ـ فعندما تهدل حمَائم الحُب يغلف الصمت افواه اناس ويسعد اناس .
فأسمعيني هديلكِ كل صباح
فلا زال عندي سبعة صباحات
عطريها بالحياة
وانعشيها بالحياة
تحياتي لكِ اختي
زهرة الليلك
18-10-2000, 02:02 AM
شكرا لك أخي لمشاركتك .. وأتمنى بجد أكون عند حسن ظنكم فيني
أخجلتم تواضعنا والله :)
زهرة الليلك
18-10-2000, 02:14 AM
شكرا لك عزيزتي وأتمنى منك المشاركة في المسلسل اليومي هذا اذا كنتي تبين تصيرين بطلة في نهاية الفيلم :)
زهرة الليلك
18-10-2000, 02:16 AM
يسلمك حبيبة قلبي .. والله يخليلك هاليدات ياللي بيكتبوا هالكلمات الحلوات :)
زهرة الليلك
18-10-2000, 02:21 AM
كلماتي ماهي إلا نقطة في بحر كلماتك ..
شكرا لك عزيزتي على الاهداء :) وتحياتي لك أختي :)
القط الوردي
18-10-2000, 03:39 AM
لاعيوني أي شيء في وردي هذا
تخصصي وحقوقـه محـفوظـه !!
أنتبهي لنفـسك وأستسمحي مني:)
زهـرة عـاد مو استلهمتي الاسم
الرومنسي من البـس الرومنسي:):)
بياع القلوب
18-10-2000, 04:41 AM
الاخت زهرة
تجية طيبة مع انها متأخره لكن اعذريني
مبروك على الزاوية الجديده والمبدعه :)
وشكرا للاهداء وتسأل عنك العافية يارب ..
تحياتي وبانتظار المزيد :)
بنت الأحزان
18-10-2000, 09:51 AM
ليالي وردية.. قد أراها صباحات وردية..:)
فالنور يشع منها.. وإن كانت في الليل..
لتنير المكان.. وتنشر عبق شذاها ونسيمها العليل..:)
تحياتي لك يا زهرة الليلك.. ولكِ منى كل التحية والتقدير
khalid99
18-10-2000, 11:03 AM
هلا بالزهرة:)
يسعد صباحك
دموع حائرة
18-10-2000, 11:06 AM
مرحبا زهرة
اهداء حلوووووووووو..
وزاوية احلى ..
تحياتي :)
زهرة الليلك
18-10-2000, 11:55 AM
اي هذا النوم عمو .. لين المغرب
وان شاء الله أكون عند حسن ظنكم وكل يوم بشكل جديد :)
زهرة الليلك
18-10-2000, 11:58 AM
لاأملك الا أن أقول انك فعلا أخجلتني بكلماتك الرقيقة ..
وااليالي الوردية ستطل عليكم دوما لتظفي على لياليكم أجمل الألوان
زهرة الليلك
18-10-2000, 12:04 PM
ها بسببوسي .. حقوق الطبع محفوظة ..
طيب ايش ممكن اسوي عشان ترضى :( أجيب لك بسه وردية يعني :)
القط الوردي
18-10-2000, 03:04 PM
طيــب ممــكـن زهـــرة ورديــة :)
ma3gool
18-10-2000, 03:35 PM
هلا زهرة الليلك..كلام حلو وجميل...
وخاصة العيون لاني من النوع اللي تفضحني عيوني واعرف لغة العيون...:):)http://members.tripod.com/~Mystiqal/eyes5.gif
marwah
18-10-2000, 04:45 PM
ولو اني آخر الناس
اقول زهرة تعال ابي اقولك شي :: سارقة كلامي وحاطته هنا ليه .. هين اوريك تعالي البيت بس وانا اوريك :)
ماعليكم انا واختي وكيفنا
زهرة الليلك
18-10-2000, 04:58 PM
هلا والله أخوي بياع وشكرا لك مشاركتك وبانتظار دعمكم المادي والمعنوي .. طبعا المادي قبل كل شي عشان نشتري فيه مصاصة لمروه :)
ياويلي لا تقرا ردي بتذبحني :)
زهرة الليلك
18-10-2000, 05:00 PM
هلا عزيزتي وشكرا على كل كلمة كتبتيها ..
والليالي هذي حتكون تنور صباحاتكم وتضفي الهدوء والراحة على لياليكم ان شاء الله بس الله يقدرني اني أكون عند حسن ظنكم ..
تحياتي لك ..
زهرة الليلك
18-10-2000, 05:03 PM
خالد ..
يسعد مساك أخوي وان شاء الله ماتحرمنا من طلتك علينا ..
--------------
دموع حائرة ..
انتي الاحلى .. واهدائاتي ستتواصل مع كل ليلة من الليالي الوردية
marwah
18-10-2000, 05:04 PM
مصاصة ها ..
طيب اذا مصرين جيبولي شوباشوبس :) ادري مافهمتو انتو ايش عرفكم بالاشياء هذي اصلا :)
زهرة الليلك
18-10-2000, 05:48 PM
قطقوطي ..
من عنيه .. بس كده انت تأمر :)
------------
معقول ..
يمه منك والله تخوف .. اقول بس اذا دخلت مواضيعي قل لي عشان أغمض عيني عنك :)
زهرة الليلك
18-10-2000, 05:53 PM
خلاص ليوم وانا جاية في الطريق ابجيب لك وحده عشا تتسلين فيها في الطريق بكره واحنا رايحين ..... ماني قايلة وين عشان فيه ملاقيف واجد :)
وبعدين زهير هذا في الراشد أنا ..... :)
marwah
18-10-2000, 06:03 PM
ابي شوباشوبس اللي المصاصة تطلع من فم التمساح:)
بعدين ايش اللي موديك الراشد هالحزة انا اوريك من وراي وانا عمتك .. اقول عسا احد ماتحرش فيك وانا مني معاك الحين قوليلهم ينتظرون دقيقة وانا جاية :)
khalid99
18-10-2000, 08:09 PM
وانا اقول ياربي وين شايفهم:)
unique
18-10-2000, 08:17 PM
كلام جميل
ورود جميله
مبدعه يا زهره وياستمرار :)
خذوني معكم :)
Huda76
18-10-2000, 10:09 PM
هلا والله أختي زهرة الليلك
فكرة حلوة جدا والله .. وموضوع ليلة البارحة ( والله احراج لأني فعلا متأخرة في الرد بس لأني ما دخلت النت أمس ) موضوع حلو جدا ..
والأحلى من هذا كله أن يكون لنا لقاء بك كل يوم :)
يعطيك العافية وعساك على القوة :)
وتأكدي بأننا سنكون في الانتظار لهذه الليالي الوردية :)
تحياتي
زهرة الليلك
19-10-2000, 12:34 AM
مروه ..
من كثر ماتشترين تشوبا تشوبس خلص من البقالة .. اطلبي نوع ثاني يمكن نلاقيه .. ماشاء الله عليك مابقيتي شي ..
---------------------
خالد99
وين شايفهم ؟؟؟ :)
---------------------
يونيك ..
ياللي اجهزي بنمرك :)
----------
هدى ...
هلاو الله .. وحياك الله في أي وقت .. اليوم وبكره وبعده :) المهم يكون التواصل موجود :)