View Full Version : وبعدين مع صدام حسين!!!!!تهديدات جديده وحالة استنفار
ma3gool
24-09-2000, 03:06 PM
حد ثني كثير ممن رأوا الدبابات تخترق الأراضي السعوديه وذلك من الجنوب الى الشمال وذلك بسبب الوضع
المتردي بين الكويت والعراق والسعوديه حيث يهد د صدام حسين وبقوه وتصميم على استرداد_غزو_
الكويت ويعتزم الدخول الى الاراضي السعوديه هذا من نا حيه ومن ناحية اخرى قوافل الجيش السعودي
التى كانت تتمركز في جنوب اللمملكه تتوجه الان الى شمال اللمملكه تحسبا لأي هجمه قد يوجهها صدام في
أي لحظه 000000ولكن هناك سؤال ماذا نفعل لو بدات الحرب فعلا 0000ارجو الأجابه00000
===
الساحات..
احنا وش قلنا .. ما في نقل الين اجي .. طاييييب :(
--------
عســـــــــ يا ويلك ويا سواد ليلك ـــــــــل
جواد الليل
24-09-2000, 07:31 PM
ma3gool .. لوسمحت , الحين انت تقول حدثني كثير ممن رأو ... !
يعني انت الحين وزير ولا لواء ولا حتى رئيس تحرير جريدة ؟؟
الخبر هذا انت شايفه في منتدى ثاني ( عندي الأثبات ) وتبي تنقله هنا !
يا عزيزي مافي داعي للأشاعات وخلق البلبلة بين الناس .
وانشاءاالله مافي شي , واللي يكتبون هذه المواضيع في المنتديات الأخرى لهم مقاصد دنيئة وهم مدسوسين لخلق الأشاعات بيننا .
رجاء ان لا نعطيهم الفرصة .
وشكرا.
نجمة المساء
24-09-2000, 08:26 PM
هذا وقته صدام
صج ازعاج
بس ما اقول الله يحفظ الكويت والسعوديه وباقي دول الخليج من كل مكروه
لان اللي شفناه في 7 اشهر عباره عن سبع قرون
والقلوب لي الحين مجروحه قولو امين الله يحفظنا
وبالنسبه حق صدام "حسبي الله ونعم الوكيل "
جواد الليل .. يا عيوني .. انا احبك وما ابي ازعل منك .. لاتكون عجل . .. اقرا وش مكتوب تحت ..(الساحات)ومو معقول اللي يسوي الكلام ذا .. فهمت عيوني ..
--------
عســــــــ مره وزير اسرائيلي .. قال العرب .. عمرهم ما يهزمونا .. لانهم شعب لا يقرأ ــــــل
ma3gool
24-09-2000, 08:59 PM
جواد الليل!!!..ليش متحمس الحين!!!..بذمتك الحين كل هذا الهجوم بزعمك خايف على امن البلد!!!..يا اخوي الاعلام في العالم كله يتكلم عن تحركات صدام وانت تقول لي اشاعات ما اشاعات..
وبعدين اذا كنت تتريق بقولك انت الحين لواء ولا وزير تراني يكون في علمك اكبر من كذا!!!هذا الكلام هو اللي جاب لنا الحرب في المره الاولى لكن الحين خلاص فتحنا وصرنا نعرف..
والله شي اذا قلنا كلمة حق هجموا ذا العالم!!!!
عسل..:)معليش ماقدرت..:) وشكرا لك..:)
نجمة المساء..:) الدنيا حروب الى يوم القيامه..الله يحفظنا بس..:):(
جواد الليل
24-09-2000, 11:21 PM
هذا رأيي يا عزيزي عسل و عزيزي معقول , وأنا حقا اسف اني ما قريت بانتباه , بس الموضوع اصلا قهرني لما قريته في الساحه الأخرى .
لأنه في شيء من التهويل , يعني خلاص كنه صارت الأمور من جد ! وبعدين كل حدودنا عليها جيش وهذا طبيعي ومن حق اي دولة , وخصوصا حدودنا مع العراق , يعني وش لزومه كلمات مثل تحريك جيوش وأختراق دبابات , انت تعرف الحرب الأعلامية والنفسية وأثرها , وهذا كان منبع قلقي وطلبي عدم اعطاء الموقف هذا الحجم المبالغ فيه من التهويل .
ايه وبعدين انا تهمني مصلحة البلد مثل ما تهم كل واحد فينا .
وبعدين يا معقول الله الكبير وأتمنى انك تكون أكبر في طريقة تخاطبك معي !
وأنا من ثقتي اننا فتحنا اتكلمت الكلام هذا , يعني وعينا صار أكبر , وكلمة من صدام وخصوصا اننا نعرف انه تم تدميره بالكامل أكيد هذه الكلمة لازم ما تخلينا نسمح للي يبون يأثرون علينا انهم يحققون مرادهم ويثيرون الأشاعات .
بس .. هذا رأيي .
جواد الليل
24-09-2000, 11:31 PM
ma3gool .. عزيزي أنت تأيدني بس ما فهمتني .
شوف ردك في هذا الموضوع , تلقاك تتكلم من نفس المبدأ اللي أقصده أنا .
http://www.swalif.net/sforum/showthread.php?threadid=64014
هذا يدل انه رأينا واحد .
عسل .. شكرا لتنبيهك لي , وأنا لم أقصد أن معقول يقصد شي , وأنا قلت انه ناقل الموضوع , وأدري عن حسن نيه , بس كان قصدي أوضح لمعقول والأخرين رأيي .
الفرزدق
25-09-2000, 12:07 AM
أخ معقول ،،،،أيش اللي صاير؟؟؟
آآآآآآآآآآآآســـــــــــف
بقايا انسان
25-09-2000, 10:53 AM
حيكم الله جميعا ...
يا شباب صدام هذا ما عنده سالفه.....:)
وبالله كل الضرب اللي اخذه ومن اكبر تجمع لجيوش العالم وكل الحصار اللي هو فيه وتبون تقنعونا انه لسه قادر يدخل حرب!!!!
وين رامبو!!!!!
صدام الحين مجرد روايه انتهت وسنقصها على احفادنا..
والله يحفظ امتنا الاسلاميه...
BRABUS
25-09-2000, 08:09 PM
حسب ما مكتوب في جريدة الخليج يوم 25/9/2000 م العدد 7799
http://www.alkhaleej.co.ae/gifs/f%2009%20p.GIF
يا ويلك من ربك يا صدام