اخواني واخواتي .....انااااااا آآآسف

[الحفار]

اولا لاتفرحون ما بترك سوااالف

الا في حاله واحده فقط وهي ......:)

وهذا مو موضوعنا :):)

............................................................
موضوعنا

ابي اسألكم ؟؟

هل تحبون اخوانكم وخواتكم مثل بعض

يعني لنفرض ان عندك ثلاث اشقاء هل حبك لهم بنفس الدرجه يعني لو قالوا لك ان اثنين منهم راح يسافرون لفتره غير قصيره وطلبوا منك ان تختار واحد ليبقى معك ؟هل ستحتار بالاختيار؟ام لا


؟؟
ولو كانوا جميعا موجودين عندك ؟هل تهتم بالجلوس مع احدهم ويكفيك عن الباقين او انك لا تهتم بالجلوس مع الاخرين

سواء كانوا اولاد او بنات فانا لا اقصد الاختيار بين الجنسين وانما بشخصيته او بغلاه عندك سواء ولد او بنت

بالنسبه لي
اولا الله لا يمتحني في شيء مثل هذا ولا يمتحنكم في اختبار محبتك لهم

لكن انا وبما اني ماني عايش عندهم بنفس المدينه لكن اشعر باني ما اهتم فيهم بنفس الدرجه او ما اتواصل معاهم بنفس الدرجه يعني بعضهم ممكن ما اكلمه طوال اسبوع كامل وبعضهم ما اقدر اجلس يومين ما اكلمه
ولما اسافر عندهم احرص باني اقضي اغلب وقتي مع واحد منهم اشعر فيه ارتباط كبير بيني وبينه ودي اني اقضي وقتي كله معاه

وسلامتكم

الـــحـــفــــ فديتك يا ساهر الليل ـــــار

[aziz2000]

يــاهلا أخوي الحفار ..

والله أظن ان القلب دايم يميل إلى أحد اخوانك أو أخوتك وهذا شئ

مانملكه .. لكن نحاول قدر المستطاع ان نعدل بينهم عشان مانزعل

أحد .. و أنا والله اني أحس اني أميل إلى البعض من اخواني أكثر

من الميل للآخرين .. من الممكن عشان القرب في العمر .. أتوقع

هذا أكبر سبب .. فالمتقاربين في الأعمار أقرب إلى بعضهم البعض

وسلامتكم ....

[تفاحة]

بإختصار شديد //

حقيقي توجد فروقات في محبتهم // انا مثلا احب إختي الكبيره اكثر
لانها تحسسني إنها مثل امي وتخاف عليّّ
وصدق انا كنت اضن إن الفروقات هذه اساسية //
طلعت لا // وحسيتها صدق يوم دخلت اختي المستشفى ( اختي هذه ما احبها كثير ودايما اتناكف معاها )
انتابني شعور غريب وجلست ابكي ويوم طلعت من العمليات
جلست عند رجولها ابكي وكان ودي احمل الالم عنها //
من يومها عرفت إني ممكن افضل اخت على اخت لكن المحبة وحده //
والله يخليهم لنا // آمين يارب //

[الروح]

مرحبا الحفار .. :)

في فروقات في معزة كل واحد منهم .. بس أنا أحاول قد ما أقدر ما أبين لهم .. أنا أحب إختي اللي أصغر مني واااايد أكثر من اللي أكبر مني .. لأن إختي اللي أصغر مني هذي أحيانا تبين لي إنها بعقلها أحسن مني ومن إختي الكبيرة ..

وإذا على الموقف اللي قلت عليه ( يعني إني أختار واحد منهم عشان يظل معاي ) بختار إختي الصغيرة .. ( بس على الله هي تختارني ) :)

[marwah]

انا عن نفشي لو اخواني كلهم مثل اللي ببالي :) انا اللي بتركهم واروح مهو هم اللي يتركوني :)

[سردال]

حقيقة حفار هذا موضوع مهم جداً، أشكرك عليه، بس أتمنى أشوف ردود طيبة عليه.

سلمك الله يا حفار، أتذكر شخص قال لي أن علاقة الأخ بأخوان وأخواته يسئة جداً في الإمارات (أنا ما أوافقه على التعميم) لكن من واقع حياتي انا، أشوف إني ما أطيق أجلس وياهم! وهذي حقيقة أحساسي فلا تلوموني، أما لماذا فهذا موضوع يطول.

سلمك الله يا حفار (اسمك يخوف :p ) أكثر وقتي أجلس في الغرفة بروحي، ومرات تمر أيام عليه ما أتكلم 10 كلمات فوق بعضهن مع أحد في البيت، مع أني أحاول بجد أني أسوي علاقة عالية مع أخواني لكني ما قدرت، يمكن السبب مني.

[زورو]

الروح :) روح روحى و الله :)
انا بصراحة مو وياج لانى عكسج إطلاقا عندي أختى الصغيرة ( و للأسف أخر العنقود :( ) بصراحة يوم تظهر وي قوم أمى و لا ما تكون موجوده في البيت عيد عندي لانها و الحق يقال :) عفريته درجة أوله من ( الثرثرة و الشطانه و العناد و كل شئ :) )

الحفار : أهلين الطيب :)

بصراحة انا واحد أحب الهدوء و علشان جيه معظم الوقت في البيت أكون يالس في غرفتى على الكمبيوتر وتلفون أو وي الربع بس يلسة البيت عادي...:) صدق انى افتقدها ساعات بس طبعى ما أحب الأزعاج بصراحة :( و اصدع ابسرعة فشو اسوي ؟؟؟؟

http://shopping.yahoo.com/video/images/muze/dvd/sm/93/154293.jpg

[صغيرونه]

سلام

انا اخر العنقود :)
واخواني كباااااار ومتزوجين بس في واحد اصغرهم امووووووووووووووت فيه والكل يعرف كذا سبحان الله ماادري ليه و البقيه شوي يغارون :(

[ريماز]

بالنسبه لي انا راح اختار اختي الي اكبر مني
لعده اسباب
اولا انها فاهمتني
ثانيا انها اكبر مني واعقل مني واذا سويت شي غلط
طبعا راح تعلمني لانها اكبر مني

[زهرة الليلك]

حفار ..

الله يخلي لك اخوانك ولا يحرمك منهم .. ويخلي لي اللي عندي بعد
وبصراحة انا ماعندي استعداد اتخلى عن واحد منهم :) وبس

[نعناعة]

الله لايخليني منهم ان شاء الله أبد.. ولا ولا يفجعني بأحد منهم أبد..

أنا أكبر أخواني وخواتي .. إحم إحم ... لكن حبيت أقول إنه لكل واحد من أخواني

وخواتي شخصيته الخاصة فيه... ويمكن هذا يخليني ماأفرق أحد منهم عن الثاني

لي أخت متزوجة وفي بلد ثانية ... عزها عندي عز الأختين اللي عندي

وعندي أخ يدرس بالخارج عزّه عندي وغلاه مثل أخوه الثاني آخر العنقود اللي عندنا

والبنات والأولاد برضه عزهم عندي واحد .. ألف الحمد الله تعالى على هالنعمة ..

يمكن العلاقة الطيبة اللي بينا تحكم فهي مابين الصداقة و الأخوة ... وكوني الكبيرة

حبيت أكسبهم كلهم بعلاقة صداقة .. الأولاد والبنات ... كبيرهم وصغيرهم..


لكن تجي ساعات .. اللي تخليني أرجع لشخصية الأخت الكبيرة :D

ومهما تزاعلنا وتهاوشنا بيننا ... مايزيد هذا إلا غلاة واحد عند الثاني

وإن شاء الله .. يحفظ لكم أخوانكم ويحفظهم .. ويحفظ لكم خواتكم ويستر عليهن

ولا يخلي أخوانكم منكم ولايخليكم منهم

قولوا آمين :D

[لميس]

معزة أخواني عندي مثل بعض...يمكن لأنهم بنت وولد بس..

كل واحد منهم فيه ميزة تختلف عن الثاني..و ما أقدر أتخلى عن اي واحد منهم..

أختي أكبر مني ومتزوجه...لو يوم واحد ماتجي البيت عندنا احس بفراغ كبير...مو مهم أني اقعد معاها وقت طويل..يكفيني أني أشوفها وأكلمها لو أنشالله كلمتين..يكفيني أني أحس أنها قريبه مني..

ونفس الشي بالنسبة لأخوي..أهو أصغر مني بسنه وحده..ويمكن عشان تقارب العمر دايماً أنتهاوش..رغم هذا أحبه..و ما أقدر يمر علي يوم واحد ماأشوفه..اذا صادف وما قدرت أشوفه وهو صاحي..أدخل حجرته وهو نايم..أتطمن عليه وأطلع..واذا كان مسافر..بعد أروح حجرته..أطالع أغراضه وأرتبهم..

علاقتنا أنا وأخواني ماهي بس علاقة أخوة..أحنا ولله الحمد أخوان وأصدقاء

[ريانة]

اخواني وخواتي هم حياتي وعمري ....مالي غنى عنهم....وكل مايمر

الزمن ونكبر نكتشف اننا مانقدر نفارقهم لو دقيقة:)

الله لايحرمني منهم:)

[دموع حائرة]

مرحبا الحفار ..
الميول لاحد الاخوان شيء عادي جدا ..
بس بالنسبة لي كلهم في نفس المكانة .. ومافي اي فرق بينهم ..

[طيبة]

الحمد لله ..... أفتكرت:)

الحياة الأسريه بوجه عام قلب واحد ..
يجمعها التقدير .. والاحترام .. والحب .. والعطاء

وفيه مثل يقول :
" الصديق الصدوق الشقيق الشفوق "

لذا نجد أنفسنا نميل لأحد الأخوة دون الآخرين ..
لتقارب أرواحنا .. وأفكارنا ..
وشعورنا بأننا كالجسد الواحد ..
لا نحتمل فراقه .. ولابعده .. ولانكل .. ولانمل ..
لوقضينا العمر كله بجانبه لأنه فعلا .. صديق ..
وأخ ( أخت ) صادق ..شفوق .. :) عطوف وحنون .. الخ

وهذا أمر عادي رغم تجانس بيئة الأسرة الأجتماعية
إلا أنه سبحان الله الطبائع والأفكار تختلف من شخص لآخر
حتى بين الأخوة ..

كما يحدث هذا الأمر مع الأصدقاء ..

" الأرواح جنود مجندة ائتلف منها ماأتلف وتنافر منها ماتنافر "......

تحياتي وتقديري .....

طيبــــــــــــــــــــــ http://www.static.123greetings.com/thumbs/flwr_justlikethat/1011-007-28-1046.gif ــــــــــــــــــــــــة

[الحفار]

عبد العزيز



تفاحه



الروح



مروه


سردال


زورو


صغيرونه


ريماز


زهرة الليلك


نعناعه


لميس


ريانه


دموع حائره


طيبه



.............

تحياتي لكم جميعا


واشكركم على ردودكم ولو اختلفت وجهة نظركم للامر

ولكن ما زلت مقتنع ان الاشقاء ليسوا بنفس درجة الاشتياق لبعض

ويمكن الامر يختلف عند اللي عنده شقيق واحد او اخت واحده

وعلى العموم

الله لا يمتحنا في محبتهم

ويحفظ لكم اهلكم جميعا

[تركي المنصور]

يا الله ..
راحت علينا ..

[heartking]

بالنسبه لي ماأضن أن فيه فرق والسبب ان أكبر أخواني وكلهم ينظرون لي بنظره خاصه, يحسون اني فاهم في كل شئ وان الحلول موجوده عندي دائما.
مع ملاحظة ان لي ثمان سنين بعيد عنهم وما أجيهم الا بالاجازات او ويكيند

[بروسيسر]

ان الاخوان اخوان مهما حصل بينهم
اما بخصوص الميول لاحد الاخوان
فهو وارد وبكثره لان لابد من احد
الاخوان او الاخوات يكون تفكيره من تفكيرك
وتصرفاته من تصرفاتك
اي ان يكون اما انت نسخه منه او هو نسخه منك
ويرجع السبب في طريقة طرح هذه الشخصية
اما ان تكون ملائمه لشخصيته او غير ملائمه
واخير نقول انهم كلهم اخوانا وعسى الله لا يفرقنا
وما احب اطول عشان لاتقولون ان البروسيسر قاعد يتفلسف

[شوق الامارات]

والله انه امتحان صعب
و صعب جدا ..
ومرة صارت لي .. لكن بطريقة ثانية
بس انا اخترت اكون مع اختي الكبيرة ..
و طبعا صار اشويت زعل من اخواني
بس بعدين تصافينا ...

بصراحه محبة الاخوان و الاخوات تتفاوت .. بين واحد تحبه و قريب من قلبك .. و احد تحبه بس ما تقدر تقوله اسرارك .. و احد تحب الكلام بغشمرة و ضحك .. و غيره ما تحب تضحك معاه .. وغيرها من الامور ..
بس ما اتنمى لاحد يمتحن هذا الامتحان .. لانه وايد صعب ..

[نجمة المساء]

وقفت قلبي يا الحفار

[gadeer]

بصراحة أنا أحب كل أخواني وخواتي لكني أميل لبعضهم أكثر من غيره
وخصوصا واحد من أخواني الأولاد اللي أحبه حب ما أقدر أوصفه ، واهو بعد نفس الشي ،
واخواني يلاحظون هذا الشي ومرات يزعلون ومرات يغارون ..
بس في النهاية نحن اخوان ونحب بعض وان شاءالله ماراح نفترق عن بعض أبد وتدوم محبتنا لبعضنا على طول :)
:
فـديت أمي والله :)

[طيبة]

:(

[imposiple]

انا يايالغالي احب اختى الصغيرة وايد لأنها اكثر وحدة تفهمني وثانيا تحبني وايد رغم صغر سنها فينا شبه كبير ولهذا احبها وايد ثقافتنا تقريبا نفس الشي


http://www.harrythecat.com/graphics/k/eye4.gif
المستحيل

[جسر التواصل]

بصراحة سؤال حلو
وانا وحدة بطبيعتي اميل لاخواني الالولاد اكثر لا تسالوني ليش >> لاني انا نفسي ما اعرف ...........
واصلا انا نادر ما ايلس مع خواتي اكثر الوقت ايلس روحي اكلم رفيجاتي في التلفون او على الكمبوتر وإذا ايام المدارس اكون اذاكر افضل من صدعت خواتي الصغار مع ذالك يوم يكون البيت فاضي ومحد اختي الصغيرة ( اخر العنقود الدلوعة ) يكون البيت ملل

سوري على الاطالة

[ناظج]

اخي الحفار

مراحب وهلا والله فيك ورجعتك لسوالف انك الاب الروحي لسوالف.

انا ياوخيي ما افرق بين اخواني كلهم واحد عندي لاني كبيرهم احبهم حب جنوني واعتبرهم مثل اولادي.

حفار Welcome Back Mr

وخيك ناظج

[قايد الريم]

لا و لا شيء





سلامتكم :)
















تحياتي

ا
ل
ر
ي
م

[mouza]

اصابع ايديك مب نفس الشيء والله المحبه الرسول تكلم عنها --الرسول كان له تسع زوجات وكان يحب السيده عايشه رضي الله عنها وقال حق رب العالمين اللهم لا تواخذني بما ملك قلبي وهو عليه السلام كان يعدل بينهم كلهم
طبعا حب شخص لشخص غير

[الزهراني العجماني]

بسم الله
بالنسبة لي فحياتي تقريبا كلها بعد عن اخواني
يعني اخر تجمع لاخواني كلهم مع بعض ما كان الا عام 1993
:(
ظروف الدنيا الله يعينا عليها
اما اني اختار واحد اذا خيرت لا ما اقدر كل واحد له
قدر اختي الصغيره كونها اصغرواحده احبها واخوي الكبير
ما قضيت معه من عمري الشي الكثير فاشتاق له
والثاني قضيت معه فتره لكنه راح بعيد وما لي نصيب اشوفه يمكن في السنتين اشوفه !!
واخوي الخاص نوعا ما هو التوأم لي
يمكن من قبل من نجي للدنيا ونحن مع بعض فهذا له قدر خاص
:)
والله يجمعنا في اقرب وقت آميين
والله لا يفرق عندكم احد

وسلامتكم