*** شرااااايكم؟؟؟ ***

[MUSLIMAH]

في كلمات اعجبتني تتكلم عن بنت اسمها نورة و عمرها 16 سنة ( القصة شوي خيالية بس ما يخالف ) و 7 أفكار يدورون في راسها و كل ما تجي تفكر و تتضارب الأفكار في راسها ، يبدأ رأسها يعورها .. هذه القصة باختصار .. اليكم الكلمات ..

تـشـرري تـشـرري *** أنـا بـعـمـري شـسـوي
تـشـرري تـشـرراس *** قولوا شسويلهم يا ناس

نورة :

أنـا وحـده ام أفـكـار *** مخليـتـني دايـما أحـتـار
هذي حلطومه هذي شيطانه *** هذي ملقوفة و هذي حنانة

الفكرة الشيطانة :

أنا الفكرة الشيطانة *** تراني حدي كحيانة
أم لـسـان و شـريـة *** و نجرية و هم و ينية

الفكرة الملقوفة :

أنا الفكرة الملقوفة *** و بأخبار العالم مشغوفة
حالي دايـمًا ملـقوفة *** و كـل شـيء لازم اشـوفه

الفكرة الحلطومة :

أنا الـفكرة الحـلطومـة *** ويهي معفوس جني بومه
ما يعجبني اللي يقولونه *** و لا حتى اللي يسوونه

الفكرة الحنانة :

أهم صفاتي الحـَنّـة *** حياتي كلها رنة
يسموني الـمطحانة *** لأني أنا الحنانة

الفكرة المسبهة :

أدخـل و أطـلـع بـزفـة *** دايمًا دايمًا مخالفة
أنا ضايعة و بره السالفة ***و عن الدرب كله تايهة

الفكرة الدلوعة :

أنا الفكرة الدلوعة *** و اسم الدلال نعنوعة
أمـشـي جني مـمصـوعة *** و ما أحب أكون ممنوعة

الفكرة الحكيمة :
بسكم بسكم يا أفكار *** ترى وقتكم كله طار
سمعوا الحجوة الرزينة *** مني أنا يا الحكيمـة

أتمنى أن الكلمات أعجبتكم .. :)

ملاحظة : الكلمات مكتوبة بالكويتي .. فاللي مو عارف يقرأ أي كلمة ، يقول لي و أنا أوضحها ..
تحياتي

[فارس مشاعر]

مشكوره على هالموضوع الحلو00ودائما انتظر مشاركاتك القيمه بفارغ الصبر00وفقك الله في دينك ودنياك00

[imposiple]

هي لو بغت تتزوج منو بياخذها

اشكرش مسلمة على الموضوع


http://www.harrythecat.com/graphics/k/eye4.gif


المستحيل

[MUSLIMAH]

يا هلا فارس .. العفو أخي الكريم .. :)
شكر الله لك هذا الدعاء الطيب .. و لك مثله .. :)

هلااااا imposiple
كيف حالك؟؟؟
حرام عليك .. ألف واحد يتمناها ..
العفو أخي الكريم .. :)

[طيبة]

أفكارك دايم حكيمه....
وللأسف حنا في الوقت الحاضر تسيطر علينا
الفكرة الشيطانه والفكره النعنوه ( قصدي الدلوعه )
وكثير من الأفكار ...

علشان كذا أقول :
بسكم بسكم يا أفكار
******************* ترى وقتكم كله طار
سمعوا الحجوة الرزينة
******************* من مسلمه الحكيمـة

طيبــــــــــــــــــــــ http://static.123greetings.com/homeimages/genthinking60.gif ـــــــــــــــــــــــــة

[MUSLIMAH]

هلا بالطيبة طيبة ..
صدقتي الفكرتين الشيطانة و الدلوعة مسيطرين علينا .. الله يعين ..
مشكورة .. حكيمة مرة وحه .. شدعوه ..

[طيبة]

تآمرين;)
وعليكم السلام ورحمة الله وبركاته
بس مسلمه حكيمه واحلى:)

طيبــــــــــــ آسفه راحت علي ــــــــــــــــة

[MUSLIMAH]

مسموحة هالمرة .. بس مو تنسين مرة ثانية !!!
ما يآمر عليج عدو .. :)
شكر الله لك مديحك .. بس و الله ما استاهل هذي الكلمة ..

[لميس]

http://www.swalif.net/sforum/images/icons/icon8.gif اكره وحدة الفكرة الحنانة..
عندنا واحد اهني في بيتنا كاسره راسه وقاعده فيه (أخوي)...

بس حلو هالموضوع:)..
بارك الله فيك أختي..وموفقه انشالله

[MUSLIMAH]

صدقتي عزيزتي .. :)
الله يعين أخوج ..
حلت دنياج .. :)
الله يبارك فيج .. جزاك الله خير ..
بس اذا سمحتي .. ان شاء الله يكتبونها جذي مو مثل ما انتي كاتبتها ..

[ريانة]

عجبتني الفكرة الحلطومة والمسبهة

[MUSLIMAH]

الحمد لله انها عجبتج .. :)

[سنفور غبي]

كلمات حلوة :):)

[رزونة]

الكلمات وايد حلوة بس شوفي احلى شي كلمة الرزينة
(رزونة) مشكورة اختي على الموضوع :)

[نعناعة]

حلوين :D

كله ولا الفكرة الدلوعة ... وش جاب نعنوعة لها !!

ووراها ممصوعة اللهم ياكافي

[MUSLIMAH]

مشاركتج أحلى .. :)

يحليلج يا رزونه .. صج انج دلوعة .. :) :) :)
موتزعلين مني .. ترى اتغشمر معاج .. :)
العفو عزيزتي ... :)

و الله انتي الحلوة .. :)
تصدقين ما ادري ؟؟؟

[لمسه]

هلا شخبارج اختي مسلمة ؟!؟!

لا و لا شي .. بس حبيت اسلم عليج اختي :)

و موضوعج حلو :)