دموع الرجل!!!!!

[ma3gool]

الرجل انسان لكن طبيعته قاسيه وقويه نوعا ما..فيه مواقف غصب تشوف رجال اشداء يبكون قدام الناس..مثل البكاء من خشية الله او لفقدان عزيز..لاسمح الله
ولكن فيه بعض الرجال حساسين زياده عن اللزوم ..ما يقدرون يخبون دموعهم..
ابي اعرف وجهات نظركم للي يبكي ..عامه...
في نظري دموع الرجل ضعف واحسن شي يحاول قدر المستطاع انه يخبي دموعه..
خاصة قدام زوجته او حبيبته لانها بتاخذ فكره انه ضعيف..... http://www.swalif.net/swalif1/ubb/frown.gif


بشويش بلا هجوم..ابي آرئكم.....

------------------
كل شي معقول

[BRABUS]

عمري ما سمعت إن الصياح (البكاء) عيب

وبعدين ما اتعرف إن اللي عيونه تدمع من الحزن ايخف حزنه http://www.swalif.net/swalif1/ubb/icons/icon36.gif

------------------
ما أقولك لا تسوي عمرك اتعرف كل شي

[شجون المحبه]

انا الا اعتقد انه دموع الرجل تدل على صعف ..
ليه هو من انسان ..ماله مشاعر ...ممكن تقول انه والله بكاء الرجل يقلل
من سانه لكن موقدام اللي يعزهم ويعزونه ..اذا احتفظ بمشاعر لنفسه ..
عمره مارح يلاقي اللي يواسيه او يساعده ...

انا معاك انه لابد للرجل ان يكون عزيز النفس ودموعه نادره وقلبل ما تنزل.
بس مصيره االا تنزل تعرف ليش لانه هو عباره عن كتله من المشاعر ..
واسمحلي ..والا بيكون انسان عديم احساس..وما اعتقد شوه ماكانت قسوه
الرجل الا لديه ولو قليل من المشاعر...

المهم ما رح اطول اكثر ..انا لا اعتبر دموع الرجل ضعف ..لكن مو معناه
انها تنزل كل الاوقات ...لازم تكون دمعته غاليه ما تنزل الا فيما ندر "في الشديد القوي"

[نجمة المساء]

الانسان بشكل عام لديه العديد من الاحاسيس والمشاعر والدموع قد تككون نادره او سواء للرجل او المرأه اما بالنسبه للبكاء فمن لا يبكي قلبه حجر


في بعض الاحيان البكاء يعتبر قوه وان كانت الدموع من الذي تحبه فهو يضع نفسه في ملكوتك ويشكي همومه لحين ان يتغلب على مصاعب الحياه

[بحور_الشوق]

اعتقد ان الدموع شيء ضروري... على الاقل للتعبير عن النفس...والدموع عمرهاما كانت دليل على الضعف..بالعكس..هي دليل على الاحساس و عمق الشعور
هذا رأيي و احب اسمع رأي غيري http://www.swalif.net/swalif1/ubb/smile.gif


------------------
واعنا قلب تزيدون التياعه..كل ما ونيت قلتولي يحب
وينه النجم اللذي يغري شعاعه..وين شمس ما تواريها السحب

[الشرير]

رجال يصيح قدام البشرية عييييييييييييييب

http://members.tripod.com/~MystMusic/all_smokers.gif



[b]<small><small>[ تم تعديل الموضوع بواسطة &nbsp; الشرير &nbsp; يوم &nbsp; 17-04-2000]

[عسل]

ابي ارد بس مو الحين ... لين امسحهم اول ...
--------------------------------------------
عســــ عقبك والله حزين ــــــــــل

[زهرة الليلك]

عفوا معقول ..
اذا كانت هذي هي نظرتك عن الدموع ودموع الرجل بالذات فاسمح لي اقول انك غلطان، عمر الدموع ما قللت من شان الرجل
بالعكس كل منا يحتاج الى لحظات للبكاء طبعا باسباب، ما في احلى من ان البنت تفتح قلبها لشريك حياتها وهو بعد يفتح قلبه لها ويشكي لها عن همومه ويشاركها باحاسيسه حتى ولو وصلت لدرجة البكاء .. لي ما تنكسر هذي الحواجز بينهم وكل واحد يفهم الثاني اكثر؟؟
انا معاك دموع الرجل ماهي من السهل انا نشوفها بس برضو ماهي عيب اذا كانت عند اقرب الناس له ، والا هي حلال عليكم تشوفون دموع المرأة عشان تقولون انها ضعيفة وحرام علينا نشوفها منكم ؟؟؟
وعمر الدموع ماكانت تحكم علينا اذا كنا ضعفاء او لا، ان كانت بتصور لنا شي فهو طيبة قلوبنا ومدى احساسنا بنفسنا وغيرنا؟؟ صدقني حتى اقسى انسان على وجه الارض لا بد يمر عليه يوم ويبكي ما في احد مايبكي
وبلا دلع يالله وتشوفون نفسكم علينا http://www.swalif.net/swalif1/ubb/smile.gif

------------------

ward@swalif.com

[الدكتور ريان]

اهلا بالكل صادقةزهرة سوالف معاها حق ,اقولكم شيء عن دموع الرجل:
دموع الرجل عزيزة وماتنزل على كل شيء والرجل بشر له طاقة احتمال مابكيت في عمري من يوم مابلغت الا مرتين مرة على وفاة الوالد وكانت الدموع تنزل غصبا عني وكانت حارة والثانية لما اتخرجت من الثانوية ...وعموما ماهو عيب لو شافت دموعك حبيبتك او احد من اهلك ..لانه بعض المشاكل تهز الانسان ولايستطيع السيطرة عليها والدمع تعبير عنها ولو ماتطلع الدموع صدقني بيصير شيء داخلك يضرك انت ماتدري عنه .

------------------
لاجديد تحت الشمـــــــــــس

[دموع حائرة]

انا اوافق بحور الشوق و شجون المحبة ارائهم لانها منطقية تماما .. فالدمعة ابدا مو معناها ضعف بل هي تعبير عب المشاعر بس لازم تكون في مواقف معينة و مو في اي وقت .. صح ؟

------------------
دموع حائرة
md@swalif.com

[بنت الديره]

دموع الرجل جدا جدا جدا غاليه

وانا مااحب اشوف اي رجل يبكي قدامي او

اشوف دمعه تنزل من عينه حقيقي امر صعب

جدا على نفسي

واتمنى مااشوف دمعة عزيز وغالي علي