سوالف للجميع - بصراحه وامانه وش رايكم في اللي يسوي كذا؟؟

View Full Version : بصراحه وامانه وش رايكم في اللي يسوي كذا؟؟

ma3gool

31-03-2000, 12:18 AM

فيه واحد مسكين يتعب طول عمره في جمع الفلوس ويبني فيها بيوت حلوه مره ومزارع وفي لحظه يروح يعطيها اكثر الناس كر اهيه له اوناس ما يعرفونه..كذا ببساطه !!!ويقعد هو مفلس ما عنده شي فقير معدم.. ليس كرما ولاطيبة قلب ولا زهد!!!كذ ا ببساطه...

قولوا لي بصراحه وش رايكم فيه؟؟وبعدين بعلمكم ليش انا سألت...

صدقوني بتنصدمون http://www.swalif.net/swalif1/ubb/frown.gif

------------------
كل شي معقول

روح المحبه

31-03-2000, 12:21 AM

الصراحة ذا غبي ومايعرف يشغل مخه

------------------
أختكم:
روح المحبه

شيطونة

31-03-2000, 12:25 AM

مافي احد يسوي جذي .. شنو اهو لعب عيال.. يتعب ويشقى بعدين ببساطه يعطيها واحد ثاني؟
لا اكيد السالفه فيها شي..
هل اهو مغصوب من طرف ان يعطيها ولا شنو؟ يعني ماتدخل بالعقل انه يبني ويتعب وبعدين يقعد حافي ماعنده شي ..

http://www.swalif.net/swalif1/ubb/smile.gif

------------------
((( شيطونة الكويت )))

>> ما شاء الله <<

ma3gool

31-03-2000, 04:17 AM

بصراحه اللي يسوي كذا موجود معنا في سواف!!!
لذا ابي اشوف راي اغلب الاعضاء وبعدين اقول لكم منهو... http://www.swalif.net/swalif1/ubb/frown.gif

------------------
كل شي معقول

زهرة الليلك

31-03-2000, 05:01 AM

معقول
الانسان هذا لازم يراجع نفسه اليوم قبل بكره
خصوصاً إذا كان عنده بيت وزوجة و أولاد ..مافكر في هذي الانسانة أو الأولاد لو بكره صار له شي لا سمح الله، الواحد منا لازم يبني اليوم لبكرة سواء شاب أو فتاة لأن الدنيا دوارة و غدارة يوم لك و يوم عليك
إذا كنت تعرفه انصحه بسرعة لا يضيع نفسه و يهدم حياته، الدنيا تغيرت كثير ماحنا عايشين في زمن جدي يكفينا حتى القليل، لا الدنيا هذي لو ما عندك اللي يكفيك لعشرين سنه قدام وإلا ما تعيش للأسف هذا الواقع اللي عايشين فيه

------------------
ward_ward@www.com

ma3gool

31-03-2000, 05:24 AM

زهره يغني هو قاعد يضيع نفسه..
طيب وش راي الباقين؟؟؟

------------------
كل شي معقول

بروكسي

31-03-2000, 05:31 AM

قوله بروكسي يقولك

مـــــــــــــــــــــــــــــــــــــــــــــــالت عليك

لو معطينياهم احسن له http://www.swalif.net/swalif1/ubb/frown.gif

حبيب الكل

31-03-2000, 05:33 AM

انا بالظبط مع بروكسي في اللي قاله ؟

------------------
لا تقول يا حب آسف ؟
انا آسف ---- ذي سوالف ؟؟

ظب

31-03-2000, 07:01 AM

الموضوع شكله فيه "إن".

أنا لو بنط عقلي، آخر شي أفقد قدرتي على تقييمه هي الماده. http://www.swalif.net/swalif1/ubb/smile.gif

/ظب

شذى

31-03-2000, 07:42 AM

شوف يا اخ معقول مافي احد يسوي سوات ذاك الرجال من دون سبب مقنع
الا اذا كان فيه بلا في عقله(يا كافي الشر)

نسر

31-03-2000, 07:49 AM

http://www.swalif.net/swalif1/ubb/salam.gif
مريض نفسيا

------------------
بصبر على الي صار ..
و أمشي مع الأقدار ..
و أكــمل المشوار ..
بكمـلة لحــــالي ......

hammoody@swalif.com

صامتة

31-03-2000, 07:59 AM

معقول

ليش ما تقول شو القصة بالضبط علشان نقدر نفهم

الموضوع ونحكم عليه بشكل افضل يمكن تكون فاهم غلط

او هو عنده اسبابه ويقدر يقنعنا فيها...

نورا

31-03-2000, 08:29 AM

اللي يعمل كذا مش زهد ولا طيبه ولا ولا ...يحط حولين نفسه علامه استفاهم
ويطرح سوال
1- اما انه ما تعب في هذه الفلوس وعشان كذا سهل يتصرف فيها بلا تعب
2- ممكن الفلوس مش له بس هو الوصي عليها
3 - فلوسه بس اللي عطاه للناس قطره في بحر
اما حكايه فقير معدم فالكريم والخير له الاجر اذا كانت هذه النيه
وكلنا فقرا لله والله الغني دائما .

بصراحه فيه حلقه مفقوده http://www.swalif.net/swalif1/ubb/smile.gif او الرجال انجن ‍‍

ma3gool

31-03-2000, 09:01 AM

تبون تعرفون مين....؟؟؟؟ولا استنى آراء الباقين..لان الموضوع صدق.. http://www.swalif.net/swalif1/ubb/frown.gif

------------------
كل شي معقول

ma3gool

31-03-2000, 10:11 AM

الان بقول لكم من هذا المستهتر اللي يقدم افضل ما عنده لغيره....
انه انا وانت وانتي او اي واحد يقع في الغيبه...نعم الغيبه!!!
واعلم ان الغيبه من اقبح القبائح واكثرها انتشارا في الناس حتى لا يسلم منها الا القليل من الناس وهو ذكرك الانسان بما يكره ولو بما فيه سواء كان في دينه او بدنه او نفسه او خلقه او ماله او ولده او زوجته او خادمه او ثوبه او مشيته او غير ذلك مما يتعلق به سواء ذكرته بلفظك او بكتابتك او رمزت اليه بعينك او يدك او رأسك او نحو ذلكفاما الدين كقولك سارق,خائن,متهاون بالصلاه...
اما البدن كقولك اعمى ,اعرج,قصير طويل...
او غير ذلك كقولك..قليل الادب,كثير النوم,كسول,عاق لوالديه ,ابوه نجار,ابوه ما يشتغل...
وفي بعض الناس يتفننون في الغيبه يجيبونها بطريقه ثانيه..كقولهم اذا سالت عن فلان.كيف حال فلان؟ فيقول .الله يصلحنا.الله لايبلانا..الله يتوب علينا..وما اشبه ذلك يراد به تنقيصه..والعياذ بالله
قال الرسول صلى الله عليه وسلم ( اياكم والغيبه فان الغيبه اشد من الزنا) ثم قال: ان الرجل ليزني فيتوب فيتوب الله عليه وان صاحب الغيبه لم يغفر له حتى يغفر له صاحبها)
وقال (لما عرج بي للسماء مررت بقوم لهم اظفار من نحاس يخمشون بها صدورهم ووجوههم ,فقلت :من هؤلاء يا جبريل؟قال هؤلاء الذين ياكلون لحوم الناس ويقعون في اعراضهم)
وانا مثلت لكم الحسنات اللي يجتهد الانسان في اكتسابها من صلاة وصوم وصدقات وغيره والاجر المترتب عليها واذا وقع في الغيبه ذهبت تلك الحسنات الى الذي اغتابه بمجرد كلمه او همسه..لاحول ولا قوة الا بالله
فانظرانت ماذا كان ردك عندما سالتك عن الذي يدفع امواله الى غيره..فقلت انه مجنون او غبي الخ...
فهذا رايك عن انفسك فاذا تفكرت قليلا وحاسبت نفسك ستجد اني محق في تشبيهي..
فانت لا تريد ان ياتي يوم الحساب وليس معك من حسناتك شيئ وذلك بسبب كلمه في غيبه..وهو ما سماه الرسول عليه الصلاة والسلام المفلس!!!
ارجوا اني ما اكون اثقلت عليكم بشرحي...
اسف للاطاله...

------------------
كل شي معقول

زهرة الليلك

01-04-2000, 08:11 AM

http://www.swalif.net/swalif1/ubb/smile.gif http://www.swalif.net/swalif1/ubb/smile.gif

------------------
ward_ward@www.com

gadeer

01-04-2000, 08:24 AM

حلو هذا التحليل وهذا التشبيه.. (^_^)
.
.
.
::: تعصي الاله وأنت تظهر حبه
:::: هذا لعمري في القياس عظيم
::::: لو كان حبك صادقا لأطعته
:::::: إن المحب لمن يحب مطيع

------------------
عمري وعمرك لحظتان::لا تكن فيها عصيا

قيس

01-04-2000, 08:30 AM

الله الله إيه الحلاوة دي ..
تصدق يا معقول إني أول ماقريت كلامك ..
قلت هذا وراه شيئ
بس أبدا ما راح بالي لهذا ..
على كل حال .. الله يحفظنا وإياك من الغيبة

------------------
كنا حبايب نقهر ظروف الايام
واليوم تسعى ظروفنا في قهرنا

ma3gool

01-04-2000, 09:59 AM

ياليتنا نفكر شوي قبل ما نتكلم كلام فيه غيبه... http://www.swalif.net/swalif1/ubb/smile.gif

------------------
كل شي معقول