View Full Version : وش راح يصير في الغرام.....قصة من يكملها
راح أكتب بداية قصة عني وأبي منكم تكملون القصة...وإلي فيه حره من الغرام أو يكرها يحط حرته فيها...وإلي يعز الغرام بعد يكمل عليها...وأنا راضيه
في يوم من الأيام تواعدت غرام مع بنت الأحزان وmake_up في المكتبه..ويوم راحت الغرام هناك ما حصلتهم وعرفت إنهم يقصون عليها...فعصبت وطلعت من باب الجامعه...وهي طالعه شافت الباص واقف وفيه المفتاح...والأخت غرام فيوزاتها كانت ضاربه في هذا الوقت...كان تركب الباص وتشغله وتدوس بكل قوتها على البترول وما خلت إشاره ولا رادار إلا وتجاوزته (على فكره ترى غرام ما عندها ليسن بس عندها شوية خبره في السواقه)...شو راح يصير هذا راح أتركه لخيالكم عشان تكملون القصه.
------------------
مع تحياتي: غرام الليالي
بنت الأحزان
20-02-2000, 01:55 AM
الصراحة محد كان يتوقع إلي صار…!
لكنه حصل وإنتهى الموضوع…
السالفة ومافيها … إنها كانت متهورة دايما بتصرفتها …
قلت لها تعالي وبأترياك ف المكتبة…
لكنها بسرعة البرق وصلت لكن ماكنت واصلة بعدني…
لمحتها والشر يتطاير من عيونها!!!
حاولت ألحقها مع make_up لكننا مالحقناها!!
شغَلت الباص وطارت …
يمكن من عصبيتها الزايدة نست إنها ما عندها ليسن!!
…………………………
وف الشارع لحقوها الشرطة … قولوا ليش؟!
هااا… قلتولي…
لأنها خربت كل الرادارات… وعفست الدنيا !!
غير إنها زادت الطين بلة إنها دعمت الكثير!!
ولما انتبهت غرام للشرطة … خافت وزادت الضغط ع البانزين؟!!
…وبعدين …
------------------
The door to friends’ hart is always open. **
الصديق عند الضيق إن خنته صانك، وإن صنته زادك :)
الحفار
20-02-2000, 02:08 AM
انا اعتقد انتم في البحرين .واكمل
ماعرفت الاخت غرام كيف توقف الباص كان تضل على وجهها سايره ..ودورت على اطول شارع وماتلقي الا جسر البحرين السعوديه وعلى وجهها سايره وتعدي لا جمارك ولا جوازات ودعمت المقصات .
وحسره على البنات اللي معاها اللي اغمى عليها واللي تصيح وغرام ولا همها شيء بعدها معصبه .وشالت في طريقها كم سياره وكسرت الدنيا وكل هذا وهي مغمضه عيونها ولا تدري وش صاير حواليها ..
ولا فتحت عيونها الا في الدمام ,,
وما حدث في الدمام لهو عجب العجاب..
من يكمل
------------------
alhaffar@swalif.com
يعين الله يعين الله ..والقلب كله جروح
وينك حبيب الروح..وينك دخيل الله
http://members.tripod.lycos.nl/grmbgifs/jackh.gif
شيطونة
20-02-2000, 02:56 AM
شوفوا عاد انا على كيفي.. غرام قالت كملوا القصه.. وانا ابي اكمل مثل مابي..
المهم..كانت غرام مغمضه عينها.. فتحتها ولا كل اللي صار كان تخيلات..هي هي هي
توته توته خلصت الحتوته http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif
- شيطونة
------------------
>> ما شاء الله <<
Shy6ona@swalif.com
make_up
20-02-2000, 03:11 AM
و الله ياغرام ما اعتقد ان بيستوي شي....قلتيلي ليش؟؟؟
اقولك ...لان مثل ماانت عارفة يعني ليش عطوني ليسن و ما عطوج ؟!!
بطبع لانك قصيرة مثل الابهام يعني ما رمتي توصلين لين السكان..... http://www.swalif.net/swalif1/ubb/smile.gif
ف مافي حكايه ولا رواية تنقال...
النهايه
------------------
المعارضةجداً
يبا انا اكمل لكم القصه :-
غرام لما ركبت الباص ونحاشت فيه فكرت واهى بالطريق شلون تنتقم....فقررت تذهب الى عمان بالباص.
على شان تسجل بالجيش العمانى (عشان هناك يقبلون بالبنات بالجيش ) وعشان تتعلم شلون تستخدم السلاح ( الرشاش )وفعلا التحقت بالجيش العمانى برتبة رقيب
وقعدت 6 اشهر ولما تخرجت انحاشت من حفلة التخرج وذهبت الى الباص اللى كانت موقفته بره الكليه الحربيه.
واول ماركبت الباص تذكرت ايام صباها ..وحياتها..وفجاءه دمعت عينها تذكرت صديقاتها بنت الاحزان وميكب...وتذكرت يام دراستهم ووناستهم..وبعدين قررت تسامحهم ... وابتسمت وضحكت..وقبل لاتشغل الباص عشان ترجع لاهلها!!؟
فجاء هجمو عليها الشرطه ....لانها مبلغين عنها طافت الاشارات وحطمت الرادارات
وسجنوها...بس صديقاتها ماخلوها ولا تركوها...زاروها بالسجن وجابو لها عيش وحلاوه
http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif
فلم هندى
------------------
ان الامور اللى تدرى عواقبها خير مافيها ترك مافيها
حبيب الكل
20-02-2000, 07:02 AM
و في ليلة من الليالي هربت غرام من السجن بمساعدة شخص مجهول ؟؟؟
و ركبو نفس الباص بس غرام اصرت على السياقة بنفسها و انطلق الباص بسرعة رهيبة ؟؟؟
و في الطريق التفتت غرام و قالت للمجهول اللي ساعدها :
عز الله اني يا ------ تغربلت !
كود قلبي و العنا اتعبوني ؟؟
فقال لها :
شوفي قدامك لنروح وطي !!!!
و قال : و الله اني اليوم يا زين أقسمت
ما ركب معك في الباص لو اذبحوني !!!!!
و انطلق الباص و في لحظة صرخت غرام : بوليييييييييييس؟
ماذا حصل ؟
------------------
الشوفه المستعجلة زادت الشوق
ودي معاك بجلسة في هداوه
BRABUS
20-02-2000, 07:56 AM
إلى الأخت العزيزة غرام أعتقد إنج إنتي إلي أخرجتي فلم SPEED أو ناويا اتقلدينهم بس حاسبي ترى التقليد ممنوع هالأيام وأنا ما فيه على كفالتج
------------------
ما أقولك لا تسوي عمرك اتعرف كل شي
بنت الأحزان
20-02-2000, 09:13 AM
** شو السالفة !! محد لااضي يكمل القصة ؟!!
ويينكم يا ناس...!!
ترى غرام زعلت وقالت محد امعبرنها؟!! http://www.swalif.net/swalif1/ubb/frown.gif **
...
...
...
...
...
...
...
------------------
The door to friends’ hart is always open. **
الصديق عند الضيق إن خنته صانك، وإن صنته زادك :)
بنت الأحزان
20-02-2000, 05:00 PM
** الحقيقة في تتمات مب متصلة ببعض !!..
خلوني أكمل لكم القصة...
بعد ما هربت غرام مع المجهول...ف الباص...
وشافت الشرطة لاحقينها!!
حاولت اتضيعهم...لفت يمين يسار، يمين يسار ... لين ماقالت بس....
هييي ضيعتهم http://www.swalif.net/swalif1/ubb/smile.gif
وماشافت قدامها إلا نهاية الشارع!! وااااااااااااا
شو إلي صاار ...
------------------
The door to friends’ hart is always open. **
الصديق عند الضيق إن خنته صانك، وإن صنته زادك http://www.swalif.net/swalif1/ubb/smile.gif
[b]<small><small>[ تم تعديل الموضوع بواسطة بنت الأحزان يوم 20-02-2000]
حجايه
20-02-2000, 05:29 PM
لا مو جذي انتو ماعرفتو شسوت ......
انا اقولكم
اهي خذت الباص كانت معصبه وعيونها تتنطط منها الشرار ويوم ركبت الباص جان تحس انها حرانه وزهقانه ....
قالت ارووح لباسكن روبنز اخذ ايس كريم ابرد على نفسي .. وبعدين عجبها الوضع وهدت جان تقول اروح للكورنيش ارفهه عن نفسي شوي جان ترووح وحست بروحها يوعانه جان تقول خل اسفط عند كنتاكي .. ( البنت راهيه ) وطلبت لها وجبه زنجر حار ( على اللي داخلها ) ..... وبعدين تذكرت بنت ابوها انه الجامعه مبلغين عليها الشرطه انها سرقت باص الجامعه .....
وشوفو عاااد شسووا فيها الجامعه واهلها ... http://www.swalif.net/swalif1/ubb/smile.gif http://www.swalif.net/swalif1/ubb/smile.gif
اكمل ولا انتي تكملين يالغرام... http://www.swalif.net/swalif1/ubb/smile.gif
غاية النفس
20-02-2000, 11:40 PM
ولما انتبهت غرام ان الشارع منتهي...غمضت عيونها...وصاااااارخت
سووووووووووبر مااااان ويييييييينك؟؟؟
الا ينط المجهول اللي جنبها من الباص..للشارع وغرام اغمى عليها من
المفاجأة ...ويطيير سوبر مان ويشيلها من الباص قبل لا يتهشم
على الصخوووور..و..
ايش صاااااار؟؟؟؟
طيب_القلب
21-02-2000, 12:02 AM
كله الا كذا شلون تزعلون غرم رم انا ضروري ما اكمل القصة الخيالية لاااا طبعا بل أسرد الواقع الحقيقي الي حصل .
طبعا غرام لحظة ركوبها السيارة لم تفكر في شئ سوى الانطلاق و ذلك من غضبها
و بالامارة كان دمعها حينذاك رقراق وقفت هي بسلامتها عند الاشارة ناداها شخص و قال هي انت يا سواق اريد ان احط في بلاد الجمال و النياق فسكت غرم رم برهة و نظرة في عينيه لاول وهله و قالت وش تبي انت....قم بس قم و كان الشرار يتطاير من عينيها هرب الرجل مباشرة الى قسم الشرطة و بلغ عن محاولة اغتيال و كتب المحضر بأسم سائق الباص
حينذاك كانت بنت الاحزان تستعد بكل ما اوتيت من قوة جاهدة تفكيرها و مستجمعة ذاكرتها للتخيل اين لي بمعرفة مكان هل الشقيه غرم رم.
بالفعل غرم رم طلعت شقيه فقد لبست ملابس السائق و لمت شعرها فوق راسها و لبست كاب و كشرت عن انيابها و خشنت صوتها فصار كلمن راها قال من اين اتى هل الشاب... و صارت تتمشى بالطرقات موزعة الابتسامات
و بنت الاحزان تبكي و تطلق الاهات و تقول يا ويلي ماذا اقول لو سالوني ماذا اخبرهم اممممممممم الكذب حبله قصير لابد لابد لابد انها في مكان اممم
و طالت الغيبه و ضاقت بنت الاحزان ضرعا و لم تطلع بحل
في خلال تلك الاحداث تبين ان ذاك الرجل الذي طلب ركوب الباص رجل هو رجل مهم للغاية فصارت الاتصالات و مكالمات تلفونية واسعة النطاق و اخيرا وقعت
المفعوصه كما اسمتها بنت الاحزان بين يدي بنت الاحزان حتى انهالت عليها ضربا مبرحا و صارت تبكي و تستغيث و تسترحم بنت الاحزان التي صرخت قائلة كنت بتجيبين اعظم حزن لي انا ناقصة احزان و هاهاهاهاها
الله يهديهم ذولي طق و طقيق بينهم و العالم تضحك عليهم
قبل ما اختم الكلام تراه مزح يا قوس قزح قالوا زعلت قلت لازم تفرح هاهاهاها
طيب_القلب
جنرال_عليس
حبيب الكل
21-02-2000, 12:06 AM
و كانت لحظات ارتج لها القدر ؟؟
و ها هي غرام بين يدي ذلك الطيب المجهول لا تعي و لا تفيق ؟؟
قال لها : غرام استيقظي ؟
ارجوك ؟
ويحكي !
فلما سمعت صوته --- وهي تحب صوت ال---- مجهول ---
افاقت من الاغمائة الخفيفة قائلة :
وين الجامعة ؟ وين شمهة ؟ وين بيتنا ؟
و هكذا كانت تهذي من هول الحادث ---
اى شمهة ؟
اي جامعة ؟
انتي بخير و انا المجهول اللي باخذك للاهل و طار بها الى البيت --
و عنما وصل كان ابوها في الاستقبال ---
--
--
--
--
بالشوزن ؟
و اطلق النار !!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
------------------
الشوفه المستعجلة زادت الشوق
ودي معاك بجلسة في هداوه
بنت الأحزان
21-02-2000, 09:56 AM
هنا أفاقت غرام وكانت محمرة الوجة من كثرة الضحك!!
و دخلت بنت الأحزان عليهما المنزل و شاركتهم الضحك بينما make_up (متغصصة) http://www.swalif.net/swalif1/ubb/smile.gif http://www.swalif.net/swalif1/ubb/wink.gif لكنها ماستحملت الموقف لأن بنت الأحزان عرفت بالفيلم و ماخبرتها...
طلعت من البيت هي حاسة بالقهر....
..............................................................
..............................................................
كملي يا غرام http://www.swalif.net/swalif1/ubb/smile.gif
------------------
The door to friends’ hart is always open. **
الصديق عند الضيق إن خنته صانك، وإن صنته زادك :)
بنت الأحزان
21-02-2000, 06:05 PM
غراااام ... صرخ الي كان معاها... وإلا هي make_up كانت متنكرة!!
و ما نتخيل شكل أبوها بعدما أطلق النار على أغلى عيالة!! http://www.swalif.net/swalif1/ubb/frown.gif
لكن مانفع الصياح والعويل بع ما طاحت غرام ع الأرض مغشي عليها !!
************************************************************
.. وبعد فترة.. كانت make_up تسأل أبو غرام ...
ليش سويت هالشي؟!! ليش ذبجت بنتك!!
ولا أبو غرام يضحك ويقول مو عشان الفيلم يكمل... !!
make_up أي فيلم ؟!
...
------------------
The door to friends’ hart is always open. **
الصديق عند الضيق إن خنته صانك، وإن صنته زادك :)
make_up
21-02-2000, 06:24 PM
اصل المسدس كان فالصو لزوم الشغل الهندي اللي كان متفق مع بنته يسويه
------------------
المعارضةجداً
وردالشمال
22-02-2000, 11:51 AM
نامت غرام ...تلك الليلة....
.
وفي الصباح الباكر ..وعلى اصوات الطيور المغردة...نهضت غرام من نومها العميق
منتفخت العينين..متهدلة الحاجبين..وكأنها تريد الرجوع إلى فراشها بعدما نظرت له...لكنها نهظت ......ونظرت من نافذتها المطلة على الحديقة وعينيها يكاد الضوء
ان يغلقها... شعرت بالهواء البارد الذي تسلل و حرك اطراف الستائر...لكنها ابتسمت وقالت ...سأذهب اليوم اتنزه وأتمشى...بعد عودتي من المدراسه...
وبينما هي كذلك ...اتاها عصفوراً جميل نزل على حافة النافذة...وأخذت تتأمله
وتبتسم...وأخذ العصفور ينظر لها تارة ويقفز تارة اخرى ...وغرام تبتسم بهدوء
لاتريد ان تتحرك ...وقالت له وهي تهمس :آه...ليتني مثلك اطير..وارفرف بجناحي..واذهب
حيثما اشاء...دون حسيب او رقيب....
.
فقال لها العصفور فجأة http://www.swalif.net/swalif1/ubb/frown.gif(..بالله انتي صاحبة الباص اللي اعدمتي الدنياو اعدمتي البنات..اللي بالباص ..))..شوفي نصيحة لوجه الله لا تطلعين اليوم ,الشرطة تبحث عنك.
.
خافت غرام ..وقالت : من انت
فقال:انا حبيبك الذي اختفى في العام الماضي
قالت غرام وهي خائفة: من حبيبي
فقال :انا فلان..اتذكريني ......آه ياغرام كم عانيت بعد تلك المصيبة التي حدثت ..تلك المصيبة التي اختفيت بعدها ولم تريني ...
.
قالت غرام : لا اصدقك,لااصدقك....انت عفريت.....يمممممهههههه يمممهههههههه
فقال العصفور صارخاً في وجهها : اقول اقصري صوتك...تراني ماني ناقص طرد
.
في هذه الأثنا تمالكت غرام حالها ومسكت اعصابها ,ولكن امها ((..فاطمة..))دخلت
وقالت امها: مابك ياغرام
قالت غرام: لاشي فقط اردتك ان تدليني على حذاء المدرسة ووجدته بعدما ناديتك
...رجعت امها ..((..فطوم..))من حيث اتت.,وهي بطبيعة الحال لم تشاهد العصفور
.
قال العصفور:عندكم فطور
قالت غرام:ايييييييه
قال:بالله جيبي لي حب
قالت غرام :تبي تفطر
قال العصفور : لا ابي اتعشاء !طبعاً ابي افطر حنا الصبح .
قالت غرام : ابشر
.
.
.
وبعدما افطر العصفور..قال..لغرام اتدرين انني لازلت احبكِ ياغرام
..ابتسمت غرام ابتسامة خوف ودهشة...وقالت :
كيف حصل لك هذا..كيف اصبحت عصفوراً..صغيراً بهذا الحجم.
..
فقال العصفور: اتذكرين عندما اعطيتيني ..زجاجة العطر تلك.
قالت غرام: نعم اذكرها جيداً نعم
قال العصفور: الله لاينعم عليك
قالت غرام: استغفر ربك ياظالم ماسويت لك شي
قال العصفور: كانت هي الهدية الأولى لي منكِ
قالت غرام :نعم
قال العصفور : الله لاينعم عليك
قالت غرام : ليش الله ياخذ منقارك
قال العصفور: جيت ابي اتعطر و ((..بخيت شوي عطر..على وجهي..)) وعينك ماتشوف الا النور...
قالت غرام كيف
قال : اول مانزلت زجاجة العطر تحولت إلى ..((..حمار..)) وبعدين اخذت يوم
على هالحالة.... لاادري ماذا افعل ..وذبحني الجوع ولا اقدر اطلع يشيلوني الدولة
إلى حديقة الحيوان .
.
قالت غرام : طيب كيف صرت عصفور وأنت اول احمار
قال العصفور: ذهبت لزجاجة نفسها و((..بخيت على نفسي شوي ..)) واصبحت اسد
ولا عجبني الوضع وبخيت مره ثانيه وصرت نمر مخطط ((..افريقي..))وابتلشت..
لو اطلع من البيت غير يذبحوني البشر او يدعموني.
.
قالت غرام طيب جيب من اللآخر الناس اللي بسوالف يقرأون القصه زهقو منك
انت و ورد الشمال..خلصنا
قال العصفور: اقول انثبري وسكتي تراني ماني ناقصك...اسمعي القصة ولا عليك من وردالشمال واللي يقرأون...شوفي ..بخيت البخة الأخيرة وكانت هي اخر بخة لأن زجاجة العطر اللي انتي جبتيلي الله لايبارك فيك صغيره ..ولو كانت اكبر كان يمكن ارجع لحالتي.
.
.
.
((((((...شوفو اعزائي القراء ادري اني غثيتكم بقصة غرام..وطولت عليكم بس اسف ...وأسف لغرام نفسها بعد .....فيه حاجة بسيطه هي ان القصة لها بقيه عندي
تبوني اكمل او ...انثبر وأسكت...)))))))
------------------
اخـــــــــوك
وردالـشـمال
waard@ayna.com
ورد الشمال كمل وأنا غرام كمل ولا يهمك
------------------
مع تحياتي: غرام الليالي
الحفار
22-02-2000, 11:03 PM
لا تكفى كمل
والله يا ضحكت ضحك ما يعلمه الا الله
بسرعه ابي اشوف وش صار مع المقروووده اللي طاحت بلسانك يا ورد الشمال..
http://bentalarab.tripod.com/haffar.gif
حرام عليك لا تقول عنه مقرووووووود http://www.swalif.net/swalif1/ubb/smile.gif
كمل كمل ورد ولا تنسى هذا حبيب الغرام المنحوس
النحاسه لاحقته لاحقته المسكين http://www.swalif.net/swalif1/ubb/frown.gif
------------------
مع تحياتي: غرام الليالي
[b]<small><small>[ تم تعديل الموضوع بواسطة غرام يوم 22-02-2000]
وردالشمال
23-02-2000, 10:00 AM
شوفو ...عدد الردود حتى ...كتابة هذا الرد ..صارو..21مشاء الله عليها غرام
.
.
عندي رأي ...وش رايكم افتح ..موضوع بنفس الأسم اللي ..حاطته غرام..
لجل اللي يدخل على الموضوع يدخل بسررررعة ..مايتأخر عليه التحميل
.
وخصوصاً عندنا بالسعودية.. http://www.swalif.net/swalif1/ubb/icons/icon18.gif ..اذا صارو الردود كثير ..((..نقعد ..فيهــا..))
.
------------------
اخـــــــــوك
وردالـشـمال
waard@ayna.com
[b]<small><small>[ تم تعديل الموضوع بواسطة وردالشمال يوم 23-02-2000]
بنت الأحزان
17-10-2000, 04:00 PM
غرام.. سوري ع الغبرة..
لكن هالفترة اشتقت لموضوع
كان يلمنا بالمحبة والأخوة الصادقة..
وما لقليت غير هالموضوع .. !! ..
تحياتي يا أصدق مخلوق عرفته في حياتي.. :):(:)
بنت الأحزان
17-10-2000, 04:10 PM
http://www.swalif.net/sforum/showthread.php?threadid=54469
http://www.swalif.net/sforum/showthread.php?threadid=54671
http://www.swalif.net/sforum/showthread.php?threadid=54858
http://www.swalif.net/sforum/showthread.php?threadid=55317
ومازلنا ننتظر البقية..!!!
يا ورد :)
ذكرتيني بأيام أول :)
وين الربع وين :(
بنت الأحزان
17-10-2000, 05:07 PM
.. أقول لج.. وينهم؟؟؟ :(
في الذاكرة باقيين لأبد الدهر.. :(:)
ومعانا .. باقيه كلماتهم.. للأبد..
فاهمه.. لـــلأبــــــــــ:(ــــــــــــد!!
بغيت أضحك.. لكنها طالعة صفرة من التعب!!
تحياتي..