ma3gool
26-07-2000, 03:17 PM
موضوع عجبني ونقلته لكم من الساحات...للكاتبه الدانه..
سبحان الله في ناس على الرغم من أن معيشتهم زينه
وأحوالهم يغبطهم عليها كثير إلا أنهم ما اقتنعوا باللي عندهم ودايم ينظرون للي أعلى منهم .. وهالنوعيه من الناس لا يمكن تذوق طعم الراحة .. لأن الشخص اللي ما يقنع بالرزق المقسوم له مستحيل يعيش مرتاح ..
فتجد مثلاً بعض الزوجات يجلبن النكد لحياة أزواجهن والسبب أنهن يطالبن الزوج بأشياء تفوق إستطاعة ..
وأعرف وحده متزوجة من موظف عادي وقائم بأمور البيت
وهي تعلم بإمكانيته..إلا أنها تنظر لحياة زوجات أخوان زوجها(يعني سلفاتها ) والمسكينه مجننه زوجها ومطينه عيشته .. فلما تشوف على وحده منهن ساعة جديده ترجع تقلبها نكد على زوجها .. وتطالبه بأن يشتري لها ساعة أو خاتم .. وهي تعرف أنه ما راح يجيب لها إلا شيء على قد إمكانيته ومع ذلك دائم تحسسه أنه أقل من فلان اللي يسافر كل سنه بزوجته أو فلان اللي ساكن بفلة كبيرة أو فلان اللي شاري لكزس لزوجته ..... والمسكينه ما ترتاح لا هي اللي تحصل اللي تشوفه ولا هي اللي تعيش سعيده ... والسبب أنها تقيس الزوج بأخوانه أو أخوانها أو أزواج أخواتها .... ونست أن الدنيا أرزاق وأن الفلوس مو أهم شيء بالحياة .. فالسعادة ليست بالمال .. فكم من إمرأة تتمنى أنها متزوجة برجل فقير وأن تنعم بالحب والإستقرار .. ولا بذلك الزوج الذي يملك الملايين إلا أنه فاسد وعديم الأخلاق ..
حتى وصل بها الحال أنها تحسد أختها لأنها أسعد منها ... مع أن صفات زوجها وزوج أختها متقاربه بس الفرق أنها هي منكده على زوجها أما أختها فهي مقتنعه بإمكانيات زوجها عشان كذا أكيد بيكون زوجها سعيد وبالتالي بتنعكس السعادة على كل البيت .. بينما هي منكده على زوجها فوين تبي زوجها يسعدها مستحيل أنا لو مكانه ما استحملتها يوم .. وما أقول غير الله يصبره ويكون بعونه .
هذا نموذج واحد وفيه ملايين النماذج على عدم القناعة .. فتجد شاب يطلب من أبوه يشتري له شبح مثل زميله فلان ... وهو يعرف دخل أبوه بس مو مقتنع باللي عنده .. والمسكين مهما عمل ما راح يكون مثل زميله وبيعيش في تعب وقلق ..
وتجد آخر عنده ملايين ومع ذلك يبي يصير مثل اللي أرفع منه ..
وصدقوني هالنوعيه من الناس لا يمكن تعيش في سعادة ...لأن السعادة مفتاحها القناعة ... فالشخص اللي مقتنع باللي عنده تشوفه سعيد ومبسوط بينما الشخص اللي يشوف اللي أرفع منه تلاقيه كل يوم في نكد وأكبر همه يعرف هذا وش عنده وهذا وين راح .. وفي النهاية أقول لا تشوف اللي أرفع منك عشان ما تتعب .. وشوف اللي أقل منك وأحمد ربك على النعمة ..
وأختم كلامي بالمثل المشهور ( القناعة كنز لا يفنى )
ســـــــلامي وتحيــــــاتي للجميــــــع
سبحان الله في ناس على الرغم من أن معيشتهم زينه
وأحوالهم يغبطهم عليها كثير إلا أنهم ما اقتنعوا باللي عندهم ودايم ينظرون للي أعلى منهم .. وهالنوعيه من الناس لا يمكن تذوق طعم الراحة .. لأن الشخص اللي ما يقنع بالرزق المقسوم له مستحيل يعيش مرتاح ..
فتجد مثلاً بعض الزوجات يجلبن النكد لحياة أزواجهن والسبب أنهن يطالبن الزوج بأشياء تفوق إستطاعة ..
وأعرف وحده متزوجة من موظف عادي وقائم بأمور البيت
وهي تعلم بإمكانيته..إلا أنها تنظر لحياة زوجات أخوان زوجها(يعني سلفاتها ) والمسكينه مجننه زوجها ومطينه عيشته .. فلما تشوف على وحده منهن ساعة جديده ترجع تقلبها نكد على زوجها .. وتطالبه بأن يشتري لها ساعة أو خاتم .. وهي تعرف أنه ما راح يجيب لها إلا شيء على قد إمكانيته ومع ذلك دائم تحسسه أنه أقل من فلان اللي يسافر كل سنه بزوجته أو فلان اللي ساكن بفلة كبيرة أو فلان اللي شاري لكزس لزوجته ..... والمسكينه ما ترتاح لا هي اللي تحصل اللي تشوفه ولا هي اللي تعيش سعيده ... والسبب أنها تقيس الزوج بأخوانه أو أخوانها أو أزواج أخواتها .... ونست أن الدنيا أرزاق وأن الفلوس مو أهم شيء بالحياة .. فالسعادة ليست بالمال .. فكم من إمرأة تتمنى أنها متزوجة برجل فقير وأن تنعم بالحب والإستقرار .. ولا بذلك الزوج الذي يملك الملايين إلا أنه فاسد وعديم الأخلاق ..
حتى وصل بها الحال أنها تحسد أختها لأنها أسعد منها ... مع أن صفات زوجها وزوج أختها متقاربه بس الفرق أنها هي منكده على زوجها أما أختها فهي مقتنعه بإمكانيات زوجها عشان كذا أكيد بيكون زوجها سعيد وبالتالي بتنعكس السعادة على كل البيت .. بينما هي منكده على زوجها فوين تبي زوجها يسعدها مستحيل أنا لو مكانه ما استحملتها يوم .. وما أقول غير الله يصبره ويكون بعونه .
هذا نموذج واحد وفيه ملايين النماذج على عدم القناعة .. فتجد شاب يطلب من أبوه يشتري له شبح مثل زميله فلان ... وهو يعرف دخل أبوه بس مو مقتنع باللي عنده .. والمسكين مهما عمل ما راح يكون مثل زميله وبيعيش في تعب وقلق ..
وتجد آخر عنده ملايين ومع ذلك يبي يصير مثل اللي أرفع منه ..
وصدقوني هالنوعيه من الناس لا يمكن تعيش في سعادة ...لأن السعادة مفتاحها القناعة ... فالشخص اللي مقتنع باللي عنده تشوفه سعيد ومبسوط بينما الشخص اللي يشوف اللي أرفع منه تلاقيه كل يوم في نكد وأكبر همه يعرف هذا وش عنده وهذا وين راح .. وفي النهاية أقول لا تشوف اللي أرفع منك عشان ما تتعب .. وشوف اللي أقل منك وأحمد ربك على النعمة ..
وأختم كلامي بالمثل المشهور ( القناعة كنز لا يفنى )
ســـــــلامي وتحيــــــاتي للجميــــــع