نظام الترقيات ‍‍‍‍‍‍‍‍

[بياع القلوب]

نظام الترقيات في الوظائف الحكومية توجد به بعض الملاحظات التي ترفع الضغط ، مثلا :
- الوظائف الإدارية أو التي مسمياتها إدارة السلم الوظيفي لها ثابت وترقياتها بالحسرة . ليش ؟ يقول لك نظام تجميد . عشان ما يوصل أحد لفوق .. وإذا حركت عمرك عشان وظيفة لازم تعمل اتصالات قبل سنتين من استحقاقك الترقية عشان تقدر تحجز لك شاغر في الخرخير أو تندحة ( وين هذا المكان ؟؟ ) مدري والله .. ويتغرب المسكين ويتلهوج مع أهلة عشان بس 200 ريال ترقية ، ماله داعي - أغلى من بيع السوق عليه ..
- الوظائف المالية ، مثل محاسب أو أمين صندوق ، يحصلوا ترقيات في مواعيدها وفي نفس إدارتهم . ليش ؟ لأن سلم وظائفهم مليانه شواغر ويقدر الموظف المالي يدخل على الوظائف الإدارية بسهولة. لكن الإداري ما يقدر يدخل على الوظائف المالية ، ليش؟ عشان ما عنده تخصص مالي أو خبرة في الأعمال الحسابية.
- الوظائف التخصصية ، إنسى يا حبيبي ولا تفكر حتى تترقى إلا بعد ما تسحب لك عشر سنوات تفحيط في وظيفتك أو انك تغير مسمى الوظيفة .. طيب وش ذنب المتخصص ؟ لازم يعني يمارس وظيفة غير وظيفته ..؟؟
وين إذنك يا جحا قال …. أي إذن ؟؟؟

يا معشر الموظفين والموظفات ، نبغى رأيكم .. وبصراحة ..


بياع
BAIYA3@HOTMAIL.COM

[ma3gool]

الحمد لله ماني موظف... :)

لكن رايي وبصراحه..الصبر ثم الصبر وش تسوي مالك الا هو..... :) :(

------------------
كل شي معقول

[بياع القلوب]

هلا معقول
أجل وش قاعد تسوي الى ألحين ومو متوظف ؟؟ لا يكون باقي طالب ؟؟ :)

عموما ، حتى الصبر يقف عند حد معين في هذه الحالة
لأن الموظف تتوقف علاوته السنوية بعد عشر سنوات من التجميد
طيب وش يسوي؟؟ لازم يعني يتغرب عشان علاوة قيمتها 200 ريال ؟؟
مثل ما قلت لك ، ما يصلح يصبر واجد ...

تحباتي ..

[wildorchid]

عزيزي بياع
في الحقيقه انا ماأفهم في الترقيات بس خليني اقول لك شيء من واقع
تجربتي..مع ملاحظة ان النظام الترقيات بالنسبه لوزارة الصحه
يختلف عن اي قطاع حكومي آخر..
انا في خلال سنه ونص ترقيت الى صيدلاني 1 وهذا اعلى شيء ممكن توصل له
اذا كنت من حملة البكالوريوس..الان ماقدامي الا اني اصير كورديناتور
الشيء اللي انا ماابغاه ابدا لاني مااحب الاداره ولا افهم فيها..
في نفس الوقت قاعده تجيني علاوه زي اي واحد ثاني..طبعا سنويه..
فماادري انتم ونظامكم كيف :(

[marwah]

ابقولك رايي بعد 5 سنوات :)

[بياع القلوب]

هلا اوركيد
وشكرا لتواجدك في الموضوع ..
شوفي
طبعا هناك فرق بين الوظائف الادارية والوظائف الفنية والتخصصية وكل وزارة لها كادرها الوظيفي يختلف عن الوزارات الأخرى .. وعلى فكرة ، مو كل وزارة عندنا حركة التنقلات والترقيات .. حسب مخصصاتها في وزارة المالية..

مثلا في الوظائف الادارية يبقى الموظف محلك سر الى أن يشغر موقع للمرتبة اللي ينترها وتمون مسماها يوافق مسماه او قريب منه او على الأقل يكون مكلف رسميا بخطاب من الوزارة بالقيام بطبيعة عمله الحالي ..
طبعا لأن أكثر من 70 % من موظفي الحكومة على باب الله وبدون تخصصات ينتظرون الترقية بفارغ الصبر ، ومايصدقون سيمعن عن شاغر الا وصارت الاتصالات والواسطات عشان يحجزها له . مثلا فيه في وزارتنا اكثر من 100 موظف على المرتبة السادسة على مستوى المملكة من رجال ونساء وشغرت يمكن 10 مراتب للسابعة ، وكلهم مؤهلين للترقية عليها ، ياترى مين بيحصل المرتبة الجديدة ؟؟ شيء بديهي ، اللي عنده واسطة.. والل يقهر اكثر ان يجيك واحد من آخر الدنيا وياخذ الشاغر اللي عندك بالادارة ، ليش ؟ واسطة ودك تذبحه لما تشوفه سرق مكانك ) وانت تروح لآخر الدنيا ...

عمليا ,, ما يترقى احد الى مرتبة أعلى إلا اذا انزاح اللي فوقه - والله ان فيه موظفين يدعون على زملائهم بالنقل او التقاعد البكر عشان ياخذ درجته ..
شفتوا شلون المآسي؟؟

بالنسبة للكادر الطبي طبعا هذا شيء مغاير لأنهم متخصصين في طبيعة عمل تتطلب التدرج الالي في الترقيات وحسب الدراسة والتخصص
مثلا الطبيب او الصيدلاني او حتى فني مختبر عندهم دورات اثانء الخدمة ودراسات وبعثات عشان عالم الطب مليء بالمتغيرات ، ناهيك عن حركات التنقل والترقيات بالوزارة السريعة ،، يعني محد معطل أحد ...

والمنخصص مثلي بحسب شهادته معطلة ترقيته لأن مافيه مرتية أعلى تماثل تخصصي يعني اقعد بها أو اغير طبيعة عملي ( وعلى فكرة انا مكلف بعمل غير تخصصي نهائي) لكن ترقيتي لا تعترف بالتكيف بل بمسمى الوظيفة الحقيقي ...
سألت مدير شئون الموظفين عندنا وقال لي اللي قبلك هج وانحاش من وظيفتك هذي واشتغل بشركة ابرك له .. طيب وأنا ؟ قال انت مسمى وظيفتك ضحية النظام
دور لك حل بتغيير مسمى الوظيفة - طيب مقدر ، ماعندي تخصص غير هذا ؟ ولا خبرة الا العمل الفعلي اللي اعمله ..!!!
هذا النظام المدني الاداري..

خليها على الله
بياع

[بياع القلوب]

هلا مروة
هذا وانتي لسه ماعرفتي هموم الجامعة قاعدين نعرفك على عالم الوظائف وهمومه من الآن ؟؟
قمة الاحباط .. صح ؟؟ :)
تحياتي ..

بياع

[wildorchid]

همممممممممم
مساء الخير بياع,,
والله مشكلتكم مشكله..
والواسطه ماخلت احد في حاله صدقني فرضوها علينا فرض..
بس خليني اقول لك شيء..
ومن قال ان النظام الطبي خالي من "التعدي" ؟؟!!
عندنا مثلا صارت 3 ترقيات قريب لناس مايحق لهم الترقيه
ولكن لان الثلاثه كل واحد فيهم كان مدعوم من قبل رئيسه المباشر
بينما هناك من هم علميا وعمليا من هم اكثر منهم أهليه..
ولما استفسرت عن السبب - مااغير طبعي- قالوا لي لاننا محتاجينهم في الاقسام اللي هم يشتغلون فيها؟؟
طبعا الباقين راح يترقون..بس الله العالم متى..
ولكن ليش حقي يتأخر؟ليش مااستمتع فيه وانا استاهله؟

لكن الحمدلله ماعندنا حكاية اني استناك تتقاعد والا تصير لك مصيبه
عشان آخذ مكانك..والا كان علوم..

[سليمان.]

بياع انا بقول لك بعد 6 شهور خلني اجرب
:) :) :) :)

------------------
قد تكون للعالم شخص ما وقد تكون لشخص ما العالم كله

[unique]

:)
موضوع مهم
وكثير جدا يعانون منه
ومن كل شي يخص الوظيفه

------------------
من عذابي قلت لعيونك هلا

[بياع القلوب]

اوركيد
فعلا لكل قاعدة شواذ
ومثل ما عندنا تجميد وواسطات برضه عندكم هذا الشيء..
بس شيء أهون من شيء...
تصدقي عاد لو اني في وزارة ثانية ومع مؤهلاتي هذي والله كان انا الحين فر مرتبة مدير فرع أو على الاقل سكرتير قنصلي ...
وانتي ادرى بمكاني ... يعني وش بوصل بالله عليك ؟ :)

سليمان
الله يعينك والله :)


يونييك
أهلين ..

[عسل]

هلا ..
سيدي انت تتكلم عن سلم وظيفي حكومي ...
كل الكلام اللي قلته صحيح ..بس في دايم حل ..
انت انسان متخصص ...ليش تدفن نفسك في وظيفه حكوميه ..
وفي مكان ما يناسب تخصصك ...
فضلا حاول مرة اخرى ...
لكن في شركة تقدرك ..وتعطيك تأمين ..ومميزات خاصه ..
صدقني بتندم على اليوم اللي جلسته في الوظيفه الحكوميه..
بتقولي من وين ياحسره ..؟؟
اقولك ابحث ..ابحث ..لان هذا مستقبلك وانا اخوك ..وابنيه من الحين ...
قبل لا يفوت قطار الزمن ...
------
عســـــــــ نصيحة اخ ...صدقني ـــــــــل

[بياع القلوب]

هلا عسل
شخبارك ؟؟
فعلا انا اتكلم عن الوظائف الحكومية ...
وأنا لقيت عروض ممتازة من شركتين كبار لكن ما عجبني فكرة التعاقد السنوي
طيب مو يمكن بعد كم سنه قالوا لي خلاص؟؟
يعني الامان الوظيفي مفقود في الشركات ...
وأرامكو طبعا صارت فقط لعيال موظفيها وواسطات من يوم ما تسعودت ...
عشان كذا انا محلك سر ..

تحياتي

[wildorchid]

اهلين بياع,,
انا مع عسل في ان الواحد يحاول انه يمارس اللي درسه ويختار
مجال عمل يليق به..بغض النظر عن المميزات..
وخصوصا لما تكون مجال دراستك هي مصدر متعه لك..
حرام تدفن نفسك في وظيفه انت مانت حابها عشان الترقيات والمناصب
بهالطريقه انت راح تدفن مو بس نفسك..ولكن كل حلم انت حلمته
وكل طموح انت تمنيت توصل له..
مشكلة شبابنا انه صار يبحث عن المضمون..والمشكلة الاكبر ان المضمون
هذا صار مصدر قلق دائم..وسبب كثير من الاحباطات..
لأن حتى هذا المضمون صار عليه طلب بشكل كبير مما خلاه شبه مستحيل..
مو كل واحد عنده واسطه..ولا كل واحد يحب انه يقعد بدون شغل
فأيهم تختار؟

[بياع القلوب]

هلا اوركيد
طبعا اختار اللي يناسبني ويناسب تخصصي وعمل أحبه جدا
المشكلة عندي أن مسمى الوظيفة غير وعملي اللي أقوم به الحين وأحبه غير ..
مع اني نادرا ما امارس تخصصي في العمل لكن يبقى العمل الحقيقي متعة لي :)
أنا يمكن كسول شوي ، يعني لو تلحلحت شوي كان حصلت شيء ، بس بيكون بعيد عن الدمام .. ..
فيه خطوة ايجابية ان شاء الله بعملها قريب بس خليني ارجع من الاجازة وبعلمكم عنها :)
تحياتي ..
بياع

[heartking]

يارجال خليك اعقل ,هو في ترقيات اصلا عشان يكون لها نظام :(
--------------


[b]<small><small>[ تم تعديل الموضوع بواسطة &nbsp; heartking &nbsp; يوم &nbsp; 25-06-2000]

[القط الوردي]

بياع اقهـرك...
نظام الخدمة المدنية السعودي مأخوذ من
نظام الخدمة المصري قبل 40 عـام في عهد
الملك سـعود , والنظام المصري غيروه كاملاعام
83 م وحنا لازالوا يفـكروا يعدلوا مادة ولا
اثنين .
ياعمي الانظـمة الادارية في السعودية شوربة
لان المسؤولين عن تغييرهاومراجعتها لهم مصلحة
في بقائها . وهم مجموعـة من البيروقراطيين
خريجي جامعة القاهرة وعين شمس في عهد الملك
فؤاد والملك فاروق.
_________________________


------------------
مشـكـلتي انــي ما أفهــم

[بياع القلوب]

هارتكينغ
هلا بك . وعلى قولتك ..محد حولي ...


القط الوردي
معك حق والله
نظام مو من عهد الملك فاروق ، لكن من أيام الفراعنة ,,
مشكلتنا احنا اننا نخاف من التجديد والتغيير ..
ليش ؟ ماادري ، مع ان الموضوع كله تعاميم جديدة ومراسيم جديدة
بس يمكن ربعنا مايبغوا يشتغلوا شوي
ماعندهم وقت من الانتدابات في سويسرا واسبانيا ...
كيف الحال بس ؟؟

[wildorchid]

هلا بياع
يالله نستنى نسمع منك اخبار حلوه بعد الاجازة.. :)

في الحقيقه نظام الترقيات المفروض انه يعاد تقييمه
من أول وجديد..
واذا كان كلام القط الوردي صحيح..فمعناه ان احنا في مشكله
كبيره..
اذا احنا وصلنا للألفيه الثانيه وماحنا قادرين نتبنى قوانين
خاصه فينا فهذا أمر يؤسف له بالفعل..
هذولا اللي ماسكين مناصب في التخطيط ليش مايشوفون لهم حل؟
هل معقول ان تجميد الترقيات يؤدي الى التسيب اللي احنا نشوفه؟
يعني هل من المعقول انه أثر على "كيفية" الاداء؟ هذا اذا ماكان" كميته"
؟؟؟؟؟؟؟؟
هل هو مبرر؟؟؟

[بياع القلوب]

هلا اوركيد
أن شاء الله
والخطوة الايجابية بتكون بتغيير مسمى الوظيفة الي انا معين عليها
وبعدها عاد ادور شاغر عندنا وارسم عليها على الثقيل ...

بصراحة اصلا وزارة التخطيط يبغالها تخطيط ..
تصدقي عاد مدري ليش لما اذكر وزارة التخطيط اتذكر الحمار الوحشي؟؟؟
zebra
تحياتي


[b]<small><small>[ تم تعديل الموضوع بواسطة &nbsp; بياع القلوب &nbsp; يوم &nbsp; 26-06-2000]

[wildorchid]

هلا بياع,,
بالتوفيق انشالله,,

مو معقوله ان احنا ماحنا عارفين ماهية وزارة التخطيط.ولا الدور اللي هي تمثله؟
ولا حتى النتائج المتوقعه منها..

معقول ان البطاله تكون موجوده في بلد جديد؟
وين راحت الفرص الوظيفيه؟معقول ان ماعاد فيه اماكن شاغره؟
مين السبب؟ وعشان ايش؟
طيب القطاع الخاص ليش ماينحط له ظوابط وقوانين بحيث انه يتوقف عن
لوي الاذرعه اللي يمارسه على المواطنين الراغبين في التوظيف؟

[القط الوردي]

قبل فترة طالب احد الكتاب
المتخصصين بألغـاء وزارة
التخبيط قصدي التخـطيط
وذكر الاسباب :
- ان مصلحة الاحصائات العامة تقوم
بدور كبير فيه جزء كبير من العمل اللي
مفروض تعمله وزارة التخطيط.
- ان اغلب الوزارات فيها وكالات وزارة
مساعدة للتخطيط ( منصب رفيع )وبالتالي
اصبح في كل جهة وزارية من هم يخططون لها.
-عـدم وجود دور حقيقي للوزارة حتى عـند
اعداد الميزانية العامة للدولة اللي تعد
بناء على مايصل من كل وزارة من خطط ومشاريع
مطلوبة يتم الموافقة على بعضها من وزارة المالية
للعتماد في الميزانية والباقي يرحل لمرحلة او ميزانية
أخرى يعني وزارة التخطيط ( مابيعبروهاش).
لانه معندها شيء .

وخدوا هذا السبب من عندي يؤكد ان وزيرها
فــاضي ( كمنصب وليس كشخص) كلفوه بوزارة
البرق والبريد والهاتف ... يعني لو عنده شـغل
ماكان حطـوه وشغلوه.
الا الفضاوه اللي ذابحتهم .
لا في وزارة ثانية لازم تلغى مع وزارة التخطيط
علشان نستفيد من الوفرة المالية اللي ضايعة عليهم
وهي وزارة الاشغال العامة والاسكان اللي بنت ست
عماير في جدة وخمسة في الرياض عام 80 م وبعدها ماتت
مادامت المشاريع تطرح مناقصات للقطاع الخاص فهموني
وش فايدة وزارة الاشغال العامة والاسكان .
:) عصبتوني :)
وينك ياغازي القصيبي .

------------------
مشـكـلتي انــي ما أفهــم

[b]<small><small>[ تم تعديل الموضوع بواسطة &nbsp; القط الوردي &nbsp; يوم &nbsp; 26-06-2000]

[بياع القلوب]

هلا اوركيد

الشركات وما ادراك ما الشركات
الحكومة فرضت عليهم سعودة الوظائف أوكيه لكن مين من الشركات طبقت هذا ؟ ولا شيء ..وعلى فكرة قريبي عنده ثانوية وشهادة حاسب وخبرة مش بطاله في الاتصالات ، راح قدم حق شركة عالمية عندنا هنا لتوصيل الرسايل ( اكيد معروفه) وقابلهم مدير عام الفرع ( من جنسية عربية خيو) بعد ماقابله واخذ فكرة عن خبراته قال له بعد اسبوع بنوجه لك خطاب تعيين عشان توقع العقد - طبعا قريبي استانس وتأمل خير - وهو طالع سأله االمدير : أنت سعودي ؟ قال له قريبي نعم ، قال المدير : خذ ملفك من عندنا واطلع ( مانوظف سعوديين ) ....
ادري ان قريبي قاعد يقرأ هذا اهين وهو زعلان وخايف لأن الشركة هذي حقت واحد طويل عمر ... عادي ليش الخوف ؟؟

ونرجع جق وزارة الزيبرا - والله مو معقوله ان عددنا هالقليل وعندنا بطاله بالشكل الفظيع ...

تذكرت شيء عن السعودة للقطاع الخاص والبركة بالتخطيط السليم .. ربعنا طبلوا وزمروا وآخر قرار سعودة سوق الخضرة .ومين الضحية يامسكين صاحب محلات الخضرة ، من وين يوظف بياعين وحمالين ؟؟ لا والمشكلة المستهلك أكلها لأن الاسعار زادت ونوعية الخضار رديئة 0بدل ما كحلوها عموها ) وقلنا يازين كومار بس ، حتى أكل صحي محنا قادرين ناكل ...

قال ايش قال تخطيط ...يروحوا يخططوا .... والا ماني قايل أحين ،، بعدين ..

القط الوردي
قسم بالله لو يلغون كل الوزارات احسن ، ما عندهم الا انك تشوفهم كل يوم اثنين بالتلفزيون وبس ...
لأني ماني شايف شيء مفيد منهم الا تعطيل مصالح الناس بقرارات وتعاميم من سنة رجل الكهف ...

شكلي ماني جايبها لبر الليله :)



[b]<small><small>[ تم تعديل الموضوع بواسطة &nbsp; بياع القلوب &nbsp; يوم &nbsp; 26-06-2000]

[بياع القلوب]

تجديد للموضوع

[القط الوردي]

بياع ...
لاتخرج عن الاطار العلمي للحــوار
وتصير تهـرج :)
ركز نقدك وتكلم بشكل عقلاني ولا ترى ابطل ارد
انا مااحب الخروج عن الطرح العقلاني.
وش اللي يلغون كل الوزارات , لا يااخي
هناك وزارات لها دور كبير في البلد لابد اننا
نحييها.

[القط الوردي]

ليكون زعلت :)

[wildorchid]

بأفكر ..
مانسيت الموضوع :)

[بياع القلوب]

هلا قطو
:)
شدعوه عاد ازعل منك ؟؟
بس والله كثير من الوزارات مالها داعي


اوركيد
لايطول تفكيرك
ترا الموضوع منتظر رايك :)

[wildorchid]

صدقت يالبس..وينك يا غازي القصيبي..

معقوله ان شخص واحد قدر ينظم قطاع بأكمله؟؟
اذا كان هذا هو اللي صار بالفعل اذن ليش ما كل وزير يتحمل
مسئولية منصبه ويقوم بمهامه زي ماهي مطلوبه منه؟؟
هل العيب في ان هناك أصابع خفيه والا ان المسئولين مشغولين
بتحقيق مصالحهم الخاصه..!!
انا ضد ان الوزارات تنلغي..لأنه حتى افتراضا..غير واقعي بتاتا..
لكن كيف نقدر ان احنا نخلي الوزارات تقوم بماهو مطلوب منها من غير مانسمع راجعنا بكره..والا مافيه ميزانيه؟؟
معقول ان وزارة طويله عريضه ما لها دعم؟؟
لكن وين يروح الدعم؟؟

[بياع القلوب]

الدعم يروح للمباريات والكورة ..

[wildorchid]

بس صدقت..

تخيل ان أهم شيء عندنا واللي يلقى الدعم الكافي هو الكوره
يعني عشان احصل على معيشه أفضل لازم افسر عن ذرعاني واصير لاعبو كوره؟؟
طيب واللي غير مؤهل ولاعنده لياقه وين يروح؟؟
يعطونه عقد عمل برا؟؟

[بياع القلوب]

هلا اوركيد
بالعكس
عندي كثير ابقوله بخصوص هذا الموضوع
لأنه فعلا ميزانيات الوزارات على الورق فقط
كثير من البنود مختفية مثل
بند الصيانة التشغيل
بند الساعات الاضافية - الاوفر تايم
بند التأمين
بند المحروقات والخدمات

وبنود كثير لا تحضرني الآن لكنها تتواجد على ورق

ومثل ما ذكرتي اذا السالفه تخص كورة او شيء فتحت خزائن الدولة على مصرعيها وهات يامليارات على الفاضي
ليش ؟ قال عشان نثبت للعالم انه عندنا رياضة
طيب مو هذي البرازيل تعتبر من اقوى الفرق بالكورة وشوفوا شلون الفقر والقحط ماليها ؟!!

[wildorchid]

شوف..
انا ماافهم اي حاجه في هذي البنود..
أصلا انت تتوظف وانت كل اللي تعرفه ان آخر الشهر لك راتب ..
بس هذي حدود معرفتنا..
عشان كذا ماتقدر تطالب بأي شيء لأنك مانت عارف وش اللي لك أصلا..
كون ميزانية الدوله تصرف على مباريات عقيمه فهذا شيء مؤسف جدا..
بالله قل لي عن البحث العلمي؟
مين يدعمه؟
وهل بالفعل لدينا باحثين؟؟
التخصصات العليا في المجالات النادره ليش ماعندنا؟؟
هل لأن الكورة أهم؟؟
ايهم أهم هدف في هولندا والا بحث عن علاج للسرطان؟؟

[unique]

.