View Full Version : حالتين عند النساء .. لا تصدقوهم
عاندني
22-06-2000, 01:18 PM
لا تصدقوا المرأة عندما تبتسم و لا تصدقوها عندما تبكي
UAE_BaBe
22-06-2000, 01:26 PM
ليييييييييش يا عاندني ليش ها؟؟؟؟ :(
انا بعد زعلت :(
عاندني
22-06-2000, 01:26 PM
ما عليه أخت منال صحه الحقيقة مرة
لكن
علينا تقبلها بكل حالتها
عاندني
22-06-2000, 01:29 PM
ادري والله ادري أن الحقيقة تزعل
UAE_BaBe
22-06-2000, 01:34 PM
وهذا رايك ؟؟
انزين وانا اقووووووول لاتصدقون الريايل يوم يبتسمون ولا تصدقونهم يوم يبكون ...اوووووه انتوا ماتصيحيون نسيت ...ها ها هااااي http://207.228.238.18/swalif1/ubb/icons/icon25-.gif
HAKoNaMaTaTa
22-06-2000, 01:35 PM
:( :( :(
عاندني
22-06-2000, 01:41 PM
طيب انتم ليش زعلانين
اقنعوني
معقول اصدق إمراة تبكي
و إذا بكت تراه تزيد على الكلام ملح و فلفل من الضيج
و إذا هي تضحك من الفرح تقول غير اللي صار
كيف اصدقها
هكونا متاتا
زعلت ما عليه باكر ترضى
UAE_BaBe
22-06-2000, 01:49 PM
يعني دموع المرأة دموع تماسيح مثل ما يقولون؟؟؟؟؟؟
ليش نحنا ما عدنا احساس ...واذا بكينا معناته دلع وبس ؟؟؟؟؟
سوري بس انا ما اوافقك
:( :( :( :(
عاندني
22-06-2000, 01:55 PM
هذا اختلاف في الرأى
و الاختلاف في الرأى لا يفسد للود قضية
انا معاك أن بعض النساء لهم دموع تصدق
وهي لها أوقات صدق مع الفرح
لكن بشكل عام
هم يزيدون فوق الكلام كلام
يعني إذا كانت قصة يعملوها رواية
و السموحة
UAE_BaBe
22-06-2000, 02:02 PM
صح انا وياك في هاي النقطة ..يعملوا من الحبة اوبا لووووووول :) :)
عاندني
22-06-2000, 02:13 PM
:)
The Ocean
22-06-2000, 03:07 PM
مو شرط
---------------
الارادة تصنع المعجزات
ArMaNi
22-06-2000, 10:03 PM
BIG MISTAKE
بيبي اتولي المهمة عني وعنج ....
والله هالرجاجيل ما ادري شو يتحسبون عمارهم ؟؟؟؟؟؟ يعني انتوا الملايكة ؟؟ والله حالة مستحالة !!!!!
------------------
DeStInY...is once again surprise me
عاندني
22-06-2000, 10:15 PM
ارماني
اسمحلي اقول لك ان هذه مقوله مأثورة عند الكثيرين .. بس ليش ما وصلت لكم إلى الآن ما أدري ..
وبعدين المقولة تحتمل الصواب و الخطأ
و هذه يعتمد على اللي يشوفه الواحد
و القضية غير معممة
يعني أن هذه المقوله تنطبق على البعض و لا تقول
رجاءً
و ارجع و أقول الاختلاف في الرأى لا يفسد للود قضية
و السموحة
ArMaNi
24-06-2000, 08:05 AM
بس كان لازم توضح صحة وبطلان هذه المقولة يا أخي ... صح ولا انا غلطان
وبعدين إحنا نتناقش ومثل ما قلت حضرتك إن النقاش لا يفسد للود قضية
تحياتي لك
------------------
DeStInY...is once again surprise me
عاندني
24-06-2000, 08:14 AM
على العموم مشكور
أنا وضحت هذه المسألة
و أعتقد أن الكلام فيها خلص
والا عازين تعملوا منها رواية
و السموحة الحين عندنا ضيوف
اشوفكم بعدين
wildorchid
24-06-2000, 09:54 PM
أهلين عاندني..
والله مقوله اسمح لي اقول انها الى حد ما "عارية" من الصحه
ولكن لا انكر انها ممكن تكون صحيحه وفي حالات شاذة جدا تصدر من
نوع غريب عجيب من النساء..
لكن خليني أقول لك..
أحيانا المرأه تبتسم وقلبها كلها جروح..عشان ماتبين ضعفها
وماتبين ان هزيمتها كانت مؤلمه..
كنوع من الدفاع عن النفس والتخلص من نظرات الشفقه اللي ممكن اللي
حوالينها يحاصرونها بها..
لكن ابدا ماكانت دموعها زائفه..ممكن تشوف انها جت في غير محلها فتظن انها
تكذب ولكن المرأه مخلوق عاطفي جدا..والأكثر من كذا..انك ماتتوقع ردة
فعله..
على هذا الاساس الرجل لما يشوف دموعها يعتقد انها كاذبه بينما هي كانت
نابعه من اعماق قلبها..ولكن مين يفهّمكم ؟؟
ناس مجردين من المشاعر والاحاسيس..
على الاقل احنا نبكي ونبتسم في العلن..مو زي جنسكم اللي يعمل..وفي الخفاء
مصائب لا تعد ولا تحصى :)
عاندني
24-06-2000, 10:04 PM
هلا أوركيد
احترم فيج وجهة نظرك و كلامك الطيب
لكن ما معنى هذا انج تعميم بطعن الرجال فمن الرجال الشهم النبيل
وانا حين كتبت الموضع كانت عبارة عن مقولة رددها الكثير
وبعد هذه الحاله عند بعض النساء وما قلت الكل
وغير هذا بينت احتمال الصحة والخطأ في الموضوع
ويهذا انا ما اسمح لج تتكلمين بشكل عام يعني اسمحي لي انت غلطانه بهذا التعميم
و السموحة
دكتور / مجنون
24-06-2000, 10:05 PM
:)
كثير من الاوقات يكون هذا الكلام صح ، لكن مو دائما .....
------------------
خلوني ياجماعه اضحك لحالي***وإن قلتوا يامجنون ياناس مجنون
سبة جنوني واحد كان غالي***راح وخلاني معذب ومحزون
wildorchid
24-06-2000, 11:46 PM
عانــــــــــــــــــــدني :)
أرجو انك ماتكون زعلت..
بس برضه انت عممت..
وان كانت مقوله وانت قلتها..فأنا راح أقول لك مثل برضه
هم يقولونه ."يامآمنه للرجال يا مآمنه للميه في الغربال"
:) :)
بس ارجع واقول اني فعلا مايحق لي اني اعمم :) :)
زهرة الليلك
25-06-2000, 04:16 AM
عاندني ..
ممكن يكون في كلامك شي من الصحة ..
لا تصدقها لما تضحك لأنه ممكن يكون في داخلها كل الألم وانت ما تدري فتضحك لك عشان ما تبين الهم اللي هي شايلته .. وترى ممكن تكون انت اللي مسبب الهم
لا تصدقها لما تبكي .. لأنك ممكن تفكرها زعلانة بس هي يمكن تكون فرحانة عشان شي كويس حصل لك :)
------------------
من الدنيـا أنـا مابـي سوى عـفـو العلي التـواب
.. ويحسـن خـاتمـة فعـلي ويغـفـر لـي ضـلالاتـي