بـهو فندق !!!

[عسل]

الا اوركيد ..ياولاه ..هه .. :)
--------
عســــــ :) ماكل مدردب بدنجان :)ــــــــل

[بياع القلوب]

بهو فندق ... بلد غربي... في فصل الصيف
على ميعاد أو صدفة جمع أجناس مختلفه
ما فيهم أحد وافق أحد ثاني على تعريف للمنطق
بهو فندق فيه الناس مكتظه
فخامة تكسي الجنبات
نادل يحمل الطلبات
على أواني من فضه
هنا تجار يحكوا اسهم وسندات
هنا سمسار...هنا شاعر...هنا بنيــات
هنا فلكي...هنا صاحب سمو حركي
هنا فنان...هنا متعهد السهرات
هنا يحكوا عن الاوضه
هنا يحكوا عن الموضه
هنا يحكوا عن السادات

وبركنٍ ماهو للصفوه
بجنب الباب كرسيين
حوار يدور بين اثنين
ملامحهم تودي يم شرق اوسط
حيل اصحاب وهيئتهم بسيطه أو بعد أبسط

- شف سايح من اليابان يداعب آلة التصوير
يغازل آلة التصوير
- سايح هذا يا غلبان؟!!!
هذا السايح البارح كانت صورته تحكي بصدر الصفحه الاولى
يقولوا خامس أغنى شخص في العالم
واظن انه وربي وحده العالم
جمع هالمال والثروه في استيراد او تصدير
- نسى الكاميرا على الكرسي!!!
- لا ياشيخ مثل هذول ما ينسوا!!!
- صدقني نسى الكاميرا على الكرسي!!!
لا والله رجع خذها
ظنك وين هو رايح؟
- أكيد يزور له متحف
- سخيف وهوايته اسخف!!!!
- شفه مستني جنب الباب،، وش ينطر؟
- اظنه ينتظر تاكسي
ركب تاكسي

- اقول عدنان فاخر حيل هالفنجان
خذ شايك قبل يبرد
- اقول احمد،، هذاك هناك هو منهو؟
- اي واحد؟
- هذاك اللي معه واجد
- تخطرف انت أو عميان؟
هذاك فلان ... هذاك فلان
هذاك اللي كلامه منتهى الحكمه وجوده مثل غيث السحب
هذاك اللي اللي لاجله ترخص ايامك وتقضي النحب
هذاك اللي يهينك وانت تتلقى إهاناته بصدرٍ رحب
هذاك اللي شعورك نحوه مبين مزيج من الغلا والحب
هذاك اللي إذا لا قدر الله راح يغطي حزنك الدنيا وتهمس راح ابن الكلب!!!
- كذا يا احمد؟
شايفني انا منافق
انا ما اسمح ولا اوافق
تظن اني بقلب اسود
كذا يا احمد؟
- لا تزعل انا آسف
ترا الدعوى سوالف
شف هذا خفيِف دم
يضحك هذا من هذا
خفيف دم
ويعطونه
- يعطونه؟!!!!!
- يعطونه
يرجع باكر لهذا
يقطع ذاك
يشرشح اصله وفصله بخفة دم
- ويعطونه؟!!!
- يعطونه
ويرجع بالاخير ضاحك على هذا وعلى هذا
اقول احمد ظنك هو رصيده كم؟!!!

دقيقة صمت فرضها جيت النادل يشيل الشاي
ويقول ان العصير اللي يبونه لحظتين وجاي
- شف الشاعر
هذيك الحلوه تضحك له!!
- اي واحد؟
- شفه واقف يوقع دفتر لطفله
تخيل... ياخي يقولوا انه يشتري شعره
من الشاعر اللي الشاعر المشهور يكتب له
- ياحظه وسيم مشهور ياليتي اكون مثله
قوم نتصور معه
- نقوم نتصور معه؟!!!
ماباقي سوى هذا نكبر راس هالمغرور
خفيف انت وغبي احمد
ودايم فيك هالعله
- اقول عدنان...
ترا صاير طويل لسان
- احمد ياخي لاتزعل
ترانا اخوان
تعوذ بس من الشيطان
وانا اسف
ترا الدعوى سوالف
فخمه حيل هالكيسان
- اشرب
- لاتزودها ترا يبين عليك تعبان!!!
- شف مو هذي صاحبتك؟!!!
- هلا والله... إلا والله صاحبتي
تدري...تموت هي فيني
- يارجال خليني... خادعتك
تراها والله خادعتك
- اقول احمد...
عشان انسرقت فلوسك من زبيده!!!
صرت تشوف كل وحده هي زبيده!!!
- ياعدنان خادعتك
انا قصدي لمصلحتك
شفها تكلم الرجال
- اي رجال؟!!!!
اخوها ذاك !!!
- ياعدنان خادعتك
- اقولك ماتبي غيري!!!
- ياعدنان طع شوري
مشاعرها وهم كذبه
- احمد...احترم نفسك
- افا عدنان تمد يدك علي
وهذي السبه؟!!!!

صفعه دوت بركنٍ قريبٍ من هل الصفوه
عراك في بهو فندق جمع اجناس مختلفه
مافيهم احد وافق احد ثاني على تعريف للمنطق

خارج صالة الفندق, شرطيين
يقودوا بالحديد اثنين
ملامحهم تودي يم شرق اوسط
وهيئتهم بسيطه او بعد ابسط
كانوا اصحاب في داخل بهو فندق بلد غربي في فصل الصيف
---------------------------
أختيار


------------------
هذا عنواني بس ياويل اللي يرسل لي فيروس :
baiya3@hotmail.com

[سليمان.]

وين قاريها فيه ياربي
خلني افكر قبل لا يغلبني النوم
امممممممممممممممم
مدري


------------------
قد تكون للعالم شخص ما وقد تكون لشخص ما العالم كله

[بياع القلوب]

هلا سليمان
شخبارك ؟؟

[مزيون الإمارات]

هذي مو لك

للامير :
عبدالرحمن بن مساعد

عفواً ولكن يجب وضع اسم صاحب الكلمات

بدون زعل

------------------
mazyoon@swalif.com

[بياع القلوب]

انا قلت انها لي ؟؟
انا كاتب - أختيار - تحت القصيدة
يعني ما نسبت شيء لي

وبعدين مو شرط احط اسم الشاعر دامني كتبت انه اختيار
لأني ماني وكيل دعاية حق أحد

فاهم ؟؟؟

ماله داعي الاستفزازت وخفة الدم اللي مالها داعي




[b]<small><small>[ تم تعديل الموضوع بواسطة &nbsp; بياع القلوب &nbsp; يوم &nbsp; 17-06-2000]

[مزيون الإمارات]

هدي اعصابك حبيبي ,,,,, ترى كله ولا زعلك

فهمتني خطأ
ابـــــــــــــــتـــــــــــــســـــــــــــامــــــــــــه



------------------
mazyoon@swalif.com

[بياع القلوب]

حبيبي مزيون
الله لا يجيب الزعل بيني وبينك :)
بس اني متضايق شوي .. ليس إلا ...

تحياتي ...

[wildorchid]

طيب :( :)؟؟!!!

[بياع القلوب]

اوركيد

هين .... هين .....
لسه دورك ما جا ... :(

[القط الوردي]

الكذوب اللي قال هذه القصيدة
انت ماتعرف كيف كانت ايامه في
القاهرة قبل ماينشهر كان كل
صيف هو وصديقه سفير الحزن وبعض
الحوش مالهم الا بنات الناس وخاصة
هو وخدمه ولو تسأل اللي كانوا
يجلــسون في بهو فندق ماريوت القاهرة
ولا بهــو سميراميس كان يقولون لــك
وش كان يسوي ؟ والحين صـير رجــال
وينتقد لاويصحح المفاهيم .. المتغطرس
بياع كلام ...لا يغرك اللي يقوله ويكتبه.
وماكل مايعرف يقــال؟؟ انما انا اقوله
لاني شفته بعيني مو قالوا؟؟؟؟

------------------
مشـكـلتي انــي ما أفهــم

[بياع القلوب]

عسل ياعسل

القط الوردي
ومين ما جلس في بهو فندق ماسوى اكثر من كذا ؟؟
أنا كنت أولهم للأسف ...
ياحبيبي محد عاقل ... إلا من رحم ربي ، وهذا نادرا ....
شوي شوي .. لاتتحمس ترانا.. كلنا عيال قريّة .... :)

------------------
هذا عنواني بس ياويل اللي يرسل لي فيروس :
baiya3@hotmail.com


[b]<small><small>[ تم تعديل الموضوع بواسطة &nbsp; بياع القلوب &nbsp; يوم &nbsp; 17-06-2000]

[سديم]

بياع
اختيارك جميل جدا ... :)

[القط الوردي]

بياع
انت وش فيك انا ماطلعت
للناس وقلت لهم انا مثالي
انا ابدا ماعملت اللي عمله
انت الظاهر معجب فيه على
كيفك اعجب فيه لكن هذا مايمنع
انه ......؟؟؟ وموقفي هذا ضــده
شخصيا .وضد المثالية الزائفة اللي
يضهـرها . :)

[ليالي]

انا يعجبني هالنسان الشاعر عبد الرحمن بن مساعد ...سمعتوا او قريتوا قصيدة (الذبابه) أو (فقير )أو ايش ولا أيش مررررة يعجبني .. :) :) :)

[ليالي]

انا يعجبني هالأنسان الشاعر عبد الرحمن بن مساعد ...سمعتوا او قريتوا قصيدة (الذبابه) أو (فقير )أو ايش ولا أيش مررررة يعجبني .. :) :) :)

[marwah]

قـصـة حــب



.. في كل قصة حب أحلام ومدينة

.. ليل ونخيل وهبوب

.. لكل قصة حب لو كانت حزينه

.. أجمل ألوان الغروب

.. ناظري ضيّ الحوانيت القديمه

.. ونقش أبواب البيوت

.. كلها شعر ومواعيدٍ قديمه

.. وصوت قلبـي اللي يموت .. وما يموت

.. لكل قصة حب عذال وحسود

.. ليه تخدعنا الأماني والليالي السود .. سود

.. إشعلي جمر العناد قربـي معاد أشوفك

.. لا يفرقنا السواد

.. ارسمي وجهي بكفوفك

.. ولا تجرّحنا عيون الليل وحروف النميمه

ولا يعذبنا السكوت

.. إن عطشنا أو شربنا الدمع ديمه

للهوى بنحيا ونموت

.. لكل قصة حب أشواك و ورود

.. وليه نصرخ من ألمها وكلها تنبت في عود

.. ناظري هذا قمرنا لو تغطيه الغيوم

.. وناظري هذا شجرنا ومهما تحرقه السموم

.. ولو تجرّحنا عيون الليل وحروف النميمه

.. ولو يعذّبنا السكوت

.. إن عطشنا أو شربنا الدمع ديمه

!! للهوى بنحيا ونموت
...........................
بدر بن عبدالمحسن

[بياع القلوب]

سديم :)


القط الوردي
ياخي لا تزعل .... صدقني عملية الاسقاط اللي نمارسها على بعض المشاهير تكون لها نتيجة عكسية للقاريء .. وياما فيه كتّاب اخلاقهم في الارض ويعتزون بذلك لكن كتاباتهم قمة .. احنا لا نتدخل في شئون خاصة للناس ....


هلا ليالي
نعم قرأتها أنا .. :)
فقير تجنن ..


مروة
شكرا على هذا الاختيار الجميل .. :)



------------------
هذا عنواني بس ياويل اللي يرسل لي فيروس :
baiya3@hotmail.com

[unique]

هلا فيكم
وش قصتكم تهاوشتوا
ورى القط الوردي صاير اليوم اسود
وبياع القلوب صاير بياع كلام
وعسسسسسسل صاير حنظل
اووووووووف منكم
قصيده وقضينا
سويتوها سالفه

------------------
من عذابي قلت لعيونك هلا

[بياع القلوب]

بياع كلام ؟؟؟؟؟؟؟

[القط الوردي]

يــونــيــك
كيف حــالك
والله الديرة كلها اليوم صايرة
مدري وش فيها , انتي بالله اليوم
الرياض كانت عاجبتك.

:( لا مــن ســكت تــســكت مــعه كــل الـريـاض :(
-
-
-
-
-
-
-
يـونيـك
قبل ماانسى انا ابيكي بموضوع
لاني عرفت ان تخصصك تربية خاصة
وعندي ابن اخ حايس لابوه البيت
عقليته اكثر ذكاء من كل الاهـل
مجــتمعين وحيرنا وابي اتفاهم معك بوضــعه.
وهو عايش بجــدة .

[unique]

بياع :(
امزح اش دعوه قاعد لي على الكلمه
وبعدين بياع كلام اهون من بياع قلوب :(
يا شينك ما ينمزح معك :(

هلا
القط الوردي
انته امر :)
اي سؤال مستعده
اي معلومه مستعده :)

------------------
من عذابي قلت لعيونك هلا

[بياع القلوب]

طيب ...

بياع

http://www.zyworld.com/flying2/Flying7.jpg

[marwah]

:o

[بياع القلوب]

هلا مروة
الناس عادة توري الآخرين العين الحمرا
بس انتي وريتينا الوجه الاحمر ؟
يعني رحنا وطي :(

بياع

http://www.zyworld.com/flying2/Flying7.jpg

[بياع القلوب]

هههههههههههه

الله يرحم ايام اول بس .... :)
كانت حلوه وش زينها :):(

معليش طلعناها بغبارها للذكرى ... ..
تحياتي

[بنت الليل]

القصيده يمكن انه مو بياع الي كاتبها بس الاكيد انها مو لعبد الرحمن بن مساعد بعدين بياع اذا بغى يقدر يكتب احسن من كذا وكفاية انو اختاره كثير على الشاعر ان بياع يقراه مو يختارها ويحطها في سوالف بعد

[بياع القلوب]

هلا بنت الليل
الاكيد الي كاتبها عبد الرحمن بن مساعد :)
تحياتي

[أسير الليل]

الغالي بياع..صباح الورد والنرجس..

اخبارك استاذي..

والله بياع تعبت من القراءة..مادري اعتقد القائها ياخذ وقت اكثر

بس روعه..بياع..محاوره بكلمات بسيطه..

تحياتي اخوي

[بياع القلوب]

هلا اخي اسير الليل
شكرا لردك على الاختيار
كنت ابحث في الاشيف فوجدت ما هو اروع من القصيده المختاره
واحببت ان اذكر تلك الأيام ...
لك كل التقدير :)

[توتة]

بس ودي اعرف ....

مين هذا ===> http://www.zyworld.com/flying2/Flying7.jpg

[بياع القلوب]

هلا توته
هذا سلمك الله ...
















أنا :)








بس لابس بدله طيران :)