قهــــــــــــوة الصبــــــــــاح - يا عزيزي كلنا لصوص-

[wildorchid]

صبـــــــاح الخير,,
صباح اليوم الجديد..والأمل المتجدد..
صباح القلوب النابضة بالحياة..التي تفيض عطاءا وحبا
صباح القلوب المتعبه..المرهقه..والمتفائله..

صباح الورد..
صباح الحب الذي يكتنفنا..ويملأ حياتنا..

أحب الصباح..كما أحب المساء..
لكل منهما طعم خاص ومذاق مميز,,
اللهم اعطني خير مافيهما..وارحمني برحمتك يا أرحم الراحمين..

وهاهي قهوتي تبتسم لكل محبيها وأحبابها..
انها لم تعد تشعر بالغربه..
سألتني على حين غفلة..
أمركم غريب جدا..
من ؟نحن؟
نعم انتم يا بني البشر..
تطالبون بعدم الكذب..ولكنكم تبررونه لأنفسكم وتبيحونه
لها..وتختلقون الأعذار من أجل تكذبوا..
تحاربون النفاق والرياء..ولكنكم لا تمانعون من ان تداهنوا
بين حين وآخر..ولديكم دائما مايبرره,,
تنادون بالوفاء بالوعد..ولكنكم لا تترددون في أن تنقضوه
بين فينة وأخرى..ودائما تجدون العذر لأنفسكم..
وغيرها كثير..
صدقيني أوركيد....
أرجوكم..لا تطالبون بالمثاليه وانتم بعيدين عنها..
لانكم دائما ماتقوموا بكسر مبادئها من أجل مصالحكم..


ويـــــا صباح المعشوقه :)

[صميدع]

صبــــــــــاح كل حرف تمكن من كلمة (الصبــــــاح)

صباح اول حروفها امل

صباح ثاني حروفها لقاء

صباح ثالث حروفها صدق

صباح رابعها بصيره

صباح خامسها احساس

صباح تاليها حب

يسعد صباح الحكي الصادق , ويسعد صباح اللحظه اللي أصدقها...

يطرب صباح المعنى الوافي , وينطرب صباح قارئه والوفاء ينهمر حوله ...

[وردالشمال]

صباح الخير اوركيدا :)
.
لحظات وراجع لك

[BRABUS]

صباح الخير أوركيد

بغيت أسألج سؤال :

إنت توافقيني الرأي يوم أقولج إن الانسان مرات يكون بحاجة للكذب ؟


ويا صباح الأوركيــــد :)

------------------
ما أقولك لا تسوي عمرك اتعرف كل شي

[wildorchid]

صمــــــــــيدع,,
مســــــــــاء الخير,,مساء العفو والعافيه,,
مساء الحب..والحنان..
يسعد لي صباحك..زي مايسعد لي مساك..وكل أيامك..
الله يحييك..دايم الدوم..معنا هنا في قهوة المعلمه أوركيد :)

والله ان القهوة تنّور يوم انك معنا :) :) :)


ورد الشمـــــــــال :)

نستناك :) :)

[wildorchid]

بـــــرابوس,,
مساء الخير,,
طبعا أنا معاك..
فيه أحيان لازم تكذب..مو عشان الكذب نفسه ولا لأنك كذاب ولكن
يمكن تكون قاصد فيه انك تحمي غيرك..وماتحب تضيق صدورهم..
يمكن تكذب عشان ماتجرح اللي معاك..
يمكن تكذب لانك تبغى تصلح بين ناس متخاصمين..
يمكن تكذب عشان ...اشياء كثيره..بس الغرض منها أكيد موب الكذب
لأجل الكذب نفسه,,


[b]<small><small>[ تم تعديل الموضوع بواسطة &nbsp; wildorchid &nbsp; يوم &nbsp; 16-06-2000]

[ليالي]

ما دام نية صادقه وحسنه من ورا كذبي ليه ما اكذب؟؟ بس المشكلة في ناس يجدون الكذب اسهل واقصر الطرق لحل مشاكلهم مع انهم لو صبروا شوي وفكروا يجدون انه هناك طرق افضل واكثر واقعيه من الكذب اللي تحاول تخليه واقعي مناسب لظروفه..
ليـــــــــ تصبح على الجميع ((صباح الخيرات))ــــــالي

[wildorchid]

أهلين ليالي,,
بالفعل..المفروض ان احنا نحاول قدر الامكان مانكذب..عشان
المباديء اللي احنا نطالب فيه..وندعيها..
عمر الكذب ما كان اقصر الطرق للحصول على اي شيء ابدا..
ويسعد لي مساك :)

-----

للجميع
الفكره كانت مو في الكذب نفسه والموضوع ماهو عشان نحدد
متى وليش نكذب..
الغرض منه هو ان احنا نطالب بمثاليات نحمل نقيضها بس
دايما نلقى العذر لأنفسنا..وما نعذر الباقين؟؟
باعتبار ان اهدافنا نبيله وساميه..او عندنا من الصفات والاخلاق
مايجيز لنا ان نتمادى ونكسر القاعدات اللي يمكن احنا حاطينها
لانفسنا..
ليش ما نثبت عند مبدأ واحد..ونحاول قد مانقدر ان نكون قد اللي
نطالب فيه...
احنا مو أفضل من الناس...
احنا منهم وفيهم.......

[الحفار]

والله مو عارف وش اقول
:(
:(
:(

------------------
خذني بقايا حلم خذني بقايا طــيف
خذني قلم او خاتما في يمــيــنك
ودي اكون احساس ما يدخله زيف
ودي اكون الصوره اللي بعــينك

[شجون المحبه]

مساء الخير .... :)

لكن انا ماا حب اكذب ...وازعل اذا اضطريت اني اكذب... :(

لانه الكذب واحد ..سواء عشان ما ازعل حد او لا ..كله يعتبر نفاق..

واذا انحطيت في موقف احاول اني ما اكذب اسكت ....احسن لي ...

لانه كله يندرج تحت شعار النفاق والكذب...

بس ما اقول لج اني ولا مره كذبت ..احيانا غصب عني مو بكيفي ,,,

لكن ماا حبه ....شوه ماكان يكفي انه اسمه كذب...

وما احب حد يكذب علي شوه ما كانت الصراحه والصدق مؤلمين ارضى فيهم
ولا احب اعيش في كذب وهم وخيال ...
الواقع مهما كان مر لكن احسن من الوهم



------------------
شجـــــــــون

[wildorchid]

أهلين الحفار :(
ليه بس؟؟!! :(
اعرف ان الكذب والنفاق والغش..كلها تؤلم..كلها تصيبك بالذهول
وتخليك ما تقدر تحكي...
صعب نحس ان احنا ماحنا بهالمثاليه :(


شجـــــون
مساء الخير,,
صدقيني الكذب مؤلم جدا..ومهما كانت مبرراته الا انه يبقى كذب.
حتى الواحد لما يكذب وهو ماهو متعود..ينكشف لانه مو طبعه ولا
اسلوبه..
وصدقيني ماراح يكون مرتاح ابدا..يحس ان فيه شيء مضايقه..
لكن احيانا يكون الكذب..ضرورة..مو عشانك..عشان ناس تحبينهم..
احيانا مو بس الكذب..ولكن عدم اخبار الحقيقه كامله....