PDA

View Full Version : لاولى اختلاف الاذواق ...ولكن هل هذا ذوق؟!

حروف سوالف
10-01-2003, 02:39 PM
السلام عليكم ورحمه الله وبركاته

صباح كله خير لوجيه الخير ...

اتمنا اكون اخترت عنوان موفق.
القصه وما فيها,وانا اتمشى شفت واحد من الشباب واقف وشكله والي مسويه في نفسه تقول علبه الوان .
لباس غريب (على الاقل بالنسبه لي).
وضع اغرب .

هذا واحد يعني عينه ..اجل البقيه اشلون ؟؟؟!!!.

والله اني ضحكت على اللباس الي عليه ,مو بس اللباس حتى شعره وحركاته ..طيب ما عليه نقول حب تقليد غربيين ..

كلام للاخ الي واقف هناك ...

يا اخي اذا تحب تقلدهم ..
قال الرسول صلى الله عليه وسلم (من احب قوم حشر معهم )او في ما معناه ..

كما نهانا عليه الصلاه والسلام عن التشبه بالكفار ...

ونقول بيرد عليك ويقول ما تشبهت فيهم ولا اخذت منهم ...

طيب اخوي او اختي ..والي يرحم والديك فيه حكمه تقول

كل ما يعجبك والبس ما يعجب الناس ...
اجل هذا لبس انت وجهك ...

هذا قله ذوق وقله احترام وتهذيب للذوق العام ...

والسلام عليكم ..ياليت توصل الرساله :)

اخوكم حروف الحب
كـيـمـو
10-01-2003, 02:56 PM
عندك خطا احنا تعودنا اخوكم حروف سوالف :D

صح لسانك في هذا الموضوع
والله انك صادق فيه شباب الله يهديهم بس ميتين في شي اسمه تقليد والمشكله صار هو الي يمشي (التقليد) وغيره يعتبر قدييييييم
هذا وجه نظر بعض الشباب
حروف سوالف
10-01-2003, 05:26 PM
هلا بك اخويTIWNCAM
خوفتني والله ادور الخطاء وينه
انت ما سمعتني وانا اقول
الحب يعني سوالف وسوالف يعني الخير
اذا ان حروف الحب وسوالف والخير
:)
شاكر لك تعليقك ..وتواجدك ...ومعك كل الحق لكن انا مقتنع بالي اسويه حتى لو كان قديم في نظرهم ..:)
ابو الفياصل
10-01-2003, 05:44 PM
اختيار جميل, وكلام اجمل,

اسال الله ان يهدي الجميع,,

لك تحياتي,,
الرميصاء
10-01-2003, 11:22 PM
راح أرد على الموضوع بس مو اليوم عشان خلاص جاني النوم وكمان يحتاج فلسفه وانا تعبانه موضوع هااااااااااااااااااااااااااام 000000 انتظروني بكره :D
F_Ashoor
12-01-2003, 05:11 AM
الله يهديه ويهدينا معاه ويهدي الجميع
حروف سوالف
16-01-2003, 09:58 PM
ابو الفياصل واف عاشور ..شكرا لكم والله يهدي الجميع

اختي الرميصاء ..وينك ووين ردك ؟؟؟؟؟؟؟؟؟؟؟؟؟؟؟؟

اخوك حروف سوالف
NoorUAE
17-01-2003, 10:00 AM
وعليكم السلام ورحمة الله وبركاته ......

موضوع مهم أخوي حروف الحب وجزاك الله خير على طرحه .......

بس هالمشكلة مب قاصرة على الشباب بس ... حتى البنات.... الوحده تلاقيها كل ما نزلت موضة يديدة في دور الأزياء الغربية ... http://smilies.sofrayt.com/1/f/scatter.gif تسابق الكل عشان تسوي مثلها ..... وفي أغلب الأحيان تكون غير مناسبة لها ...... وطبعا غير مناسبة لمجتمعنا وعاداتنا وتقاليدنا ....

والسبب الأساسي في هالمشكلة هم الأهل .... المفروض إنهم يراقبون عيالهم ويشرحون لهم الفرق بين الصح والغلط ، وما يتركون لهم الحرية الكاملة في اختيار الملابس والتسريحات وما شابه ...

والشي الثاني التلفاز والقنوات الفضائية ... وهاي لها أكبر الأثر في عقول الشباب والبنات وحتى الكبار بعد ..... فالمفروض على الأهل إنهم يراقبون القنوات اللي عيالهم يطالعونها ... ويحطون لهم ضوابط على مشاهدتهم لها القنوات .....

وفي مؤثرات ثانية تأثر على عقلية الشباب والبنات .... ولو بنعد ما بنخلص ... عشان جذيه أكتفي بهالقدر الحين ....


تحياتي لك

نورالإمارات:glasses:
حروف سوالف
17-01-2003, 02:50 PM
تشكرين على المتابعه اختي وهذه الاضافه

والمفروض ناس وصلت عقولهم للنضج

وين عقولهم عن هالاشياء ؟؟؟؟؟؟

تحياتي لك ..وشكرا لحضورك