بداية النهايه...او...نهاية البدايه

[بنت العين]

بين اكوام اوراقي..و بين حنايا كتاباتي..وقفت استرجع ذكرياتي..
وقفت اتأمل ما انا عليه اليوم..و بين بداياتي..
لا اعلم ما هو الفرق...و لكني لا احس برغبه في الرد على المواضيع ..
ليس انتقاصا من مواضيعكم لا حشى...و لكن احس بالغربه...
احس انه سوالف تغيرت عما كانت عليه...لا اعلم ان كان هذا احساس الكل
...ام اني الوحيده التي تغرد خارج السرب :(:(
اقرأ تقريبا كل المواضيع..و لكني لا استطيع كتابة رد...ليس عجزا مني...
و لكن لا اشغر بالرغبه فالرد...حتى دفتر الحضور...لم اعد قادره على التسجيل فيه !!
هل يا ترى هذي بداية النهايه...او نهاية البدايه..ام انها فتره و تمر باكثركم و راح تمضي !؟؟

[الوديع]

السلام عليكم ورحمة الله وبركاته .
الحمد لله اني حصلت حد يحس بنفس شعوري بس اعتقد انها تكون استراحة مقاتل مثل ما يقولون ولا تملين يمكن ما تصدقيني لو قلت اني وقفت عن الكتابه اكثر من 6 شهور بس عاديت في النهايه , والصبر جميل. :rolleyes:

[بنت دار زايد]

هلا بنت العين الغاليه ,,,, سوري على المداخله الملقوفه لكن اعتقد يا بنت العين اهتمامج بالمنتدى صار اقل شوي عن قبل ما ادري حسيت من فتره انج ما تحبين تكتبين مثل قبل ؟؟


هل هذا بسبب المشتركين او بسبب خاص فيج ما ادري بس اعقتد اعرف ليش ؟؟؟

اذا صرحتيلي اخبرهم بخبرهم سوري :p



لا تعصبين علي ولا تقوليلي ليش كتبت جذيه!!!!!! :mad: ;) :)

[المبتسم]

افااااااااا افااااا يا كتله ذوق...
شكلك عندك حاله نفسيه صعبه...
وما الومك..
بالفعل المنتدي تغير...
وكذاب اللي يقول انه ما تغير...(لان فيه فرق بين النسخه القديمه والجديده:D :D )..
بنت العين انا اذكرك من يوم ما كنتي عضوه مبتدئه في سوالف
وبعدها توقفت انا عن الكتابه وعدت بعد مده..
ماشالله لقيت عدد مواضيعك اصبح 500:D
وهذا دليل انك عضوه نشيطه وفعاله ماشللله عليكي..
صحيح انا معك ان فيه مشاكل كثيره في قسم الاصدقاء وان القسم
ما عاد مثل اول لكن هذا حال الدنيا...ناس تروح وناس تأتي..
وهكذا..

و.....الا اقول معاكي سلف ريالين؟...:D ..ولا بلاش شكلك مطفره الشهر دا..
لاني نويت افتتح سلسله مطاعم لوبيزكو في الامارات والبحرين والكويت
ومصر <<<<ما راح افتح في السعودي..نذاله:D
عموما هذا هو الرقم المجاني 80001251200125 بس اذا كان مشغول
اصبري شويه لان فيه ضغط علي المطاعم دحين...(ضغط ولساعه ما فتح
:D )..
الله يخلي اللبابيز اصدقائي ما يقصروا والله قايمين بالشغل علي اتم وجه
تقولي حمير شغل:D :D

بس اسمعي...بنت العين
... بقولك شي خطير (انا عندي الحاسه السابعه:D)<<<لا يا شيخ:p
هذي الحاسه الله يخليكي لكل عين ترجيكي خاصه بالطفارى...حلو..
هذه الحاسه تخليني اتجنب الحالات المستعصيه وخصوصا الاكتئاب الرباعي
المزمن :confused:

شوفي انا راح اساعدك واقولك كيف تتجاوزي هذي المرحله ..
خليكي معايا خطوه خطوه اوكييييييييييه؟...بس بدون زعل وصياح اوكييييه؟..

اولا..اشخصي زين والبسي فستان سهره موفي وبعدين اوقفي قدام اي قصر فخم اوكي...
وتستنى صاحب القصر(اللي هو انا:D ) لين يطلع وتنسدحي قدام
السياره وتصيحي وتقول ليه تصدمني ياطويل العمر ليه وانا وش سويت
لك ياخي عشان تكهرني اهي اهي..الحين وش اسوي بالفستان
الموفي؟... هذا خلاص تقطع وانا شاريه بدين من واحده قيمته 15
دينار .. وامسكي راسك واقعدي سوي نفسك تصيحي:D:D:D:D
هو بينزل(اللي هو انا طبعا:p) ويقولك كم قيمة البشت ....قصدي
الفستان:D قولي : مدري 15 مدري 150 دينار
اقوم انا اطلع المحفظه واكتبلك شيك ب 30 مليون دولار..
وكذا انحلت مشكلتك سلام سلام...ولا من شاف ولا من دري:D

مأساه يحيي و بنت العين ...ينفع فلم هندي:D واتوقع لو يعرضونها في
سبيس تون راح تنجح في كوكب الاكشن

ههههههههههههههههههههه...

يالله فكي التكشيره:(...


تحياتي:)...

[سردال]

من الطبيعي أن يمر أي شخص بهذا الإحساس، خصوصاً مع قدامى الأعضاء، لأنهم يحسون بالتغيرات تحدث، والتغيير أمر طبيعي أيضاً، وسنة من سنن الحياة، فلا بد من أن نوطن أنفسنا على التغيير :)

مجرد اقتراح: ابتعدي قليلاً عن الحاسوب، وقومي بعمل مختلف ومن الأفضل أن يكون فكرة أو مشروع صغير يعجبك، ثم ارجعي إلينا وأنت نشيطة :)

[فارس الفارس]

هلا وغلا باغلى من غلا



تحياتي لك

هذا طبعا شعور الكل

سوالف سرقتنا في البدايه لكن الان ربما قل عطاءنا

اوان عطاءها قل

ولكن ستعود كما كانت في البدايه

تحياتي لك

[بنت العين]

و عليكم السلام و الرحمه

هلااا الوديع...اشكرك على المداخله...بس تصدق..انا

وقفت شهر..وقلت يمكن احس بالفرق...لكن الحال شرات

ما هو...ما ادري انا اللي متغيره..او المنتدى !

و يعطيك العافيه :)

[الروايه الزرقاء]

أهلين ببنت العين .

سوالف خاصة وجميع المنتديات عامه . أصبحت مكرره ولا جديد فيها :confused: !

وسوالف الان ليست كما كانت .

ولكن يتضح من كلامك اختي إنه أنت التي مللت من سوالف :)

والسبب في تصوري أحد أمرين :

( اسمحي لأختك في كلامها هذا )

الامر الاول : لديك إما خبر جميل ومفرح . وهو يغير حياتك وبالتالي محاولة منك للأسقاط وللتبرير للنفس الهروب !!!

الامر الثاني : لديك مشكله وهذه حلها سهل جدا وهي الابتعاد

المؤقت .

علما بأنك اختي من أحب الاعضاء الي قلبي . متمنيه لك الاستمرار

في الكتابه فسوالف بدونك لا شئ .

أختك الروايه الزرقاء .

وآسفة علي الكلام .

[بنت العين]

بنت دار زايد

انتي ليش رزه..:D << امزح :)

هيه و الله انتي ادرى الناس..:)

بس لا تقولين...او قولي على راحتج..ودي

اعرف شو اللي فبالج..:)

تحياتي لجـ :)

[الحل الصعب]

اهلا بنت العين

اعتبريها ازمه وبتعدي على خير وباجر الاعضاء يرجعوا في العطله

وبعدين شلون تملوا وانا موجود مايصير جذي:D

[بنت العين]

فالــ لوبيز ــوده

اضحك الله سنك شرات ما اضحكتني << على قولة مدردش :)

فكيت التكشيره >>> :):)

تدري راح اسلفك..بس على شرط..كل يوم آكل بلاش

ابغي امتن شوي وراي عرس :D ويكون التوصيل مجاني..

و بالنسبه للفستان الموف...جعله فدوه عني ان شالله :D

و اخذ فستان بداله لونه ازرق و نسوي الفيلم

بس اخافه يفشل...و لا حتى سبيس تون ترضابه..:(

<< و لا يهمك المهم التمثيل علي..و التمويل عليك..:p

تحياتي لكـ :)

[البحاري]

يا هلا بشاعرتنا ..

اتفق معك تمااااما ..

اتواجد دائما هنا و لا أستطيع الرد .. حتى في دفتر المديرة ..:(

كنت أرد في كل المواضيع .. وأحسب الدقائق حتى أعود للمنتدى ..
قاومت كثيرا وحاولت لكن في الأخير شعرت بالتعب :(:(

لا أحد يعلم حبي الشديد لمنتدى سوالف .. فأنا منه وفيه ..
هو أول حب لي في المنتديات .. وأجمل اخوة وجدتهم هنا .. وأجمل قلب وجدته هنا .. وكل تميز لي كان هنا ..

من أكثر من شهر أدخل للمنتدى فأشعر برغبة في البكاء .. لقد تغير المنتدى في كل شئ :(:(

سأظل وفيا لهذا المنتدى ولو بتواجدي فقط .. وإن كنت أشعر بالألم لعدم مشاركتي .. " وتلك الأيام ندوالها بين الناس "

وإذا عرف السبب .. بطل العجب .. أعرف أغلب الأسباب التي جعلتني أشعر بالنفور :(

[شبوحة]

نعم التغير سنة من سنن الوجود....فنحن جميعا فى تغير مستمر

فكل شىء يتغير لمواكبة مسيرة المجتمع فما بالك بنا نحن البشر

كلنا نشعر بالحالة التى تشعرين بها لانستطيع الكتابة او الرد

لكن ثقى انها سحابة صيف وراح تعدى لكن لابد وان تجلب معها فى الاخير الغيث

ان شاء الله راح ترجع سوالف مثل الاول لكن لابد من تكاتف الجميع للنهوض بسوالف مرة اخرى ...لابد من المعونة من الافراد بكل ماهو مفيد

ولو ان احيانا بعض الاعضاء ربى يهديهم ما يرتاحون الا لما يقلبون عاليها سافلها ...ويطفشوا الاعضاء والمتميزين:(

سنظل جميعا اوفياء للبيت الكبير الذى ضمنا فى البداية

مع تمنياتى لك بالسعادة

[بنت العين]

مسا الخير سردال

فعلا التغيير سنة الحياه..و دوام الحال من المحال

بس تدري وين المشكله..اني فعلا ابتعدت لفتره

و الحين راجعه..و الحال شرات ما هو..

يعطيك العافيه :)

[سويره الطقاقه]

بصراحه حتى انا وما ادري شنو اللى انصحج فيه
والحال من بعضه.

[بنت العين]

فارس الفارس

هلاا فيك...و الله يسمع منك

و ترجع سوالف شرات ما كانت..سوالف

اللي خذت كل وقتي..سوالف اللي تعودت عليها

و تعودت على اعضائها الطيبين..:)

تحياتي لكـ :)

[الحل الصعب]

طبعا انسي ردي الاول : واخذي هذا الرد :)

كلنا نقول ان المنتدى تغير وانا بعد تقول انه تغير عن اول قبل لااسجل كنت اشوف اعضاء بارزين مميزين في المنتدى طبعا بذكر اللي غابوا
سعوديه - بنت الدني - توته - فرفوشه - حسنكو - ................. وغيرهم

طبعا غيابهم اثر بدرجه كبير جدا في المنتدى وخلانا نحس بالملل انا بعد احس بالممل مو مثل قبل ...... المنتدى تغير والاعضاء غابوا يعني شنو باقي الاعضاء مالهم دور ... بصراحه كنت دائما انتقد البحاري بكلامه لما اشوفه يقول المنتدى تغير والمنتدى والمنتدى واقوله له بيني وبين نفسي وبقوله لج الحين وهذي المره قدام الكل وليس بيني وبين نفسي
اذا غابوا الاعضاء هل مواضيعكم وردودكم وحركتكم لاتثبت الا بوجودهم هل انتم اعضاء عاديين لامعنى لاقلامكم وكتاباتكم الا بوجودهم لما تقول ماهو مثل اول هذا يدل انك انت نفسك ماتقدر تعطي وماتعرف شنو تعطي تبي اعضاء سابقين معاك عشان يجاملوك ليش ماتثبت نفسك من غيرهم اللي عنده اسلوب مايهمه اذا غابوا الاعضاء والا حضروا والا والا العضو المتميز يكتب ويبدع بكل كلمه يقولها بوجود كائن من يكون وليس لووجد فلان وعلان وعشان خاطر فلان وعلان انتي او اي عضو لما يكتب يكتب لنفسه ويكتب شئ يحسه يكتب شئ داخله يكتب رساله لان هذي تعتبر رساله توصلها لغيرك ومايهمك الردود وعددها انا مو بس انتقدكم انتم انتقد اعضاء كثر بس انهم بينوا ضعفهم بينوا انهم لاشئ بغياب الاعضاء ليش تثبت ضعفك ليش ماتعرف تتكلم الا بوجود اعضاء قدامه قبل لاتسجل انت بنفسك سجلت عشان خاطر فلان وعلان انت سجلت ماكنت تعرف اي عضو سجلتوا وانتوا اعضاء مبتدئين اعضاء جدد محد يعركم واعتقد وجود اعضاء جدد او قدامىشئ مفروض ماياثر لانك ماسجلت عشانهم يمكن تاثرت باللي يكتبونه لكن هذا مايمنع انك تكتب لنفسك تكتب لغيرك تكتب لوطنك تكتب لدينك مايصير تثبتوا ضعفكم .......

طبعا بنتقدكم وبظل انتقدكم يالاعضاء القدامى دام انكم تنتظرون فلان وعلان يرجع والا ماتعرفوا تكتبوا
هل يرضيكم عضو مبتدئ مثلي يقول الكلام هذا فيكم هل يرضيكم ان يخيب ظن كل الاعضاء فيكم

انا ماقول الكلام هذا عشان انتقدكم لالا عشان ابين ان اقلامكم مفروض تتحرك وتكتب مواضيع وترد بوجود الاعضاء القدامى او بغيابهم


اتمنى ان كلامي مايضايق او يزعج اي عضو من الاعضاء نهائي

طبعا كلامي ماقصد فيه عضو او عضوين او ثلاث انا اقصد كل الاعضاء وحتى انا اقصد نفسي بعد لاني اشوف الممل في المنتدى بغياب الاعضاء القدامى يعني حالي من حالكم والكلام هذا موجه لي بعد

انشالله محد يزعل من كلامي انا اقول الكلام هذا عشانكم انتوا وعشان يرجع المنتدى مثل اول وكل كلمه موجوده هم اقصد نفسي فيها


بس انتوا يالاعضاء المتميزين وافضل الاعضاء فيكم الخير والبركه

وصدقوني اعتبركم من اروع الاعضاء اروع الاعضاء ومافي مثلكم

لانك غير عن الاعضاء اللي غابوا .. لانهم اتركوا الساحه تركوا المواضيع وفضلوا الهروب

اما انتوا فابقيتوا وفضلتوا البقاء والكتابه وهذا شئ تشكروا عليه
لانكم نعم الاعضاء مكانكم فوق الراس انتم الاصل والاعضاء اللي هربوا هم الفرع صاروا في خبر كان حتى لو رجعوا لن يجدوا مكانهم لانهم خلاص انتهوا

انشالله محد زعل من نقدي لان هذا نقد بناء ..... واذا كلامي يزعل احذفه ولاحد يرد عليه بعد حطوه بالسله المهملات

مع تحياتي :)

[بنت العين]

هلااا وغلااا الروايه الزرقاء

لا هب ملل..كيف امل و المنتدى فيه اعضاء

متميزين شرواج..:):)..تسعدني دايم مشاركتج..

و اشوف انج محقه بتحليلج...و احد الاحتمالين صح..

و كلج ذوق...و ان شالله راح استمر...

بس كل بدايه لزوم لها نهايه..حتى المسار و ان طالت خطاويه

<< تذكرين البيت :rolleyes: :)

تحياتي لجـ :)

[بحر الحنان]

هلا بنت العين...

اشعر بالغصة والله ...

منتدى سوالف اول منتدى سجلت فيه وجدت قلوب جميلة ..وعشت معاهم اجمل الاوقات واسعدها تعلمت منهم اشياء كثيرة ...
علموني كيف اعبر عن نفسي ...عبر كلمات ماكنت اصدق انها تستحق القراءة الا بكلماتهم وتشجيعهم ...فسوالف لها الفضل علي وفضل كبير جدا ..ادخل كل يوم ومازالت الصفحة الافتراضيه في جهازي هي سوالف
واقرا بس مااقدر ارد بكلمة يمكن اشارك مرة او مرتين ..في الاسبوع ..ليه ؟احس اني غريبة الابواب مسكرة ...:(بس ماراح انسى سوالف :(


وتسلمين ياغالية وانت من القلوب الي عرفتها في سوالف وحبيتها :)
تحياتي :( :( :( :( :( :( :( :(

[بنت العين]

هلااا و غلااا اختي الاوهام

اشكرج على تفاعلج مع الموضوع...

بالعكس اختي الوهام..انا ما اكتب طلب للمجامله..و انا كد

اوضحت هالنقطه..فموضوع من مواضيعي..فانا لا اطلب الردود

ما لم تكن نتيجه شعور و تفاعل صادق....صدقيني للحين مواضيعي

تلقى الردود..و النجاح...و ما اانكر اني احيانا ودي اشوف تعليق فلان

او فلانه..بس اذا ما ردوا عااادي..و انا هب عشان غياب عضو او اثنين

راح اتغير بالعكس..و لكن استغرب تغير حماسي ( ان صح التعبير)

:(..و لكن فتره و بتعدي ان شالله..و اشكرج على كلامج..اللي يدل

على اهتمامج بسوالف..و بالاعضاء..:):)

تحياتي لجـ :)

[SAUD33]

هلا بالبنت الغالية بنت العين ونعم مثل ما تفضلتي ان سوالف الأمس غير سوالف اليوم ‍‍‍!!! وهذه الدنيا ، والحال ما يدوم على ما هو عليه :( وسبحان مغير الأحوال من حال الى حال :) ايه يالدنيا ...

رحم الله سوالف الأمس

[بنت العين]

مسا الخير

هلاا بالملك..هلا بالبحاري....لاحظت ابتعادك

و تغيرك...و عزيته لانشغالك...و لكن ..:(

ان شالله تزول الاسباب..و ترجع البحاري

شرات قبل..اللي يرد على كل المواضيع...و يثريها

اتمنى..تحياتي لكـ :)

[الحل الصعب]

ياهلا بنت العين

شوفي من ناحية الرغبه والحماسه صدقيني انا بعد تغيرت رغبتي وحماستي

صرت لدرجه ان اذا شاركت واذا ماشاركت عادي .. ولو شفتي رغبتي اول بالتسجيل

جان قلتي خلاص مسكت وفعلا سوالف تغيرت والحماسه تغييرت وانا تسجيلي كان كله رغبه مشاركتي لاني تاثرت

باقلامكم كلكم ... ولما سجلت شفت المنتدى ميت وماعندي الحماس وانتقلت لقسم الطرائف . زهم مافي اي حماس

ولما اول مارجعتي ورجعوا بعض الاصدقاء وكتبوا مواضيع رجعت للقسم ....واذا شفتي طريقه ترجع الحماس ياليت

تقولينها لي عشان ارجع حماسي مثل اول :)
.................
بالنسبه لمواضيعج لم اقصد انها بلا ردود او قراء لالا مواضيع رائعه وكل من يشوف اسم بنت العين يسعدى بان يكون اول

من يرد على مواضيعج لان مواضيعج هي الاساس ...
............

لكن اللي قصدت اذا انتي قلتي سوالف تغيرت ... وبحاري من زمان يقول تغيرت .. وكل الاعضاء المتميزين يقولوا تغيرت ..

بالطريقه هذي نقضي على سوالف

انطري العطله بتلقي 80 % من الاعضاء اللي غابوا بيرجعوا لان اغلبهم اتركوا المنتدى بسبب الدراسه ولانهم في الثانويه العامه

بالنسبه للحماس ليش ماتحاولي تغيرين شوي مثلا كان تحسي نفسج اول مره تدخلي سوالف واول رد بيكون لج هو اقتباس او رد على مواضيع

حاولي تبدئي من الصفر مؤقت واذا مانفع سلي نفسج فقط في القراءة واعتبري نفسج لاتملكي اسم وخلي ساعه في الليل للقراءه واقعدي بعدها

تكلمي وحسي ان ودج تشاركي وان ودج تسجلي بالمنتدى وفكري اذا سجلتي شنو المواضيع اللي بتكتبيها خربي الكمبيوتر يومين سوي شئ

يدفع ويحمسج للمشاركه :)

[بنت دار زايد]

هلا بنت العين ,,,

مالي خص انت صرحتيلي اقول شو مضايقنج :( ياشباب وصبايا ترى بنت العين ,,,,,


لا لا ما بقول انا بسوي موضوع خاص عشان الخبر .....





تحياتي لج ;)

[بنت العين]

مسا الخير شبوحه

دوام الحال من المحال...صح..كل شي يتغير فهالحياه

بس ليته يتغير للاحسن ..:(..و الله يسمع منج..و تمر سحابة

الصيف...و ترجع سوالف شرات قبل.....

و اشكرج لمشاعرج الطيبه...:)

تحياتي لجـ :)

[فارس الفارس]

مبروك وعلشان كذا صار سوالف كذا علشان الموضوع اللى فرحنا له كلنا

وهي وسيلة هروب لانسمح لكي بها

[البحاري]

اعترف لك أن كلامك صحيح كثيرا ..

لكن .. حبي لهذا المنتدى لا يوصف .. فلم أجد اعضاء مثل هنا
وعندما اقول هناك تغيير .. فأنا من الاعضاء الموجدين هنا منذ أكثر من 9 أشهر .. ومرت فترات كثيرة في سوالف توقعت انها نهايتي لكن كانت الحياة تعود فالسبب مشاكل مفتعلة من الاعضاء ..
لكن عندما يكون التغيير من ..... هنا نقف ولا نقدر أن نتحرك :(:(
هذا التغير الاخير .. سيذهب معه بأفضل الأعضاء .. وسيأتي أعضاء فسوالف رحل عنها الكثير من المميزين .. وحضر غيرهم :)
سنة الحياة .. بداية ونهاية :(:(

تحياتي لك ..

[الحل الصعب]

ياهلا البحاري :)

اولا : مستحيل احد يشك بحبك للمنتدى فاعطائك ماله حدود ويكفي ان

لقبك ملك سوالف :)

اما مشكلة التغيير من (...........) هذي المشكله

واكيد سيذهب اعضاء متميزين وياتوا اعضاء غيرهم ولكن الاعضاء المتميزين هم اساس المنتدى وغيرهم فرعي

واكيد هذي سنه الحياه ... لكن مفروض اننا مانوقف منتظرين النهايه

ليش مانخلي النهايه احنا اللي نكتبها ونختارها .... لكن لما اقول اعضاء

متميزين رحلوا وووووووو هذي الاستسلام ...... لكن خلونا ننطر فهي ازمة وتعدي وايضا سحابة صيف ........خاصه ان باقي ثلاث اشهر

وتنتهي والدراسه ويرجعوا اعضاء كان سبب غيابهم الدراسه والاختبارات

انا بعد اشعر بالملل والتغيير في سوالف لكني صامد انتظر الاعضاء يرجعوا

انزل اي موضوع عندي مانتظر اعضاء سابقين يردوا علي لاني اثبت نفسي بمواضيعي وليس بالردود

لكن ليش تستلمون ؟؟؟؟؟؟؟؟ اعطوا بكل مافيكم واصبروا

[البحاري]

أشكرك على كلماتك :)

بالنسبة للمواضيع عندي .. لا جديد :(:(
أما الردود .. فلم أهتم بكثرتها أبدا :):)
بدأت ولم يرد على مواضيعي أحد .. وواصلت
وأذكر أن الدكتور ريان وجهني حول هذه النقطة .. ولم أستعجل
جتى أصبحت معروف في سوالف .. ومن سوالف عرفني الكثير في المنتديات الأخرى :)

أنا متواجد دائما .. لكن لا أعرف لماذا لا أشارك :(
وحتى بعد أن عملت منتدى خاص .. فسوالف الاول دائما :)
ومتواجد هنا دائما :)

[الحل الصعب]

بدايتك تقريبا مثل بدايتي حاليا

انا كنت انزل مواضيع نسبه الفضول كبيره لكن لاردود

واصيريت اني انزل حتى ولو مافي ردود المهم اكتب شئ مفيد

وفي اعضاء كثر دعموني بالنقطه هذي ودائما القى ردودهم في مواضيعي مثل

لوبيز
عاشقة طلال ( لؤلؤة سوالف )
نو ون
وغيرهم ايضا من اعضاء متميزين

ومازلت مستمر
..............................
بالنسبه مقولتك لاجديد :( .. ماقول الا انشالله تتحفنا موضوع رهيب

مثل مواضيعك الرائعه ..... وراح نكون بانتظارها ..حاول تكتب اي رد

حتى ولو بسيط من كلمه لكن يكفي انك تسعد الكاتب اللي كتب

الموضوع وتثني على مشاركته وصدقني مشاركتك انت لها طعم ونكهه خاصه

وانشالله يرجع للكل الحماس ويرجع لنا الحماس في سوالف ويرجعوا باقي الاعضاء ويتحفونا بمواضيع رهيبه جدا ..... وبالنسبه لمنتداك ايضا سجلت حضور لي فيه لكن الى الان ماشاركت فيه مادري ليش شاركت فقط باربع ردود :(

تحياتي

اوهام

[البحاري]

أعتراف صريح بعدم المشاركة http://www.alba7er.com/vb/images/smilies/bawling.gif

أكيد المنتدى ما أعجبك http://www.alba7er.com/vb/images/smilies/bawling.gif

[عاشقة]

بداية النهاية .. أو نهاية البداية ..

:( :( :( :(

كلامك مية .. مية .. شعور بالغربة .. ينتابني بين فترة وفترة .. لاأعلم السبب .. أحيانا أقول .. قد يكون لغياب أعضاء أعتدت على وجودهم ..
بنت الدين .. فرفوشة .. توتة .. سعودية .. ثائر .. حسينكو .. فلاش99 .. وغيرهم ..
ولكن أعود وأقول .. يوجد حاليا أعضاء .. لهم أقلام مميزة .. تشدنا الى القراءة والرد .. وباعتقادي .. قد يكون بسبب بعض اختلاف الآراء التى تحصل .. أو عدم الأخذ بأراءنا .. الهجوم أو النقد من البعض ..
فقد يعود السبب .. الى وجود بعض الحساسيات بين الأعضاء .. ووجود أعضاء ممن يعتبر نفسه .. في القمة .. وهو الصح .. من غير تفكير ..

ولكن لا تزال سوالف .. هي سوالف ..على الرغم من وجود الغربة ..

شكرا الأوهام على الكلام .. وعلى لقب .. لؤلؤة سوالف .. :)

تحياااااااااااااااتي..

[بنت العين]

صباح الخير سويره..

ان شالله شرات ما قالوا الجماعه..سحابة صيف..و تعدي..

وترجع سوالف مثل قبل و احسن..

تحياتي لجـ :)

[الحل الصعب]

ياهلا البحاري

عدم مشاركتي لايعني ان المنتدى لم يعجبني بالعكس

انا شاركت لانه عجبني وفيه اسماء ومواضيع رائعه

لكن اللي يمنعني من مشاركتي هو ضيق وقتي

وانا يله بسوالف اكتب رد او ردين واطلع بسبب ضيق الوقت


لكن انشالله تحصل لي فرصه بالمشاركه :)

[بنت العين]

هلاااا بحر الحنان...حنو

ان شالله انها فترة و تعدي...و ترجع سوالف

شرات قبل...و ترجع حنو تحييها...:)

تحياتي لجـ :)

[الطارق]

أشعر أنا الأن بهذا الشعور ..
لكن ليس بسبب شعوري بالغربة ، ولكن
لإني اصبحت اعتقد أني أعطيت كل ما لدي
ولم يبقى لدي أي شيء !!!

يبدوا أنها بداية النهاية ، أو هي نهاية البداية :(

تحياتي أختي ..

[بنت العين]

و عليكم السلام و الرحمه

هلاا ابويه الغالي..اشكرك على الرد..

و فعلا سوالف اليوم غير عن الامس...لكن ان شالله ترجع

شرات قبل و احسن..:)

تحياتي لكـ :)

[هتون]

احد دق علي بيجر؟..;)

[بنت العين]

فارس

الله يبارك فيك...:)..و ان شالله تعالى...راح اواصل..معاكم..:)

عشاااقه

الحمد لله فيه شخص..قال انه سوالف ما تغيرت..

و تستاهلين اللقب يا عشاااقه يا لؤلؤه..:)

تحياتي لجـ :)

[ثائر]

رفع للذكرى

[البحاري]

مساء الورد .. ثاااااائر

" رفع لذكرى "
ما أجمل الذكريات .. وما أجمل الذاكرة .. فيها فقط نلتقى بمن نحب
هذا شعاري ومقولتي .. اتغنى بها .. منذ أن باعد الزمن بيني وبين من أحب .. أو قل كل ما احبتت

يبقى منتدى سوالف في القلب .. لأن القلب وجد هنا .. وإن رحل ورحل لابد من عوده إلى هنا


تحيااااااتي لك .. زعيم الثواااار الثائر باشا

[ثائر]

تمر سنين وسنين بالقلب ذكركم باقي

وايضا يرفع للذكرى


وتحياتي لك يا بو بهاريه

:rolleyes:

ذكرتني بزعيم الثوار
والا بدر الثوار

والا علي باقر

ههههههههههههههههههههههه

جميع الطرق تؤدي الى روما

[SAUD33]

اي نعم مثل ما يقول الشاعر :-

نقل فؤادك حيث شئت من الهوى
ما الحب إلأ للحبيب الأولي
كم منزل في الأرض يالفه الفتى
وحنينه أبداً لأول منزلي.!

شباب ترى صدق وحشتونا والله ولكم فجة ( ثائر ) والبحاري والجميع .
وين لؤي سالم اقنيبر ؟
وين الهيكل وين الربع كلهم ؟
نتمنى رجوعهم لنرى أننا لا زلنا نكن لبعضنا المودة والمشاعر الطيبة والأحاسيس المتبادلة .!

[ثائر]

سلامون عليكم

اشحالك سعوود :eek:

وشحال الاولاد عساكم بخير :knight:
كم ختمه سويت السنه :D

عموما ... اخينا بالله الي خبرك جاته بنت ثانيه :D

وبالنسبه لبحاري انا اتفاجعت لما نقز لي
تحريته فنقش :eek:

==================>> حتتكفخ يا ثائر :black:

ولؤي شكله هاجر :-)

والباقين الله اعلم
بس نفسي اعرف عن بنت العين ( همسه )

شحالها :confused:

وكل عام وانتو بخير

سلامي للاهل

[SAUD33]

الف ميروك ويتربوا في عزكم وأتمنى زيارتنا في الموقع الخاص للضرورة .!

[البحاري]

هلا ثائر :)

عمر الشقي بقي زي ما يقولوا :)

ما عمري هجرت منتدى سوالف لكن الأيام دول .. والزمان ليس زماننا :)

[الضبع]

بين اكوام اوراقي..و بين حنايا كتاباتي..وقفت استرجع ذكرياتي..
وقفت اتأمل ما انا عليه اليوم..و بين بداياتي..
لا اعلم ما هو الفرق...و لكني لا احس برغبه في الرد على المواضيع ..
ليس انتقاصا من مواضيعكم لا حشى...و لكن احس بالغربه...
احس انه سوالف تغيرت عما كانت عليه...لا اعلم ان كان هذا احساس الكل
...ام اني الوحيده التي تغرد خارج السرب :(:(
اقرأ تقريبا كل المواضيع..و لكني لا استطيع كتابة رد...ليس عجزا مني...
و لكن لا اشغر بالرغبه فالرد...حتى دفتر الحضور...لم اعد قادره على التسجيل فيه !!
هل يا ترى هذي بداية النهايه...او نهاية البدايه..ام انها فتره و تمر باكثركم و راح تمضي !؟؟



الله كم هو جميل عودة الأصدقاء القدامى،، أهلا وسهلاً بعزيزتنا الكريمه بنت العين.

لقد أقتبست من كلامك القديم والذي لازال يتجدد الآن بأن سوالف أصبحت وللأسف بلا روح.
وأعتقد أنها النهاية فعلاً.

المهم عزيزتي بنت العين حملي المرفقات وسوف تجدين ما طلبتي على قدر أستطاعتي.

أتمنى عودة الأعضاء القدامى ومن هنا أنادي بعودتهم وإطلالتهم من جديد.