الوضع الراهن في المملكة العربيه السعودية

[عاشق جده]

*==بسم الله الرحمن الرحيم==*

في البدايه السلام عليكم ورحمة الله وبركاته .

اما بعد :

في الحقيقه والواقع لا اجد طريقه مناسبه للبدا في الموضوع لاكن
اتمني ان تكون بدايتي جيد قدر المستطاع

لدي سؤال فهل استطيع ان اجد من يرود عليه ؟
لا اعتقد ذلك (لماذا؟)
الكثير سوف يقولون اننا لانعلم الغيب (الله أعلم)وهذا شي اكيد
لاكن يجب ان نجد حل للوضع الحالى اللذي نعيش فيه نحن الشباب من تقفيل علينا وكل شي للعوائل والشباب ليش لهم اي منفس (هذا في نظر المسؤلين) فما هو الحل اللتنفيس عنا؟ هل جمع الرواتب وتكديسها حتى تاتي الاجازه والسفر الى الخارج وصرف الاموال الطائلة خارج الدولةهل هذا هو الحل في نظر المسؤلين ام ماذا ؟

افيدوني جزاكم الله كل خير.

المخلص :عاشق جده .

[الدكتور ريان]

والله صادق ..والي تحس فيه كثير يحسون فيه مو بس انتا ...بس مصيرها تروق وتحلى ...وترى وضعنا ..مختلف تماما

يعني حتى في القرارت ..لاانه مملكتنا تضم عدد كبير والاختلاف كان موجود فيها منذ البدأ اي من قبل التأسيس ..بسبب اختلاف العشائر ..واختلاف العادات بين القبائل ...يعني دولتك نفسها تساعد الشباب ..وبصعوبة قدرت ..تخلي الامن والامان بالله موجود ..

ياعاشق جدة ...عندنا ناس قطاع طرق وعندنا ناس مايزالو متخلفين (اقصد معنى تخلف العلم ) مجبولين على القتل والنهب والسرقة ..بحكم عاداتهم ..يعني شوف الان رغم شدة الامن والاستقرار بنسمع عن ناس يختطفو وناس يسرقو وناس يقتلو ...وصدقيني لو تروح بعض مدن المللكة وتشوف كيف الشباب متعقدين ومضغوطين صح ...لغير تبوس يدك وجه وقفا وتحمد ربك على الي انتا فيه ...انتا بنفسك شوف ايش بيصير بجدة احيانا بوقت الاجازات ...مشاكل ومضاربات ..وناس مايعرفو حتى معنى كلمة احترام لقوانين الدولة ....عاد كيف لو فتحو المجال أيش بيصير تتوقع ؟؟؟؟صدقني انا ماادافع عن احد ...لكن اقولك ..لو شفت وسمعت ايش بيصير بالسجون ..لغير تقول معاهم حق يسوو ويضيقو على الشباب ...واتفق معك انه شباب السعودية اكثر شباب محرومين ومطغوطين ...(لاتفسرو معنى الظغط بألامور الاباحية او الغير اسلامية انا اقصد من ناحية الاجرائات والحقوق والتعاملات واماكن ترويح الشباب الي المفروض انها تكون موجودة )

[عاشق جده]

*==بسم الله الرحمن الرحيم==*

في البدايه السلام عليكم ورحمة الله وبركاتة .

انا صراحة اشكرك يا دكتور ريان لاكن انا ما باتكلم على الوضع في جده بس انا باتكلم على الوضع في المملكة بشكل عام اذا كان في جده او غيرها من المدن السعودية وانا صراحه ما اتمنى الى ان يوجدو موقع ماهو ممنوع على الشباب التجمع فيه
وانت بتقولى شوف ايش بيسير في الاجازات
ممكن اسالك ليش بيسير هذا كلوا ؟
ممكن اجاوب انتا وانت بعدين قول جوابك اذا سمحت
لان الشباب سايرين في حالت كبت دائم فيحاول انه ينفجر في اي شي سواء كان يضرهم او ينفعهم لهذا السبب بتسير المشاكل في الاجازات وغيرها
ليش مايكون في نوادي كبيره في وسط المدينه يتجمعو فيها الشباب وكل واحد يسوي الى يبيه ايش تتخيل حايسوا حايفحطو وممكن يضرو نفسهم صح لاكن كم واحد يبي يفط وكم واحط بيب يتونس ويرقص ويغني ايش ذمب هذول بهذول صعب انك تحصر ناس عشان ناس غيرهم بيرتكبو ذمب هم مالهم يد فيه ليش ؟
واذا كان على التفحيط وما شابه ذالك ليش مايسوو نوادي للتفحيط زي ماهو موجود نوادي للتفحيط في دول كثير
كل شي ممكن لاكن مين الى يسوي .

واكرر شكري لك يا دكتور ريان على الترحيب .

[بنت الباطن]

سلام لأهل جده :)

من فترة كتبت عن حالة الشباب ياعاشق جده ياليت تكون قرأته

عموماً شبابنا فيكم الخير والبركة وياأخي من يبحث عن الترفيه سيجده في عقر داره فليست مشكلة اتاحة أماكن أوغيرها !!

عاشق جده الكريم

انا أطالب أن يكون شباباً على قدر من المسؤولية والعمل والجد والإجتهاد كفانا تأخراً ، الست معي في ذلك ..؟؟

الشباب قوة وأنتم قوتنا وبكم سنرفع الرأس يوماً :)

هناك من يصفكم بالإستهتار والتسيب ، اما أنا فأقول وأكرر شبابنا عظيم اذا أتيحت له الفرصة ووضع في مكانه المناسب

أتعرف ماهي مشكلتكم ؟؟

التقدير المناسب وهذا لن يأتي والثقة معدومة في بعضكم !!!

فهلا حاول شبابنا تغيير تلك النظرة ؟؟!!!

وهلا أثبت وجوده وترك عنه لغة التذمر والضيق واستبدلها بتغيير يشمل جميع مستويات حياته

التغيير نحو الأفضل طريق بدأ به الكثير ونجح ، هناك من ندم على تلك الأيام الخوالي والتي ذهبت من عمره ولم يستغلها فيماينفعه

تمنياتي لك بالسعادة والتوفيق

[عاشقة]

أهلين فيك.. :)

بالنسبة لموضوعك فأنا معك .. وفيه كل الصحة..
ولكن هناك أماكن مخصصة للشباب .. يعني مافي داعي أن يكون تواجدكم في نفس مكان تواجد العوائل..

والمشكلة فيكم أنتم.. يعني أنظر رغم كل هذه الاحتياطات الموجودة في جميع الأماكن ومازالت تحصل مشاكل..

فما بالك اذا كان الامر مفتوحا من غير أمن ونظام..
أأسف لكلامي هذا.. أنا لا أعمم على جميع الشباب.. ولكن البعض..

أنظر باللي صار من مشاكل في العيد .. والسبب الشباب..
أعتقد أن الأمر يحتاج لمزيد من التوعية والنظام..


:) :)

((بدون زعل))

تحيات العاشقة..

[حبيب الامس]

:( :( :( :( :( :mad: :mad: :mad: :mad:

[Miss_octopus]

طيب ياخويا
انت تبي تشوف لوحة لل شباب فقط
دي موجوده زي الرز بس الي يدور
يعني انت تبغى مكان زي ايش مثلا
في جده كل شي متوفر
اذا كانت قهاوي كله للشباب
اذا كانت مطاعم موجود للافراد
اذا كانت ملاهي (ماظنكم عيال تلعبون في المراجيح)
وغير كذا البحر بكل شارع وبكل رصيف فاضي
فايش المشكله ؟؟؟؟؟؟؟؟

ولا انت متخيل ايش مثلا؟؟؟

مدينه للشباب فقط
no way man
:cool:

ودا علشان ارفع معنوياتك للعائلات فقط

[الدكتور ريان]

بصراحة نقاشكم رائع وممتع ...فعلا تحس كل واحد فيكم بيقول وجهة نظر رائعة من طرفه ...:)
وفعلا مثل ماقالت الاخت بنت الباطن ...الشباب قوة عظيمة ..وعماد الامة ...الدول الي تهتم بمصالح شبابها تكون اوقى الدول ..وطبعا الامثلة كثيرة ...وبالنسبة لكلامك ..عاشق جدة ..نحتاج بعض النوادي ..للسيارت ..مش للتفحيط انا اقصد لسباقات وهدايا ..علشان عندنا عالم موهوبة ...فعلا ...بس ياعاشق جدة ...هنالك مدن عندنا ..لسه لم يصلها النور ..او التطور ..عايشة في سنين الظلام ..لم نصل حتى الان ..الى تلك النقطة التي يمكن من خلالها التحول ..وصدقني مسألة التطور ..تعتمد على التعليم ...بالنسبة لموضوع للعوائل فقط ...ترا اغلب الذنب يقع عاتقة على الشركات السياحية .ورجال الاعمال عندنا ..واعتقد في موضوع كبير فتح في هذة الاجازة ...ووجه لهم الاعلام اصابع الاتهام في كبت الشباب ...

ورد بعض المملوين ورجال الاعمال وقالو :نحن لم نفتح هذة المشروعات الا للمكاسب ..اولا ..وضع الشباب ..لانستطيع الاستفادة منه كثيرا ...لاان الشاب ...يدخل ..ويشتري ..عصير وشيشة ..واكل ..ربما يصل مبلغه الى 30ريال ...لكن العائلة حينما يأتون فأقل مايدفعونه هم 150 الى 200ريال ..المكسب واضح...لذلك نشجع العوائل ...ثم ان الشباب مشاكلهم كثيرة

ورد الاخر : نحن نتمنى مساعدة الشباب ...لكن الوضع الراهن ..يجعل الموضوع معقدا ..لاانه اغلب زبائننا من العوائل ..والشاب ..حينما يكون موجود ..ربما يضايق وجوده العائلة ..فنحن نتلاشى هذا الاحراج ..ونكسب الزبائن ..من العوائل بعبار للعوائل فقط

فالمسألة كلها تجارية بحتة ...ولو انه هؤلاء الشركات ورجال الاعلام ..صبو جل اهتمامهم على ترفيه الشباب ...صدقني لن تعارض وجودهم الدولة ..وسوف يكون هنالك تعادل الكفة بين ترفيه الشباب و العوائل ...لكن ماعندك احد ياعاشق جدة ..وعلى المتضرر اللجوء الى السفر ..:( مثل العادة