View Full Version : عندي سؤال من يعرف جوابه( للتسلية)
عندي مثل شعبي
واعتقد خليجي بالدرجة الاولي
والشاطر فيكم يعطيني التفسير لهذا المثل
المثل
" لو يدري عمير ، شق جيبه"
يالله شباب وبنات
حسينكو
13-09-2001, 07:09 PM
يعني هذا عمير واحد من الشباب الفقارى
هو المسكين كان يمشي في الكورنيشات والشوارع وحالته حالة ومو لاقي ياكل
وكان عليه ثوب وارثنه من ابوه (حسين فيليو دي ماما حســين)
كان عمير ما يسبح ولا يغير هالثوبب ... يقول من ريحة الوالد
جؤجؤجؤجؤجؤجؤ
وعايش على الله وعلى الشؤون <== كسر خاطري :(
وكان الجيب (اللي هو المخبى حق الثوب) منتفخ وشكله مليان ... لكن عمير ما يرضى ان احد يلمس الجيب ولا حتى هو... يقول هذا تعدي على حرمة الوالد <== مشكل .. ما صار هذا ثوب
في النهاية مات عمير :( :( ... والناس الملاقيف اللي كان الفضول بيذبحهم ويبون يعرفوا اش في الجيب .. جاؤو وفتحوه
لقو فيه رزم رزم .. كل رصّة أكبر من الثانية .. وكلهم رزم من ابو خمسمائة ريال
فاقلوا :" لو يدري عمير ، شق جيبه"
جؤجؤجؤجؤجؤجؤ
:)
المبتسم
13-09-2001, 07:20 PM
حسين..
انا اعتقد ان عمير..دا..
واحد من شباب الاوريا..
يدرس عند مستر ريتشارد..
هو محروم من المكافئه...
ههههههههههه
علشنه شق جيبه..
صح ظفره؟...
عفية عفية عمير اوووووو قصدي حسين
ولكن ياشطور ما المناسبة التي
تقال عندها هذا المثل
SAUD33
13-09-2001, 08:43 PM
^1
الجواب عندي وانا ابو هندي:):):)
مثلا عمير كان يحب المعاريس والحفلات والعزايم:)
وما يسمع ان فيه وليمةالأ وهو قدام:)
وصارت يوم من الأيام وليمةكبيرة وفيها من أصناف الأكل مالذ وطاب
وراحوا الربع كلهم وهو مسكين ما كان يدري :):):)
وأخذ الربع يسولفوا مع بعض وكل واحد يقول
لو يدري عمير كان جت له بطنة(تخمه) من الأكل:*):):):)
ههههههههههههه
يالله قولوابعد مو هذا الجواب :)
ههههههه
عمير هذا واحد كان سوسة كتب ..يعني كلا يذاكر ..
ومن النشاط اللي هو فيه ..كان هو اللي يحط الاسئلة للمدرسين
حتى المدير ساعات يخليه ينوب عنه حضور الدروس النمذجيه ...
عاد صارت له شعبية ملهلبة في المنتدى .. قصدي في المدرسة ..
جان تتنافس عليه المدارس و استانس الولد على عمرة ..
وتجيه العروض بالهبل و الدير هو اللي استهبل ..:)
فقرر على شي <<= الخبال مو شويه :)
قال له على مدرسه انها تمام و انها دافعتن فيه نص مليون
كانت رابحتها مع جورج قرداحي لكن لعيونو عادي
وانها ....<<=نذل المدير
و الولد ما كذب خبر ...وهوب ..وين ؟؟ الى مدرسة العمر ..
وصار يناظر الناس بعين ..<<= مو عور بس تعنطز وأنزعه
و الا في اجتماع للمدراء في الوزارة ..
جان يشوفه الوزير ...ويقوله((بكل اعجاب )) انا عمري الصراحة
ما شفت تواضع و قناعة وزهد يضاهي مثالياتك ..
عمير متشقق ...ايه انا الحقيقة كل اللي ابيه اكمل رسالة
الدكتوراه عشان اصير من مقام سعادتكم <<= وده اليوم قبل باكر
ومن شدة اعجاب المدير به قام يسولف على خوي له ((وزير ))
:: ايه و الله ان عمير فريد من نوعه ....!!!
لو واحد غيرهعارض عليه الوزارة اللي كان بكل تواضع فضل
يوصلها بكرفه ...قصدي بمجهوده ..:)
جان قبع و جهه وطب ..على الوزارة عدل ...
<<= لو يدري عمير شق جيبه
عاد هذا عميرنا ....<<= و اللي مو مصدق يشوفه في متحف الشمع
بالبحرين ....قسم المآسي و العاهات المستديمة
ثائر <<= اشهر محقق في سوالف قاطبة ((حلو قاطبة ))على قولة بو بهاريه
حسينكو
14-09-2001, 12:12 AM
كيف عرفتي ان انا شطور
قلت لك قصة المثل
ما عليكي من ثائر وسعود
اثنينهم ما كانو موجودين وقت ما عمير ما درى ما شق جيبه
أما متى يقال هذا المثل... فهو يقال كل ما دعت الحاجة
جؤجؤجؤجؤجؤ
حلوة ... احلفي انها مو حلوة
جؤجؤجؤجؤ
لا يا فالح انا اللي ادري عنه ...:)
اصلا منو اللي قايل لك ان عمير ما يتسبح ...كخخخخخخخخ
لكن شوفي ظفرة اللي انا قلته صح إميه بالاميه ..
و اللي قاله سعود .. ما ادري عنه ..
لكن الي قاله إحسين..مو صج بنوب بنوب <<= نكالا فيك حسينكو:):)
و يقال كلما سنفرت الحاجة ...
و حقوق النشل مسروقة كخخخخخخخخخخخخ
حسينكو.. ثائر..سعود 33 ... لوبيز
كلكم شربات
لكن حسينكو هو اللي فاز عليكم لانه اول واحد رد علي
حسينكو
14-09-2001, 12:33 AM
يا هلا اخي ثائر
جاك الرد من ظفرة
يالله خلص حالك
ثائر ... سعود ... عندي ملاحظة على التوقيع
في التوقيع .. الابيات في خطأ نحوي
الخطأ: كلمة يصلي في الشطر الثاني :"انكم من لم يصلي عليكم"
الصواب ... ان تحذف حرف الياء من كلمة يصلي .. لأن الفعل معتل الاخر فيحذف عرف العلة نظرا لأن الفعل مجزوم
فتكتبها هكذا: انكم من لم يصل عليكم
عدلوها ... اوكيه
اخوكم
حســــــين
تبيها في السما جاتك في الارض ....
شوف حبيبي مبروك الفوز وعقبال المنتخب ...
المهم من ناحية التوقيع انا اهداني اياه العزيز الهيكل
وانا شلته و هوب ..قص و لصق ..كوبي يعني
وانا عارف الخطا اصلا <<= كذاب
بس ما يهمني ليييييييييييييييييييه ؟؟؟د
لأن معناه عماني عن كل شي
مشكور خوي حسينكويتو
ثائر