موقف محرج للغاية ... ايش تعمل لو حصل لك ؟؟

[اسراء]

موقف محرج مفاجىء ..تعرض له بعضنا .. فماذا لو دخلتي احدى المجعات او المراكز الاستهلاكية واشتريت كل احتياجاتك وعند دفع المبلغ تفاجأت انه ...
.
.
.
.
.
.
.
.
.
.
.
.
.
.
.
.
.
.
.
.
.
.
تفاجأت إنو حقفبتك شنطتك فارغة مفيش فلوس ؟؟
اتمنى اشوف ردودكم ..
تقبلو تحياتي :):)

[المبتسم]

انا الصراحه اعمل نفسي نسيت اجيب شئ
واجلس ادور ادور وارسم الحيره
علي وجهيي
وبعدين اطلع من المحل ولا من شاف
ولا من دري

[شبوحة]

صدق فشلة بالحيل

بس تحدث فى احسن العائلات

اتقبل الموقف بروح رياضية واقول للكاشير خل الاغراض علشان اروح اسحب وارجع

وبعدين عينك ماتشوف الا النور




((( تيلفون لزوجى ويقوم بالمهمة الرسمية)))

[Huda76]

أختي الحبيبة اسـراء

هلا بك والله الغاليـة :)

الموقف هذا صار لي مرة وحدة بس .. كنت أبي أشتري شيء ولازم أدفع مقدم مبلغ معين .. كان معي فلوس لكن مو كل المبلغ .. تعاملت مع الموقف بابتسامة والحمدلله ان البنك كان قريب جدا جدا جدا .. رحت وسحبت فلوس من البنك ورجعت المحل ودفعت وانتهى الاحراج على خيـر :) :)

تحياتي لك

[قطرالندى]

^1

البركة في البطاقات الائتمانية أو الاعتمادية "Credit Card" هذي حزتها:)
واذا صادف مافي بطاقة بعد باخلي الأغراض عندهم واروح ادبر المبلغ وارجع ثاني - جل من لا يسهو:o

تبين الصراحة اختي اسراء سبقتيني في طرح الموضوع عن المواقف المحرجة, لان صادني موقف محرج الله لايوريكم - ان شاء الله اقول لكم عنه لماارجع من الصلاة:)

[om-maryoom]

لم تحدث لي . لكن لو حدثت فالحل : اما :
- بومريوم.
- cridit card
- ارجع الاغراض بالساكت وانسحب .
هذه الحلول المتوفرة حاليا .

[ARAE]

وأنا أقول زي كلام قطر الندى



وحاجه عاديه أحس ما فيه لا إحراج ولا شي.

[ظفرة]

انا عن نفسي حصل لي هذا الموقف بالضبط وكان المبلغ 40 دينار

وفوق شوية...

وعند الدفع تفاجأت ان ( مفيش فلوس )...

اخبرت الكاشير انني نسيت الفلوس وارجو ان تتركون الاغراض عندكم

لحين اذهب واعود بالفلوس ...

ولكن .

.

.

.

.

.

.

.

.

.

.

.

الكاشير كان انسان محترم جدا وخلوق ولم يقبل ان اذهب الا والاغراض معي وانا انحرجت من ثقته هذه ...وذهبت حالا واحضرت المبلغ له...

[المبتسم]

ظفره:شكله كان يبغي يعمل دعاية جيده للسوبر ماركت حقهم؟
من يدري؟

[ظفرة]

لوبز

والله احنا عندنا بالكويت السوبرماركت حكومي وفي كل منطقة جمعيتها الخاصة بهاولا يحتاج للدعاية...بس الظريف بالموضوع
... لو اني طلعت فيها وما رجعت ...شنو راح يصير بالكاشير ؟؟؟؟؟؟؟؟؟؟؟؟؟؟.....

راح يتحسف ويندم علي انه اعطاني الثقة بدون لا يعرفني ...

وراح ياخذ انذار او يتفنش اذا ما دفع المبلغ من جيبه..

ووقتها خلي الثقة تنفعه ....لوووووووول...

[المبتسم]

معقول؟
انتا ترضي علي نفسك تكل من مال حرام؟
ما اعتقد
انتا اكيد تمزح:)

[saif_m]

اسراء
منعا للاحراج .. اقول للبائع .. احفظ لي الاغراض لين اسحب لك
المبلغ من اقرب صراف آلي .. بس اطلع من المحل ما اراويه
ويهي مرة ثانيه

ظفرة
خبريني عنه هذا السوبر ماركت عشان اروح له كل يوم ..

[ظفرة]

لوبيز

طبعا انا امزح

وانا كنت اقول( لو ) شنو التصور اللي يمكن يصير ...


باااااي

[المبتسم]

:)ادري والله يا ظفرة

[قطرالندى]

^1

في يوم من ايام رمضان قالت لي صديقتي تعالي عندنا للفطور ويومها أخوي وصلني بالسيارة عند باب بيت صديقتي ورجع البيت وكان باقي على اذان المغرب دقايق. واحنا كعرب مايصير ندخل بيت احد وايدينا فاضية فاخذت معاي صحن هريس:). لحد اهني وكل شي عادي. المهم دقيت الجرس ودخلت البيت وصديقتي قابلتني بالملاس في ايدها , لا موعلشان تضربني, بس كان وقت الافطار وكانت في المطبخ لما وصلت وكانت نفس الحاله بالنسبة الى اخواتها ووالدتها الله يعطيها الصحة والعافية. اهني شكّيت في الموضوع لان لما بيكون شخص جاي زيارة لازم الواحد يكون مهيأ نفسه علشان يستقبل ضيفه!

ناولتهم الصحن اللي كان في ايدي وزين ماطاح من يدي لان صديقتي قالت الحين بيأذن واش رايك تتفطرين عندنا. اووووبه عرفت وقتها ان صديقتي غلطت او انا اللي ما سمعت عدل وكان الميعاد عقب الفطور يعني حق السحور! مهما اقولكم ماتتصورون شكلي في ذاك الوقت لدرجة ان لوني اصفّر واحمّرhttp://www.swalif.net/sforum1/images/icons/icon11.gifوداخ راسي, حتى هم لاحظوا علي هذا الشي وقالوا لي اشفيك شكلك تعبانه وكانه كلمتها كانت جايه من السما لاني مادري اشلون قلتلها اني توي راجعة من المستشفى واخوي ينتظرني بره "وهو لا ينتظرني ولا هم يحزنون" الله يسامحني على هالكذبه بس كانت لانقاذ موقف.

طلعت من بيتهم ومن غير مبالغة ماكنت شايفة شي حسيت ان بيغمى علي والدموع كانت ماليه عيوني. صرت اسبح واهلل في الطريق وانا امشي مو شايفة شي بس كنت اسمع ابواق السيارات. بيتنا يبعد عن بيتهم تقريبا 300 متر والحمد لله ان كان وقت افطار والشوارع تقريبا فاضية . الله ستر وشوي شوي ابتدت الغمامة تروح عن عيوني وصرت اشوف ويني رايحة وصلت البيت وكان الجميع مستغرب من شوفتي قلت لهم ويش صار. هلي جزاهم الله الف خير حزتها تعاطفوا معاي وماضحكوا علي. :o

الحين تعلمت درس اذا احد عزمني اسأل "الساعة كم؟" وسلامتكم واسفة على الاطالة:D

[فرفوشة]

لوووووووووووووووووول قطر الندى

اسراء انا والله لو حصل لي الموقف

اقول اووووووووووه نسيت اجيب تايد

واروح بعيد واطلع بدون محد يدري

علشان ما اتفشل

:):):)

[saif_m]

قطرالندى

وايد الموقف يحزن .. بس ليش ما دخلتي بيتهم ما ربيعتك قالتلك "واش رايك تتفطرين عندنا"؟
.. كانت فرصة للتغيير .. بس صح الموقف ما كان يسمح .. يعني كان لازم ربيعتك تتطلع
بملاس .. في اشيا وايد غير الملاس .. يلى .. ان شاء الله .. الله لا راويك مثل هل المواقف
مرة ثانية ..

بس ليش صحتي قطر المدى؟

شكرا

باي

[فلاش99]

لا ليه الشرده
بس تيلفون واحد من الموبايل
؟
؟
؟
؟
؟
؟
؟
؟
؟

لمدير مكت الخطوط الصوماليه وينتهي الاشكال
اعطيهم تذاكر مجانا :)

!!! فلاش صارت له وايد هالحركه !!!

[قطرالندى]

هلا سيف

انا ماكنت اصيح بس من كثر ماكان الموقف صعب علي اظن كل الماي اللي في جسمي راح في راسي:(

[رمش حائر]

بسم الله الرحمن الرحيم

بدايه اريد ان اقول اني عضو جديد
بس لو حصل لي هذا الموقف بسوي نفسي نسيت شي واخرج

[دعد]

اقول..اوووووه ..سوري وين الادارة؟؟

واخلي عندهم اشيائي واروح واجيب المحفظه من اي مكان..

[المبتسم]

ول عليكي اسراء
ياريتني ما قريت موضوعك
امس الليل رحت
كافيه نت ونسيت محفظتي في البيت
المهم كان حسابي تقريبا 30 ريال
والله كنت محرج من الرجال مره
وهو قعد يطالع في بشك
بس وعده انتي ارجعله الفلوس اليوم


اقول اسراء لاعد تكتبي مواضيع محرجه
هههه اوكي؟

[البحاري]

مساء الخير .. أسراء

انا الحمدالله ما اشتري شئ حتى أتاكد من الفلوووووس :):)

بس لو صار لي موقف زي كذا .. ممكن اضحك واطلع الف عذر .. أنا متخصص اعذار :):):)

تحياتي :)

[مساعد بن عبدالسلام]

السلام عليكم ..

مرة صارلي موقف مشابه ..

و كان قمه بالإحراج ..

رحنا سوبر ماركت ..

و معاي صاحبي ..

كان معاي صاحبي ..

و شرينا أغراض ..

و حلفت إلا أدفع ..

المهم و أحنا شايلين الأغراض ..

وصلنا الكاشير ..

ولا ما عندي ولا فلس @@

و الويه يقط ألوان ..

و لسوء الحظ ..

صاحبي أيضا ما عنده ولا فلس ..

و رجعنا الأغراض ..

كان موقف فعلا محرج :\

[break_heart]

والله صدق الموضوع صعب كيف اروح مكان وما عندي فلوس بس اسراء
حتى انا كان بصير لي نفس الشئ .. المشكله في بلد مش بلدنا
يعني ما بيتساهلون معايه ..
المهم دخلت محل القمصان وخذيت اكثر من قميص قلت اكيد بيكفي
لاني حسبتهن كلهن بنفس السعر لاني ماخذتنهن من نفس المكان..
ورحت احاسب وفي الطريق قمت اتسلى الين ما يي دوري فحبيت اتاكد
من الاسعار وكانت الصدمه يوم عرفت اني اشتريت اكثر من اللي عندي
ب25 باوند ساعتها طالعت اخواتي وقلتلهم ليش ما ذكرتوني
اشوف الاسعار قمت وعطيت اختي القميص الزايد وقلتلها ترده
والحمدلله اني عطيتها بالوقت اللي يا فيه دوري
وعدى الموقف على خير ..
بس تعلمت اني اشوف سعر كل شئ اشتريه
قبل ما اروح ادفع..

[اسراء]

اخوي لوبيز :) مشكور على المشاركة .... فكرة حلوة ...
شبوحة حبيبتي :) هلا فيك وشكرا لمشاركتك ...
هدى اهلين يالغالية ... بس تخيلي بطاقتك نسيتيها ...؟؟؟
اهلييييين قطر الندى .. يالله والله موقف محرج من جد ... ماشالله عليك قدرتي ترجعي لوحدك انا لو منك انسى الموقف من الخوف اللي كان حيصيبني .. تصدقي انا ما اقدر انزل تحت في بيتنا الا لازم يكون معي محرم ... :):) وتسلمين حبيبتي على المداخلة اللطيفة ..:)
ام مريوم .. اهلين بيك .. :) وحلول مية مية ..
area اهلين وشكرا لك على المشاركة :)
ظفرة الغالية هلا والله ... تصدقي لو منك كان رحت واديته طناااااااش ;) .. مزحايه ترى مو بصدج ... وتسلمين حبيبتي ..
saif_m مشكووووور ... اقول ما صدقت على الله ...هههههههه:)
فلاش حلال المشاكل ... ماشالله .... مشكور :)
فرفوشووووه موتيني من الضحك ... شكرا حبيبتي ... يلا فكرة حلوة ..
رمش حائر اهلين صديق جديد للمنتدى ... ياهلا ويامرحبا نورك طفى على نور الكهربا ..:)
دعد :) اهلين ... بس ليش تسألين عن الادارة الا في مشكلة ...
مين باقي ياترى ... مين كمان ما ردينا عليه ؟؟؟....
ايوووووووه لوبيا اوكي انته تآمر كم لوبيا عندنا ؟؟؟
اهلين بوح بوح :) ايوه انته يا متخصص ماشالله عليك .. :):) الشي المناسب في الوقت المناسب ...
Ba7aar اهلين والله لو انا مكانك وجهي كان انتفخ وصار زي الطماطم .... يالهوي .... شكرا اخوي على المداخلة اللطيفة ..
break_heart مرحبا اختي ..:) تصدقي فكرتيني بموقف مرة رحنا مكتبة جرير المهم وماكان معانا الا فلوس معدودة وبصراحة واحنا نشتري كنا نحسب قد ايه مشترياتنا وسبحان الله عند الكاشير طلعت اكتر فجلسنا ننقص من الاشياء المهم اللي كان يحاسب مسكين مهو عارف راسو من رجله كل همه الشماغ لايميل لخبط الحساب وابو الحساب واحنا ورانا واحد امريكي المهم مرة طووووولنا اخر شي الامريكي قال طبعا بالانجليزي بيقولنا ايش انتو حتجلسونا الى الفجر ؟؟ اخويه رد عليه وقله مهي مشكلتنا قام اللي بيحاسب يقول مشكلة مين يعني المهم وبدأ لالشجار الى ان انتهينا والامريكي ودو يضربنا ... بس :):)
طولت عليكم وتقبلو تحياتي :):)

[المبتسم]

تعرفي العضو..
ARAMCOBOY
انطرد من المنتدي
يالله بالسلامه..
هههههه
وبالهيهي
كيفك مع الدراسه؟

[اسراء]

اهلا لوبيز ...

والله الدراسة لسا ما بدأت

وبعدين حق فتى ارامكو انا صحيح زعلت من كلامه جدااا وفكرت اترك المنتدى بس هنافي المنتدى اخوات اعزاء على قلبي قالو طنشيه واتركيه ... المهم .. فبس ..


بي بااااي :)

[المبتسم]

معليش والله اسراء لا
تزعلي مني لاني
انا السبب..ما كان لازم
انزل الموضوع حق الصوره
وعلعموم ماكان قصدي شئ والله
بس هو الله يهديه حب
يسوي انه راعي الفضيله
والاخلاق...الله يهديه وبس
ومعليش مره تانيه
لوبييز

[اسراء]

أوكي ...

نو بروبليم ..

:)