رحـــــــلات.........

[ســامــر]

اعزائي............

السفر شي جميل لدى البعض والبعض يكرهه......

هنا ليس مقصدي السياحة لا.......

لكن موضوعي يتجلى بسؤال...

ماهي اغرب واقصر رحلة(سفر) بحياتك.............

________________

بالنسبة لي....سافرت لجده ولم امكث بها الا 4 ساعات فقط...

تحياتي.....

[فلاش99]

سامر :

اسئلتك تذبح يا اخي

ثواني معدوده تعلق بين السماء والأرض ..
المستشفى ووالدي ( رحمة الله عليه وجميع اموات المسلمين ) نترقب اجهزة القلب والضغط أتأملها وانا ارى الحالة مستقره واذهب الى قرب المصاعد وانتظر اريد الذهاب لتقضية مشوار ولكن شيء ما ارجعني واذا بي ابن عمي يقول ما هذا وهو يؤشر على مخطط الضغط وتتجمد الدماء بعروقي وارى القلب الذي قام ينزل معدله بشكل جنوني وهنا بدأت سفرتي وكان بودي الدخول لعروق ابي ودب نبضي بها هذا الرجل الذي لم اره بيوم يعبس بوجهي ودخل الاطباء بسرعه متناهية وانا مرتبط بهذه السفر بالخارج مع اجهزة صماء الكترونيه وانا ارى القلب يقفز اعلى معدلاته بفعل جهاز الصاعقه الكهربائية .. وانتهت سفرتي بخروج الدكتور وهو يخبر اخي الاصغر ويقول لله البقاء لله .. يارب احتضنته بصدري وانا اقول الحمدالله رب العالمين على وصول ابي الى مكان اطهر من هذا المكان واهل افضل من بأذن الله وتنتهي سفرتي بتقبيل جبهته وانا اودعه بموقف ان شاء الله رب العالمين يحتسبه ...



!!! فلاش لن ينسى هذه الرحلة !!!

[البحاري]

مساء الخير .. سامر

موضوع جميل .. اغرب رحلة وأسرعها .. كانت للبحرين .. اقل من نص ساعة :):) .. ورجعنا الى الدمام :):) يعني بمجرد وصلنا المنامة .. تذكرنا موعد في الدمام رجعنا .. في نفس اللحظة :):):)

تحياتي :)

[ســامــر]

اهلا اخوي فلاش.......مساء الخير.....

اولا رحم الله والدك والاموت والاحياء جميعا..واسكنه فسيح جناته...

ثانيا...تعلم حزني بعد قراءه موضوعك وردك...فهي رحلة لو كنت اعرف بكتابتها واسترجاع مشاعر ربما لاتحبها انت..لما كتبت موضوعي اطلاقا......لكن الحمد لله على كل حال ولاحول ولاقوة الا بالله العلي العظيم......
تحياتي......




اهلا اخوي البحاري......مساء الخير صديقي...
والله رحله غريبه...مايسوى الوقوف عند الحدود:)....لكن للظروف احكام.......والله ييسر للجميع امورهم...

تحياتي وشكرا لوجودك

[رمال نجد]

أنا اغرب سفرة عندي كانت بيني وبين مجموعة من الشباب
حيث سافرنا لمحافظة 170 كيلو من مدينة الرياض عشان نشتري عصير ( سن توب ) ونرجع :)
والله هذا الي صاير
كان عددنا اربعة
ذهبنا وما وصلنا اشترينا علبة سن توب لكل شخص ورجعنا :)

[ابو سعود]

الموضوع فيه نوع من التغيير لذلك احببت المشاركة

بالنسبة لاغرب سفر قمت به كان ذلك خلال السنة الماضية

حيث سافرت الى البحرين ثم الرياض ثم الكويت ثم عدت الى مقر

اقامتي في الخبر في مدة لا تتجاوز ال 48 ساعة

كانت رحلة عمل شاقة لذلك لا تستغرب ان قلت لك انني نمت بعدها

قرابة 21 ساعة متواصلة :)

[البحاري]

مساء الانوار .. أبو سعود

معليش .. سامر :)

ههههههه .. كانت هذه الرحلة ايام عز شركة ثرثار صامت :):) ..رحلات وهيصة ههههههه الله يازمن كيف غيرت :):):)

تحياتي :)

[ســامــر]

اهلا بالاعزاء....

اقول عبودي....الله لايبلانا بسن توب...وانا اقول وين اختى هالايام اثاريك انت تروح تجيبه وتشربه...:) بالعافية...
بس اهم شي الرحله بالنهار والا الباقي يهون....
تحياتي...



اهلا اخوي ابو سعود..مرحبا بيك.....
بصراحة رحله شاقه جدا...ومتعبه بنفس الوقت لتباعد الدول....
لكن غريبه من جد والله يعينك ان شاء الله ...لكن البحاري اليوم شكله مستانس(الله لايغير عليه)...وماسكه على شركة ثرثار صامت..
اذا بتسامحه عادي والا تبي دعوى..محسبوك المحامي سامر..ولايهمك...:)
تحياتي..


البحاري......الموضوع حلالك ..:)..بس اذا ابو السعود بيسامحك والا شي ثاني لابد تتحمله:):):):)

[البحاري]

مساء الأنوار .. سامر

شكلك ماتدري ..أبو سعود مفلس على الحديده :):):).. اي محامي راح يقبل بقضية واحد مفلس :):):)

تحياتي :)

[ابو سعود]

والله انها صادقه سعوديه
نص مواضيعك "ههههههههههههه"
لا واليوم زي ما قال سامر مستانس بزياده
الله يديم الافراح عليك
شوف اخوي اقصد خالي
شركة ثرثار صامت كانت من ايام الطفره واغلب شركات الطفره اعلنت افلاسها بين اعوام 82 الى 87 88 بالكثير 89
لكن ظلت شركتنا تصارع من اجل البقاء والحمد لله انها ما فلست الا بعد ما انضميت لسوالف لاسباب ادارية بحته
لكن انت قاعد تشمت على الشركه في كل مناسبه ما كنك قعدت شهور ودهور وانت تتسلف وتهرب منها
ترى كل ملفاتك عندي وما حبيت اطلعها في اجتماع مجلس الادارة
لكن دامك قاعد تستهزئ-------> سامر عليك فيه

[البحاري]

مساء الخير .. أبو سعود

حرام عليك كل مواضيعي ضحك :):) .. ياخي انا مااشمت اخاف يجي يوم اكون مثلك :):) .. مافي مشكلة كل الملفات عندي .. اقول كيق كنت تصارع من اجل اليقاء .. طيب اقول لسامر .. كيف كانت رحلتك أغرب رحلة لك .. وليش سويت اللفة الطويلة هاذي .. أقول او أسكت .. عزيزي سامر .. ما ابغاك تخش قضية خاسرة .. راح أعطيك الادلة :):) .. وأنت تصرف ..

تحياتي :)

[ابو سعود]

انا قاعد الفلف في بلاد الله وكل ما وصلت ارض قطعت شويه من

ملفاتك السوداء اللي لو مسكتها الادارة كان حالي انا وانت زي

رمال نجد وعبودي

رمال تنقل كلان عبودي من النفى وانا انقل كلامك من السجن

لكن ما هانت علي عشرة سوالف :)

بعدين اساليب الصراع اللي تسال عنها من اسرار الشركه وحتى لو

كانت غير شرعية خلاص راحت عليك

الشركة صارت ولا شي ومحلها الحين فتحوا محل حانوتي


ياسامر -----------> عليك فيه

[ســامــر]

اقول يا البحاري ويا ابو سعود...مساء الخيرات

قاعدين تتهاوشون وانا ماني موجود.....

جالس مع زملائي..واقولهم اسمع صراخ يقولون تتوهم...
وفي الاخير اثاريه انتو..:):):)

عزيزي البحاري......اولا الشكوى..روتينيه..لان عمري ما صرت فايز وانا محامي دائما الخسارة تجري بملفات مكتبي ...
بعدين لافضايح ولا شي...(همسه>>يمكن نحتاج الشركة لمشروع لاتستعجل)بس هات الادله..



ابو سعود......ولالالالالالالالالايهمك..هات ملفاتك..ومالك هم..والبحاري اتركه علي..يأنا يأهو في الدنيا هههههههه :):) واحد واثق من نفسه.......
بعدين افلاس شركتكم...وصل للندن ..لاني سمعت انك جاي تصفي حسابات وانا في لندن ..بس خفت اقابلك يكون وضعك مو حلو بعد الخسارة...اقول كم تدفع عشان القضية؟؟:):):):):):)