سارحل دون رجعه

[السيدة ملعقه]

تدورن ليش لان احس ان مواضيعي ما تعجبكم وكل ما اكتب موضوع اشوفه يرجع الى مواضيع السابقه ولا ردود لي واذا ردو بس 1 او 2 يردون اذا كنت مثقله عليكم فاسمحولي ان اقولكم انا رايحه دون رجعه :( :( :(

[البحاري]

السيدة ملعقه .. مساء الخير

الا الزعل موعندنا :):) .. انت جديدة .. ومواضيعك قليلة .. وغبتي فترة طويلة .. يعني لازم تتحملين شوية ..

شوفي اقولك قصتي .. اول ما بديت ..هنا .. كانت المواضيع كثيرة .. والأعضاء متواجدين بشكل كبير .. وكانت مشاركاتي محدودة .. والرد عليها ..قليل .. بل أن مواضيع لم يرد عليها أحد .. ليس أنا وحدي حصل معه الأمر .. كثير .. والفترة هذه الأعضاء المتواجدين قليل للغاية .. أستمري .. والهدف الفائدة .. ومو شرط الردود ..
مثال .. موضوع سامر .. كيف ترمي همك .. رجعته من الارشيف .. كان صفر رد ..ولم يترك أثر في نفسة في تلك الفترة .. لكنه واصل .. واليوم واحد من المميزين هنا في سوالف ..

تحياتي :)

[السيدة ملعقه]

لكن انا مو يديدة صارلي سنتين وشوي :(
لكن اشكرك

[جريح الايام]

لا أختي السيدة ملعقة لا أسمعك تقولين هذا الكلام حنا نبيك عندنا
في سوالف لا تعودينها

ونبي نشوف مواضيعك وأنا مشاركاتي قليله يمكن مافيه بس أحب

أرد

الله يعطيكي العافيه

[سعودية]

السلام عليكم ورحمةالله وبركاته ..

يا عزيزتي ..
حنا هنا مثل الأهل وإذا قصرنا أو ما قدرنا نتواصل مو معناتها أننا ما نغلي الأعضاء أو نغلي عضوة رائعة مثلك ..

ويا أختي لا تقولين أننا ما تعجبنا مواضيعك ..

بس يا العزيزة شوفي أنت مسجلة من سنتين على ما تقولين ..

ورغم كذا مشاركاتك وتعقيباتك حارمتنا منها ..

فردودك قليلة جدا بالنسبة لوقت تسجيلك ..

فلو حاولتي أختي الإندماج معنا أكثر وإعطائنا من طيب كلماتك ..

لأسعدنا هذا وتقدمنا لك بالشكر على ما تقومين به ..

وصدقيني يا أختي العزيزة ..

كلنا في بداياتنا مررنا بمثل ما مررت به ..

فحاولي معنا وليوفقك الرحمن ..

ويا اختي العزيزة ..
اتمنى منك بصدق تغير قرارك ..
وأن تبقي معنا فمع أن مشاركاتك قليلة إلا أن لأسمك صوت رنان في سوالف ..

ونرجو ان لا نفقده ..

تحياتي لك :)

[السيدة ملعقه]

مشكورين على هذه الردود الجميله وما قصرتوا انشاء الله استمر

[فرفوشة]

معليش اختي السيدة ملعقة تحملي شوي

انا مريت في نفس المشكلة وما كنت ادخل المنتدى الا شوي

بس الحين خلاص يعني شوفي الموضوع حقي صار 6 صفحات

يلا ارجعي اوكي ؟؟؟؟؟

:):):)

[taxi]

واذا تبيني اوصلك........ترىانا مستعد بس التاكسي

المكيف خربان.........


شفت حظك ........رايح فيها المكيف ماخرب الا بعد ما نويت اوصلك......خلاص ماراح اوصلك شوفلك واحد ثاني.......


a7eba3aned@hotmail.comhttp://www.najdyat.com/images/icons/witch.gif

[شموع]

الحين تقولين بروح عنكم....!!!طيب اعتبريها دعاية لك ( امزح بس وياك)

أنا عارفة اصلا ....

حظي شين .... من يوم ارتحت لك وانتي قررتي الروحه

لا مايصير ...

وبعدين شفوني جديدة والحمد الله ما خطرت هذي الافكار على بالي

بالعكس .... كل اللي في سوالف دشوا قلبي على طووووول

[بشار]

لالالالالالالالالالا مايصير يا ملعقـــــــه

حنا نحبك ولكن المعذره والسموحه ها الايام مشغول جدا

وخذي ها البيت هديه للشيخ محمد بن راشد

الاياشفا نفس مشفاه للشفا..تشافى شفاها منك وانت الشفا الشافى

تحياتي.

[السيدة ملعقه]

مشكورين على ردودكم الاحلي بصراحه بعد هذه الردود الرائعه مالي ويه اطله المهم شموع هذا موضوع قديم موضوعي مو لمه كتبت الموضوع على طول قلت سارحل