سوالف للجميع - لا للعاشقة 2001

عبودي 1

23-07-2001, 11:42 PM

العضوة العاشقة اضافتني على الماسنجر
ولما دخلت اليوم وصارت اون لاين دخلت وسلمت ورحبت فيها لاني شفت ايميلها في سوالف اول ما دخلت
كيفك يالعاشقة ؟
قالت انا مو العاشقة
انا استغربت
وقالت انها العضو البحاري
وانها راح تترك المنتدى
شوي الا ويضيفني البحاري وما شاء الله عليه ما قصر احرق اعصابي شوي قبل لا يعلمني من هو :)
المهم يوم قال انه البحاري ما صدقت
حلف لي
واعطيته ايميل العاشقة الي انتحلت شخصيته وعرف الايميل مثل ما قلت
وقال هذا العاشقة
المشكلة انه العاشقة طلع رجل ويقول ان اسمه فهد
:(:(:(:(:(:(:(:(:(
لا للعاشقة 2001

البحاري

23-07-2001, 11:46 PM

مساء الخير.. عبودي 1

والله مشكلة .. اخونا فهد .. اذا كان اسمه فهد اصلا .. منتحل شخصيتي :(:(

شوف عبودي .. هو اول ما ضافني .. قال أنت عبودي .. قلت : لا

واعطاني عشرة ايميلات .. .. ومن ضمنها hunters66@hotmail.co

ايش رأيك عبودي في الحركة ؟!!!

تحياتي لك ..

نجمة المساء

23-07-2001, 11:48 PM

يا عبوودي قلنالك بلاش شغل المسنجر او سالفه نحن هنا

ما صدقت ;)

عبودي 1

23-07-2001, 11:50 PM

الحين اعطاني ايميل جديد ويقول اضفني
ودخل مرة ثانية وقال مالك داعي على هالحركة وطلع
شي يرفع الضغط والله
ومعليش يالبحاري اعتذر عن الي صار بسبب العاشق او العاشقة
اكرر اسفي
يمكن نرفزت عليك شوي يالغالي لكن اعذرني

البحاري

24-07-2001, 12:00 AM

مساء الخير .. عبودي1

صدفه خير من الف ميعاد .. اكتشفت أن اسمي مستخدم .. بطرق غير شرعيه .. المشكلة .. أن المسنجر .. الي مضيف فيه كل الأصدقاء .. ما يشتغل على جهازي :(:(:( ..
بس اليوم أن شاء الله اتفرغ للجهاز .. وأشوف قصته :):)

وماحصل شئ عبودي .. أنت قلبك كبير :):)

تحياتي :):)

المسلمي

24-07-2001, 12:46 AM

السلام عليهم ،،

اقول انا ما اعرف العاشقة ولا البحاري ،،

لكن حال الدنيا عاد كل شوي جايه وحده تقول انا مو بنت انا رجال ،،

واللي يقول انا مو رجال انا بنت ،،

لكن طنش تعش تنتعش ،،

مع تحياتي ،، المسلمي ،،

سنفور غبي

24-07-2001, 12:52 AM

السلام عليكم أول شي.. :)

المهم.. أنا نفس الشي.. أضفني عنده الشخص اللي باسم العاشقة2001 وقال ممكن نتعرف.. ٍ

سألته منو أنت.. قال العاشقه.. فقلت ليش سميت نفسك باسم بنت.. قال لأنه كان يحب وحده وخانته.. فقال بيسمي باسمها..

قال الحين ممكن نتعرف.. قلت له لا طبعا.. وقلت له احذفني من عندك وأنا بحذفك من عندي.. وبس..

وهذا كل الموضوع..

تحياتي لكم..

عبودي 1

24-07-2001, 12:57 AM

يعني هو مسوي حركاته على الجميع

البراء

24-07-2001, 01:24 AM

شر البية ما يضجك !!!!!! شاب باسم فتاة وفتاة باسم شاب !! ما هذا ؟

نسأل الله الهداية لهذ الشاب الذي رضي بأن يتشبه بإمرأة حتى ولو كان بالإسم ولا أقصد من كلامي هذا انتقاص للمرأة حاشا لله ولكنا نهينا أن تشبه معشر الرجال بالنساء ونهين النساء عن التشبه بالرجال .

لا حول ولا قوة إلا بالله .

أخوكم في الله الراء

عبودي 1

24-07-2001, 01:34 AM

جزاك الله خير اخوي البراء

ابو سعود

24-07-2001, 02:53 AM

ويش السالفه? (واحد ماعنده مسنجر)

عبودي انت والبحاري يعني ايش اللي صار يوم كان ولد والا بنت?

اذا تبون تتكلمون معاه اوكيه مافيه والا بلوك الله لايهينك ولا

تحرقون اعصابكم ولا شي وهذا انتم كنتم راح تخسروا بعض والسبه

شي تافه

وزي ماقالت نجمه(قلنالك بلاش شغل المسنجرات) لووووووول نجمه

عبودي 1

24-07-2001, 02:54 AM

ارجوكم تعالوا هنا عشان تصدقون أكثر وركزوا على ردي زين
اضغط هنا (http://www.swalif.net/sforum1/showthread.php?postid=754779#post754779)

ابو سعود

24-07-2001, 03:25 AM

ياعبودي ياخي يعني الولد من اولها قال انه انع عضوووووو بدون تاء التانيث اما اختيار النك او الاسم المستعار فهو من اسمه مستعاااار
لذلك انا ما ادافع عنه ولكن اقول لك ان الموضوع ما يعنيننا بشي وكل اللي صار مشكله بينك وبينه خارج المنتدى
انت ما عليك خوف بس مسكين هالطيوب البحاري اللي بغا يروح فيها

لكن تصدق ضحكت لين تشقق بطني يوم شفت رد سعوديه على العاشقه
ما ادري ليه سعوديه بالذات ???
الولد يقول عضو جديد وسعوديه طايحه ترحيب ونصايح على انها بنت
كل الناس راحت عليهم لكن ماتوقعتها تطوف على سعوديه عشان كذا ضحكت

معليش سعوديه بس غلطة الشاطر بعشره :)

عبودي 1

24-07-2001, 03:28 AM

أوكي أخوي ابو سعود
أعتقد اني انا او اي عضو رجل راح يسمي نفسه مها او منيرة او رغد او روان
لان هذا تشبه بالأسم
ورسول الله صلى الله عليه وسلم يقول ( لعن الله المتشبهين من الرجال بالنساء والمتشبهات من النساء بالرجال )
تحياتي لك عزيزي :)

ابو سعود

24-07-2001, 03:33 AM

اخوي عبودي اولا اللي نتكلم عنه بعيد كل البعد عن الحديث اللي ذكرته فالموضوع مجرد اسم ليس الا ولا له علاقه بالتشبه من بعيد او قريب
ثم ان له مطلق الحريه في اختيار ما اراد من الاسماء وهذا يعود اليه شخصيا والى بيئته التي حضر منها وليس لنا الحق في اجبار اي شخص على التسمي باسم محدد
لكن المشكله انك تناقش قضية خارج المنتدى فليس لنا الحق في محاسبته على ذلك

اتمنى ان يكون صدرك وسيع لمناقشتي وتقبل تحياتي

عبودي 1

24-07-2001, 03:37 AM

عزيزي ابو سعودي
الاسم ليس بعيد عن مسألة التشبه
ولو انه لم يقصد به التشبه
ومن ثم انت وش الي يخليك واثق انه مو قصده يتشبه ؟
وانا صدري وسيع لمناقشتك يالغالي :)

سعودية

24-07-2001, 03:41 AM

ما صارت والله أحسبكم لي أخوان ما دريت انكم بس تبون غلطة علي :p

وش قالوا لكم ياما نشوف ناس تنسى تكتب التاء المربوطة وتسرع وهي تكتب الكلام ..

بس ما تنسى تكتب اسمها زين في وقت التسجيل ..

بس تصدق أخوي ابو سعود والله اني مت من الضحك والله غلطة لا والله مطب ..

بس ياله تحصل في أحسن العائلات:)

بس ما اشوف وين النصايح اللي أنا قلتها دورت وتمقلت وعدت وزدت ولا لقيت شيء ..

لو سمحت ممكن تطلعها لي يا خوي الكريم ..

بس نصيحة لوجه الله تعالى ..

تحياتي لك :)

همسة : أخوي عبودي والله أني رحمتك من كثر المشاكل اللي أنت فيها مع المسنجر يا شيخ خله عنك وخلك في سوالف أصرف لك ..

تحياتي لك :)

عبودي 1

24-07-2001, 03:46 AM

أختي سعودية تحياتي لك
من ناحية المشاكل الي تعرضت لها بسبب الماسنجر مو مشاكل بقدر ما أقدر أسميها إحراجات :)
ولكن ما انكر ان فيه مشاكل حصلت لي بسبب الماسنجر .
لكن على قولتك تحصل في أحسن العايلات :)
لكن انا صرت مدمن ماسنجر
والله ما تعرفين كيف مرت على الايام يوم تعطل الماسنجر من قبل الشركة :(
تحياتي مرة أخرى

ابو سعود

24-07-2001, 03:51 AM

لحظه عبودي خلني اشوف سعوديه اللي داخله علينا عرض

وش قالوا لكم ياما نشوف ناس تنسى تكتب التاء المربوطة وتسرع وهي تكتب الكلام ..

تغلط مره مرتين يمكن لكن مو الموضوع كامل وبعدين كان هو مصر انه يقول لكم انه عضوووووو
وين النصايح هاه :)
بس على قولتك تصير في احسن العائلات :)

وانت اخوي عبودي
اللي مخليني واثق انه اصلا مافيه اي علاقه بين التشبه وبين اللي يسويه وبعدين هو اصلا لو يبغا يتشبه كان واصلها معكم للاخير وبين من البداية انه عضوة وليس عضو ولكن وضح لكم كل شي في البدايه
لكن اللي فعلا استغربه هو انتحاله لشخصية البخاري( اخس يالبحاري صرت مهم وصاروا ينتحلون شخصيتك كخخخخخخخ) فهذا التصرف اللي فعلا المفروض تناقشه ولكن زي ماقلت لك لانه حصل خارج المنتدى فيمكن ان ياتي هو وينكر كل ذلك ونكون بعدها في حوسه

عبودي 1

24-07-2001, 03:54 AM

على كذا يابو سعود اسمي ام فهد مو ابو فهد :)

عبودي 1

24-07-2001, 03:56 AM

نسيت اقولكم انه بعد كتابتي لهذا الموضوع بعشر دقائق دخل على وقال
والله مالك داعي ليش تنزل هالموضوع؟
ابغى اعرف ليش اعترض على الموضوع
وما دام انه معترض عليه ليش ما يرد على الموضوع ؟
تحياتي للجميع

ابو سعود

24-07-2001, 04:04 AM

عبودي احنا عرفناك من البداية على انك ابو فهد فلو جيت تغير الحين اكيد راح نعترض لكن لو كنت من البداية قايل ام فهد واستمريت على انك ام فهد فهنا المشكلة انك تحاول تستغفلنا لا اكثر

لله عائدة

24-07-2001, 04:04 AM

عبودي الحين انت زعلان لا انك تزعلت مع البحارى

بسيطه كلها ايام وترجع الحال زى ما كانت

مع تحياتى :عائده لله

عبودي 1

24-07-2001, 04:12 AM

لا يالغالية
انا ما تزاعلت مع البحاري ولا صار بيني وبينه الا كل خير
ولو فيه اي مشكلة بيني وبينه راح تنحل في ساعتها .
لكن المشكلة مشكلة التشبه وانتحال الشخصية وشوفوا ايش عمل مع البحاري من رده .
تحياتي

البحاري

24-07-2001, 05:51 AM

صباح الخير .. عبودي1

ماشاء الله في تفاعل مع الموضوع :):):)

حاولت اصلح الجهاز .. ومافي فائده :):)..

تحياتي ..:):):)

الغرضون

24-07-2001, 08:28 AM

السلام عليكم
للعلم هناك شخص ع الماسنجر اختار اسمه Nick Name ليكون: (عبودي) ..وأنا لما دخلت ظننته أنت .. لكن ربك ستر وانتبهت لايميله .. لمزيد من المعلومات راسلني أو قابلني ع الماسنجر .. عموما يبدو أن سعادتك رجل طيب زيادة عن اللزوم فاستغلت طيبتك من بعض الأشرار
؛؛؛

توتة

24-07-2001, 09:52 AM

هههااههاههههههههههههاههاهاهههههاهاها

لا حوووووووووووووول

مشاكللللللللل

:):):)

لله عائدة

24-07-2001, 10:59 AM

عبودي الحين انت زعلان من فهد ولا العاشقه2001؟

انا اصلا منى فاهم القصه ممكن شرح مبسط يا عبودي

مع تحياتى :عائده لله

الياهوت على المسنجر:

ahlamalhgas200@hotmail.com

عبودي 1

24-07-2001, 11:07 AM

اخوي الغرضون انا موجود في كل وقت يالغالي
وانا ايميلي مشهور ولا يمكن احد يغلط فيه
بس ركز عليه شوي .
اختي لله عائدة تبغين تعرفين القصة اقرئ اول الموضوع

عبودي 1

24-07-2001, 11:53 AM

أختي توتة الله فكك من المشاكل لان ما عندك ما سنجر :)

عبودي 1

24-07-2001, 12:19 PM

نسيت اقول لك اخوي ابو سعود انها كتبت في قسم السياسة انها بنت وتم حذف الموضوع
تحياتي

عبودي 1

14-08-2001, 03:48 PM

يرفع :)

الغيث

14-08-2001, 06:16 PM

يا جماعه صلوا على النبي .. ما صار إلا الخير .. إحنا هني أهل و حبايب و ما يصير هالكلام .... ترا و الله زعلتوني ........
(:(:(:(:(:(:(:(:(:(:(:(
(:(:(:(:(:(:(:(:(:(:(:(
إختكم الغيث

هتون

20-11-2001, 11:08 PM

هههههههههه
يا حليها مهاوشات زمان...
ومحلاه الارشيح
يوريك الصراعات في ساحه سوالف علي مر الزمن...

صراحه استمتعت بالحوار اللي دار بين البحاري وابو سعود..
والحيله اللي طافت علي سعوديه
هههههههههه

تحياتي للجميع...