سويره الطقاقه
25-12-2006, 07:20 PM
(( بسم الله الرحمن الرحيم ))
قبل كل شي
الموضوع طويل أطول من خشة البنز في فصل الصيف هذا اولاً
وثانياً :- الموضوع هذا ما ينقرى في يوم وليله عشان ما تجيك قرحه في عيونك لازم تقراه طول فترة الإجازة
وصدقوني بعد ما يخلص
بتقولون ( أبو هديب ) تكفى نبي موضوع اطول منه عشان نقراه طول فترة إجازة الصيف وأنا عاد أفكر أوافقك والا لا (( كل تبن يا شيخ ))
المطلوب هالحين كل واحد يعض على شحمه ويقرى الموضوع << ماسك العقال
( حجــــة مــــع متــخلــفــــه )
عووووووووووووووووو طششششششششششششش
<< صوت حادث عند باب بيتنا
برب
افصلوا الاشتراك قبل أن ندخل في الموضوع (( الناس تطورت دي اس ال وانت الى هالحين اشتراك ))
( البدايــة )
أول ما طلع صوت الحادث طلت زوجتي ( هاله ) مع الدريشة .. وهي تصارخ وانا جالس اسبح في الحمام فرحان وأغني و ( هاله ) تصارخ ( ابوهديب ) تعال سيارتك انصدمت .. كانت تتكلم والصابون مغرق جسمي ما قدرت اسمعها كنت حاط فوطة بيالات في اذني عشان انظفها ، مدخل الفوطة من الاذن اليمين ومطلع طرفها من الاذن اليسار وأنا أغني
شوي انفتح باب الحمام علي وغطيت صدري الا ( هاله ) تصيح في وجهي كل هذي سباحه والله لو انك فرس النهر ناظرت في شعرها هاللي مليان شباصات كنها محل أبور ريالين
وتمتمت بصوت مستحي اطلعي تراني مفصخ سفهتني ودخلت وهي تقرب مني وأنا ارجع ورى الين لمست الستارة مسكتها وتلويت فيها وجلست أصارخ ليش ما ضربتي الباب يا الدبشة على بالك داخله مقلط الحريم وأنا أتكلم اشوفها تحرك شفايفها بس ما اسمع شي .. تذكرت اني حاط الفوطه داخل اذني قلت لها بالله اسحبي الفوطه بشوي شوي عشان اسمع صوتك اللي كنه حكة هلل على سراميك ... مدة يدها وسحبتها بكل قوتها حسيت ان مخي تنثر على البلاط
ناظرت فيها وأنا متلفلف بالستارة وسنوني تجرش مع بعض وهي خايفه وتقولي وش فيك معصب .. قلت مدري عنك داخله علي بدون ما طقين الباب .. أنا آسفه يا ( ابو هديب ) ما دريت انك تستحي مني .. وبعدين وشوله مغطي صدرك اللي كله (( حفر )) ... ناظرت فيها وقلت هذي حفر الله يخلف على امك هذي كويات يا بسكال الشيون .. قاطعتني .. تصدق يا ( ابو هديب ) مدري احس ان اللي كاويك على صدرك ما استخدم مقص وإلا حديده أتوقع انه كب المنقد حق الجمر كله على صدرك وبطنك عشان يوفر جهد .. وإلا فيه احتمال ثاني .. قاطعتها وأنا واصل حدي قلت وش الاحتمال الثاني .. قالت أتوقع أنك كنت جالس في ملحق عزوبيه وأنت صغير وقلبوا صدرك طفايه زقاير وخصوصا الجهة اللي تحت صدرك شكلك جالس مع ناس حقين بلوت كل ما خسروا ولعوا زياده وطفوا والضحية هالمنطقة أحمد ربك محد رمى قطف الدخان في سرك هاللي كنه زرار بالطوا... قالت كلامها وقامت تضحك ...
وهي تضحك مديت يدي على المغسلة واخذت منها صابونة (( لوكس )) وعلى طول رميتها في وجها من قوة الضربة رجعت على ورى وصفق راسها بالسخانه ويطيح سلك السخانة وتزلق على البلاط والصابونة جمبها .. اول ما فتحت عيونها حاولت توقف وهي توقف وطت الصابونة وعلى طول زلقت ثاني مره .. مع الزلقه مسكت سلك السخانة ولفطها الكهرب في كل محل وشباصاتها قامت تنور وبعضها ذاب من حرارة التيار ..
أنا يوم شفتها كذا ما عرفت وش أسوي قمت وفصخت الشبشب البلاستك وجلست أصوب على يدها اللي ماسكه السلك
وأرمي الشبشب بكل قوتي وفي أجزاء من الثانية جت الشبشب في وجها ... وهي تصارخ وأنا مرتبك قمت وفصخت الفردة الثانية وأسمعها تصارخ وتقول خلاص لا ترمي شي يا الحول الموت بالكهرب أهون من الموت بالشبشب
سويت نفسي ما سمعتها يوم جيت أرمي الفردة الثانية انقطع الكهرب عن الحارة كلها وفي الزاوية أشوف جسم ( هاله ) خمد وقام يطلع شرار
وشعرها يلمع من قوة الشحنات اللي فيه .. قربت منها وقلت ( هاله ) الكهرب شكله طفى عن الرياض كله ..ناظرتني بحقد وإذا صار طافي وش تبيني أسوي له .. قلت لها والحياء ماكل وجهي أنت عارفه أن جسمك مكتسب شحنات فا عشان كذا يا ليت تمسكين فيش الثلاجة الين يرجع الكهرب ... عدلت جلستها وهي تقول وليش امسك الفيش ؟ .. نزلت راسي وقلت عشان الثلاجة مليانه لحم ودجاج واخاف يخرب قبل رجعة الكهرب ..
ما أمداني اكمل كلامي إلا الكهرب رجع و ( هاله ) توقف كنها (( ساحره )) بشعرها هالمطشم .. أول ما فتح النور وشفت ( هاله ) قلت اللهم اني اعوذ بك من الخبث والخبائث .. وش هالشعر وراه موقف طالع كنه سور الصين العظيم
وأنا أتكلم أشوف وجه ( هاله ) صار احمر من الخجل حسيت بتأنيب الضمير وجيت عندها وقلت لها بكل حب وحنان ( ماتشوفين شر عزالله مقامك وانت بكرامه )
انفجرت في وجهي وش هالكلام يقالك علوم رجال هالحين وإلا تبي تواسيني .. نفخت عليها بكل مافيني من قوة كل شي إلا رجولتي يا ( هاله ) أنا من عمري وأنا اللي اصب الشاهي والقهوة في مجلس أبوي .. ضحكت بشماته وقالت تدري ليش يا ( ابو هديب ) يخلونك تصب الشاهي والقهوة ؟ .. ليش ؟ .. قالت عشان أبوك يبغى يوفر حق القهوجي ، وبعدين عرفت ليش أبوك كل عيد يشتري لك صديري عشان تطلع قدام الضيوف بالزي ا لرسمي يا القهوجي ...على الأقل أبوي عنده علوم رجال مهوب مثل أبوك أول ما شرى تلفزيون تابع قناة الجزيرة وسمع بوش يتكلم عن حقوق الحيوان وأنه لازم ياخذ مكانه الطبيعي في الحياة وأن أي شخص يتعدى على الحيوانات كأنه متعدي على أمريكا شخصيا عقبها خاف أبوك وطمر على طول سوق الغنم وشرى خرفان وركبهم قدام وربطك أنت وهلك في الصندوق وياليته كذا وبس السبهه جلس يكلم الخرفان ويقولهم حنا نحبكم ولا نضمر لكم أي عداء حتى المذابح الجماعية اللي تصير في عيد الضحية الهدف منها العبادة وأنتم في هذاك اليوم تصيرون شهداء .. هو يتكلم والخروف يهز راسه يحسبه راضي عن كلامه ما يدري أنه يهز راسه من المطبات ... ابتسمت في وجهي بكل برود وقالت المهم ما علينا من هذا كله نسيتني وش أبقول من اليوم يا عديم الاحساس .. ترى سيارتك انصدمت .. يعني ما فيه سفر يعني مافيه (( حج )) مسكتني مع يدي ومشت بي للدريشه وبيدي الثانيه ماسك الفوطه على خصري وأنا اقولها شوي شوي ترى ان اسرعت اكثر من كذا بتطيح الفوطه ثمن ( ....... )
قاطعتني وهي تقول .. يعني بزعمك اغراء يا (( راغب علامة )) من زين جسمك هالحين .. كله شعر اللي يشوفك وانت مفصخ يحسبك لابس بنطلون جنز من كثر هالشعر ..
وهي تتكلم وأنا اناظر مع الدريشة ( النافذة ) جالس اشوف سيارتي اللي صارت حطام من قوة الحادث شوي صرخت ( هاله ) في وجهي يعني شلون مافيه ( حج ) هالسنه قلت لها دقيقة خليني أفكر .. قالت وش تفكر مافيه السيارة السيارة انعدمت يعني تبينا نستاجر ( بعير ) والا ننظم لنا قافله ونروح .. طقت فكرة في راسي من يوم قالت هالسبهه قافله عقبها قلت جتني فكرة جهنمية ان شاء الله ( بنحج ) هالسنه بس أنت صكي فمك شوي عشان الهوى تلوث من ريحة هالكراث مدري العلف اللي تاكلينه .. مشيت شوي ثمن كملت تدرين يا ( هاله ) حنا البيت الوحيد اللي ما يجيه ذبان والسبه ريحة فمك نفخت في وجهي ليش وش شايفني مبيد حشري .. ضحكت في وجهها وأنا أفهم بيدي على خشتي عشان تروح الريحه على طاري المبيد يا ( هاله ) ترى كلموني شركة (( ريد للمبيدات )) يبون شوي من سعابيلك عشان يسوون تركيبه تقضي على اليهود مهوب الحشرات وبس
وأنا أتكلم مسكت سماعة التلفون وجلست اتصل وأناظر في ( هاله ) وفي شعرها الموقف كنه محصول الذرة الامريكيه
قالت لي وش جالس تسوي .. قلت اتصل على خويي ( مصقال ) هو يعرف حملات ( حج ) كويسه .. قالت لي وهي معصبة مجنون أنت العالم بتمشي اليوم بالكثير بكره يعني مافيه حمله تستقبل هالحين .. قلت لها ما عليك بس انت هدي وروحي غسلي وجهك ونزلي هالكشه اللي تتغذى على مخك ... وإلا اقولك اتصلي على الجيش يرسلون كاسحة الالغام عشان تكد شعرك ..
عصبت وجلست القرفصاء ومدت بوزها شبرين وقالت ما نيب مغسله ألين اشوف وش بتسوي ، انا هالسنه لازم ( أحج ) .. ناظرت فيها وانتابني شعور بأني ودي اتفل عليها .. بس مسكت نفسي خفت أنه ينشف ريقي
ثمن تأففت طيب خلاص روحي صلحي شاهي
مالك إلا تحجين يا ( الجليلة بنت مره )
راحت تصلح الشاهي ،، واتصلت على خويي ( مصقال ) وشرحت له الموضوع كله وقال خلاص تجيني بكره في البطحاء عند مجمعات النقل وجب معك صورة للمدام .. قلت لازم صورة .. قال إيه لازم صورة .. قلت طيب ما ينفع أجيب لك صورة ( حماره ) في مزرعة جدي .. سكت شوي وقال وش دخلني في ( الحماره ) أبي صورة لزوجتك .. قلت يا ( مصقال ) صدقني مافيه فرق كلهم نفس الشبة اللهم انهم يختلفون في شي بسيط .. قالي ( مصقال ) وش يختلفون فيه .. قلت ( الحمارة ) فيها حبة خال تحت الدقن مثل نوال الزغبي .. و ( هاله ) فيها وطيات جزم لأنها من يومها صغيرة وهي تحب تنام عند مدخل الفله من يومها صغيرة غاوية الناس تمسح على وجهها هذا غير اللي يستعدون عليه.. سكت ( مصقال ) ثمن قال ( أبو هديب ) أنت تتكلم عن زوجتك عن أم عيالك لا تخليها تسمعك بعدين تكرهك لازم تعطيها الأمان والحب والحنان .. قلت وأنا أتأفف يا عمي الكلام سهل ودي أوريك صورتها عشان تسحب هالتصريح اللي يمكن يسبب ازمه دبلوماسية بينا وبين الجن .. وش دخل الجن .. تأففت وقلت يا شيخ أنا قد كبيت موية حاره وأجبروني اخذ منهم مع اني قلت كبو علي بركان ثاير ولا تجبروني على شي ما ابيه وأصروا ني أخذها وشرت عليهم أنهم يصلون استخاره يمكن ما ترتاح معي بس مقدر ومكتوب .. سكت شوي ثمن قال تستهبل يا ( أبو هديب ) .. قاطعته يا خوي استهبل زوجتي شينه ودي اوريك صورتها عشان تقتنع .. لكن المشكلة مافيه صورة .. قالي كيف مافيه ما عندها جواز .. قلت إلا عندها بس مافيه صورة ... مصلحة الجوازات منعت وجها يطلع قالت
حطوا بدال وجها صورة شجرة وإلا ابجوره .. قاطعني ( مصقال ) طيب ليش منعته .. قلت يا خوي كانوا بيعاملون وجهها مثل قناة الشوتايم بيحطون صورتها ويكتبون تحت لا ينظر لها أقل من (18 ) سنه .. لكن مالقينا مصور قدر يتحمل وجهها ولا كاميرة تلقط وجها كل ما صورناها طلعت الصورة مربعات كنك تشوف جسم حرمه في القناة الأولى ... سكت شوي ثمن قال الله يعينك ،، بس أنت كيف صابر .. جيت أبتكلم سمعت صوت صرصرة وأحتكاكات ..
قلت لـ ( مصقال ) خلاص الوعد بكره إن شاء الله نجيب عفشنا ونجي زين .. قال اوكيه .. سكرت وجلست أتسمع وش هالصوت .. صوت غريب كنه صوت ركب عجوز يبغالها تشحيم .. وأنا جالس اسمع شوي دخلت علي ( هاله ) وهي نافشه شعرها ومعها الشاهي .. أول ما جت قلت بقرف .. الله ياخذك خربتي البويه شوفي السيب كله تمخش من شعرك .. تعبرت وهي تقول هذا جزاي مسويه لك تسريحه .. قلت هالحين هذي اللي عليك تسريحه .. هزت براسها .. أول ما هزت براسها قلت هذي شكلها واحد خابطك بتسريحة غرفة النوم في وجهك ، وبعدين دنقي لا تلقط المروحه شعرك ثمن يتلفلف عليها وتسحبس للسقف ...... تعالي بس أجلسي ولا تفكرين تسوين نيو لوك ... قالت لي اصلان الغاز مخلص ما يمديني أسويها لك التفت عليها وقلت وشو اللي ما يمديك تسوينها .. مطت شفايفها وهي تحرك حاواجبها وتقول اقرب طريق للوصول لقلب الرجل هي معدته ... هزيت راسي وقلت بقرف بزعمك هالحين ان النيو لوك طبخه .. أقول اجلسي لا أنشب ريموت هالتلفزيون بين عيونك
جت وجلست جمبي .. وأنا ماسك نفسي بالحسرة من كثرة شعرها .. قلت لها ( هاله ) تدرين أن كثافة شعرك غريبة .. قالت لي ليش ؟ .. قلت مدري بس أحس أني لو أبحركة بيطلع منه هنود منحاشين من الجوازات .. جت بتتكلم قلت كلي تبن وهاتي الريموت حق الرسيفر .. مدته لي وجلست اقلب في القنوات الين وقفت عند قناة النجوم .. وكان فيها فديو كليب (( خالع )) جلست أناظر فيهم وفي رقصهم وفي أجسامهم وفي نفس الوقت أختلس النظر في قطمة السكر اللي جمبي وهي مهيب صوبي جالسه تصب الشاهي
شوي رفعت راسها وجلست تشوف الفديو كليب وهي تتأفف وتقول .. ( أبو هديب ) غير القناة ترى أغار كذا .. صديت بوجهي وقلت بصوت واطي أول مره أدري ان الحمار عنده احساس ... ثمن قالت أنت على بالك أنهم زيون ... الله يخلي الميك أب اللي محليهم والا والله لو يطلعون على الحقيقة كان تشوف الفضايح .. ناظرت فيها وقلت المشكلة هذولي على الأقل الميك أب يبين فيهم لكن أعرف ناس لو يجي كريستانديور ، وجفنشي بأنفسهم ما حركوا شي ويمكن يقلبون ماركاتهم ويخلونها ماركت ( جزم ) .
قالت بقرف فكنا من خرابيطك وغير القناة هذا وأنت بتحج تسوي كذا .. صديت بوجهي وقلت مافيه أمل أغير مسكتني مع كتفي ولفتني بقوة وقالت لي قلي وش قالك خويك .. قلت يقول تعالوا بكره فيه حملة يعرف راعيها .. حملة قويه فيها جميع الخدمات .. تحمست وقامت تهز بشعرها يعني خلاص بتتحقق أمنيتي و ( بحج ) .. قلت شوي شوي لا يطيح من شعرك عبري بس .. قلت كلامي هذا وقمت رحت نمت وخليتها وهي تصارخ وتقول ابرتب الشناط مهوب جايني نوم من الفرحه
* * * *
7
7
يتبع
قبل كل شي
الموضوع طويل أطول من خشة البنز في فصل الصيف هذا اولاً
وثانياً :- الموضوع هذا ما ينقرى في يوم وليله عشان ما تجيك قرحه في عيونك لازم تقراه طول فترة الإجازة
وصدقوني بعد ما يخلص
بتقولون ( أبو هديب ) تكفى نبي موضوع اطول منه عشان نقراه طول فترة إجازة الصيف وأنا عاد أفكر أوافقك والا لا (( كل تبن يا شيخ ))
المطلوب هالحين كل واحد يعض على شحمه ويقرى الموضوع << ماسك العقال
( حجــــة مــــع متــخلــفــــه )
عووووووووووووووووو طششششششششششششش
<< صوت حادث عند باب بيتنا
برب
افصلوا الاشتراك قبل أن ندخل في الموضوع (( الناس تطورت دي اس ال وانت الى هالحين اشتراك ))
( البدايــة )
أول ما طلع صوت الحادث طلت زوجتي ( هاله ) مع الدريشة .. وهي تصارخ وانا جالس اسبح في الحمام فرحان وأغني و ( هاله ) تصارخ ( ابوهديب ) تعال سيارتك انصدمت .. كانت تتكلم والصابون مغرق جسمي ما قدرت اسمعها كنت حاط فوطة بيالات في اذني عشان انظفها ، مدخل الفوطة من الاذن اليمين ومطلع طرفها من الاذن اليسار وأنا أغني
شوي انفتح باب الحمام علي وغطيت صدري الا ( هاله ) تصيح في وجهي كل هذي سباحه والله لو انك فرس النهر ناظرت في شعرها هاللي مليان شباصات كنها محل أبور ريالين
وتمتمت بصوت مستحي اطلعي تراني مفصخ سفهتني ودخلت وهي تقرب مني وأنا ارجع ورى الين لمست الستارة مسكتها وتلويت فيها وجلست أصارخ ليش ما ضربتي الباب يا الدبشة على بالك داخله مقلط الحريم وأنا أتكلم اشوفها تحرك شفايفها بس ما اسمع شي .. تذكرت اني حاط الفوطه داخل اذني قلت لها بالله اسحبي الفوطه بشوي شوي عشان اسمع صوتك اللي كنه حكة هلل على سراميك ... مدة يدها وسحبتها بكل قوتها حسيت ان مخي تنثر على البلاط
ناظرت فيها وأنا متلفلف بالستارة وسنوني تجرش مع بعض وهي خايفه وتقولي وش فيك معصب .. قلت مدري عنك داخله علي بدون ما طقين الباب .. أنا آسفه يا ( ابو هديب ) ما دريت انك تستحي مني .. وبعدين وشوله مغطي صدرك اللي كله (( حفر )) ... ناظرت فيها وقلت هذي حفر الله يخلف على امك هذي كويات يا بسكال الشيون .. قاطعتني .. تصدق يا ( ابو هديب ) مدري احس ان اللي كاويك على صدرك ما استخدم مقص وإلا حديده أتوقع انه كب المنقد حق الجمر كله على صدرك وبطنك عشان يوفر جهد .. وإلا فيه احتمال ثاني .. قاطعتها وأنا واصل حدي قلت وش الاحتمال الثاني .. قالت أتوقع أنك كنت جالس في ملحق عزوبيه وأنت صغير وقلبوا صدرك طفايه زقاير وخصوصا الجهة اللي تحت صدرك شكلك جالس مع ناس حقين بلوت كل ما خسروا ولعوا زياده وطفوا والضحية هالمنطقة أحمد ربك محد رمى قطف الدخان في سرك هاللي كنه زرار بالطوا... قالت كلامها وقامت تضحك ...
وهي تضحك مديت يدي على المغسلة واخذت منها صابونة (( لوكس )) وعلى طول رميتها في وجها من قوة الضربة رجعت على ورى وصفق راسها بالسخانه ويطيح سلك السخانة وتزلق على البلاط والصابونة جمبها .. اول ما فتحت عيونها حاولت توقف وهي توقف وطت الصابونة وعلى طول زلقت ثاني مره .. مع الزلقه مسكت سلك السخانة ولفطها الكهرب في كل محل وشباصاتها قامت تنور وبعضها ذاب من حرارة التيار ..
أنا يوم شفتها كذا ما عرفت وش أسوي قمت وفصخت الشبشب البلاستك وجلست أصوب على يدها اللي ماسكه السلك
وأرمي الشبشب بكل قوتي وفي أجزاء من الثانية جت الشبشب في وجها ... وهي تصارخ وأنا مرتبك قمت وفصخت الفردة الثانية وأسمعها تصارخ وتقول خلاص لا ترمي شي يا الحول الموت بالكهرب أهون من الموت بالشبشب
سويت نفسي ما سمعتها يوم جيت أرمي الفردة الثانية انقطع الكهرب عن الحارة كلها وفي الزاوية أشوف جسم ( هاله ) خمد وقام يطلع شرار
وشعرها يلمع من قوة الشحنات اللي فيه .. قربت منها وقلت ( هاله ) الكهرب شكله طفى عن الرياض كله ..ناظرتني بحقد وإذا صار طافي وش تبيني أسوي له .. قلت لها والحياء ماكل وجهي أنت عارفه أن جسمك مكتسب شحنات فا عشان كذا يا ليت تمسكين فيش الثلاجة الين يرجع الكهرب ... عدلت جلستها وهي تقول وليش امسك الفيش ؟ .. نزلت راسي وقلت عشان الثلاجة مليانه لحم ودجاج واخاف يخرب قبل رجعة الكهرب ..
ما أمداني اكمل كلامي إلا الكهرب رجع و ( هاله ) توقف كنها (( ساحره )) بشعرها هالمطشم .. أول ما فتح النور وشفت ( هاله ) قلت اللهم اني اعوذ بك من الخبث والخبائث .. وش هالشعر وراه موقف طالع كنه سور الصين العظيم
وأنا أتكلم أشوف وجه ( هاله ) صار احمر من الخجل حسيت بتأنيب الضمير وجيت عندها وقلت لها بكل حب وحنان ( ماتشوفين شر عزالله مقامك وانت بكرامه )
انفجرت في وجهي وش هالكلام يقالك علوم رجال هالحين وإلا تبي تواسيني .. نفخت عليها بكل مافيني من قوة كل شي إلا رجولتي يا ( هاله ) أنا من عمري وأنا اللي اصب الشاهي والقهوة في مجلس أبوي .. ضحكت بشماته وقالت تدري ليش يا ( ابو هديب ) يخلونك تصب الشاهي والقهوة ؟ .. ليش ؟ .. قالت عشان أبوك يبغى يوفر حق القهوجي ، وبعدين عرفت ليش أبوك كل عيد يشتري لك صديري عشان تطلع قدام الضيوف بالزي ا لرسمي يا القهوجي ...على الأقل أبوي عنده علوم رجال مهوب مثل أبوك أول ما شرى تلفزيون تابع قناة الجزيرة وسمع بوش يتكلم عن حقوق الحيوان وأنه لازم ياخذ مكانه الطبيعي في الحياة وأن أي شخص يتعدى على الحيوانات كأنه متعدي على أمريكا شخصيا عقبها خاف أبوك وطمر على طول سوق الغنم وشرى خرفان وركبهم قدام وربطك أنت وهلك في الصندوق وياليته كذا وبس السبهه جلس يكلم الخرفان ويقولهم حنا نحبكم ولا نضمر لكم أي عداء حتى المذابح الجماعية اللي تصير في عيد الضحية الهدف منها العبادة وأنتم في هذاك اليوم تصيرون شهداء .. هو يتكلم والخروف يهز راسه يحسبه راضي عن كلامه ما يدري أنه يهز راسه من المطبات ... ابتسمت في وجهي بكل برود وقالت المهم ما علينا من هذا كله نسيتني وش أبقول من اليوم يا عديم الاحساس .. ترى سيارتك انصدمت .. يعني ما فيه سفر يعني مافيه (( حج )) مسكتني مع يدي ومشت بي للدريشه وبيدي الثانيه ماسك الفوطه على خصري وأنا اقولها شوي شوي ترى ان اسرعت اكثر من كذا بتطيح الفوطه ثمن ( ....... )
قاطعتني وهي تقول .. يعني بزعمك اغراء يا (( راغب علامة )) من زين جسمك هالحين .. كله شعر اللي يشوفك وانت مفصخ يحسبك لابس بنطلون جنز من كثر هالشعر ..
وهي تتكلم وأنا اناظر مع الدريشة ( النافذة ) جالس اشوف سيارتي اللي صارت حطام من قوة الحادث شوي صرخت ( هاله ) في وجهي يعني شلون مافيه ( حج ) هالسنه قلت لها دقيقة خليني أفكر .. قالت وش تفكر مافيه السيارة السيارة انعدمت يعني تبينا نستاجر ( بعير ) والا ننظم لنا قافله ونروح .. طقت فكرة في راسي من يوم قالت هالسبهه قافله عقبها قلت جتني فكرة جهنمية ان شاء الله ( بنحج ) هالسنه بس أنت صكي فمك شوي عشان الهوى تلوث من ريحة هالكراث مدري العلف اللي تاكلينه .. مشيت شوي ثمن كملت تدرين يا ( هاله ) حنا البيت الوحيد اللي ما يجيه ذبان والسبه ريحة فمك نفخت في وجهي ليش وش شايفني مبيد حشري .. ضحكت في وجهها وأنا أفهم بيدي على خشتي عشان تروح الريحه على طاري المبيد يا ( هاله ) ترى كلموني شركة (( ريد للمبيدات )) يبون شوي من سعابيلك عشان يسوون تركيبه تقضي على اليهود مهوب الحشرات وبس
وأنا أتكلم مسكت سماعة التلفون وجلست اتصل وأناظر في ( هاله ) وفي شعرها الموقف كنه محصول الذرة الامريكيه
قالت لي وش جالس تسوي .. قلت اتصل على خويي ( مصقال ) هو يعرف حملات ( حج ) كويسه .. قالت لي وهي معصبة مجنون أنت العالم بتمشي اليوم بالكثير بكره يعني مافيه حمله تستقبل هالحين .. قلت لها ما عليك بس انت هدي وروحي غسلي وجهك ونزلي هالكشه اللي تتغذى على مخك ... وإلا اقولك اتصلي على الجيش يرسلون كاسحة الالغام عشان تكد شعرك ..
عصبت وجلست القرفصاء ومدت بوزها شبرين وقالت ما نيب مغسله ألين اشوف وش بتسوي ، انا هالسنه لازم ( أحج ) .. ناظرت فيها وانتابني شعور بأني ودي اتفل عليها .. بس مسكت نفسي خفت أنه ينشف ريقي
ثمن تأففت طيب خلاص روحي صلحي شاهي
مالك إلا تحجين يا ( الجليلة بنت مره )
راحت تصلح الشاهي ،، واتصلت على خويي ( مصقال ) وشرحت له الموضوع كله وقال خلاص تجيني بكره في البطحاء عند مجمعات النقل وجب معك صورة للمدام .. قلت لازم صورة .. قال إيه لازم صورة .. قلت طيب ما ينفع أجيب لك صورة ( حماره ) في مزرعة جدي .. سكت شوي وقال وش دخلني في ( الحماره ) أبي صورة لزوجتك .. قلت يا ( مصقال ) صدقني مافيه فرق كلهم نفس الشبة اللهم انهم يختلفون في شي بسيط .. قالي ( مصقال ) وش يختلفون فيه .. قلت ( الحمارة ) فيها حبة خال تحت الدقن مثل نوال الزغبي .. و ( هاله ) فيها وطيات جزم لأنها من يومها صغيرة وهي تحب تنام عند مدخل الفله من يومها صغيرة غاوية الناس تمسح على وجهها هذا غير اللي يستعدون عليه.. سكت ( مصقال ) ثمن قال ( أبو هديب ) أنت تتكلم عن زوجتك عن أم عيالك لا تخليها تسمعك بعدين تكرهك لازم تعطيها الأمان والحب والحنان .. قلت وأنا أتأفف يا عمي الكلام سهل ودي أوريك صورتها عشان تسحب هالتصريح اللي يمكن يسبب ازمه دبلوماسية بينا وبين الجن .. وش دخل الجن .. تأففت وقلت يا شيخ أنا قد كبيت موية حاره وأجبروني اخذ منهم مع اني قلت كبو علي بركان ثاير ولا تجبروني على شي ما ابيه وأصروا ني أخذها وشرت عليهم أنهم يصلون استخاره يمكن ما ترتاح معي بس مقدر ومكتوب .. سكت شوي ثمن قال تستهبل يا ( أبو هديب ) .. قاطعته يا خوي استهبل زوجتي شينه ودي اوريك صورتها عشان تقتنع .. لكن المشكلة مافيه صورة .. قالي كيف مافيه ما عندها جواز .. قلت إلا عندها بس مافيه صورة ... مصلحة الجوازات منعت وجها يطلع قالت
حطوا بدال وجها صورة شجرة وإلا ابجوره .. قاطعني ( مصقال ) طيب ليش منعته .. قلت يا خوي كانوا بيعاملون وجهها مثل قناة الشوتايم بيحطون صورتها ويكتبون تحت لا ينظر لها أقل من (18 ) سنه .. لكن مالقينا مصور قدر يتحمل وجهها ولا كاميرة تلقط وجها كل ما صورناها طلعت الصورة مربعات كنك تشوف جسم حرمه في القناة الأولى ... سكت شوي ثمن قال الله يعينك ،، بس أنت كيف صابر .. جيت أبتكلم سمعت صوت صرصرة وأحتكاكات ..
قلت لـ ( مصقال ) خلاص الوعد بكره إن شاء الله نجيب عفشنا ونجي زين .. قال اوكيه .. سكرت وجلست أتسمع وش هالصوت .. صوت غريب كنه صوت ركب عجوز يبغالها تشحيم .. وأنا جالس اسمع شوي دخلت علي ( هاله ) وهي نافشه شعرها ومعها الشاهي .. أول ما جت قلت بقرف .. الله ياخذك خربتي البويه شوفي السيب كله تمخش من شعرك .. تعبرت وهي تقول هذا جزاي مسويه لك تسريحه .. قلت هالحين هذي اللي عليك تسريحه .. هزت براسها .. أول ما هزت براسها قلت هذي شكلها واحد خابطك بتسريحة غرفة النوم في وجهك ، وبعدين دنقي لا تلقط المروحه شعرك ثمن يتلفلف عليها وتسحبس للسقف ...... تعالي بس أجلسي ولا تفكرين تسوين نيو لوك ... قالت لي اصلان الغاز مخلص ما يمديني أسويها لك التفت عليها وقلت وشو اللي ما يمديك تسوينها .. مطت شفايفها وهي تحرك حاواجبها وتقول اقرب طريق للوصول لقلب الرجل هي معدته ... هزيت راسي وقلت بقرف بزعمك هالحين ان النيو لوك طبخه .. أقول اجلسي لا أنشب ريموت هالتلفزيون بين عيونك
جت وجلست جمبي .. وأنا ماسك نفسي بالحسرة من كثرة شعرها .. قلت لها ( هاله ) تدرين أن كثافة شعرك غريبة .. قالت لي ليش ؟ .. قلت مدري بس أحس أني لو أبحركة بيطلع منه هنود منحاشين من الجوازات .. جت بتتكلم قلت كلي تبن وهاتي الريموت حق الرسيفر .. مدته لي وجلست اقلب في القنوات الين وقفت عند قناة النجوم .. وكان فيها فديو كليب (( خالع )) جلست أناظر فيهم وفي رقصهم وفي أجسامهم وفي نفس الوقت أختلس النظر في قطمة السكر اللي جمبي وهي مهيب صوبي جالسه تصب الشاهي
شوي رفعت راسها وجلست تشوف الفديو كليب وهي تتأفف وتقول .. ( أبو هديب ) غير القناة ترى أغار كذا .. صديت بوجهي وقلت بصوت واطي أول مره أدري ان الحمار عنده احساس ... ثمن قالت أنت على بالك أنهم زيون ... الله يخلي الميك أب اللي محليهم والا والله لو يطلعون على الحقيقة كان تشوف الفضايح .. ناظرت فيها وقلت المشكلة هذولي على الأقل الميك أب يبين فيهم لكن أعرف ناس لو يجي كريستانديور ، وجفنشي بأنفسهم ما حركوا شي ويمكن يقلبون ماركاتهم ويخلونها ماركت ( جزم ) .
قالت بقرف فكنا من خرابيطك وغير القناة هذا وأنت بتحج تسوي كذا .. صديت بوجهي وقلت مافيه أمل أغير مسكتني مع كتفي ولفتني بقوة وقالت لي قلي وش قالك خويك .. قلت يقول تعالوا بكره فيه حملة يعرف راعيها .. حملة قويه فيها جميع الخدمات .. تحمست وقامت تهز بشعرها يعني خلاص بتتحقق أمنيتي و ( بحج ) .. قلت شوي شوي لا يطيح من شعرك عبري بس .. قلت كلامي هذا وقمت رحت نمت وخليتها وهي تصارخ وتقول ابرتب الشناط مهوب جايني نوم من الفرحه
* * * *
7
7
يتبع