مناقشة: حال المساكين في المساجد

[MAK]

السلام عليكم ورحمة الله وبركاته

اليوم بقلكم شي وقع امام عيني و امام اعين الكثير من الناس

جرت العادة انه في المساجد و خصوصا بعد صلاة الجمعة

نشوف هالفقراء داخل المسجد كل واحد يبي الخير

وتشوف النساء والاطفال والشياب وكل الاصناف

لكن في الجمعة الماضية (قبل اسبوع) تمت ازالتهم عن طريق رجال الامن

ويوم سرت صلاة الجمعة امس لقيت ماحد منهم موجود

صراحة وبدون زعل انا اشوف انهم سوو صح

الحمدلله الجمعيات الخيرية تارسه الامارات

الواحد اذا محتاج يروحلهم ويعرض حالته وهم يتصرفون



هذا رأيي واكيد كل واحد له راي

ابا كل واحد يعرض رأيه

ونتوص للنتيجه

اتمنى اني ماطولت عليكم

ابا ردودكم



والسلام عليكم

[نظرة]

وعليكم السلام

نسبيا حل مناسب

لاني سمعت من كثير من الناس مب قادرين يروحون الصلاة والسبب هم لكثرتهم

وبالتالي ما تعرف من الا يستحق ومن الا ما يستحق

الحل الامثل الجمعيات الخيرية اولا

وثانية المساجد للصلاة والعبادة قبل كل شيء

حتى التجارة في وسط المسجد ما تحل فيها البركة أبدا

وشكرا على الموضوع الطيب :)