اعضاء سوالف في اختبار الكيمياء..قصه من تعليفي(((2)))

[ابو الفياصل]

الجزء الأول ... اظغط هنا... (http://www.swalif.net/sforum1/showthread.php?threadid=165517&perpage=40&pagenumber=1)

=====================================

حالت ركود عجيبه تسود الفصل..

عدى بعض الاصوات التي تنادي بصوت خفيف.. سالمين.. سالمين... سالمين..:D

ثم اردف زاعقاً لوبيز وقال.. سالمين الله ياخذ وجهك علمني الجواب وإلا وربي اوقفك اسبوع عن الكتابه..! انت وخشمك ذا الي كأنه وجه المسلمي لما يقوم من النوم..!!

سالمين.: عاد انت ووجهك ذا اللي كأنه اكشط واربح بلا في شكلك..!! ما فيه جواب .. واللي عندك هاته..

التفت الاستاذ مدحت وهو يشوف سالمين ملتفت يهاوش لوبيز.. وقال. يله يا سالمين.. إديني ورأتك والله مانا ساكت عن الوضع الزفت داه..!!

سالمين : والله يا حضرت استاذ انه هو اللي كان يكلمني انا بس هاوشته..
استاذ مدحت : اقري بعيد يله دنا مش فايئ لك واللهي,.!!

سالمين : طيب باقي سؤال وفقره بحلهم وخذ الورقه..

استاذ مدحت : العب بعيد..:D ما فيش. انا عارف اصل انتا عاوز تغش من ابو الفياصل اصل هو شاطر اوي.. بص لدرقة ما هو شاطر آعد يلون بالورئه.

ابو الفياصل : فعلاً فعلً يا سالمين... حتى انا احس انك كنت نوي تغش مني.. بس الاستاذ عبدالقيوم شلبي. كان نداً قوياً لك ومنعني اني اغششك.. وقال لي لو تغششه ما راح استلم معاشي كامل.. لان المدير يقول اي عملية غش.. خصم خمسين ريال..:D

استاذ عبدالقيوم : انا الت كده ..؟

ابو الفياصل : ايه استاذ قلته..صح انك قلت لي لا تعلم احد. بس عشان تنمية العجله التعليميه والحرص الكبير من سيادتنا على ما يريح اعصاب الطلاب وينير عقولهم قلت كذا..:D

استاذ عبدالقيوم : يله ما تستعبطنيش انا لم حد بيستعبطني بابئى عبيط..

ابو الفياصل : ما جبت شي استاذ.. كل هذي معلومات قديمه:D

استاذ عبدالقيوم : يله يا وسخ إنما ندهت لك المدير مابئاش استاذ عبدالأيوم..

ابو الفياصل : رح انت وجبهتك ذا اللي تقول مهبط طائرات..!!

استاذ عبدالقيوم : مرقص طالبات..! ؟؟ يله يا وسخ والله لا انا ناده استاذ محمد محمد احمد محمد مدرس الدين..

ابو الفياصل : اقول من وين تسمع انت واذانك ذا الي كنها برج مراقبة مطار بغداد الدولي:D

استاذ عبدالقيوم : انت شايف وشك اللي عامل زي شرم الشيخ..

ابو الفياصل : لا يا شيخ.. تبيني اضحك.؟؟ بالله يا شباب ارفعوا معنوياته وعطوه ابتسامه عشان يستانس..

اقول وخر عن وجهي انت وشنبك ذا اللي كأنه طرف موكيت غرفة سواق هندي بلا بشكلك.!!

المدير دخل من صوت الازعاج : ويقول وش فيكم..!؟؟

ابو الفياصل : يا استاذ مدير...:D الاستاذ عبدالقيوم شلبي بيك يقول الفاظ نابيه ويتهمني بالغش انا وزملائي الطلاب بالرغم من اننا ما سوينا شي.!

المدير : افا والله ما هقيتها منك يا استاذ عبدالقيوم.. الاستاذ عبدالقيوم سراج من سرجان المدرسه:D يسوي كذا..

استاذ عبدالقيوم : والله ما حصلشي يا اوستاز مدير..يا سعت البيه دنا غلبان على الآخر وبريء اوي وتحتي كوم عيال استر علينا الله يستر عليك..

المدير : عادي يا استاذ ادري انك تحاول تغطيها قدامي لكن ان شاء الله انها آخر مره تسويها.. وآخر مره تداوم بالمدرسه بعد..:D:D وانت يا ابو الفياصل شد حيلك بارك الله فيك وخلّك ونعم الطالب المجتهد المثابر..

ابو الفياصل ( بصوت منخفض ) : اشوا انك ما شفت ورقتي:D

المدير : وش تقول..

ابو الفياصل : اقول يا حبي لك:D:D

المدير : الله يسلمك..
ملاحظه : ابو الفياصل اخذ في الاختبار 2 وربع من 15 قولوا له مبروك:D
---------------

بس خلاص:D

واللي مو عاجبه.. ينتف حواجبه:D

[نواف بن أحمد]

طيب وحنا وش صار فينا.....:D





لا يكون راسبين ....:(

[ابو الفياصل]

الاستاذ صحح ورقتي انا بس..:D

[moon_back]

ياخى حرام عليك ما لقيت إلا ذا المسكين تقطع عيشه :D

هذا بالمدرس اجل وشلون بخوياك :D

الله يسترر بس :D

[سالمين]

طيب انا ابي اعرف يا حبيبي كم خذت على الورقة:(


مجهود طيب وانا اقول وش الي مغيبك كل هذي المدة اثاريك قاعد تألف


احسبك طالب مجتهد مسوي حصار اقتصادي على كتبك وقاعد تذاكر :D

[عمرTarga]

حلوة منك

يبو الفياصل

[el badrah]

تعرف..المدرسين المصريين ما ينجحونك الا لمن تعطيهم موبايل..

قصه رهيييبه..تسلم عليها

[Mr.Kiady]

ش رايك تعدلها على اختبار القياس !!

[ever4camaro]

انشاء الله مو راسب عاد ابو الفياصل؟؟؟؟:D

[ابو الفياصل]

مون باك..


لا عاد الحق ترى انا عاقل ويا شطري شطرااه:D:D

[ابو الفياصل]

سالمين..

لا والله.

بس كانت عندي ظروف قاهره والاسكندريه:D

[moon_back]

ابو الفياصل : طيب انتبه لا يكبر راسك بعدين ينفجر :laugh: :D

[ابو الفياصل]

تارقا..

الله يخليك خيو:D

[ابو الفياصل]

البدره..

بحكم اني شاطر ما ادري الصراحه عن الالاعيب هذي:D

[ابو الفياصل]

Mr.Kiady

اللي تبيه سوه..

الموضوع موضوعك:D

[ابو الفياصل]

كمارو..


لا لا..

انا شاطر.. بس اخاف من العين:D

[ابو الفياصل]

مون باك..

انت تامر امر..

[فيجا الكبير]

:laugh: :laugh: :laugh:

مسكيييييييييييييييييييين الاستاذ..

مشكوور على القصة يا أبو الفياصل..

[ابو الفياصل]

العفوووو حجي فيجا الكبير..

اي خدمه:D

[Mr.Kiady]

أبو الفياصل : تـمـون ؟ ! :D

[ابو الفياصل]

تسالني وإلا تجاوب..

[نورين]

حلوه القصه :)

الله يعافيك ونشوف ابداعات اكثر :cool:

[ابو الفياصل]

ردك احلى اختي العزيزه.

اشكرك على هذه المجامله اللطيفه..

لك تحياتي..:)

[كـيـمـو]

القصه قديمه يابو الفياصل

مدري وين قريته أناااا :confused:

قريته قبل اسبوعين كذاا مدري وين الظاهر في جريده الوطن

ياواد لاتسرق مواضيع :D

واحد غبي زيك قصدي زي الأستاز عبد القيوم شلبك مو شلبي :D

بعدين القصة جميله بس المفروض تسحب في سالمين شوي

ونواف والشباب المشاركين في الأختبار :p

يالله روح بس أنت ووجهك اللي شبة أستاز شلبك :D

المعذره على الرد المتأخر الموضوع في بالي لكن لما نزلت الموضوع أنت

أنا كنت مشغول

نلقاك في مواضيع قادمة سلام عليكم

:)

[_eyad_]

ههههههههههههههههههههههههه.قصة روعة تسلم الأيادي :D



:glasses2:

[ابو الفياصل]

توين كام..

مع العايدين الله يحييك..

اقول عاد لو تدري ذا الموضوع كتبته سريع سريع:D

بس الحمد لله طلع مش بطال,,

[ابو الفياصل]

إيادووو

الله يسلمك:D

[سيومة]

اخيرن قريت الموضوع
لاني كلما ابي اقراه يعلق الجها ز:D

والموضوع حللللو

يسلمووووو :)

[ابو الفياصل]

تدرين ليه يعلق..

انا مسوي حركه.

قايل له إذا دخل الموضوع احد نشبه لا اوصيك علق جهازه وخرب عليه:D

وحياك الله يا حجيه:D

[سيومة]

انا نشبه ها :D

[ابو الفياصل]

انتي اللي قلتيها:D

[سيومة]

:D :rolleyes: