سوالف للجميع - ثلاثـــة .. ثلاثــة بـــس

View Full Version : ثلاثـــة .. ثلاثــة بـــس

أمير أبوظبي

22-12-2002, 04:29 PM

ثلاثة أحبهم موت : أبويه وأمي والشيخ زايــد ..

ثلاثة يسببون الإحباط : الواسطة و الديون والمنتخب الوطني !!

ثلاثة صعب نتخلى عنهم : الخدامة وصينية العيـــش والرقم المميز !!

ثلاثة محتاجات واسطة : الجوازات والمرور والعمل والعمال !

ثلاثة يرفعون الضغط : الملح والكوليسترول وهالة سرحـــــان !!

ثلاثة أشياء تسبب الغرور : الفيلا والمرسيدس والعقال أبو طربوش ..

ثلاثة نقول الله يهديهم : بنات السناتر وعيال الشوارع وعبدة الشيطان !

ثلاثة أتمنى ما أشوفهم : مواطن محتاج وآسيوي مديــر وشاب مواطن ما عنده وظيفة !

ثلاثة ياكلون في لحوم الناس : الحيوانات المفترسة والبنوك وبعض الهوامير الكبار !

ثلاثة يسببون أمراض القلب : السيجارة والبشكارة والعيال اللي ما وراهم فايدة !

ثلاثة ما يخافون الله : قاطع أرزاق الناس وآكل الحرام وعاق والديه

ثلاثة فواتيرهم تكسر الظهر : الإتصالات والكهربا والمدارس الخاصة !

ثلاثة نادراً ما يشتغلون بضمير : المقاول والخدامة والمواطن المستهتر !

ثلاثة يحبهم الجمهور : عذابة الطاير وعدنان الطلياني وعبدالله بالخير ..

ثلاثة لازم نتخلى عنهم : التبذيـــر والفشخرة والاعتماد على الخدم !

ثلاثة مشاكل عظيمة تهددنا : غلاء المهور والعنوســـة والتركيبة السكانية ..

ثلاثة الله يكون في عونهم : أبو البنات والمطلقات ومحدودي الدخل ..

ثلاثة ما ينامون الليل : المديون والعزابي والمغازلجي !

http://sarab9100.jeeran.com/msolfee.gif

المبتسم

22-12-2002, 04:42 PM

يا هلا أخوي:)..
مشكور علي الموضوع المميز :)..

وحمد لله علي سلامتك، وينك ما تنشاف!..

تحياتي لك:)

ARAE

22-12-2002, 05:04 PM

للأسف .. هذا الموضوع .. نزل اليوم الصباح!!
http://www.swalif.net/sforum1/showthread.php?threadid=155946

ونزل قبل هلمره مليون الف مره:(

أمير أبوظبي

22-12-2002, 10:23 PM

Lopez

الله يسلمك الغالي :)

مشكور على السؤال عن حالي

انا موجود ..بس في الفتره الاخيره كنت مكتفي بمشاهده وقرائه مواضيع الاخوه و الاخوات الاعضاء ... واليوم جائني هذا الايميل المميز ...وحبيت ان حبايبي في قسم الطرايف يطلعون عليه .. عل وعسى ..ارسم بسمه جديده على وجوهم :)

أمير أبوظبي

22-12-2002, 10:27 PM

ARAE

هلا نورت المكان ...من زمان ماشفناك ...الظاهر ان قسم السياسه ماخذ كل وقتك

هههههههه :D

سبحان الله مع انها المره الاولي الي اقرا فيها هذا الموضوع :)

على بالي جبت شي جديد :D

ابو الفياصل

22-12-2002, 10:44 PM

الموضوع مكرر,,

ولكنه جميل جداً اخوي العزيز,,

لك تحياتي وأشكر جهودك,,

أمير أبوظبي

23-12-2002, 11:32 AM

ابو الفياصل :)

الله يسلمك الغالي

خلاص خبرني ARAE ...مافيه داعي لتكرار الرد على موضوع مكرر ههههههههههه :D

Miss_octopus

23-12-2002, 01:49 PM

ترا رقم تلاته سره باتع:cool:

مشكور ياضنايا:D

أمير أبوظبي

23-12-2002, 02:29 PM

Miss_octopus

العفو حجيه :p