مضاربه ويا هكر الله لايعيدها

[دمدم]

هذاك اليوم طقتني انفلونزا بنت صهيون من قوتها حسيت ان ركبي ملزقه بسعابيل وما تقوى تشيلني وحرارتي واصله H حتى المويه الحمرا ما تزبن قمت وانتهزت الفرصه ومسكت ديسك وقعدت اعاطس قدامه وحطيته في الكمبيوتر يوم فتحته طلع لي ملف اسمه ZAKMAH.KAN

المسار حق الملف كان==========>KASHIM ABU NASHGAH

المهم وانسخه واحطه على السطح المكتب (disk top للقراوا ) عقب فتره قلط عندي هكر وفتح الملف وبما ان جهازي سريع (وش فيكم بققتوا عيونكم قولوا ما شاء الله وجع) ظهرت الاعراض على الهكر بسرعه والله وينحجر في شاشتي ما قوى يطلع منه انا طلعت لي قرون وضحكت ضحكه شيطانيه نياهااهاا .

المهم احترت وش اسوي فيه قمت ادغدغه بالفاره كل شوي احطها عليه واسوي عليه كليك وهو مافيه حيل يضحك وبعدين قلت لازم اعذبه شوي ما ينفع كذا. والرجال متكي على جهاز الكمبيوتر (MyComputer للي ثقافتهم سواحليه) ومافيه حيل يتحرك . قلت في نفسي (<====يا كثر هذرته مع عمره) بس انا اذكر ان المرحله الاخيره في DOOM مع الوحش الاخير ما بعد خلصتها قلت في نفسي مافيه احسن من اني اطلقه عليه.

<

والله واجيب فشار وبيبسي واقعد اتفرج عليه وهو ينجلد وكل شوي اسوي له كنتنيو الين كره حياته . بس لسه ما حسيت اني انتقمت بالشكل الكافي والله واشغل نيد فور سبيد (Need For Speed للمتأثرين بالفكر الكنفوشيوسي<== تعبت وانا اكتبها) واقعد اطارده بالمكلارين وهو قاعد يركض وكل ما وقف ضربت له بوري ويرجع يركض وصراحه انا اعجبت باللي مصمم اللعبه حاط محلات فيها وبيوت بس بيبانها مسكره يعني ما يمديه يتوزا عني الين طفشت. والله واطلع وخليت الرجال محجر له في سطح المكتب وما يقدر يطلع.

وفي يوم وانا اشتغل على واجب ما دريت الا واسمع صووت شي يطقطق وادقق في الشااشه الا والرجال في الزاويه صافط جنب ايقونة الياهو ماسنجراللي تحت يقول: طلعني الله يرحم والديك. انا حاقد عليه ومرتفع ضغطي منه قمت وذبيته هو ويا DOOM في سلة المحذوفات واسمع صراخه والوحش قاعد يجلد فيه